საქართველოში ნაადრევი ქორწინების ერთ-ერთი ყველაზე მაღალი მაჩვენებელია
2 342 ნახვა
თემაზე "ადრეული ქორწინების პრევენცია - გენდერული თანასწორობისა და რეპროდუქციული ჯანმრთელობის ხელშეწყობისათვის" დღეს, სასტუმრო Holiday Inn-ში შეხვედრა გაიმართება.
შეხვედრაში მონაწილეობას მიიღებენ პარლამენტის ვიცე-სპიკერი, გენდერული თანასწორობის საბჭოს თავმჯდომარე მანანა კობახიძე, სახალხო დამცველი უჩა ნანუაშვილი, საქართველოში გაეროს მუდმივი კოორდინატორი ნილს სკოტი, სპორტისა და ახალგაზრდობის საქმეთა მინისტრის მოადგილე რატი ბრეგაძე, გაეროს მოსახლეობის ფონდის საქართველოს ოფისის ხელმძღვანელი ლელა ბაქრაძე. შეხვედრაში მონაწილეობას მიიღებენ მთავრობის, ადგილობრივი და საერთაშორისო ორგანიზაციების წარმომადგენლები.
შეხვედრის მიზანია ადრეული ქორწინების პრობლემით დაინტერესებულ უწყებათა დიალოგის ხელშეწყობა, პრობლემის არსის, მიზეზებისა და შედეგების წარმოჩენა და რეკომენდაციების შემუშავება სახელმწიფო პოლიტიკის განსაზღვრისათვის.
ღონისძიების ორგანიზატორთა ცნობით, აღმოსავლეთ ევროპის ქვეყნებში საქართველოს აქვს ნაადრევი ქორწინების ერთ-ერთი ყველაზე მაღალი მაჩვენებელი ისევე, როგორც მოლდოვას (19%) და თურქეთს (14%). არსებული სტატისტიკით, საქართველოში მცხოვრები ქალების 17% დაქორწინდა 18 წლის შესრულებამდე. ადრეული ქორწინების საკითხი სახალხო დამცველის 2012 და 2013 წლების ანგარიშებში აისახა. გაეროს მოსახლეობის ფონდის მხარდაჭერით კი 2013 წელს ჩატარდა ადრეული ქორწინების შესახებ სიტუაციური ანალიზი, გამოიკვეთა პრობლემები და შემუშავდა რეკომენდაციები. სახალხო დამცველის 2013 წლის ანგარიშის მონაცემებს და გაეროს
მოსახლეობის ფონდის კვლევის შედეგებსა და რეკომენდაციებს შეხვედრის მონაწილეებს 27 მაისს წარუდგენენ.
"საზოგადოებისა და მთავრობების მოვალეობაა, ხელი შეუწყონ მოზარდი გოგონების განვითარებას, მათ შორის, ადრეული ქორწინების პრევენციის გზით.
მხოლოდ განათლებულ და ჯანმრთელ გოგონებს ექნებათ შესაძლებლობა სრულად განავითარონ თავიანთი პოტენციალი, იყოლიონ ჯანმრთელი შვილები, ჰქონდეთ ჰარმონიული ოჯახი და სასურველი პროფესია. განათლებული, ჯანმრთელი ქალი თავისი შესაძლებლობებით არის სასიკეთო ცვლილებების მომტანი ძალა ოჯახისათვის, თემისა და მომავალი თაობებისათვის", - აცხადებს გაეროს მოსახლეობის ფონდის საქართველოს ოფისის ხელმძღვანელი ლელა ბაქრაძე.
საქართველოს სამოქალაქო კოდექსის თანახმად, ქორწინება დაიშვება 18 წლის ასაკიდან. 16 წელს მიღწეული არასრულწლოვანი პირის ქორწინება დაიშვება მშობლების ან მზრუნველის თანხმობით. ადრეული ქორწინებისას, 16 წლამდე ასაკში, ქორწინება არ რეგისტრირდება.
შეხვედრაში მონაწილეობას მიიღებენ პარლამენტის ვიცე-სპიკერი, გენდერული თანასწორობის საბჭოს თავმჯდომარე მანანა კობახიძე, სახალხო დამცველი უჩა ნანუაშვილი, საქართველოში გაეროს მუდმივი კოორდინატორი ნილს სკოტი, სპორტისა და ახალგაზრდობის საქმეთა მინისტრის მოადგილე რატი ბრეგაძე, გაეროს მოსახლეობის ფონდის საქართველოს ოფისის ხელმძღვანელი ლელა ბაქრაძე. შეხვედრაში მონაწილეობას მიიღებენ მთავრობის, ადგილობრივი და საერთაშორისო ორგანიზაციების წარმომადგენლები.
შეხვედრის მიზანია ადრეული ქორწინების პრობლემით დაინტერესებულ უწყებათა დიალოგის ხელშეწყობა, პრობლემის არსის, მიზეზებისა და შედეგების წარმოჩენა და რეკომენდაციების შემუშავება სახელმწიფო პოლიტიკის განსაზღვრისათვის.
ღონისძიების ორგანიზატორთა ცნობით, აღმოსავლეთ ევროპის ქვეყნებში საქართველოს აქვს ნაადრევი ქორწინების ერთ-ერთი ყველაზე მაღალი მაჩვენებელი ისევე, როგორც მოლდოვას (19%) და თურქეთს (14%). არსებული სტატისტიკით, საქართველოში მცხოვრები ქალების 17% დაქორწინდა 18 წლის შესრულებამდე. ადრეული ქორწინების საკითხი სახალხო დამცველის 2012 და 2013 წლების ანგარიშებში აისახა. გაეროს მოსახლეობის ფონდის მხარდაჭერით კი 2013 წელს ჩატარდა ადრეული ქორწინების შესახებ სიტუაციური ანალიზი, გამოიკვეთა პრობლემები და შემუშავდა რეკომენდაციები. სახალხო დამცველის 2013 წლის ანგარიშის მონაცემებს და გაეროს
მოსახლეობის ფონდის კვლევის შედეგებსა და რეკომენდაციებს შეხვედრის მონაწილეებს 27 მაისს წარუდგენენ.
"საზოგადოებისა და მთავრობების მოვალეობაა, ხელი შეუწყონ მოზარდი გოგონების განვითარებას, მათ შორის, ადრეული ქორწინების პრევენციის გზით.
მხოლოდ განათლებულ და ჯანმრთელ გოგონებს ექნებათ შესაძლებლობა სრულად განავითარონ თავიანთი პოტენციალი, იყოლიონ ჯანმრთელი შვილები, ჰქონდეთ ჰარმონიული ოჯახი და სასურველი პროფესია. განათლებული, ჯანმრთელი ქალი თავისი შესაძლებლობებით არის სასიკეთო ცვლილებების მომტანი ძალა ოჯახისათვის, თემისა და მომავალი თაობებისათვის", - აცხადებს გაეროს მოსახლეობის ფონდის საქართველოს ოფისის ხელმძღვანელი ლელა ბაქრაძე.
საქართველოს სამოქალაქო კოდექსის თანახმად, ქორწინება დაიშვება 18 წლის ასაკიდან. 16 წელს მიღწეული არასრულწლოვანი პირის ქორწინება დაიშვება მშობლების ან მზრუნველის თანხმობით. ადრეული ქორწინებისას, 16 წლამდე ასაკში, ქორწინება არ რეგისტრირდება.
