გეგა ფალავანდიშვილი: "რაც ასაკი მემატება, მით უფრო ლოიალური ვხდები"
1 711 ნახვა
"რუსთავი 2"–ის მარკეტინგის სამსახურის უფროსი, გეგა ფალავანდიშვილი, შოუმენი ძალით გახადეს. ეს ამპლუა არც ახლა მოსწონს, მაგრამ არხის რეიტინგმა მისგან მსხვერპლის გაღება მოითხოვა და პროექტ "იქს ფატორის" წამყვანი გახდა. ახლა ამ საქმეში პლუსებს ეძებს, კონკურსანტებთან ურთიერთობას, მათთან კომუნიკაციას სწავლობს. პროექტმა "ნიჭიერმა" მკაცრი ადამიანის იმიჯი შეუქმნა, რადგან ჟიურის სკამიდან კონკურსანტების კრიტიკას არ ერიდებოდა, ახლა კი მონაწილეების მხარდაჭერა და მათი გამხნევება უწევს, მაშინაც კი, როცა მათი მუსიკალური გემოვნება არ მოსწონს. შენიშვნებისგან თავის შეკავება არ უჭირს, რადგან, როგორც თვითონ ამბობს, ასაკის მატებასთან ერთად ადამიანებთან ურთიერთობაში ბევრად ლოიალური გახდა.
– გეგა, ბევრი ფიქრის შემდეგ დათანხმდით წამყვანობას. გაამართლა ექსპერიმენტმა?
– ეს პროდიუსერების გადაწყვეტილება იყო და არ ვიცი, რამდენად გამომივიდა. მაყურებელს საოცარი შოუს დადგმას ვერ დავპირდები, უბრალოდ შევეცდები, ყველაფერი კარგად გავაკეთო.
– როცა პროექტ "ნიჭიერის" ჟიურიში იყავით, მაშინ უფრო კომფორტულად გრძნობდით თავს თუ ახლა, როცა შოუ მიგყავთ?
– ყველაზე კომფორტულად სახლში ვარ. ისე კი, ჟიურიში უფრო კარგად ვგრძნობდი თავს. წამყვანობას ის პლუსი აქვს, რომ ადამიანებთან კონტაქტში შევდივარ და მათ მხარეს ვარ, მაგრამ ეს ძალიან დამღლელია. როცა ჟიურიში ვიყავი, მაყურებლის წინაშე ვგრძნობდი პასუხისმგებლობას, რომ სწორი გადაწყვეტილებები მიმეღო. იქ ყოველთვის იმას ვამბობდი, რასაც ვფიქრობდი. ამ შემთხვევაში კი მონაწილეების მხარდამჭერი ვარ. შოუზე ორიენტირებული უნდა ვიყო. ტექსტები ისე უნდა ვთქვა, როგორც შოუსთვის იქნება საჭირო. აქამდეც ყოველთვის აღვნიშნავდი, რომ შოუს წამყვანობა ძალიან რთული იყო, ამიტომ ვაფასებდი თიკა ფაცაციას და ვანიკო თარხნიშვილს, რომლებიც ამ საქმის პროფესიონალები არიან.
– მსახიობ ია სუხიტაშვილთან მუშაობას როგორ შეეწყვეთ?
– ია გადასარევი ადამიანია. მას სცენაზე დგომის დიდი გამოცდილება აქვს. იაზე მანამდეც ბევრი რამ მსმენოდა, მაგრამ პირადად ამ შოუში გავიცანი. მართალია, ერთად დიდი დრო არ გაგვიტარებია, მაგრამ რაღაცეები ნამდვილად გვაქვს საერთო. მე მსახიობი არ ვარ, ამიტომ იასგან განსხვავებით, როლში შესვლა რთულია ჩემთვის.
– რას გასწავლით მონაწილეებთან ურთიერთობა და, ზოგადად, შოუმენობა?
– პირველ რიგში, გამოცდილებას მძენს. ვსწავლობ, როგორ უნდა ილაპარაკოს და რა უნდა თქვას წამყვანმა, რაზე გააკეთოს აქცენტები და ა.შ. ცხოვრებისეულს კი არაფერს მასწავლის. რაც ასაკი მემატება, მით უფრო ლოიალური ვხდები, არც ძალიან კატეგორიული ვარ, ეს კი ცხოვრებამ მასწავლა. ახალგაზრდობაში გაბრაზებული თუ ყველაფრის წინააღმდეგ მივდიოდი, ასაკთან ერთად ლოიალურობა მოვიდა.
– თუმცა, როცა ჟიურიში იყავით, თქვენზე ვერავინ იტყოდა, ლოიალურიაო, პირიქით, კონკურსანტების მიმართ სიმკაცრეს იჩენდით და ამის გამო ხშირად გაკრიტიკებდნენ კიდეც. ახლა კი "იქს ფაქტორის" ჟიურის ერთ–ერთი წევრი, გიორგი გაბუნია მოექცა კრიტიკის ქარცეცხლში. თავისი შეფასებებით საზოგადოების გარკვეული ნაწილის გულისწყრომა დაიმსახურა. თქვენ რას ფიქრობთ მის გამონათქვამებზე?
– ყველაფერს ვამართლებ, რასაც გიორგი აკეთებს. უნიჭიერესი, ძალიან განათლებული ადამიანია. გადასარევად იცის თავისი საქმე. ხშირად გადამეტებულად მიმაჩნია კომპიუტერს ამოფარებული იმ ადამიანების რეაქციები, რომლებიც სხვების ძაგებით თავს კარგად გრძნობენ. მათი უმრავლესობა წარმოსახვითი ფასეულობებით ცხოვრობს. ცუდია, როცა ვიღაცის რაიმე კომენტარს გინებით ეხმაურებიან. ჩემი აზრით, ეს უთავმოყვარეობა და საკუთარი თავის უპატივცემულობაა. ვიღაცას რომ გინება დავუწყო სახალხოდ, ამისი მე თვითონ შემრცხვება. საქართველოში ტრადიციები ძალიან უყვართ და ისიც კარგად ეცოდინებათ, რომ ოჯახში გაზრდილ ადამიანს მას უწოდებენ, ვინც ნორმალურად მოქცევა იცის.
მესმის იმ ბიჭის, რომელმაც გიორგის კომენტარი შეურაცხყოფად მიიღო, რუსთაველ კონკურსანტს ვგულისხმობ. ის საკმაოდ ღირსეულად მოიქცა, როცა კამერების წინ გიორგის უთხრა, ეგ შეფასება ამ შოუს არ ეხებოდაო. ეს შეურაცხყოფა არც იყო, ხუმრობაში გატარებაც შეიძლებოდა, მაგრამ მისმა დამცველებმა სრულიად წარმოუდგენელი რაღაცეები იკადრეს.
– კონკურენტი არხიდან შალვა რამიშვილიც გამოეხმაურა გიორგი გაბუნიას და თავის შოუში მწარედ იხუმრა. რამიშვილსაც გულისხმობთ იმ ხალხში, ვისზეც ამბობთ, ცუდი რაღაცეები იკადრესო?
– რამიშვილს არ ვგულისხმობ. ის კაცი თავის შოუს დგამს და არც კი მაინტერესებს, რას გააკეთებს. ჩემი აზრით, უფრო მეტი გამოხმაურება შოუს შემფასებლების რეაქციას მოჰყვა, ვიდრე თავად შოუს, რადგან რეიტინგს თუ გადავხედავთ, ბევრმა არც უყურა. საშუალო დონის გადაცემა იყო. მე იმიტომ მომიწია ყურება, რომ მეგობრის კომენტარი ვნახე და ვიფიქრე, ასეთი რა მოხდა–მეთქი. მერე იმ მეგობარს მივწერე, შენც სულელი ხარ, ამას რომ ყურადღებას აქცევ და მეც, შენ რომ აგყევი და 45 წუთი ვუყურე–მეთქი. აღარ ვაპირებ მისი გადაცემის ყურებას. გადასარევად ვიცნობ შალვას, რაც უფრო დიდ რეაქციებს გამოიწვევს ხალხში, მით უფრო გაძლიერდება. ვერ გეტყვით, რომ ასეთ იუმორზე ვგიჟდები. როგორც წესი, ასეთ გადაცემებს არ ვუყურებ.
– რატომ არ უყურებთ, არ გაინტერესებთ, კონკურენტი არხები რას სთავაზობენ მაყურებელს?
– ვნახე და უკვე მივხვდი, რაც არის. დროსთან, რეალობასთან ძალიან აცდენილია. არ მგონია, კარგი საქციელი იყოს, ადამიანებს შეურაცხყოფა მიაყენო და ამით რეიტინგი დაიწერო.
– სხვათა შორის, გიორგი გაბუნიას სწორედ ამას საყვედურობენ, პიროვნულ შეურაცხყოფაზე გადადისო...
– გიორგი შეურაცხყოფაზე არ გადასულა, რადგან ის კარგად აღზრდილიც არის და საკმარისი განათლებაც აქვს. შალვა რამიშვილი კი არ მომეწონა, მიმაჩნია, რომ მის გადაცემაში ბევრი რამ არასწორია, მაგრამ ეს იმას არ ნიშნავს, ვაგინო.
– თავის დროზე თქვენც გაკრიტიკებდნენ სიმკაცრის გამო, მაგრამ არავინ ამბობდა, კონკურსანტებს შეურაცხყოფას აყენებსო, არც მონაწილეების ჩაცმულობაზე ამახვილებდით ყურადღებას, რასაც გიორგიზე ვერ ვიტყვით.
– მე და გიორგი ერთმანეთისგან განვსხვავდებით. პიროვნულად ძალიან კარგი ადამიანია. არც ჩემს პირდაპირობას მოჰყოლია კარგი კომენტარები. ამბობდნენ, ეს ვინ არის, საიდან მოვიდა, რა ჯანდაბა უნდა, ვიღაცეებს რატომ აგდებს კონკურსიდანო. თავიდან მე, მაია ასათიანი და ნიკა მემანიშვილი ვისხედით ჟიურიში. ორივე ძალიან ცნობადი სახე იყო, ამიტომ ვიღაცეების წინააღმდეგ კომენტარების გაკეთებას თავს არიდებდნენ. მე იმას ვამბობდი, რასაც ვფიქრობდი, ეს კი ბევრს არ მოსწონდა.
– თამთა გოდუაძეზეც უნდა გკითხოთ, გაამართლა თქვენი იმედი?
– გაამართლა და, მგონი, გადააჭარბა კიდეც. ჩემთვის თამთა ძალიან ნათელი და დადებითია. ჟიურის ოთხივე წევრი შემდგარი პიროვნებაა, მაგრამ თამთა, რადგან საქართველოდან მოშორებით ცხოვრობს, დიდად არ ფიქრობს ქართველ მაყურებელზე, ბევრად ბუნებრივი და გახსნილია. მისი ყველა ემოცია გულწრფელია. თამთას მიმართ ყველა დადებითადაა განწყობილი.
– სტეფანეს მძაფრი რეაქცია აქვს, როცა კონკურსანტი რუსულ სიმღერას მღერის. თქვენც მასავით ფიქრობთ, რომ რუსული ესტრადა უგემოვნოა?
– აქ დაბალი ხარისხის რუსული სიმღერების შესრულებაზეა საუბარი. ვფიქრობ, რუსეთში ბევრი გადასარევი მომღერალი ჰყავთ, მაგრამ აქ ხარისხზეა ლაპარაკი. სულელური პოპსიმღერების შესრულება უგემოვნობაზე მეტყველებს. ასეთი სიმღერები ქართველებსაც ბევრი გვაქვს. სტეფანეს ასეთ რაღაცეებზე აქვს რეაქციები და მის ადგილას რომ ვიყო, მეც იგივენაირად მოვიქცეოდი. სტეფანე კარგი შოუმენია და ეს კიდევ მეტ ქულას მატებს. მოკლედ, ჟიურის ოთხივე წევრი გამორჩეულია.
– მაყურებელი პრეტენზიებს იმაზეც გამოთქვამს, რომ ჟიურის ოთხივე წევრი ძალიან ახალგაზრდაა. ამბობენ, საკმარისი გამოცდილება არ აქვთო.
– ჩვენი მინისტრები მათზე ბევრად ახალგაზრდები არიან და ქვეყანას მართავენ, ასე რომ... გკითხავთ, თანამედროვე მუსიკალურ ტენდენციებს ვინ უფრო კარგად შეაფასებს, 80 წლის ბაბუა, მამაჩემი, რომელიც ბობ დილანის მუსიკაზე გაიზარდა თუ ის, ვინც დღევანდელ ტენდენციებს ადევნებს თვალს? თავის დროზე მამაჩემი მეუბნებოდა, რა არის ეს "ნირვანა", "დიფ ფარფლიო", ახლა კი ვიღაც ჯასტინ ბიბერი ჰყავთ კერპად. ჩემი შვილები რასაც უსმენენ, ხანდახან გაოცებული ვუყურებ, მაგრამ ეს სხვა თაობაა, ეს მოსწონთ და რა შემიძლია გავაკეთო? მე პირადად ერთ დღეს შემიძლია ჯაზსაც ვუსმინო, კლასიკასაც და როკსაც. მთავარია, რა ხასიათზე ვარ და მუსიკა რა ენერგიას მაძლევს.
– უმცროსი შვილის, პატარა მიკაელას მუსიკალურ გემოვნებაზე თუ იზრუნებთ?
– რატომ უნდა ვიზრუნო მიკაელას გემოვნების ჩამოყალიბებაზე? როგორიც ჩამოუყალიბდება, ისეთი ჰქონდეს. კარგ მუსიკას მოვასმენინებ, მაგრამ არჩევანი მასზე იქნება. დედაჩემი მუსიკის პედაგოგი იყო, მამა – კინორეჟისორი და სახლში ყოველთვის კარგ მუსიკას მასმენინებდნენ. დღეს იმასაც ვუსმენ, რასაც მიმაჩვიეს და სხვა რამესაც. მიკაელასაც ყველა ჟანრს მოვასმენინებ, მერე კი თავად მიიღებს გადაწყვეტილებას, რას მოუსმინოს და რას – არა.
– უკვე მივხვდი, როგორი მამა იქნებით, შვილს ყველაფერში არჩევანის თავისუფლებას მისცემთ.
– არა მარტო შვილს, ყველას უნდა მისცე თავისუფლება. თუ არ შეეშალა, თუ არ წაიქცა, თუ არ დაარტყა, არ ეცოდინება, რა არის ყველაზე მტკივნეული. უბრალოდ შენ უნდა ასწავლო, რომ ყველა შემთხვევაში გააგრძელოს წინსვლა და იბრძოლოს.
– საუბრის დასასრულს, ტელერეიტინგებზეც უნდა გკითხოთ. ბოლო დროს ტელეკომპანიები რეიტინგების "ომში" ჩაერთვნენ. პროექტების – "ცეკვავენ ვარსკვლავები" და "ორი ვარსკვლავის" პროდიუსერმა ნოე სულაბერიძემ ერთ–ერთ ინტერვიუში თქვა, რომ "რუსთავი 2"–ის გადაცემა "პროფილს" რეიტინგით ბევრად უგებს "იმედის" შოუ "ცეკვავენ ვარსკვლავები".
– "რუსთავი 2"–ს ვერავინ უგებს. 136 კვირაა რეიტინგებით პირველები ვართ. "იქს ფაქტორზე" მაღალი რეიტინგი კი ჯერჯერობით არც ერთ სხვა გადაცემას აქვს. "იქს ფაქტორი" ყოველ კვირას უგებს "ორ ვარსკვლავს". პროექტმა "ცეკვავენ ვარსკვლავები" კი ერთ ექსპერიმენტულ "პროფილს" მოუგო, მეორე გადაცემას კი "პროფილმა" მოუგო. თუ ყოველთვის მოუგებენ, მაშინ შეუძლიათ ასეთი რაღაცეები ილაპარაკონ.
ქეთი დინოშვილი, ჟურნალი სარკე
– გეგა, ბევრი ფიქრის შემდეგ დათანხმდით წამყვანობას. გაამართლა ექსპერიმენტმა?
– ეს პროდიუსერების გადაწყვეტილება იყო და არ ვიცი, რამდენად გამომივიდა. მაყურებელს საოცარი შოუს დადგმას ვერ დავპირდები, უბრალოდ შევეცდები, ყველაფერი კარგად გავაკეთო.
– როცა პროექტ "ნიჭიერის" ჟიურიში იყავით, მაშინ უფრო კომფორტულად გრძნობდით თავს თუ ახლა, როცა შოუ მიგყავთ?
– ყველაზე კომფორტულად სახლში ვარ. ისე კი, ჟიურიში უფრო კარგად ვგრძნობდი თავს. წამყვანობას ის პლუსი აქვს, რომ ადამიანებთან კონტაქტში შევდივარ და მათ მხარეს ვარ, მაგრამ ეს ძალიან დამღლელია. როცა ჟიურიში ვიყავი, მაყურებლის წინაშე ვგრძნობდი პასუხისმგებლობას, რომ სწორი გადაწყვეტილებები მიმეღო. იქ ყოველთვის იმას ვამბობდი, რასაც ვფიქრობდი. ამ შემთხვევაში კი მონაწილეების მხარდამჭერი ვარ. შოუზე ორიენტირებული უნდა ვიყო. ტექსტები ისე უნდა ვთქვა, როგორც შოუსთვის იქნება საჭირო. აქამდეც ყოველთვის აღვნიშნავდი, რომ შოუს წამყვანობა ძალიან რთული იყო, ამიტომ ვაფასებდი თიკა ფაცაციას და ვანიკო თარხნიშვილს, რომლებიც ამ საქმის პროფესიონალები არიან.
– მსახიობ ია სუხიტაშვილთან მუშაობას როგორ შეეწყვეთ?
– ია გადასარევი ადამიანია. მას სცენაზე დგომის დიდი გამოცდილება აქვს. იაზე მანამდეც ბევრი რამ მსმენოდა, მაგრამ პირადად ამ შოუში გავიცანი. მართალია, ერთად დიდი დრო არ გაგვიტარებია, მაგრამ რაღაცეები ნამდვილად გვაქვს საერთო. მე მსახიობი არ ვარ, ამიტომ იასგან განსხვავებით, როლში შესვლა რთულია ჩემთვის.
– რას გასწავლით მონაწილეებთან ურთიერთობა და, ზოგადად, შოუმენობა?
– პირველ რიგში, გამოცდილებას მძენს. ვსწავლობ, როგორ უნდა ილაპარაკოს და რა უნდა თქვას წამყვანმა, რაზე გააკეთოს აქცენტები და ა.შ. ცხოვრებისეულს კი არაფერს მასწავლის. რაც ასაკი მემატება, მით უფრო ლოიალური ვხდები, არც ძალიან კატეგორიული ვარ, ეს კი ცხოვრებამ მასწავლა. ახალგაზრდობაში გაბრაზებული თუ ყველაფრის წინააღმდეგ მივდიოდი, ასაკთან ერთად ლოიალურობა მოვიდა.
– თუმცა, როცა ჟიურიში იყავით, თქვენზე ვერავინ იტყოდა, ლოიალურიაო, პირიქით, კონკურსანტების მიმართ სიმკაცრეს იჩენდით და ამის გამო ხშირად გაკრიტიკებდნენ კიდეც. ახლა კი "იქს ფაქტორის" ჟიურის ერთ–ერთი წევრი, გიორგი გაბუნია მოექცა კრიტიკის ქარცეცხლში. თავისი შეფასებებით საზოგადოების გარკვეული ნაწილის გულისწყრომა დაიმსახურა. თქვენ რას ფიქრობთ მის გამონათქვამებზე?
– ყველაფერს ვამართლებ, რასაც გიორგი აკეთებს. უნიჭიერესი, ძალიან განათლებული ადამიანია. გადასარევად იცის თავისი საქმე. ხშირად გადამეტებულად მიმაჩნია კომპიუტერს ამოფარებული იმ ადამიანების რეაქციები, რომლებიც სხვების ძაგებით თავს კარგად გრძნობენ. მათი უმრავლესობა წარმოსახვითი ფასეულობებით ცხოვრობს. ცუდია, როცა ვიღაცის რაიმე კომენტარს გინებით ეხმაურებიან. ჩემი აზრით, ეს უთავმოყვარეობა და საკუთარი თავის უპატივცემულობაა. ვიღაცას რომ გინება დავუწყო სახალხოდ, ამისი მე თვითონ შემრცხვება. საქართველოში ტრადიციები ძალიან უყვართ და ისიც კარგად ეცოდინებათ, რომ ოჯახში გაზრდილ ადამიანს მას უწოდებენ, ვინც ნორმალურად მოქცევა იცის.
მესმის იმ ბიჭის, რომელმაც გიორგის კომენტარი შეურაცხყოფად მიიღო, რუსთაველ კონკურსანტს ვგულისხმობ. ის საკმაოდ ღირსეულად მოიქცა, როცა კამერების წინ გიორგის უთხრა, ეგ შეფასება ამ შოუს არ ეხებოდაო. ეს შეურაცხყოფა არც იყო, ხუმრობაში გატარებაც შეიძლებოდა, მაგრამ მისმა დამცველებმა სრულიად წარმოუდგენელი რაღაცეები იკადრეს.
– კონკურენტი არხიდან შალვა რამიშვილიც გამოეხმაურა გიორგი გაბუნიას და თავის შოუში მწარედ იხუმრა. რამიშვილსაც გულისხმობთ იმ ხალხში, ვისზეც ამბობთ, ცუდი რაღაცეები იკადრესო?
– რამიშვილს არ ვგულისხმობ. ის კაცი თავის შოუს დგამს და არც კი მაინტერესებს, რას გააკეთებს. ჩემი აზრით, უფრო მეტი გამოხმაურება შოუს შემფასებლების რეაქციას მოჰყვა, ვიდრე თავად შოუს, რადგან რეიტინგს თუ გადავხედავთ, ბევრმა არც უყურა. საშუალო დონის გადაცემა იყო. მე იმიტომ მომიწია ყურება, რომ მეგობრის კომენტარი ვნახე და ვიფიქრე, ასეთი რა მოხდა–მეთქი. მერე იმ მეგობარს მივწერე, შენც სულელი ხარ, ამას რომ ყურადღებას აქცევ და მეც, შენ რომ აგყევი და 45 წუთი ვუყურე–მეთქი. აღარ ვაპირებ მისი გადაცემის ყურებას. გადასარევად ვიცნობ შალვას, რაც უფრო დიდ რეაქციებს გამოიწვევს ხალხში, მით უფრო გაძლიერდება. ვერ გეტყვით, რომ ასეთ იუმორზე ვგიჟდები. როგორც წესი, ასეთ გადაცემებს არ ვუყურებ.
– რატომ არ უყურებთ, არ გაინტერესებთ, კონკურენტი არხები რას სთავაზობენ მაყურებელს?
– ვნახე და უკვე მივხვდი, რაც არის. დროსთან, რეალობასთან ძალიან აცდენილია. არ მგონია, კარგი საქციელი იყოს, ადამიანებს შეურაცხყოფა მიაყენო და ამით რეიტინგი დაიწერო.
– სხვათა შორის, გიორგი გაბუნიას სწორედ ამას საყვედურობენ, პიროვნულ შეურაცხყოფაზე გადადისო...
– გიორგი შეურაცხყოფაზე არ გადასულა, რადგან ის კარგად აღზრდილიც არის და საკმარისი განათლებაც აქვს. შალვა რამიშვილი კი არ მომეწონა, მიმაჩნია, რომ მის გადაცემაში ბევრი რამ არასწორია, მაგრამ ეს იმას არ ნიშნავს, ვაგინო.
– თავის დროზე თქვენც გაკრიტიკებდნენ სიმკაცრის გამო, მაგრამ არავინ ამბობდა, კონკურსანტებს შეურაცხყოფას აყენებსო, არც მონაწილეების ჩაცმულობაზე ამახვილებდით ყურადღებას, რასაც გიორგიზე ვერ ვიტყვით.
– მე და გიორგი ერთმანეთისგან განვსხვავდებით. პიროვნულად ძალიან კარგი ადამიანია. არც ჩემს პირდაპირობას მოჰყოლია კარგი კომენტარები. ამბობდნენ, ეს ვინ არის, საიდან მოვიდა, რა ჯანდაბა უნდა, ვიღაცეებს რატომ აგდებს კონკურსიდანო. თავიდან მე, მაია ასათიანი და ნიკა მემანიშვილი ვისხედით ჟიურიში. ორივე ძალიან ცნობადი სახე იყო, ამიტომ ვიღაცეების წინააღმდეგ კომენტარების გაკეთებას თავს არიდებდნენ. მე იმას ვამბობდი, რასაც ვფიქრობდი, ეს კი ბევრს არ მოსწონდა.
– თამთა გოდუაძეზეც უნდა გკითხოთ, გაამართლა თქვენი იმედი?
– გაამართლა და, მგონი, გადააჭარბა კიდეც. ჩემთვის თამთა ძალიან ნათელი და დადებითია. ჟიურის ოთხივე წევრი შემდგარი პიროვნებაა, მაგრამ თამთა, რადგან საქართველოდან მოშორებით ცხოვრობს, დიდად არ ფიქრობს ქართველ მაყურებელზე, ბევრად ბუნებრივი და გახსნილია. მისი ყველა ემოცია გულწრფელია. თამთას მიმართ ყველა დადებითადაა განწყობილი.
– სტეფანეს მძაფრი რეაქცია აქვს, როცა კონკურსანტი რუსულ სიმღერას მღერის. თქვენც მასავით ფიქრობთ, რომ რუსული ესტრადა უგემოვნოა?
– აქ დაბალი ხარისხის რუსული სიმღერების შესრულებაზეა საუბარი. ვფიქრობ, რუსეთში ბევრი გადასარევი მომღერალი ჰყავთ, მაგრამ აქ ხარისხზეა ლაპარაკი. სულელური პოპსიმღერების შესრულება უგემოვნობაზე მეტყველებს. ასეთი სიმღერები ქართველებსაც ბევრი გვაქვს. სტეფანეს ასეთ რაღაცეებზე აქვს რეაქციები და მის ადგილას რომ ვიყო, მეც იგივენაირად მოვიქცეოდი. სტეფანე კარგი შოუმენია და ეს კიდევ მეტ ქულას მატებს. მოკლედ, ჟიურის ოთხივე წევრი გამორჩეულია.
– მაყურებელი პრეტენზიებს იმაზეც გამოთქვამს, რომ ჟიურის ოთხივე წევრი ძალიან ახალგაზრდაა. ამბობენ, საკმარისი გამოცდილება არ აქვთო.
– ჩვენი მინისტრები მათზე ბევრად ახალგაზრდები არიან და ქვეყანას მართავენ, ასე რომ... გკითხავთ, თანამედროვე მუსიკალურ ტენდენციებს ვინ უფრო კარგად შეაფასებს, 80 წლის ბაბუა, მამაჩემი, რომელიც ბობ დილანის მუსიკაზე გაიზარდა თუ ის, ვინც დღევანდელ ტენდენციებს ადევნებს თვალს? თავის დროზე მამაჩემი მეუბნებოდა, რა არის ეს "ნირვანა", "დიფ ფარფლიო", ახლა კი ვიღაც ჯასტინ ბიბერი ჰყავთ კერპად. ჩემი შვილები რასაც უსმენენ, ხანდახან გაოცებული ვუყურებ, მაგრამ ეს სხვა თაობაა, ეს მოსწონთ და რა შემიძლია გავაკეთო? მე პირადად ერთ დღეს შემიძლია ჯაზსაც ვუსმინო, კლასიკასაც და როკსაც. მთავარია, რა ხასიათზე ვარ და მუსიკა რა ენერგიას მაძლევს.
– უმცროსი შვილის, პატარა მიკაელას მუსიკალურ გემოვნებაზე თუ იზრუნებთ?
– რატომ უნდა ვიზრუნო მიკაელას გემოვნების ჩამოყალიბებაზე? როგორიც ჩამოუყალიბდება, ისეთი ჰქონდეს. კარგ მუსიკას მოვასმენინებ, მაგრამ არჩევანი მასზე იქნება. დედაჩემი მუსიკის პედაგოგი იყო, მამა – კინორეჟისორი და სახლში ყოველთვის კარგ მუსიკას მასმენინებდნენ. დღეს იმასაც ვუსმენ, რასაც მიმაჩვიეს და სხვა რამესაც. მიკაელასაც ყველა ჟანრს მოვასმენინებ, მერე კი თავად მიიღებს გადაწყვეტილებას, რას მოუსმინოს და რას – არა.
– უკვე მივხვდი, როგორი მამა იქნებით, შვილს ყველაფერში არჩევანის თავისუფლებას მისცემთ.
– არა მარტო შვილს, ყველას უნდა მისცე თავისუფლება. თუ არ შეეშალა, თუ არ წაიქცა, თუ არ დაარტყა, არ ეცოდინება, რა არის ყველაზე მტკივნეული. უბრალოდ შენ უნდა ასწავლო, რომ ყველა შემთხვევაში გააგრძელოს წინსვლა და იბრძოლოს.
– საუბრის დასასრულს, ტელერეიტინგებზეც უნდა გკითხოთ. ბოლო დროს ტელეკომპანიები რეიტინგების "ომში" ჩაერთვნენ. პროექტების – "ცეკვავენ ვარსკვლავები" და "ორი ვარსკვლავის" პროდიუსერმა ნოე სულაბერიძემ ერთ–ერთ ინტერვიუში თქვა, რომ "რუსთავი 2"–ის გადაცემა "პროფილს" რეიტინგით ბევრად უგებს "იმედის" შოუ "ცეკვავენ ვარსკვლავები".
– "რუსთავი 2"–ს ვერავინ უგებს. 136 კვირაა რეიტინგებით პირველები ვართ. "იქს ფაქტორზე" მაღალი რეიტინგი კი ჯერჯერობით არც ერთ სხვა გადაცემას აქვს. "იქს ფაქტორი" ყოველ კვირას უგებს "ორ ვარსკვლავს". პროექტმა "ცეკვავენ ვარსკვლავები" კი ერთ ექსპერიმენტულ "პროფილს" მოუგო, მეორე გადაცემას კი "პროფილმა" მოუგო. თუ ყოველთვის მოუგებენ, მაშინ შეუძლიათ ასეთი რაღაცეები ილაპარაკონ.
ქეთი დინოშვილი, ჟურნალი სარკე
