ნუცა ბუზალაძე: "ლელა წურწუმია და მამულიჩა მპატრონობენ"
1 687 ნახვა
ხანგრძლივი მოლოდინის ეტაპი დასრულდა – საქართველოდან "ახალი ტალღის" კონკურსზე 17 წლის მომღერალი ნუცა ბუზალაძე წარდგება. მისი პროდიუსერი კახა მამულაშვილია, მომღერალ ლელა წურწუმიას ქმარი, იგივე მამულიჩა. თბილისში, კონკურსის შიდა შესარჩევ ტურზე ჟიური მოსკოვიდან ჩამოვიდა: ვალერი მელაძე, ალექსანდრ რუმიანცევი და ნასტია ხმელნიკოვა. ქართულ მხარეს კი ჟიურიში რუსა მორჩილაძე და "ახალი ტალღის" წინა წლების მონაწილეები, სოფო ხალვაში და სალომე ქათამაძე წარმოადგენდნენ.
ჟიურიმ 18 ქართველ კონკურსანტს შორის ჯერ 7 შეარჩია, საბოლოოდ კი კანდიდატთა რაოდენობა 2–მდე დავიდა და არჩევანი ნინი ცნობილაძესა და ნუცა ბუზალაძეს შორის ამ უკანასკნელის სასარგებლოდ გაკეთდა. შესარჩევ ტურზე გადაღებული ჩანაწერი ტელეკომპანია "იმედმა" მოსკოვში გაგზავნა. სწორედ ამ ჩანაწერის ნახვის შემდეგ გადაწყდა, რომ კონკურსზე ნუცა ბუზალაძე გავიდოდა.
ნუცა ბავშვობიდან შეუდგა სიმღერის გზას. დაიწყო ანსამბლ "მართვეთი", გააგრძელა "მზიურით", 2011 წელს 14 წლისამ პროექტ "ნიჭიერში" მიიღო მონაწილეობა, სადაც მეორე ტურში გადავიდა. შემდეგ ბერა ივანიშვილის სტუდიის მოსწავლე გახდა და იქიდან პროექტ "ერთი ერთში" გადაინაცვლა, რითიც მსოფლიოში უპრეცედენტო ნაბიჯი გადაადგმევინა პროექტის ორგანიზატორებს – ასეთი მცირე ასაკის კონკურსანტი ამ პროექტს არსად ჰყოლია. ალბათ ამიტომაც თბილისში ბერა ივანიშვილისა და ნუცას ახლო მეგობრობაზე დაიწყეს ლაპარაკი. ბევრი ამტკიცებდა, რომ ბერა ნუცას მფარველობს.
"ახალი ტალღის" კონკურსზე ნუცას იურმალაში საგულშემატკივროდ პროდიუსერი კახა მამულაშვილი, მომღერალი ლელა წურწუმია და დედა, ნანა კანკავა გაჰყვებიან. პატარა მომღერალი წინა საკონკურსო ემოციების შესახებ გვესაუბრება.
– ნუცა, საკმაოდ დიდხანს უცდიდით გადაწყვეტილებას, თუ ვინ გავიდოდა "ახალი ტალღის" კონკურსზე, თქვენ თუ ნინი ცნობილაძე. როგორი ემოცია გქონდათ, როცა შედეგი შეიტყვეთ?
– ძალიან ვნერვიულობდი. დილის 4 საათი იყო, მეძინა, როცა ლელა წურწუმიამ დამირეკა და ეს მითხრა. საოცრად ბედნიერი ვიყავი. ვეღარ დავიძინე. თან ვნერვიულობდი, თან მიხაროდა. პირველებმა ლელა წურწუმიამ და მამულიჩამ მომილოცეს.
– რატომ გადაწყვიტეთ ამ კონკურსში მონაწილეობა?
– იურმალას კონკურსში მონაწილეობის მიღება უკვე სახელია. დიდ გამოცდილებას მივიღებ, თან მთელი ევროპა და რუსეთი გამიცნობს. იქ ისეთი პროფესიონალები მუშაობენ, რომ ამ ყველაფრის ნახვა მინდა. განსაკუთრებით მინდა, საქართველო ვასახელო.
– როცა, პოლიტიკური სიტუაციიდან გამომდინარე, რუსულ სცენაზე ქართველების გამოსვლას უარყოფითად აფასებენ, ეს თქვენთვის დამაფიქრებელი არ არის?
– ამას ჩემს თავზე ვერ მივიღებ. ჯერ ბავშვი ვარ, ჩემი საქმე მაქვს და მინდა, კარგად ვიმღერო. პოლიტიკა არ მაინტერესებს. ჩემი მიზანი მაქვს და ვერაფერი შემიშლის ხელს, ამას მივაღწიო. არ მინდა, ასეთმა თემებმა ჩემზე იმოქმედოს.
– როგორი გარემო იყო შესარჩევ ტურში?
– ჟიურის წინაშე ერთ დღეში ორჯერ წარვდექით. პირველად კონკურსანტებმა 3 სიმღერა ვიმღერეთ. 7 ბავშვი აგვარჩიეს და ამიტომ მეორედ ჩაატარეს შერჩევა. შემდეგზე უკვე სხვა სიმღერები ვიმღერეთ. მუდმივად მზად ვარ და სადაც უნდა წავიდე, ყველა სიმღერა დამაქვს დისკზე. ამიტომ თავისუფლად გავედი მეორედ. პირიქით, მინდოდა, უფრო მეტი მემღერა. რეპიც კი შევასრულე და ძალიან მოეწონათ. ეს სხვა კონკურსანტებს არ გაუკეთებიათ. ყველას მოსწონს განსხვავებული ნაბიჯი.
ტყავის შარვალი და ქუსლიანი ფეხსაცმელები მეცვა. მინდოდა, დიდი გოგოს იმიჯი მქონოდა. მსუბუქი მაკიაჟით და გაშლილი, დახვეული თმით გავედი. ძალიან მშვიდი გარემო იყო. თან ისეთი ტიპი ვარ, რაც უნდა დაძაბული ატმოსფერო იყოს, ჩემზე არ მოქმედებს, ყველასთან თავს კარგად ვგრძნობ.
– ნინი ცნობილაძეს მანამდე იცნობდით?
– ნინის არ ვიცნობდი, შესარჩევ ტურზე გავიცანი და დავმეგობრდით, მაგრამ ახლო ურთიერთობა არ გვაქვს.
– "ახალი ტალღის" კონკურსზე რა რეპერტუარს წარადგენთ, მით უმეტეს, რომ მას ნაციონალური ტურიც აქვს?
– მინდა, ნაციონალური ტური ძალიან მაგარი იყოს, ისეთი, როგორც არავის უნახავს. აქ განსაკუთრებულ პასუხისმგებლობას ვგრძნობ. რა რეპერტუარს წარვადგენ, ჯერ არ ვიცი. ამაზე ვმუშაობთ.
– კახა მამულაშვილი (მამულიჩა) თქვენი პროდიუსერი როდის გახდა?
– მას დიდი ხანია ვიცნობ. მამულიჩას და ლელასთან ოჯახით ვმეგობრობთ. მამულიჩა ყველაზე მაგარი პროდიუსერია. თავიდანვე ლელა წურწუმიამ მომკიდა ხელი. სანამ ბერას სტუდიაში მივიდოდი, ლელასთან და მამულიჩასთან მქონდა ურთიერთობა. ლელამ მითხრა, რომ ბერას სტუდიაში კასტინგი იყო გამოცხადებული. ის და მამულიჩა კარგად მპატრონობენ და მშვიდად ვარ, რადგან ვიცი, რომ მაგარ ხელში მოვხვდი. კონკურსზე წამომყვებიან და ყველაფერში, ჩემს რეპერტუარსა თუ იმიჯში წვლილს შეიტანენ. ძალიან მიხარია, რომ ჩემ გვერდით არიან.
– როდის გაემგზავრებით კონკურსზე?
– რეპერტუარი მზად 20 მაისისთვის უნდა მქონდეს. მოსამზადებელი ეტაპისთვის მე და მამულიჩა უკვე 2 ივლისს უნდა წავიდეთ იურმალაში. კონკურსი კი 22 ივლისს იწყება. ძალიან ვნერვიულობ. 17 წლის ბავშვს დიდი პასუხისმგებლობა მაქვს. რაც შემეძლება, ყველაფერს გავაკეთებ. დიეტაც კი დავიწყე! ყველანაირად ფორმაში ვიქნები. რა თქმა უნდა, ყველა კონკურსანტი გამარჯვებაზე ოცნებობს და მათ შორის – მეც, მაგრამ თუ სხვადასხვა ფაქტორის გამო ვერ გავიმარჯვებ, იმას კი შევძლებ, რომ საქართველო კარგად წარვადგინო.
– ცნობილია თქვენი და ბერა ივანიშვილის მეგობრობა. მან იცის თქვენი წარმატების შესახებ?
– ვერ გეტყვით, იცის თუ არა. დიდი ხანია ბერასთან ურთიერთობა არ მქონია. დარწმუნებული ვარ, როცა გაიგებს, ძალიან გაუხარდება. იამაყებს, რადგან ჩემი კარიერა მისი სტუდიიდან დაიწყო. ამ სტუდიამ დამხვეწა, როგორც მომღერალი და მათი დამსახურებაა ის, რაც დღეს ვარ.
– გავრცელდა ხმა, რომ თქვენ ბერა გმფარველობთ. ეს სიმართლესთან ახლოა?
– არ ვიცი, ეს ხმა საიდან გავრცელდა. ჩემთვისაც ძალიან გასაკვირი იყო ამ ჭორის მოსმენა. სხვებთანაც ისეთი ურთიერთობა ჰქონდა ბერას, როგორც ჩემთან.
– იურმალაში თქვენი ოჯახის წევრებიც წამოგყვებიან?
– მყავს დედა, მამა და დეიდა. დედა კონკურსზე წამომყვება და ძალიან გამამხნევებს. მან ყველაფერი მასწავლა ცხოვრებაში. უნივერსიტეტში ლექციებს კითხულობდა, მაგრამ ახლა აღარ მუშაობს, მთლიანად ჩემზეა გადმორთული. ბავშვობიდან ყველგან მატარებდა. დედაჩემის დამსახურებაა, რომ ყოველთვის დატვირთული გრაფიკი მქონდა. მან შრომას მიმაჩვია.
დეიდასაც დიდი წვლილი მიუძღვის ჩემს აღზრდაში. ის სტამბულში ცხოვრობს და ზაფხულობით მასთან ვარ ხოლმე. თურქეთში დიდი დრო მაქვს გატარებული, ფაქტობრივად იქაური მენტალიტეტით ვარ გაზრდილი. მამა და დედა გაშორებულები არიან, მაგრამ მამასთან ძალიან კარგი ურთიერთობა მაქვს. ვმეგობრობთ, ყოველთვის ყველაფერი იცის ჩემ შესახებ და ძალიან მგულშემატკივრობს.
– მუსიკალური ნიჭი ვისგან გამოგყვათ?
– დედის და მამის მხრიდან თითქმის ყველას აქვს მუსიკალური სმენა. მამა მღეროდა, ბებო მღერის და უკრავს ფორტეპიანოზე. დედას და დეიდას ისეთი მაგარი სმენა აქვთ, რომ ფაქტობრივად მათ ჩამომაყალიბეს მომღერლად, მათგან ვიღებდი რჩევებს. ყოველთვის მინდოდა სცენაზე დგომა. ბავშვობაში სახლში ვატარებდი კონცერტებს. დღეს კი სცენაზე ვდგავარ და ჩემს საყვარელ საქმეს ვაკეთებ.
მანანა ნოდია, ჟურნალი სარკე
ჟიურიმ 18 ქართველ კონკურსანტს შორის ჯერ 7 შეარჩია, საბოლოოდ კი კანდიდატთა რაოდენობა 2–მდე დავიდა და არჩევანი ნინი ცნობილაძესა და ნუცა ბუზალაძეს შორის ამ უკანასკნელის სასარგებლოდ გაკეთდა. შესარჩევ ტურზე გადაღებული ჩანაწერი ტელეკომპანია "იმედმა" მოსკოვში გაგზავნა. სწორედ ამ ჩანაწერის ნახვის შემდეგ გადაწყდა, რომ კონკურსზე ნუცა ბუზალაძე გავიდოდა.
ნუცა ბავშვობიდან შეუდგა სიმღერის გზას. დაიწყო ანსამბლ "მართვეთი", გააგრძელა "მზიურით", 2011 წელს 14 წლისამ პროექტ "ნიჭიერში" მიიღო მონაწილეობა, სადაც მეორე ტურში გადავიდა. შემდეგ ბერა ივანიშვილის სტუდიის მოსწავლე გახდა და იქიდან პროექტ "ერთი ერთში" გადაინაცვლა, რითიც მსოფლიოში უპრეცედენტო ნაბიჯი გადაადგმევინა პროექტის ორგანიზატორებს – ასეთი მცირე ასაკის კონკურსანტი ამ პროექტს არსად ჰყოლია. ალბათ ამიტომაც თბილისში ბერა ივანიშვილისა და ნუცას ახლო მეგობრობაზე დაიწყეს ლაპარაკი. ბევრი ამტკიცებდა, რომ ბერა ნუცას მფარველობს.
"ახალი ტალღის" კონკურსზე ნუცას იურმალაში საგულშემატკივროდ პროდიუსერი კახა მამულაშვილი, მომღერალი ლელა წურწუმია და დედა, ნანა კანკავა გაჰყვებიან. პატარა მომღერალი წინა საკონკურსო ემოციების შესახებ გვესაუბრება.
– ნუცა, საკმაოდ დიდხანს უცდიდით გადაწყვეტილებას, თუ ვინ გავიდოდა "ახალი ტალღის" კონკურსზე, თქვენ თუ ნინი ცნობილაძე. როგორი ემოცია გქონდათ, როცა შედეგი შეიტყვეთ?
– ძალიან ვნერვიულობდი. დილის 4 საათი იყო, მეძინა, როცა ლელა წურწუმიამ დამირეკა და ეს მითხრა. საოცრად ბედნიერი ვიყავი. ვეღარ დავიძინე. თან ვნერვიულობდი, თან მიხაროდა. პირველებმა ლელა წურწუმიამ და მამულიჩამ მომილოცეს.
– რატომ გადაწყვიტეთ ამ კონკურსში მონაწილეობა?
– იურმალას კონკურსში მონაწილეობის მიღება უკვე სახელია. დიდ გამოცდილებას მივიღებ, თან მთელი ევროპა და რუსეთი გამიცნობს. იქ ისეთი პროფესიონალები მუშაობენ, რომ ამ ყველაფრის ნახვა მინდა. განსაკუთრებით მინდა, საქართველო ვასახელო.
– როცა, პოლიტიკური სიტუაციიდან გამომდინარე, რუსულ სცენაზე ქართველების გამოსვლას უარყოფითად აფასებენ, ეს თქვენთვის დამაფიქრებელი არ არის?
– ამას ჩემს თავზე ვერ მივიღებ. ჯერ ბავშვი ვარ, ჩემი საქმე მაქვს და მინდა, კარგად ვიმღერო. პოლიტიკა არ მაინტერესებს. ჩემი მიზანი მაქვს და ვერაფერი შემიშლის ხელს, ამას მივაღწიო. არ მინდა, ასეთმა თემებმა ჩემზე იმოქმედოს.
– როგორი გარემო იყო შესარჩევ ტურში?
– ჟიურის წინაშე ერთ დღეში ორჯერ წარვდექით. პირველად კონკურსანტებმა 3 სიმღერა ვიმღერეთ. 7 ბავშვი აგვარჩიეს და ამიტომ მეორედ ჩაატარეს შერჩევა. შემდეგზე უკვე სხვა სიმღერები ვიმღერეთ. მუდმივად მზად ვარ და სადაც უნდა წავიდე, ყველა სიმღერა დამაქვს დისკზე. ამიტომ თავისუფლად გავედი მეორედ. პირიქით, მინდოდა, უფრო მეტი მემღერა. რეპიც კი შევასრულე და ძალიან მოეწონათ. ეს სხვა კონკურსანტებს არ გაუკეთებიათ. ყველას მოსწონს განსხვავებული ნაბიჯი.
ტყავის შარვალი და ქუსლიანი ფეხსაცმელები მეცვა. მინდოდა, დიდი გოგოს იმიჯი მქონოდა. მსუბუქი მაკიაჟით და გაშლილი, დახვეული თმით გავედი. ძალიან მშვიდი გარემო იყო. თან ისეთი ტიპი ვარ, რაც უნდა დაძაბული ატმოსფერო იყოს, ჩემზე არ მოქმედებს, ყველასთან თავს კარგად ვგრძნობ.
– ნინი ცნობილაძეს მანამდე იცნობდით?
– ნინის არ ვიცნობდი, შესარჩევ ტურზე გავიცანი და დავმეგობრდით, მაგრამ ახლო ურთიერთობა არ გვაქვს.
– "ახალი ტალღის" კონკურსზე რა რეპერტუარს წარადგენთ, მით უმეტეს, რომ მას ნაციონალური ტურიც აქვს?
– მინდა, ნაციონალური ტური ძალიან მაგარი იყოს, ისეთი, როგორც არავის უნახავს. აქ განსაკუთრებულ პასუხისმგებლობას ვგრძნობ. რა რეპერტუარს წარვადგენ, ჯერ არ ვიცი. ამაზე ვმუშაობთ.
– კახა მამულაშვილი (მამულიჩა) თქვენი პროდიუსერი როდის გახდა?
– მას დიდი ხანია ვიცნობ. მამულიჩას და ლელასთან ოჯახით ვმეგობრობთ. მამულიჩა ყველაზე მაგარი პროდიუსერია. თავიდანვე ლელა წურწუმიამ მომკიდა ხელი. სანამ ბერას სტუდიაში მივიდოდი, ლელასთან და მამულიჩასთან მქონდა ურთიერთობა. ლელამ მითხრა, რომ ბერას სტუდიაში კასტინგი იყო გამოცხადებული. ის და მამულიჩა კარგად მპატრონობენ და მშვიდად ვარ, რადგან ვიცი, რომ მაგარ ხელში მოვხვდი. კონკურსზე წამომყვებიან და ყველაფერში, ჩემს რეპერტუარსა თუ იმიჯში წვლილს შეიტანენ. ძალიან მიხარია, რომ ჩემ გვერდით არიან.
– როდის გაემგზავრებით კონკურსზე?
– რეპერტუარი მზად 20 მაისისთვის უნდა მქონდეს. მოსამზადებელი ეტაპისთვის მე და მამულიჩა უკვე 2 ივლისს უნდა წავიდეთ იურმალაში. კონკურსი კი 22 ივლისს იწყება. ძალიან ვნერვიულობ. 17 წლის ბავშვს დიდი პასუხისმგებლობა მაქვს. რაც შემეძლება, ყველაფერს გავაკეთებ. დიეტაც კი დავიწყე! ყველანაირად ფორმაში ვიქნები. რა თქმა უნდა, ყველა კონკურსანტი გამარჯვებაზე ოცნებობს და მათ შორის – მეც, მაგრამ თუ სხვადასხვა ფაქტორის გამო ვერ გავიმარჯვებ, იმას კი შევძლებ, რომ საქართველო კარგად წარვადგინო.
– ცნობილია თქვენი და ბერა ივანიშვილის მეგობრობა. მან იცის თქვენი წარმატების შესახებ?
– ვერ გეტყვით, იცის თუ არა. დიდი ხანია ბერასთან ურთიერთობა არ მქონია. დარწმუნებული ვარ, როცა გაიგებს, ძალიან გაუხარდება. იამაყებს, რადგან ჩემი კარიერა მისი სტუდიიდან დაიწყო. ამ სტუდიამ დამხვეწა, როგორც მომღერალი და მათი დამსახურებაა ის, რაც დღეს ვარ.
– გავრცელდა ხმა, რომ თქვენ ბერა გმფარველობთ. ეს სიმართლესთან ახლოა?
– არ ვიცი, ეს ხმა საიდან გავრცელდა. ჩემთვისაც ძალიან გასაკვირი იყო ამ ჭორის მოსმენა. სხვებთანაც ისეთი ურთიერთობა ჰქონდა ბერას, როგორც ჩემთან.
– იურმალაში თქვენი ოჯახის წევრებიც წამოგყვებიან?
– მყავს დედა, მამა და დეიდა. დედა კონკურსზე წამომყვება და ძალიან გამამხნევებს. მან ყველაფერი მასწავლა ცხოვრებაში. უნივერსიტეტში ლექციებს კითხულობდა, მაგრამ ახლა აღარ მუშაობს, მთლიანად ჩემზეა გადმორთული. ბავშვობიდან ყველგან მატარებდა. დედაჩემის დამსახურებაა, რომ ყოველთვის დატვირთული გრაფიკი მქონდა. მან შრომას მიმაჩვია.
დეიდასაც დიდი წვლილი მიუძღვის ჩემს აღზრდაში. ის სტამბულში ცხოვრობს და ზაფხულობით მასთან ვარ ხოლმე. თურქეთში დიდი დრო მაქვს გატარებული, ფაქტობრივად იქაური მენტალიტეტით ვარ გაზრდილი. მამა და დედა გაშორებულები არიან, მაგრამ მამასთან ძალიან კარგი ურთიერთობა მაქვს. ვმეგობრობთ, ყოველთვის ყველაფერი იცის ჩემ შესახებ და ძალიან მგულშემატკივრობს.
– მუსიკალური ნიჭი ვისგან გამოგყვათ?
– დედის და მამის მხრიდან თითქმის ყველას აქვს მუსიკალური სმენა. მამა მღეროდა, ბებო მღერის და უკრავს ფორტეპიანოზე. დედას და დეიდას ისეთი მაგარი სმენა აქვთ, რომ ფაქტობრივად მათ ჩამომაყალიბეს მომღერლად, მათგან ვიღებდი რჩევებს. ყოველთვის მინდოდა სცენაზე დგომა. ბავშვობაში სახლში ვატარებდი კონცერტებს. დღეს კი სცენაზე ვდგავარ და ჩემს საყვარელ საქმეს ვაკეთებ.
მანანა ნოდია, ჟურნალი სარკე
