ცნობილი ქართველი მომღერლის და, რომელიც ეშმაკით შეპყრობილებს ათავისუფლებს ავსულთაგან
2 596 ნახვა
ცნობილი პარაფსიქოლოგი დალი ავაგუმაშვილი, პოპულარული ქართველი მომღერლის გია ავაგუმაშვილის (ანსამბლი "ოთხი გია") და, სუხიშვილების ყოფილი მოცეკვავე, პროფესიით ექიმია, მაგრამ ღვთის ნებით მისი ცხოვრება ძირფესვიანად შეიცვალა. ქალბატონ დალის აღმოაჩნდა ფენომენალური ნიჭი, რომლის წყალობითაც ეშმაკით შეპყრობილებს ათავისუფლებს ავსულთაგან, ხსნის ჯადოს, თვალს და ასუფთავებს დაბინძურებულ აურას. იგი უამრავ გაჭირვებულს მოევლინა მხსნელად.
- ქალბატონო დალი, როგორ ხვდებით, ვინ არის ჯადოს დამკვეთი?
- ვიწყებ თუ არა მუშაობას მაგიური ზემოქმედებით დაზარალებულთან, პირველივე შელოცვაზე ღვთის კარნახით ვიღებ ინფორმაციას, ვინ და რატომ შეუკვეთა ჯადო. სხვათა შორის, ამ ბოლო დროს უამრავი შეშინებული ადამიანი მოდის ჩემთან, რომელთაც ჰგონიათ, რომ მათი წარუმატებლობის, უიღბლობისა და გაჭირვების მიზეზი ჯადოა. სამწუხაროდ, ადამიანი თავისი უბედურების მიზეზს ყოველთვის სხვაგან ეძებს, საკუთარ სულში ჩახედვა არ სურს, ურჩევნია, ვინმეს გადააბრალოს პრობლემები... თუ მართლა ჯადოა გაკეთებული, მე თვითონ ვეუბნები პაციენტს და შელოცვებით ვანეიტრალებ ნეგატიურ ზემოქმედებას, მაგრამ როცა მაგიური დარტყმის მსხვერპლი არ არის ადამიანი და მისი წარუმატებლობის მიზეზი დაბინძურებული აურაა, ტყუილს ხომ ვერ ვეტყვი, მოჯადოებული ხარ-მეთქი?! ზოგიერთს იმდენად მძიმე ველი აქვს, რომ საკუთარ თავს მაგიურ დარტყმაზე არანაკლებ ზიანს აყენებს.
- ამბობენ, რომ გიას თქვენ უწინასწარმეტყველეთ, ვინ იქნებოდა მისი მეუღლე, მართალია?
- (იცინის) ჩემს ძმას კი არა, რძალს!.. დედამისს მოჰყვა. ოთახში შემოვიდა თუ არა, შევხედე და ვუთხარი, - გიას ცოლი იქნებით-მეთქი. გაოცებული მიყურებდა, რადგანაც იმ დღეს პირველად ვნახე, მოგვიანებით წინასწარმეტყველება აუხდა. ფეხმძიმედ რომ დარჩა, გიამ მთხოვა, - გვითხარი, ბიჭი გვეყოლება თუ გოგოო. დაუჯერებელი ინფორმაცია მივიღე... ძმას გაწბილებულმა შევხედე, - შენი ცოლი ორსულად არ არის-მეთქი. გიას სიცილი აუტყდა,- რას ამბობ, ქალი მეხუთე თვეშიაო. გავბრაზდი, რომ არ დამიჯერა და მივაყოლე: 5 წლის მანძილზე ღმერთი შვილს არ მოგცემთ, მერე კი სამი ბავშვი გეყოლებათ-მეთქი.
- აუხდათ თქვენი წინასწარმეტყველება?
- მეორე დღესვე წაიყვანა გიამ მეუღლე ექიმთან, ექოსკოპიამ დაადასტურა ჩემი ნათქვამი - მუცელში ბავშვი არ იყო, ცრუორსულობა აღმოჩნდა. სამაგიეროდ, 5 წლის მერე მართლა შეეძინათ პირველი ბავშვი. ახლა უკვე სამი შვილის მამაა.
- რატომ აღარ ჩანს "ოთხი გია" ესტრადაზე, სად არის თქვენი ძმა?
- რუსეთში მცხოვრები ქართველებისთვის მღერის. ანსამბლმა დროებით შეწყვიტა ფუნქციონირება. ჭორები დადის დაიშალაო, მაგრამ არ დაიჯეროთ, ტყუილია. სამწუხაროდ, ჩვენი ესტრადა კრიტიკას ვერ უძლებს, არადა მელოდიურ ქართულ სიმღერას სნეულთა კურნების ძალა აქვს...
- ქალბატონო დალი, რა სიმპტომებით ვლინდება აურის დაბინძურება?
- როცა ბიოველი ნეგატიურია, ანუ უარყოფითად არის დამუხტული, ადამიანს ნევროზის ან დეპრესიაში ჩავარდნილის სიმპტომები აღენიშნება. ზოგიერთი წლების მანძილზე დადის ექიმთან, სვამს წამლებს, მაგრამ მკურნალობას სასურველი შედეგი არ მოაქვს, პირიქით, როცა ნევროზის ან დეპრესიის მიზეზი აურის დაბინძურებაა, ქიმიური პრეპარატები წამლავს ორგანიზმს და ადამიანის მდგომარეობა უარესდება, ღრმა დეპრესია თანდათან სუიციდში გადადის – პაციენტის თავის მოკვლის სურვილი უჩნდება. თუ ხედავთ, რომ ნევროზისა და დეპრესიისგან წამლებით არ იკურნებით,აუცილებლად უნდა გაისუფთავოთ ბიოველი.
- აურის ნეგატიურ მუხტს შელოცვა ანეიტრალებს?
- მხოლოდ ლოცვის ძალა ასუფთავებს დაბინძურებულ
ბიოველს. სხვათა შორის, უმეტესწილად ოჯახურ კონფლიქტებსაც უარყოფითად დამუხტული აურა იწვევს.
- რა კავშირშია ერთმანეთთან ცოლ-ქმრის ჩხუბი და დაბინძურებული ბიოველი?
- დროთა განმავლობაში აურა თანდათან უარყოფითად იმუხტება ნეგატიური პროგრამებითა და ინფორმაციით, როცა ეს პროცესი პიკს აღწევს, განმუხტვა აუცილებელია. მაქსიმალურად დაბინძურებული ბიოველის მქონე ქმარი, მუდამ ჩხუბის მიზეზს ეძებს, მეუღლეს ნებისმიერ წვრილმანზე აგინებს, უყვირის და შეურაცხყოფას აყენებს, რათა დაიცალოს უარყოფითი ენერგიისგან. ცოლი ჯერ ითმენს, სანამდეც შეუძლია, თუმცა ეჭვი გულს უღრღნის, ფიქრობს, რომ ქმარს აღარ უყვარს და იმიტომ ექცევა ცუდად, ალბათ, საყვარელი გაიჩინა და მღალატობსო. მუდმივი კინკლაობისა და ჩხუბის წყალობით შესაძლოა ისე გაცივდეს მათი ურთიერთობა, რომ ოჯახი დაინგრეს. ბიოველის დაბინძურება უამრავ პრობლემას წარმოშობს - შვილს დედის დანახვა აღარ სურს და რძალს – დედამთილის... შელოცვა ანეიტრალებს უარყოფით მუხტს, სუფთავდება ენერგია და შესაბამისად, ადამიანიც მშვიდდება, გარე სამყაროსთან ჰარმონიაშია, იბრუნებს დაკარგულ წონასწორობას და ოჯახური პრობლემებიც თანდათან უკან იხევს. ერთი ადამიანიც რომ ცხოვრობდეს თქვენს ჭერქვეშ მაქსიმალურად დაბინძურებული აურით, სრულიად საკმარისია აურზაურის ასატეხად და სკანდალების მოსაწყობად... ამას წინათ, ჩემთან მოვიდა ასაკოვანი მანდილოსანი, ერთადერთი ვაჟიშვილის დედა, რომელსაც თავის მოკვლა სურდა.
- მიზეზი რა იყო?
- დედასა და შვილს შორის ისე დაიძაბა ურთიერთობა, რომ ქალს სიცოცხლე აღარ სურდა.
- რატომ მოიძულა ვაჟმა დედა?
- ქალი, რომელზეც შვილს მზე და მთვარე ამოსდიოდა, დასანახად აღარ უნდოდა საკუთარ პირმშოს, ისე აღიზიანებდა, რომ უმიზეზოდაც ეჩხუბებოდა. დედამ იფიქრა, ჩემი თავი რძალმა შეაჯავრა ქმარსო.
- ცუდი დამოკიდებულება ჰქონდათ?
- არა, ქალის ნაამბობიდან გამომდინარე, სამაგალითო რძალ-დედამთილობა ჰქონდათ და ასეც იყო, ტყუილად აბრალებდა მას შვილთან ურთიერთობის გაფუჭებას. რა თქმა უნდა, თავის ეჭვს ხმამაღლა ვერ ამბობდა და გული ბოღმით ევსებოდა, ღამეებს ტირილში თეთრად ათენებდა.
- რატომ გაუფუჭდა დედა-შვილს ურთიერთობა?
- მის ვაჟიშვილს აურა უკვე ისე ჰქონდა დაბინძურებული, რომ განმუხტვის მიზნით ვინმესთან უნდა ეჩხუბა. ფეხმძიმე ცოლს ვერაფერს უბედავდა და უარყოფით ენერგიას დედაზე ანთხევდა.
- ახლა როგორ არიან?
- ქალმა თავისი ვაჟი მომიყვანა, შევულოცე და ისიც დამშვიდდა, დაწყნარდა, დედას ბოდიში მოუხადა, ხელები დაუკოცნა, უღირსი საქციელისთვის პატიება სთხოვა, ახლა ისევ ძველებურად სიამტკბილობაში ცხოვრობენ... ამას წინათ შვილებმა მომიყვანეს დედა, რომელიც ქმრის სიკვდილის შემდეგ, ძალიან მძიმე მდგომარეობაში აღმოჩნდა. ფსიქოტრავმამ ქალი დეპრესიაში ჩააგდო, შავ-ბნელი ფიქრებით წლების განმავლობაში ისე დაუბინძურდა აურა, რომ პრაქტიკულად სხვა ადამიანად გადაიქცა. უარყოფითად დამუხტული, ნებისმიერ წვრილმანზე ჩხუბობდა, წყევლიდა და ლანძღავდა შვილებს, მოძულებული ჰყავდა მეზობლები, ახლო ნათესავებს არ ელაპარაკებოდა. ეკლესიაში ვერ შედიოდა. წამლებით მკურნალობამ არ გამოიღო სასურველი შედეგი, მისი მდგომარეობა კიდევ უფრო დამძიმდა. ჩემთან რომ მოიყვანეს, იტირა, თავის მოკვლა გადავწყვიტე, რად მინდა სიცოცხლე, როცა შვილებს ცხოვრება გავუმწარე, სახლში შემოსვლა აღარ უნდათო. მხოლოდ შელოცვებით გამოვიდა მდგომარეობიდან, სხვა არაფერმა უშველა. დღეს ისევ თბილი და მოსიყვარულე დედაა... ლოცვის ძალამ დანგრევის პირას მისული ოჯახები გადაარჩინა, ერთმანეთს კატა-თაგვივით გადაკიდებული რძალ-დედამთილი შეარიგა.
- შეგიძლიათ ჩაკეტილი ბედის გახსნა?
- ზოგი ვერ თხოვდება ან ცოლი არ მოჰყავს იმის გამო, რომ ვიღაცამ ბედი ხელოვნურად, მაგიური ზემოქმედებით ჩაუკეტა. ამ შემთხვევაში შელოცვა უაღრესად ეფექტურია, ჩემი პაციენტები ჯადოს მოხსნისთანავე ქმნიან ოჯახებს, შედეგები არაჩვეულებრივია... ერთი ახალგაზრდა, სიმპათიური ქალი მომიყვანა დედამ, შეწუხებული იყო. ანგელოზივით გოგო გაუთხოვარი მრჩება, არ ვიცი, რატომ გაურბიან საქმროებიო. მიზეზი ჯადო აღმოჩნდა, რძალმა - ერთადერთი ძმის ცოლმა ჩაუკეტა ბედი, რათა მშობლებს შეპირებული მზითევი - დიდი კერძო სახლის ერთი სართული არ მიეცათ ქალიშვილისთვის. ჯადო გავანეიტრალე თუ არა, ბედიც გაეხსნა, ისეთმა კაცმა შეირთო ცოლად, აღფრთოვანებული დავრჩი.
- რატომ იპყრობს ადამიანს ავსული?
- დაცემული ანგელოზი ჩვენი ენერგიის ტრანსფორმაციით იკვებება. ავსულები იმ ადამიანთა შთამომავლებს უსახლდებიან სხეულში, რომლებმაც მძიმე ცოდვები ჩაიდინეს და არ მოინანიეს უფლის წინაშე, მოკლედ, ცოდვიანი გვარების შთამომავლობაზე "ნადირობენ", რათა მათი ენერგიით ისაზრდოონ. შეპყრობილებს, შიზოფრენიით დაავადებულთა მსგავსად, შესაძლოა ჰქონდეთ სმენითი და მხედველობითი ჰალუცინაციები, რის გამოც ხშირად სულით ავადმყოფები ჰგონიათ ხოლმე ოჯახის წევრებს და ფსიქიატრიულ საავადმყოფოში აწვენენ. სამწუხაროდ, შეპყრობილს წამალი არ შველის, ავსულის სხეულიდან განდევნა მხოლოდ ლოცვის ძალას შეუძლია. სხვათა შორის, გაზაფხულობით ყოველთვის ჩვეულებრივზე მეტი ხალხია ხოლმე ჩემს მოსაცდელში, რადგანაც შეპყრობილთა რიცხვი საგრძნობლად მატულობს.
- რა მიზეზით?
- ამ პერიოდში ბუნებასთან ერთად, სხეულიც იღვიძებს და თუ რაიმე ნეგატიური ენერგიაა აურაზე, მაშინვე თავს იჩენს ხოლმე... რატომღაც ბევრი შეპყრობილია ბავშვებს შორის... გორის რაიონში, ერთ მორწმუნე ოჯახს, საიდანაც ხმამაღალი ლაპარაკის ხმაც კი არასოდეს გასულა, ეზრდება ბიჭი, რომელიც დაუნდობლად სცემდა თანატოლებს, თავხედურად ექცეოდა უფროსებს, ისეთი ცელქი და უტიფარი იყო, რომ მშობლებმა ვერაფერი მოუხერხეს. მამა 9 წლის ბავშვს ქამრით სცემდა, ის კი იცინოდა, ცრემლი არ უგორდებოდა ხოლმე თვალიდან. ბიჭი ოჯახის წევრებსაც კი ეზიზღებოდათ. დედა ამბობდა, ამის გაზრდას, მირჩევნია, მოკვდესო. მხოლოდ ბებია მიხვდა შვილიშვილის სატკივარს.
- როგორ გაიგო, რომ ბიჭი შეპყრობილი იყო?
- ერთხელ ნაცემმა ბავშვმა ბებოს გაუმხილა, რომ ვიღაც შთააგონებდა ცუდ აზრებს. ქალმა გაზეთებიდან იცოდა ჩემი არსებობის შესახებ და შვილიშვილი დაუყოვნებლივ ჩამომიყვანა. ცხრა შელოცვის შემდეგ ბავშვი დამშვიდდა, დაწყნარდა და ბებიასთან ერთად წმინდა ნიკოლოზის ტაძარშიც კი წავიდა სალოცავად, მანამდე ეკლესიაში ძალითაც ვერ შეჰყავდათ, ჯვრის დანახვაზე გველივით იკლაკნებოდა.
- შიშს ლოცვით შველით?
- დიახ, ხშირად ძლიერი შიშის გადატანის შემდეგ ბავშვებს აკვიატებული ქმედება დასჩემდებათ ხოლმე, ზოგს ენა ებმება და ლოგონევროზის გამო ვეღარ საუბრობს გამართულად. როცა დეფექტი თანდაყოლილი არ არის და ფსიქოსტრესის შედეგად ვითარდება, შელოცვა სასურველ შედეგებს იძლევა.
- ადამიანი თავს ზოგჯერ თვითონვე ითარსავს ხოლმე... როგორ მოვიქცეთ, რათა უნებლიეთ ჩვენც არ ჩავიდინოთ უგუნური საქციელი?
- შეიყვარეთ საკუთარი თავი, ნუ იტყვით, - რას ვგავარ, საშინლად გამოვიყურები, მე ბედი ვინ მომცა, ცხოვრებაში ვერ გავიხარებ, ჩემს გაჩენაში ღმერთი არ გარეულა და ა.შ., ერთი სიტყვით, ნუ დაიპროგრამებთ თავს უარყოფითად, თორემ შედეგს უთუოდ მიიღებთ – რასაც დათესთ, იმას მოიმკით.
- ჯადოს მოხსნის შემდეგ ღმერთი დასჯის შემკვეთს?
- ყველას თავისი ავკაცობა უკან უბრუნდება. ჯადოს ზემოქმედების განეიტრალების შემდეგ უარყოფითი პროგრამა, რომელიც შავმა მაგმა თქვენი შეკვეთით ხელოვნურად შეიყვანა მსხვერპლის აურაში, შელოცვის ძალით ბიოველიდან გამოდის, მაგრამ არ ქრება და უკანვე გიბრუნდებათ ღვთის რისხვად. ვისაც ერთხელ მაინც უცდია მაგიური ზემოქმედებით ბედნიერების მოპოვება, გულწრფელად ვურჩევ, ეკლესიაში წავიდეს და უთუოდ მოინანიოს.
ნანა სისაური
ჟურნალი "გზა"
- ქალბატონო დალი, როგორ ხვდებით, ვინ არის ჯადოს დამკვეთი?
- ვიწყებ თუ არა მუშაობას მაგიური ზემოქმედებით დაზარალებულთან, პირველივე შელოცვაზე ღვთის კარნახით ვიღებ ინფორმაციას, ვინ და რატომ შეუკვეთა ჯადო. სხვათა შორის, ამ ბოლო დროს უამრავი შეშინებული ადამიანი მოდის ჩემთან, რომელთაც ჰგონიათ, რომ მათი წარუმატებლობის, უიღბლობისა და გაჭირვების მიზეზი ჯადოა. სამწუხაროდ, ადამიანი თავისი უბედურების მიზეზს ყოველთვის სხვაგან ეძებს, საკუთარ სულში ჩახედვა არ სურს, ურჩევნია, ვინმეს გადააბრალოს პრობლემები... თუ მართლა ჯადოა გაკეთებული, მე თვითონ ვეუბნები პაციენტს და შელოცვებით ვანეიტრალებ ნეგატიურ ზემოქმედებას, მაგრამ როცა მაგიური დარტყმის მსხვერპლი არ არის ადამიანი და მისი წარუმატებლობის მიზეზი დაბინძურებული აურაა, ტყუილს ხომ ვერ ვეტყვი, მოჯადოებული ხარ-მეთქი?! ზოგიერთს იმდენად მძიმე ველი აქვს, რომ საკუთარ თავს მაგიურ დარტყმაზე არანაკლებ ზიანს აყენებს.
- ამბობენ, რომ გიას თქვენ უწინასწარმეტყველეთ, ვინ იქნებოდა მისი მეუღლე, მართალია?
- (იცინის) ჩემს ძმას კი არა, რძალს!.. დედამისს მოჰყვა. ოთახში შემოვიდა თუ არა, შევხედე და ვუთხარი, - გიას ცოლი იქნებით-მეთქი. გაოცებული მიყურებდა, რადგანაც იმ დღეს პირველად ვნახე, მოგვიანებით წინასწარმეტყველება აუხდა. ფეხმძიმედ რომ დარჩა, გიამ მთხოვა, - გვითხარი, ბიჭი გვეყოლება თუ გოგოო. დაუჯერებელი ინფორმაცია მივიღე... ძმას გაწბილებულმა შევხედე, - შენი ცოლი ორსულად არ არის-მეთქი. გიას სიცილი აუტყდა,- რას ამბობ, ქალი მეხუთე თვეშიაო. გავბრაზდი, რომ არ დამიჯერა და მივაყოლე: 5 წლის მანძილზე ღმერთი შვილს არ მოგცემთ, მერე კი სამი ბავშვი გეყოლებათ-მეთქი.
- აუხდათ თქვენი წინასწარმეტყველება?
- მეორე დღესვე წაიყვანა გიამ მეუღლე ექიმთან, ექოსკოპიამ დაადასტურა ჩემი ნათქვამი - მუცელში ბავშვი არ იყო, ცრუორსულობა აღმოჩნდა. სამაგიეროდ, 5 წლის მერე მართლა შეეძინათ პირველი ბავშვი. ახლა უკვე სამი შვილის მამაა.
- რატომ აღარ ჩანს "ოთხი გია" ესტრადაზე, სად არის თქვენი ძმა?
- რუსეთში მცხოვრები ქართველებისთვის მღერის. ანსამბლმა დროებით შეწყვიტა ფუნქციონირება. ჭორები დადის დაიშალაო, მაგრამ არ დაიჯეროთ, ტყუილია. სამწუხაროდ, ჩვენი ესტრადა კრიტიკას ვერ უძლებს, არადა მელოდიურ ქართულ სიმღერას სნეულთა კურნების ძალა აქვს...
- ქალბატონო დალი, რა სიმპტომებით ვლინდება აურის დაბინძურება?
- როცა ბიოველი ნეგატიურია, ანუ უარყოფითად არის დამუხტული, ადამიანს ნევროზის ან დეპრესიაში ჩავარდნილის სიმპტომები აღენიშნება. ზოგიერთი წლების მანძილზე დადის ექიმთან, სვამს წამლებს, მაგრამ მკურნალობას სასურველი შედეგი არ მოაქვს, პირიქით, როცა ნევროზის ან დეპრესიის მიზეზი აურის დაბინძურებაა, ქიმიური პრეპარატები წამლავს ორგანიზმს და ადამიანის მდგომარეობა უარესდება, ღრმა დეპრესია თანდათან სუიციდში გადადის – პაციენტის თავის მოკვლის სურვილი უჩნდება. თუ ხედავთ, რომ ნევროზისა და დეპრესიისგან წამლებით არ იკურნებით,აუცილებლად უნდა გაისუფთავოთ ბიოველი.
- აურის ნეგატიურ მუხტს შელოცვა ანეიტრალებს?
- მხოლოდ ლოცვის ძალა ასუფთავებს დაბინძურებულ
ბიოველს. სხვათა შორის, უმეტესწილად ოჯახურ კონფლიქტებსაც უარყოფითად დამუხტული აურა იწვევს.
- რა კავშირშია ერთმანეთთან ცოლ-ქმრის ჩხუბი და დაბინძურებული ბიოველი?
- დროთა განმავლობაში აურა თანდათან უარყოფითად იმუხტება ნეგატიური პროგრამებითა და ინფორმაციით, როცა ეს პროცესი პიკს აღწევს, განმუხტვა აუცილებელია. მაქსიმალურად დაბინძურებული ბიოველის მქონე ქმარი, მუდამ ჩხუბის მიზეზს ეძებს, მეუღლეს ნებისმიერ წვრილმანზე აგინებს, უყვირის და შეურაცხყოფას აყენებს, რათა დაიცალოს უარყოფითი ენერგიისგან. ცოლი ჯერ ითმენს, სანამდეც შეუძლია, თუმცა ეჭვი გულს უღრღნის, ფიქრობს, რომ ქმარს აღარ უყვარს და იმიტომ ექცევა ცუდად, ალბათ, საყვარელი გაიჩინა და მღალატობსო. მუდმივი კინკლაობისა და ჩხუბის წყალობით შესაძლოა ისე გაცივდეს მათი ურთიერთობა, რომ ოჯახი დაინგრეს. ბიოველის დაბინძურება უამრავ პრობლემას წარმოშობს - შვილს დედის დანახვა აღარ სურს და რძალს – დედამთილის... შელოცვა ანეიტრალებს უარყოფით მუხტს, სუფთავდება ენერგია და შესაბამისად, ადამიანიც მშვიდდება, გარე სამყაროსთან ჰარმონიაშია, იბრუნებს დაკარგულ წონასწორობას და ოჯახური პრობლემებიც თანდათან უკან იხევს. ერთი ადამიანიც რომ ცხოვრობდეს თქვენს ჭერქვეშ მაქსიმალურად დაბინძურებული აურით, სრულიად საკმარისია აურზაურის ასატეხად და სკანდალების მოსაწყობად... ამას წინათ, ჩემთან მოვიდა ასაკოვანი მანდილოსანი, ერთადერთი ვაჟიშვილის დედა, რომელსაც თავის მოკვლა სურდა.
- მიზეზი რა იყო?
- დედასა და შვილს შორის ისე დაიძაბა ურთიერთობა, რომ ქალს სიცოცხლე აღარ სურდა.
- რატომ მოიძულა ვაჟმა დედა?
- ქალი, რომელზეც შვილს მზე და მთვარე ამოსდიოდა, დასანახად აღარ უნდოდა საკუთარ პირმშოს, ისე აღიზიანებდა, რომ უმიზეზოდაც ეჩხუბებოდა. დედამ იფიქრა, ჩემი თავი რძალმა შეაჯავრა ქმარსო.
- ცუდი დამოკიდებულება ჰქონდათ?
- არა, ქალის ნაამბობიდან გამომდინარე, სამაგალითო რძალ-დედამთილობა ჰქონდათ და ასეც იყო, ტყუილად აბრალებდა მას შვილთან ურთიერთობის გაფუჭებას. რა თქმა უნდა, თავის ეჭვს ხმამაღლა ვერ ამბობდა და გული ბოღმით ევსებოდა, ღამეებს ტირილში თეთრად ათენებდა.
- რატომ გაუფუჭდა დედა-შვილს ურთიერთობა?
- მის ვაჟიშვილს აურა უკვე ისე ჰქონდა დაბინძურებული, რომ განმუხტვის მიზნით ვინმესთან უნდა ეჩხუბა. ფეხმძიმე ცოლს ვერაფერს უბედავდა და უარყოფით ენერგიას დედაზე ანთხევდა.
- ახლა როგორ არიან?
- ქალმა თავისი ვაჟი მომიყვანა, შევულოცე და ისიც დამშვიდდა, დაწყნარდა, დედას ბოდიში მოუხადა, ხელები დაუკოცნა, უღირსი საქციელისთვის პატიება სთხოვა, ახლა ისევ ძველებურად სიამტკბილობაში ცხოვრობენ... ამას წინათ შვილებმა მომიყვანეს დედა, რომელიც ქმრის სიკვდილის შემდეგ, ძალიან მძიმე მდგომარეობაში აღმოჩნდა. ფსიქოტრავმამ ქალი დეპრესიაში ჩააგდო, შავ-ბნელი ფიქრებით წლების განმავლობაში ისე დაუბინძურდა აურა, რომ პრაქტიკულად სხვა ადამიანად გადაიქცა. უარყოფითად დამუხტული, ნებისმიერ წვრილმანზე ჩხუბობდა, წყევლიდა და ლანძღავდა შვილებს, მოძულებული ჰყავდა მეზობლები, ახლო ნათესავებს არ ელაპარაკებოდა. ეკლესიაში ვერ შედიოდა. წამლებით მკურნალობამ არ გამოიღო სასურველი შედეგი, მისი მდგომარეობა კიდევ უფრო დამძიმდა. ჩემთან რომ მოიყვანეს, იტირა, თავის მოკვლა გადავწყვიტე, რად მინდა სიცოცხლე, როცა შვილებს ცხოვრება გავუმწარე, სახლში შემოსვლა აღარ უნდათო. მხოლოდ შელოცვებით გამოვიდა მდგომარეობიდან, სხვა არაფერმა უშველა. დღეს ისევ თბილი და მოსიყვარულე დედაა... ლოცვის ძალამ დანგრევის პირას მისული ოჯახები გადაარჩინა, ერთმანეთს კატა-თაგვივით გადაკიდებული რძალ-დედამთილი შეარიგა.
- შეგიძლიათ ჩაკეტილი ბედის გახსნა?
- ზოგი ვერ თხოვდება ან ცოლი არ მოჰყავს იმის გამო, რომ ვიღაცამ ბედი ხელოვნურად, მაგიური ზემოქმედებით ჩაუკეტა. ამ შემთხვევაში შელოცვა უაღრესად ეფექტურია, ჩემი პაციენტები ჯადოს მოხსნისთანავე ქმნიან ოჯახებს, შედეგები არაჩვეულებრივია... ერთი ახალგაზრდა, სიმპათიური ქალი მომიყვანა დედამ, შეწუხებული იყო. ანგელოზივით გოგო გაუთხოვარი მრჩება, არ ვიცი, რატომ გაურბიან საქმროებიო. მიზეზი ჯადო აღმოჩნდა, რძალმა - ერთადერთი ძმის ცოლმა ჩაუკეტა ბედი, რათა მშობლებს შეპირებული მზითევი - დიდი კერძო სახლის ერთი სართული არ მიეცათ ქალიშვილისთვის. ჯადო გავანეიტრალე თუ არა, ბედიც გაეხსნა, ისეთმა კაცმა შეირთო ცოლად, აღფრთოვანებული დავრჩი.
- რატომ იპყრობს ადამიანს ავსული?
- დაცემული ანგელოზი ჩვენი ენერგიის ტრანსფორმაციით იკვებება. ავსულები იმ ადამიანთა შთამომავლებს უსახლდებიან სხეულში, რომლებმაც მძიმე ცოდვები ჩაიდინეს და არ მოინანიეს უფლის წინაშე, მოკლედ, ცოდვიანი გვარების შთამომავლობაზე "ნადირობენ", რათა მათი ენერგიით ისაზრდოონ. შეპყრობილებს, შიზოფრენიით დაავადებულთა მსგავსად, შესაძლოა ჰქონდეთ სმენითი და მხედველობითი ჰალუცინაციები, რის გამოც ხშირად სულით ავადმყოფები ჰგონიათ ხოლმე ოჯახის წევრებს და ფსიქიატრიულ საავადმყოფოში აწვენენ. სამწუხაროდ, შეპყრობილს წამალი არ შველის, ავსულის სხეულიდან განდევნა მხოლოდ ლოცვის ძალას შეუძლია. სხვათა შორის, გაზაფხულობით ყოველთვის ჩვეულებრივზე მეტი ხალხია ხოლმე ჩემს მოსაცდელში, რადგანაც შეპყრობილთა რიცხვი საგრძნობლად მატულობს.
- რა მიზეზით?
- ამ პერიოდში ბუნებასთან ერთად, სხეულიც იღვიძებს და თუ რაიმე ნეგატიური ენერგიაა აურაზე, მაშინვე თავს იჩენს ხოლმე... რატომღაც ბევრი შეპყრობილია ბავშვებს შორის... გორის რაიონში, ერთ მორწმუნე ოჯახს, საიდანაც ხმამაღალი ლაპარაკის ხმაც კი არასოდეს გასულა, ეზრდება ბიჭი, რომელიც დაუნდობლად სცემდა თანატოლებს, თავხედურად ექცეოდა უფროსებს, ისეთი ცელქი და უტიფარი იყო, რომ მშობლებმა ვერაფერი მოუხერხეს. მამა 9 წლის ბავშვს ქამრით სცემდა, ის კი იცინოდა, ცრემლი არ უგორდებოდა ხოლმე თვალიდან. ბიჭი ოჯახის წევრებსაც კი ეზიზღებოდათ. დედა ამბობდა, ამის გაზრდას, მირჩევნია, მოკვდესო. მხოლოდ ბებია მიხვდა შვილიშვილის სატკივარს.
- როგორ გაიგო, რომ ბიჭი შეპყრობილი იყო?
- ერთხელ ნაცემმა ბავშვმა ბებოს გაუმხილა, რომ ვიღაც შთააგონებდა ცუდ აზრებს. ქალმა გაზეთებიდან იცოდა ჩემი არსებობის შესახებ და შვილიშვილი დაუყოვნებლივ ჩამომიყვანა. ცხრა შელოცვის შემდეგ ბავშვი დამშვიდდა, დაწყნარდა და ბებიასთან ერთად წმინდა ნიკოლოზის ტაძარშიც კი წავიდა სალოცავად, მანამდე ეკლესიაში ძალითაც ვერ შეჰყავდათ, ჯვრის დანახვაზე გველივით იკლაკნებოდა.
- შიშს ლოცვით შველით?
- დიახ, ხშირად ძლიერი შიშის გადატანის შემდეგ ბავშვებს აკვიატებული ქმედება დასჩემდებათ ხოლმე, ზოგს ენა ებმება და ლოგონევროზის გამო ვეღარ საუბრობს გამართულად. როცა დეფექტი თანდაყოლილი არ არის და ფსიქოსტრესის შედეგად ვითარდება, შელოცვა სასურველ შედეგებს იძლევა.
- ადამიანი თავს ზოგჯერ თვითონვე ითარსავს ხოლმე... როგორ მოვიქცეთ, რათა უნებლიეთ ჩვენც არ ჩავიდინოთ უგუნური საქციელი?
- შეიყვარეთ საკუთარი თავი, ნუ იტყვით, - რას ვგავარ, საშინლად გამოვიყურები, მე ბედი ვინ მომცა, ცხოვრებაში ვერ გავიხარებ, ჩემს გაჩენაში ღმერთი არ გარეულა და ა.შ., ერთი სიტყვით, ნუ დაიპროგრამებთ თავს უარყოფითად, თორემ შედეგს უთუოდ მიიღებთ – რასაც დათესთ, იმას მოიმკით.
- ჯადოს მოხსნის შემდეგ ღმერთი დასჯის შემკვეთს?
- ყველას თავისი ავკაცობა უკან უბრუნდება. ჯადოს ზემოქმედების განეიტრალების შემდეგ უარყოფითი პროგრამა, რომელიც შავმა მაგმა თქვენი შეკვეთით ხელოვნურად შეიყვანა მსხვერპლის აურაში, შელოცვის ძალით ბიოველიდან გამოდის, მაგრამ არ ქრება და უკანვე გიბრუნდებათ ღვთის რისხვად. ვისაც ერთხელ მაინც უცდია მაგიური ზემოქმედებით ბედნიერების მოპოვება, გულწრფელად ვურჩევ, ეკლესიაში წავიდეს და უთუოდ მოინანიოს.
ნანა სისაური
ჟურნალი "გზა"
