ანჯელინა ჯოლი მდიდარ დედებს აკრიტიკებს - "რაზე ვჩივით, როცა სხვა ქალებს დამხმარეც კი არ ჰყავთ"

ჰოლივუდის ვარსკვლავი და 6 შვილის დედა ანჯელინა ჯოლი კოლეგა ქალებს მოუწოდებს, ვიდრე შვილების მოვლასთან დაკავშირებით კომენტარებს გააკეთებენ, გაიხსენონ, რომ მსოფლიოში უამრავი დედაა, რომელიც ბავშვებს სიღატაკეში ზრდის.

"არ ვარ მარტოხელა დედა, რომელიც ყოველდღე 2 სამსახურში დარბის. უფრო მეტი დამხმარე მყავს, ვიდრე ყველა ქალს მსოფლიოში. მაქვს ფინანსური გარანტია, სახლი, ჯანმრთელობის დაზღვევა და საჭმელი. ვფიქრობ, მდიდარმა დედებმა უკმაყოფილება არ უნდა გამოთქვან. როდესაც ვგრძნობ, რომ ბევრ საქმეს ვაკეთებ და დავიღალე, თავს ნაკლებად ვიტვირთავ. ეს იმას ნიშნავს, რომ არ მიწევს საქმიდან საქმეზე გადართვა. შემიძლია დრო გამოვნახო,

თუ ეს ოჯახს სჭირდება. ვფიქრობ, ჩემნაირ ქალებს ჩივილის უფლება არ აქვთ, რადგანაც ცხოვრობენ ადამიანები, რომელთაც მართლაც რომ ბრძოლა უწევთ. არ აქვთ ფინანსური საარსებო წყარო, არ ჰყავთ დამხმარე და საერთოდაც ზოგიერთი ქალი მარტოხელა დედაა და ბავშვზე ზრუნავს. აი, ესაა ურთულესი", - განაცხადა მსახიობმა.

მომზადებულია cnn.com-ის მიხედვით.