"გავლენიანმა ბიზნესმენმა ჩვენი დახმარებით გაიგო, რომ ცოლი ღალატობდა" – ექსკლუზიური ინტერვიუ თბილისელ კერძო დეტექტივთან
1 905 ნახვა
საქართველოში კერძო დეტექტივის პროფესია ნელ-ნელა იკიდებს ფეხს. ქართველი "შერლოკ ჰოლმსები" შეკვეთების ნაკლებობას არ უჩივიან, თუმცა იმასაც ამბობენ, რომ ხალხი მაინც ერიდება მათთან საქმიანი ურთიერთობის დაჭერას. ჩვენი რესპონდენტი თამაზ გამრეკელი უკვე 5 წელია ამ საქმითაა დაკავებული:
- ძირითადად დაკარგული საბუთების მოსაძიებლად ხდება ჩვენი დაქირავება, ასევე ხშირია, როდესაც დაკარგულ პიროვნებებს ეძებენ. იშვიათად გვქონია შემთხვევა, როდესაც ცოლს სურდა გაეგო, ქმარს ჰყავს თუ არა საყვარელი.
- ქმრებს არ უჩნდებათ მსგავსი სურვილი?
- ქმრებს თითქმის არა, რადგან არავის უნდა გაამჟღავნოს, რომ მის ცოლს საყვარელი ჰყავს. პირადად მე არ მქონია ასეთი შემთხვევა, მაგრამ ჩემს მეგობართან იყო ერთი მამაკაცი მისული, რომელიც საკმაოდ გავლენიანი ბიზნესმენია და ეჭვობდა, რომ ცოლი თავის ბიზნესპარტნიორთან ღალატობდა. საერთოდ, ასეთი საქმეები აღებას ვერიდებით, მაგრამ ამ კაცმა სამმაგი ანაზღაურება შესთავაზა. მოკლედ, მისი ეჭვი გამართლდა და ჩვენი ბიუროს დახმარებით, ამ ადამიანმა ცოლი გამოააშკარავა. სამწუხაროდ, ის ოჯახის დანგრა, მაგრამ ეს უკვე ჩვენ აღარ გვეხება. მსგავსი დაკვეთები ძალიან ხშირია რუსეთში, ჩვენთან - არა.
- რთულია თქვენი საქმიანობა?
- ძალიან. უამრავი ხელისშემშლელი ფაქტორია, თანაც გაითვალისწინეთ, რომ ეს ჩვენთან ჯერ კიდევ ახალი ხილია და ესეც ერთგვარად ართულებს საქმეს. ხალხსაც კი ერიდება, რომ დახმარებისთვის მოგვმართონ.
- როგორ ხდება თქვენთან დაკავშირება?
- რეკლამებით, სოცქსელებში ვავრცელებთ ინფორმაციას და ჩვენს ბიუროს უკავშირდებიან . ასევე, კლიენტებს, რომლებსაც უკვე დავეხმარეთ სხვა კლიენტები მოჰყავთ ხოლმე.
- კლიენტებს პირადად ხვდებით?
- რა თქმა უნდა. თუმცა ჩვენთვის მთავარია, კლიენტის ვინაობის კონფიდენციალობის დაცვა.
- რა ღირს თქვენი მომსახურება?
- ეს იმაზეა დამოკიდებული, თუ რა სირთულის საქმეა გასაკეთებელი. ერთი დღე 100 ლარიდან იწყება და იზრდება. შეიძლება 500-600 ლარიც კი ღირდეს. სხვათა შორის, რუსეთთან და ევროპულ ფასებთან შედარებით ჩვენი ანაზღაურება სასაცილოა. როცა კლიენტი გვიკვეთავს საქმეს, ვეცნობით
მასალებს და საქმის სირთულიდან გამომდინარე ვეუბნებით ფასს. თანხის ნაწილს, წინასწარ გვაძლევენ და დანარჩენს საქმის შესრულების შემდეგ.
- თუ საქმე არ გამოვიდა, უკან უბრუნებთ თანხას?
- ასეთ შემთხვევაშიც ვიღებ ფულის ნაწილს, რადგან რაღაც სამუშაო ხომ გავწიე?!
ლადო გოგოლაძე, Ambebi.ge
- ძირითადად დაკარგული საბუთების მოსაძიებლად ხდება ჩვენი დაქირავება, ასევე ხშირია, როდესაც დაკარგულ პიროვნებებს ეძებენ. იშვიათად გვქონია შემთხვევა, როდესაც ცოლს სურდა გაეგო, ქმარს ჰყავს თუ არა საყვარელი.
- ქმრებს არ უჩნდებათ მსგავსი სურვილი?
- ქმრებს თითქმის არა, რადგან არავის უნდა გაამჟღავნოს, რომ მის ცოლს საყვარელი ჰყავს. პირადად მე არ მქონია ასეთი შემთხვევა, მაგრამ ჩემს მეგობართან იყო ერთი მამაკაცი მისული, რომელიც საკმაოდ გავლენიანი ბიზნესმენია და ეჭვობდა, რომ ცოლი თავის ბიზნესპარტნიორთან ღალატობდა. საერთოდ, ასეთი საქმეები აღებას ვერიდებით, მაგრამ ამ კაცმა სამმაგი ანაზღაურება შესთავაზა. მოკლედ, მისი ეჭვი გამართლდა და ჩვენი ბიუროს დახმარებით, ამ ადამიანმა ცოლი გამოააშკარავა. სამწუხაროდ, ის ოჯახის დანგრა, მაგრამ ეს უკვე ჩვენ აღარ გვეხება. მსგავსი დაკვეთები ძალიან ხშირია რუსეთში, ჩვენთან - არა.
- რთულია თქვენი საქმიანობა?
- ძალიან. უამრავი ხელისშემშლელი ფაქტორია, თანაც გაითვალისწინეთ, რომ ეს ჩვენთან ჯერ კიდევ ახალი ხილია და ესეც ერთგვარად ართულებს საქმეს. ხალხსაც კი ერიდება, რომ დახმარებისთვის მოგვმართონ.
- როგორ ხდება თქვენთან დაკავშირება?
- რეკლამებით, სოცქსელებში ვავრცელებთ ინფორმაციას და ჩვენს ბიუროს უკავშირდებიან . ასევე, კლიენტებს, რომლებსაც უკვე დავეხმარეთ სხვა კლიენტები მოჰყავთ ხოლმე.
- კლიენტებს პირადად ხვდებით?
- რა თქმა უნდა. თუმცა ჩვენთვის მთავარია, კლიენტის ვინაობის კონფიდენციალობის დაცვა.
- რა ღირს თქვენი მომსახურება?
- ეს იმაზეა დამოკიდებული, თუ რა სირთულის საქმეა გასაკეთებელი. ერთი დღე 100 ლარიდან იწყება და იზრდება. შეიძლება 500-600 ლარიც კი ღირდეს. სხვათა შორის, რუსეთთან და ევროპულ ფასებთან შედარებით ჩვენი ანაზღაურება სასაცილოა. როცა კლიენტი გვიკვეთავს საქმეს, ვეცნობით
მასალებს და საქმის სირთულიდან გამომდინარე ვეუბნებით ფასს. თანხის ნაწილს, წინასწარ გვაძლევენ და დანარჩენს საქმის შესრულების შემდეგ.
- თუ საქმე არ გამოვიდა, უკან უბრუნებთ თანხას?
- ასეთ შემთხვევაშიც ვიღებ ფულის ნაწილს, რადგან რაღაც სამუშაო ხომ გავწიე?!
ლადო გოგოლაძე, Ambebi.ge
