მურატ ილდირიმი საქართველოდან ატირებული წავიდა
2 770 ნახვა
ცნობილი თურქი მსახიობი, მურატ ილდირიმი, რომელიც ქართველმა მაყურებელმა თურქული სერიალიდან "სიყვარული და სასჯელი" გაიცნო, საქართველოში ერთი დღით ჩამოვიდა. მას ქართველმა ქალებმა ისეთი დახვედრა მოუწყვეს, როგორიც ნამდვილ ვარსკვლავს შეშვენის. თურქი მსახიობი საქართველოში საქველმოქმედო მისიით, დიმიტრი ცინცაძის ფონდის მოწვევით ჩამოვიდა. ილდირიმი იუნესკო–ს კეთილი ნების ელჩია და ლეიკემიით დაავადებულ ბავშვებს დიდ დახმარებას უწევს.
მურატ ილდირიმს, რომლის სამუშაო გრაფიკი მკაცრად არის გაწერილი, საქართველოში იუსტიციის სამინისტროს სერვისების განვითარების სააგენტოს ერთ–ერთი პროექტის ხელმძღვანელი, ნინელი ფუტკარაძე მასპინძლობდა. ქალბატონი ნინელი დიმიტრი ცინცაძის ფონდის დამფუძნებლებთან მეგობრობს. სწორედ მათ სთხოვეს მსახიობის საქართველოში ჩამოყვანა. ქალბატონი ნინელი მურატ ილდირიმს თბილისში ერთი წუთითაც არ მოშორებია. რა მოეწონა თურქ მსახიობს საქართველოში და რისთვის აპირებს ზაფხულში კვლავ ჩამოსვლას, ქალბატონმა ნინელიმ "სარკეს" უამბო.
ნინელი ფუტკარაძე: დიმიტრი ცინცაძის ფონდში ბევრი ახლობელი მყავს. ეს ადამიანები ყველაფერს აკეთებენ იმისათვის, რომ დაავადებულ ბავშვებს დაეხმარონ. საოცარი შემართებით არიან. ბოლო ერთი წლის განმავლობაში 35 ბავშვი მაინც გადაარჩინეს. მათგან ოთხს ძვლის ტვინის გადანერგვის ოპერაცია ჩაუტარდა, დანარჩენებს მკურნალობის საშუალება მისცეს. მათ მითხრეს, ხომ არ შემეძლო დახმარება, რომ საქართველოში ძალიან პოპულარული მსახიობი, მურატ ილდირიმი ჩამოგვეყვანა. ეს ადამიანი იუნესკო–ს სახეა. სოციალურ პროექტებშია ჩართული და თურქეთში ის და მისი მეუღლე ბევრ კეთილ საქმეს აკეთებენ. მისი ცოლი თურქეთში აუტიზმით დაავადებულ ბავშვებს პატრონობს, მურატი კი – ლეიკემიით დაავადებულ პატარებს.
– რატომ გთხოვეს მისი ჩამოყვანა, იცნობდით?
– არა. სტამბულში ერთ–ერთი ვიზიტის დროს ვიკითხე, იქ როგორი ფონდებით არსებობდნენ ასეთი ბავშვები. აღნიშნეს, რომ ამ საქმეში აქტიურად არიან ჩართული მსახიობები და მათ შორის – ილდირიმიც. სამწუხაროდ, მაშინ არ ვიცოდი, ვინ იყო. როცა დიმიტრი ცინცაძის ფონდში ვთქვი ეს, ყველამ აღნიშნა, რომ საქართველოში ილდირიმი ძალიან პოპულარული იყო. მთხოვეს, იქნებ ჩამოვიყვანოთ, რომ ფონდს გვერდით დაუდგესო.
– როგორ დაუკავშირდით, ვინ დაგეხმარათ, რომ მისთვის ხმა მიგეწვდინათ?
– წარმოშობით ლაზი, თურქეთში ქართული სახლის დამფუძნებელი და ხელმძღვანელი, ელდარ ქუჩუკი დაგვეხმარა. იშვიათად თუ მინახავს ადამიანი, რომელიც ასე იღვწის ქართული კულტურის პოპულარიზაციისთვის. თავად სამი შვილი ჰყავს და რომ გაიგო, ლეიკემიით დაავადებული ბავშვებისთვის გვინდოდა დახმარება, ყველაფერი გააკეთა და საქმე ბოლომდე მიიყვანა. მურატს უამრავი მოწვევა აქვს სხვადასხვა ქვეყნიდან, მაგრამ ვერსად ახერხებს ჩასვლას, რადგან სულ გადაღებებზეა და საზოგადოებრივ საქმეშია ჩართული, თუმცა, როგორც კი გაიგო, რომ საქმე ლეიკემიით დაავადებულ ბავშვებს ეხებოდა, მაშინვე დაგვთანხმდა.
– პირად ურთიერთობებში როგორია?
– სულ იღიმის და ცდილობს, გასიამოვნოს. ისეთი კეთილი ადამიანია, შეუძლებელია მის მიმართ ასევე არ განეწყო. თქვა, რომ მზად არის, კიდევ ჩამოვიდეს, ამ ბავშვებთან ერთად დოკუმენტური ფილმი გადაიღოს და ასე დაეხმაროს ფონდს. თბილისში სრულიად უსასყიდლოდ ჩამოვიდა და ძალიან უხერხულ მდგომარეობაში ჩავვარდი, როდესაც საქველმოქმედო ვახშამზე ყუთში ფულს ყრიდა.
– ქართველი ქალები მას პლაკატებით და შეძახილებით დახვდნენ...
– გულზე მომხვდა მკერდზე დაკიდებული სურათები, უხერხულ სიტუაციაში ჩავვარდი, რადგან ქართველი ქალი ყოველთვის კდემამოსილი იყო... ასეთი აქტიურები ლეიკემიით დაავადებული ბავშვების მიმართაც რომ იყვნენ, ვფიქრობ, ბევრ კეთილ საქმეს გააკეთებდნენ. ეს კაცი, რომლის დროც საკმაოდ ძვირი ღირს, უსასყიდლოდ ჩამოვიდა და გვერდით დაგვიდგა. ჩვენს ქვეყანაში უამრავი ისეთი ადამიანია, ვისაც შეუძლია სიკეთე გააკეთოს, მაგრამ ერთი ლარიც არ გაუღია ამ ბავშვებისთვის.
– თავად ილდირიმს რა რეაქცია ჰქონდა ფანების დანახვაზე?
– მისთვის არ იყო მოულოდნელი. ვწუხდი, რომ არ გადაღლილიყო, მაგრამ გვეუბნებოდა, არავინ შეაჩეროთ, ყველა მოუშვითო. მათთან სურათებს იღებდა, მადლობას უხდიდა ყველას, რომ მის მიმართ სითბოს გამოხატავდნენ.
– იაშვილის კლინიკაში როგორ შეხვდნენ ბავშვები?
– ერთი პატარა ბიჭი, რომელიც ქიმიოთერაპიის კურსს გადის და ყველამ იცით, ამ დროს როგორ შეიძლება იყოს, გამოქანდა და მურატს ჩაეხუტა. 5 წუთი ბავშვი დედამ ვერ მოაცილა. მსახიობი ბიჭუნას დედას ეუბნებოდა, ნუ აწუხებთ, იყოსო. თავს ძლივს იკავებდა, რომ არ ეტირა. სათითაოდ შემოიარა ყველა პალატა. 15 წლის გოგოს მისი სურათები ჰქონდა პალატაში გამოფენილი... იქიდან წამოსულებს საათნახევარი ძველ თბილისში უნდა გვესეირნა, მაგრამ გვითხრა, ახლა ემოციურად ისე ვარ დატვირთული, ნახევარი საათი უნდა დავისვენოო. კლინიკიდან რომ მოვდიოდით, ხმა არ ამოუღია, თვალები ცრემლებით ჰქონდა სავსე. მერე ცრემლიანი თვალებით გვეკითხებოდა, რა შეიძლება მათთვის გავაკეთოო. გვითხრა, რომ სექტემბრიდან ახალი სერიალის გადაღებას იწყებს და თუ მისი ჩამოსვლა ისევ დაგვჭირდება, ზაფხულში დავგეგმოთ.
– თბილისი როგორ მოეწონა?
– ძალიან მოეწონა, თქვა, კარგი არქიტექტურა აქვსო. განათლებული ადამიანია. უყვარს მუსიკა, ლექსების კითხვა, ფილმების ყურება, ფეხბურთი. ფუნიკულიორზე უშაქრო ყავა და წყალი დალია. არ სვამს, არ ეწევა. ბოლო 6 თვეა დიეტაზეა. ხორცს და ბოსტნეულს ჭამს. შეზღუდულად იღებს შაქრიან პროდუქტებს და ამბობს, რომ ცხოვრების ჯანსაღი წესის დაცვა ძალიან ეხმარება იმაში, რომ ფიზიკურად გაუძლოს დატვირთულ სამუშაოს. მომიყვა, რომ გადაიღეს ფილმი "მდუმარენი", რომელიც ეხება თურქეთის ციხეში 4 ბავშვის მოხვედრას. გვითხრა, იმდენად გვიჭირდა ამ სცენების გადაღება, რომ მე და ჩემი მეგობრები გადაღებას ვწყვეტდით და ვტიროდითო. ეს ამბავი დიეტაზე საუბარს მოაყოლა. თურმე მანამდე სიგარეტსაც ეწეოდა და მერე მიხვდა, რომ ასე არ შეიძლებოდა. შევეცადე, არ მექექა მის ცხოვრებაში. ასე რომ, რაც თქვა, ის მოგახსენეთ. დიეტაზეც იმიტომ ვისაუბრეთ, რამეს რომ ვთავაზობდი, უარს მეუბნებოდა.
– ქართული სუფრიდან არაფერი მოეწონა?
– სულგუნსა და ჩაქაფულზე გადაირია. სპეციალურად მოვატანინე ტარხუნა, რომ ენახა, ჩაქაფული რითი მზადდებოდა. მის მენეჯერს კი ხაჭაპური ძალიან მოეწონა. მურატი სუხიშვილების ანსამბლს ფეხზე წამოუდგა და აღფრთოვანებული უკრავდა ტაშს.
რუსუდან ადვაძე, ჟურნალი სარკე
მურატ ილდირიმს, რომლის სამუშაო გრაფიკი მკაცრად არის გაწერილი, საქართველოში იუსტიციის სამინისტროს სერვისების განვითარების სააგენტოს ერთ–ერთი პროექტის ხელმძღვანელი, ნინელი ფუტკარაძე მასპინძლობდა. ქალბატონი ნინელი დიმიტრი ცინცაძის ფონდის დამფუძნებლებთან მეგობრობს. სწორედ მათ სთხოვეს მსახიობის საქართველოში ჩამოყვანა. ქალბატონი ნინელი მურატ ილდირიმს თბილისში ერთი წუთითაც არ მოშორებია. რა მოეწონა თურქ მსახიობს საქართველოში და რისთვის აპირებს ზაფხულში კვლავ ჩამოსვლას, ქალბატონმა ნინელიმ "სარკეს" უამბო.
ნინელი ფუტკარაძე: დიმიტრი ცინცაძის ფონდში ბევრი ახლობელი მყავს. ეს ადამიანები ყველაფერს აკეთებენ იმისათვის, რომ დაავადებულ ბავშვებს დაეხმარონ. საოცარი შემართებით არიან. ბოლო ერთი წლის განმავლობაში 35 ბავშვი მაინც გადაარჩინეს. მათგან ოთხს ძვლის ტვინის გადანერგვის ოპერაცია ჩაუტარდა, დანარჩენებს მკურნალობის საშუალება მისცეს. მათ მითხრეს, ხომ არ შემეძლო დახმარება, რომ საქართველოში ძალიან პოპულარული მსახიობი, მურატ ილდირიმი ჩამოგვეყვანა. ეს ადამიანი იუნესკო–ს სახეა. სოციალურ პროექტებშია ჩართული და თურქეთში ის და მისი მეუღლე ბევრ კეთილ საქმეს აკეთებენ. მისი ცოლი თურქეთში აუტიზმით დაავადებულ ბავშვებს პატრონობს, მურატი კი – ლეიკემიით დაავადებულ პატარებს.
– რატომ გთხოვეს მისი ჩამოყვანა, იცნობდით?
– არა. სტამბულში ერთ–ერთი ვიზიტის დროს ვიკითხე, იქ როგორი ფონდებით არსებობდნენ ასეთი ბავშვები. აღნიშნეს, რომ ამ საქმეში აქტიურად არიან ჩართული მსახიობები და მათ შორის – ილდირიმიც. სამწუხაროდ, მაშინ არ ვიცოდი, ვინ იყო. როცა დიმიტრი ცინცაძის ფონდში ვთქვი ეს, ყველამ აღნიშნა, რომ საქართველოში ილდირიმი ძალიან პოპულარული იყო. მთხოვეს, იქნებ ჩამოვიყვანოთ, რომ ფონდს გვერდით დაუდგესო.
– როგორ დაუკავშირდით, ვინ დაგეხმარათ, რომ მისთვის ხმა მიგეწვდინათ?
– წარმოშობით ლაზი, თურქეთში ქართული სახლის დამფუძნებელი და ხელმძღვანელი, ელდარ ქუჩუკი დაგვეხმარა. იშვიათად თუ მინახავს ადამიანი, რომელიც ასე იღვწის ქართული კულტურის პოპულარიზაციისთვის. თავად სამი შვილი ჰყავს და რომ გაიგო, ლეიკემიით დაავადებული ბავშვებისთვის გვინდოდა დახმარება, ყველაფერი გააკეთა და საქმე ბოლომდე მიიყვანა. მურატს უამრავი მოწვევა აქვს სხვადასხვა ქვეყნიდან, მაგრამ ვერსად ახერხებს ჩასვლას, რადგან სულ გადაღებებზეა და საზოგადოებრივ საქმეშია ჩართული, თუმცა, როგორც კი გაიგო, რომ საქმე ლეიკემიით დაავადებულ ბავშვებს ეხებოდა, მაშინვე დაგვთანხმდა.
– პირად ურთიერთობებში როგორია?
– სულ იღიმის და ცდილობს, გასიამოვნოს. ისეთი კეთილი ადამიანია, შეუძლებელია მის მიმართ ასევე არ განეწყო. თქვა, რომ მზად არის, კიდევ ჩამოვიდეს, ამ ბავშვებთან ერთად დოკუმენტური ფილმი გადაიღოს და ასე დაეხმაროს ფონდს. თბილისში სრულიად უსასყიდლოდ ჩამოვიდა და ძალიან უხერხულ მდგომარეობაში ჩავვარდი, როდესაც საქველმოქმედო ვახშამზე ყუთში ფულს ყრიდა.
– ქართველი ქალები მას პლაკატებით და შეძახილებით დახვდნენ...
– გულზე მომხვდა მკერდზე დაკიდებული სურათები, უხერხულ სიტუაციაში ჩავვარდი, რადგან ქართველი ქალი ყოველთვის კდემამოსილი იყო... ასეთი აქტიურები ლეიკემიით დაავადებული ბავშვების მიმართაც რომ იყვნენ, ვფიქრობ, ბევრ კეთილ საქმეს გააკეთებდნენ. ეს კაცი, რომლის დროც საკმაოდ ძვირი ღირს, უსასყიდლოდ ჩამოვიდა და გვერდით დაგვიდგა. ჩვენს ქვეყანაში უამრავი ისეთი ადამიანია, ვისაც შეუძლია სიკეთე გააკეთოს, მაგრამ ერთი ლარიც არ გაუღია ამ ბავშვებისთვის.
– თავად ილდირიმს რა რეაქცია ჰქონდა ფანების დანახვაზე?
– მისთვის არ იყო მოულოდნელი. ვწუხდი, რომ არ გადაღლილიყო, მაგრამ გვეუბნებოდა, არავინ შეაჩეროთ, ყველა მოუშვითო. მათთან სურათებს იღებდა, მადლობას უხდიდა ყველას, რომ მის მიმართ სითბოს გამოხატავდნენ.
– იაშვილის კლინიკაში როგორ შეხვდნენ ბავშვები?
– ერთი პატარა ბიჭი, რომელიც ქიმიოთერაპიის კურსს გადის და ყველამ იცით, ამ დროს როგორ შეიძლება იყოს, გამოქანდა და მურატს ჩაეხუტა. 5 წუთი ბავშვი დედამ ვერ მოაცილა. მსახიობი ბიჭუნას დედას ეუბნებოდა, ნუ აწუხებთ, იყოსო. თავს ძლივს იკავებდა, რომ არ ეტირა. სათითაოდ შემოიარა ყველა პალატა. 15 წლის გოგოს მისი სურათები ჰქონდა პალატაში გამოფენილი... იქიდან წამოსულებს საათნახევარი ძველ თბილისში უნდა გვესეირნა, მაგრამ გვითხრა, ახლა ემოციურად ისე ვარ დატვირთული, ნახევარი საათი უნდა დავისვენოო. კლინიკიდან რომ მოვდიოდით, ხმა არ ამოუღია, თვალები ცრემლებით ჰქონდა სავსე. მერე ცრემლიანი თვალებით გვეკითხებოდა, რა შეიძლება მათთვის გავაკეთოო. გვითხრა, რომ სექტემბრიდან ახალი სერიალის გადაღებას იწყებს და თუ მისი ჩამოსვლა ისევ დაგვჭირდება, ზაფხულში დავგეგმოთ.
– თბილისი როგორ მოეწონა?
– ძალიან მოეწონა, თქვა, კარგი არქიტექტურა აქვსო. განათლებული ადამიანია. უყვარს მუსიკა, ლექსების კითხვა, ფილმების ყურება, ფეხბურთი. ფუნიკულიორზე უშაქრო ყავა და წყალი დალია. არ სვამს, არ ეწევა. ბოლო 6 თვეა დიეტაზეა. ხორცს და ბოსტნეულს ჭამს. შეზღუდულად იღებს შაქრიან პროდუქტებს და ამბობს, რომ ცხოვრების ჯანსაღი წესის დაცვა ძალიან ეხმარება იმაში, რომ ფიზიკურად გაუძლოს დატვირთულ სამუშაოს. მომიყვა, რომ გადაიღეს ფილმი "მდუმარენი", რომელიც ეხება თურქეთის ციხეში 4 ბავშვის მოხვედრას. გვითხრა, იმდენად გვიჭირდა ამ სცენების გადაღება, რომ მე და ჩემი მეგობრები გადაღებას ვწყვეტდით და ვტიროდითო. ეს ამბავი დიეტაზე საუბარს მოაყოლა. თურმე მანამდე სიგარეტსაც ეწეოდა და მერე მიხვდა, რომ ასე არ შეიძლებოდა. შევეცადე, არ მექექა მის ცხოვრებაში. ასე რომ, რაც თქვა, ის მოგახსენეთ. დიეტაზეც იმიტომ ვისაუბრეთ, რამეს რომ ვთავაზობდი, უარს მეუბნებოდა.
– ქართული სუფრიდან არაფერი მოეწონა?
– სულგუნსა და ჩაქაფულზე გადაირია. სპეციალურად მოვატანინე ტარხუნა, რომ ენახა, ჩაქაფული რითი მზადდებოდა. მის მენეჯერს კი ხაჭაპური ძალიან მოეწონა. მურატი სუხიშვილების ანსამბლს ფეხზე წამოუდგა და აღფრთოვანებული უკრავდა ტაშს.
რუსუდან ადვაძე, ჟურნალი სარკე
