კვენტინ ტარანტინოსა და უმა თურმანს რომანი აქვთ?

ექსტრავაგანტური რეჟისორის კვენტინ ტარანტინოსა და მსახიობ უმა თურმანის რომანის შესახებ კულუარებში საუბრობენ. გავრცელებული ინფორმაციით, წყვილმა შეხვედრა 20 წლის შემდეგ დაიწყო, რაც მათი პირველი ერთობლივი ნამუშევრი "მაკულატურა" გამოვიდა.

ხმები რეჟისორისა და მისი მუზის ერთად ყოფნის შესახებ მას შემდეგ გავრცელდა, რაც ტარანტინო და თურმანი კანის კინოფესტივალზე ერთად გამოჩნდნენ. წყვილი 24 მაისს ცერემონიიის დახურვას დაესწრო და ღამით ვილაშიც ერთად გაჩერდნენ.

მანამდე კი მსახიობი და რეჟისორი ჯონ ტრავოლტასთან ერთად გამოჩნდნენ "მაკულატურას" ჩვენებაზე, რომელმაც 20 წლის წინ კანში მთავარი პრიზი - "პალმის რტო" აიღო.

ერთ-ერთი წყარო ჰყვება, რომ მათ შორის გრძნობა ყოველთვის იყო, თუმცა თურმანი სხვა მამაკაცებით იყო დაკავებული. ამიტომ მათი ურთიერთობა ადრე არ შედგა.

სხვათა შორის, 10 წლის წინ უმა თურმანი ერთ-ერთ ინტერვიუში კვენტინთან პირად და პროფესიულ ურთიერთობებზე წერდა:

"ჩვენ ერთმანეთისაგან ძალიან განვსხვავდებით, მაგრამ ერთად მაინც მხიარულად ვგრძნობთ თავს. არ მგონია, რომ ჩვენ რამე გამოგვივიდეს, რადგან სხვადასხვა პერსპექტივა, განსხვავებული ხასიათი გვაქვს, თუმცა ვინ იცის....".

შეგახსენებთ, უმა თურმანი 6 წელი ითან ჰოუკზე იყო დაქორწინებული. მისგან მსახიობს ორი შვილი ჰყავს.

2007 წელს თურმანმა ნიშნობა იზეიმა შვეიცარიელ მულტიმილიონერ არპად ბუსონომთან, რომელთანაც 2 წლის გოგონა ჰყავს. აპრილში გავრცელდა ხმები რომ თურმანმა ნიშნობა ჩაშალა.