სტეფანეს მარიხუანის და სალომე ტეტიაშვილის გამო ემუქრებიან - ''თუ ვერ გავაგებინე, რა ვქნა, თავს ხომ არ მოვიკლავ''...
1 742 ნახვა
ორშაბათს ''X ფაქტორის'' მორიგ კონცერტზე სტეფანეს გუნდიდან ხალხის რჩეული ისევ სალომე ტეტიაშვილი გახდა. სალომემ შემოსული ზარების 45% მიიღო. სტეფანემ კვლავ სოფო სააკაშვილი გადაარჩინა და მარიამ კახელიშვილი სახლში გაუშვა. მიუხედავად იმისა, რომ სალომეს პროექტი არ დაუტოვებია, მისი მენტორი სალომეს გულშემატკივრებმა გააკრიტიკეს. ამაზე სტეფანემ სოციალურ ქსელში სპეციალური სტატუსი გამოაქვეყნა: ''პროფესორებო, ერისა, ძალიან გრძელ საყვედურებს მიგზავნით პირადში. ამდენი კითხვის თავიც არ მაქვს… მარტივად… ნეგატივიც მარტივად… თუ შეიძლება''. სტეფანეს დავუკავშირდით და ამ თემაზე კომენტარი ვთხოვეთ.
- სტეფანე, შენს სტატუსზე მინდა გკითხო, რა ნეგატივს გულისხმობდი?
- იმ ნეგატივს ვგულისხმობდი, რომელიც მაყურებლისგან წამოვიდა, ''ფეისბუქზე'' ძალიან ბევრი ვრცელი წერილი მივიღე, რომელსაც ბოლომდე, რა თქმა უნდა, ვერ გავეცანი. ამიტომ ვითხოვდი, მოკლედ მოეწერათ რისი თქმაც უნდოდათ. ძირითადად მაკრიტიკებენ იმის გამო, რომ მე სათანადოდ ვერ ვაფასებ ჩემს კონკურსანტებს. პროტესტი იყო რეპერტუართან დაკავშირებითაც, ვიღაცებს ჰგონიათ, რომ თვითონ ყველაზე მაგრები არიან, ოღონდ უნდა ნახოთ, რა სიმღერებს მიგზავნიან, იმას ვერც გამოვაქვეყნებ.
- კონკრეტულად რომელ კონკურსანტზეა აქცენტი გაკეთებული?
- სალომე ტეტიაშვილზეა პრეტენზია, მწერენ, რატომ მინდოდა სალომეს გაგდება. მე რომ სალომეს გაგდება მდომებოდა, არც მეყოლებოდა საუკეთესო ოთხეულში. რადგან ვთქვი, რომ სალომე ერის რჩეულია და თუ ასეა, დაამტკიცოს ერმა, ჩათვალეს, რომ ამით საქმე გავუფუჭე მას. მე პირიქით მგონია, ნამუსზე ავაგდე მაყურებელი და დაურეკეს კიდეც. ვამბობ, რომ სალომე არ არის ვოკალისტი, სალომე არის მდგომარეობა, რომელიც მოსწონს მაყურებელს.
- ხომ არ გგონია, რომ სწორედ ეს ფრაზა აღიზიანებს მაყურებელს?
- თორნიკე ყიფიანზეც ვთქვი, რომ არ არის ვოკალისტი, მებოც არ არის ვოკალისტი, მაგრამ ორივე ლიდერია და ძალიან მაგარი ბიჭები არიან... რეპერტუარს რაც შეეხება, არ ვფიქრობ, რომ ძალიან ავცდი სალომეს გემოვნებას. თავად მოსწონდა ეს სიმღერა და მინდოდა ორგანული ყოფილიყო მისთვის ის, რასაც შეასრულებდა. სულაც არ ვფიქრობ, რომ მე მაგ ბავშვს რაიმეს არასწორად ვუკეთებ. სალომეც ბოლომდე მენდობა და ხვდება, რომ მისთვის ცუდი ნამდვილად არ მინდა.
- შენი აშკარა ფავორიტია…
- (მაწყვეტინებს. ავტ.) ჩემი აშკარა ფავორიტი კი არა, ყველას ფავორიტია სოფო სააკაშვილი. მგონია, მაყურებლის ფავორიტიც უნდა იყოს სოფო, თუ არ აქვთ ყურები მიხატული. ჩვენ, მენტორები რისთვის ვართ, თუ ყველაფერს თვითონ გადაწყვეტენ და არაფერს გვკითხავენ?! თუ ვინმე ვერ ხვდება, ვინ არის კარგი მომღერალი, იმისთვის ვართ, რომ მაყურებელს რამენაირად გავაგებინოთ.
- თუ ვერ გააგებინეთ?
- თუ ვერ გავაგებინე, რა ვქნა, თავს ხომ არ მოვიკლავ, არა? მიჩვეული ვარ უცნაურ შედეგებს, გადავიტან.
- თუ შენს გუნდში გაიმარჯვებს სალომე ტეტიაშვილი, როგორ გგონია, იქნება სათანადო კონკურენტი დანარჩენი მენტორების გუნდების ლიდერებისთვის?
- მაგალითად ვისთვის?
- თორნიკე ყიფიანისთვის, მებო ნუცუბიძისთვის.
- მაგათვის ნამდილად იქნება ღირსეული კონკურენტი. იმიტომ, რომ სამივე არის კონდიცია, უბრალოდ სხვადასხვა ჟანრში მღერიან. ვთვლი, რომ ქართველ ერთან ამ სამიდან ყველაზე ახლოს არის სალომე ტეტიაშვილი, ამიტომ წარმატებას ვუსურვებ. რატომაც არა, დაე, გაიმარჯვოს! ყველანაირად დავუჭერ მხარს. თუ ჩვენი ქვეყანა მას აირჩევს, მე მხოლოდ მოხარული ვიქნები.
- ვიცი, რომ თითოეულ კონკურსანტს სურვილის შემთხვევაში ერთი ქართული სიმღერის შესრულება შეუძლია, ერთ რომელიმე ტურზე. ხომ არ იმღერებს შემდეგ ლაივზე სალომე ქართულ სიმღერას, მით უფრო, რომ ის სწორედ ქართული სიმღერით გაიცნო და შეიყვარა ინტერნეტმომხმარებელმა.
- ამის უფლება ნამდვილად აქვს და მთხოვს კიდეც სალომე. აუცილებლად შევარჩევთ რომელიმე ლამაზ ქართულ სიმღერას ერთად, მაგრამ არა ამ ლაივზე. რაც შეეხება მომავალ ლაივს, ისეთი სიმღერა შევურჩიე სალომეს, პრეტენზიებს რეპერტუართან დაკავშირებით ნამდვილად არ მივიღებ.
- მუქარა ვნახე ''ფეისბუქის'' შენს კედელზე, ციხეში დაჭერით გემუქრებოდნენ, მიზეზი არ განგიმარტეს?
- მარიხუანის დეკრიმინალიზაციას მხარს რომ ვუჭერ, ამის გამო მემუქრებიან. დღეს განგვიმარტეს, რომ არ გადახედავენ ამ უკუღმართ კანონს. თან ერთი უცნაური რამ მოვისმინე. მარიხუანის მომხმარებლები თურმე შემდეგ ჰეროინისა და სხვა ბიონარკოტიკების მომხმარებლები ხდებიან. ეს მინიმუმ არასწორია.
- მაქსიმუმ?
- მაქსუმუმ უცოდინრობის ამბავია. ასე რომ იყოს, სხვა ევროპული ქვეყნები ასე ლოიალურად არ მიუდგებოდნენ ამ საკითხს. ეს არის აბსურდი, და ასეთ აბსურდულ განცხადებებს პრემიერმინისტრი არ უნდა აკეთებდეს.
ნინო მჭედლიშვილი
- სტეფანე, შენს სტატუსზე მინდა გკითხო, რა ნეგატივს გულისხმობდი?
- იმ ნეგატივს ვგულისხმობდი, რომელიც მაყურებლისგან წამოვიდა, ''ფეისბუქზე'' ძალიან ბევრი ვრცელი წერილი მივიღე, რომელსაც ბოლომდე, რა თქმა უნდა, ვერ გავეცანი. ამიტომ ვითხოვდი, მოკლედ მოეწერათ რისი თქმაც უნდოდათ. ძირითადად მაკრიტიკებენ იმის გამო, რომ მე სათანადოდ ვერ ვაფასებ ჩემს კონკურსანტებს. პროტესტი იყო რეპერტუართან დაკავშირებითაც, ვიღაცებს ჰგონიათ, რომ თვითონ ყველაზე მაგრები არიან, ოღონდ უნდა ნახოთ, რა სიმღერებს მიგზავნიან, იმას ვერც გამოვაქვეყნებ.
- კონკრეტულად რომელ კონკურსანტზეა აქცენტი გაკეთებული?
- სალომე ტეტიაშვილზეა პრეტენზია, მწერენ, რატომ მინდოდა სალომეს გაგდება. მე რომ სალომეს გაგდება მდომებოდა, არც მეყოლებოდა საუკეთესო ოთხეულში. რადგან ვთქვი, რომ სალომე ერის რჩეულია და თუ ასეა, დაამტკიცოს ერმა, ჩათვალეს, რომ ამით საქმე გავუფუჭე მას. მე პირიქით მგონია, ნამუსზე ავაგდე მაყურებელი და დაურეკეს კიდეც. ვამბობ, რომ სალომე არ არის ვოკალისტი, სალომე არის მდგომარეობა, რომელიც მოსწონს მაყურებელს.
- ხომ არ გგონია, რომ სწორედ ეს ფრაზა აღიზიანებს მაყურებელს?
- თორნიკე ყიფიანზეც ვთქვი, რომ არ არის ვოკალისტი, მებოც არ არის ვოკალისტი, მაგრამ ორივე ლიდერია და ძალიან მაგარი ბიჭები არიან... რეპერტუარს რაც შეეხება, არ ვფიქრობ, რომ ძალიან ავცდი სალომეს გემოვნებას. თავად მოსწონდა ეს სიმღერა და მინდოდა ორგანული ყოფილიყო მისთვის ის, რასაც შეასრულებდა. სულაც არ ვფიქრობ, რომ მე მაგ ბავშვს რაიმეს არასწორად ვუკეთებ. სალომეც ბოლომდე მენდობა და ხვდება, რომ მისთვის ცუდი ნამდვილად არ მინდა.
- შენი აშკარა ფავორიტია…
- (მაწყვეტინებს. ავტ.) ჩემი აშკარა ფავორიტი კი არა, ყველას ფავორიტია სოფო სააკაშვილი. მგონია, მაყურებლის ფავორიტიც უნდა იყოს სოფო, თუ არ აქვთ ყურები მიხატული. ჩვენ, მენტორები რისთვის ვართ, თუ ყველაფერს თვითონ გადაწყვეტენ და არაფერს გვკითხავენ?! თუ ვინმე ვერ ხვდება, ვინ არის კარგი მომღერალი, იმისთვის ვართ, რომ მაყურებელს რამენაირად გავაგებინოთ.
- თუ ვერ გააგებინეთ?
- თუ ვერ გავაგებინე, რა ვქნა, თავს ხომ არ მოვიკლავ, არა? მიჩვეული ვარ უცნაურ შედეგებს, გადავიტან.
- თუ შენს გუნდში გაიმარჯვებს სალომე ტეტიაშვილი, როგორ გგონია, იქნება სათანადო კონკურენტი დანარჩენი მენტორების გუნდების ლიდერებისთვის?
- მაგალითად ვისთვის?
- თორნიკე ყიფიანისთვის, მებო ნუცუბიძისთვის.
- მაგათვის ნამდილად იქნება ღირსეული კონკურენტი. იმიტომ, რომ სამივე არის კონდიცია, უბრალოდ სხვადასხვა ჟანრში მღერიან. ვთვლი, რომ ქართველ ერთან ამ სამიდან ყველაზე ახლოს არის სალომე ტეტიაშვილი, ამიტომ წარმატებას ვუსურვებ. რატომაც არა, დაე, გაიმარჯვოს! ყველანაირად დავუჭერ მხარს. თუ ჩვენი ქვეყანა მას აირჩევს, მე მხოლოდ მოხარული ვიქნები.
- ვიცი, რომ თითოეულ კონკურსანტს სურვილის შემთხვევაში ერთი ქართული სიმღერის შესრულება შეუძლია, ერთ რომელიმე ტურზე. ხომ არ იმღერებს შემდეგ ლაივზე სალომე ქართულ სიმღერას, მით უფრო, რომ ის სწორედ ქართული სიმღერით გაიცნო და შეიყვარა ინტერნეტმომხმარებელმა.
- ამის უფლება ნამდვილად აქვს და მთხოვს კიდეც სალომე. აუცილებლად შევარჩევთ რომელიმე ლამაზ ქართულ სიმღერას ერთად, მაგრამ არა ამ ლაივზე. რაც შეეხება მომავალ ლაივს, ისეთი სიმღერა შევურჩიე სალომეს, პრეტენზიებს რეპერტუართან დაკავშირებით ნამდვილად არ მივიღებ.
- მუქარა ვნახე ''ფეისბუქის'' შენს კედელზე, ციხეში დაჭერით გემუქრებოდნენ, მიზეზი არ განგიმარტეს?
- მარიხუანის დეკრიმინალიზაციას მხარს რომ ვუჭერ, ამის გამო მემუქრებიან. დღეს განგვიმარტეს, რომ არ გადახედავენ ამ უკუღმართ კანონს. თან ერთი უცნაური რამ მოვისმინე. მარიხუანის მომხმარებლები თურმე შემდეგ ჰეროინისა და სხვა ბიონარკოტიკების მომხმარებლები ხდებიან. ეს მინიმუმ არასწორია.
- მაქსიმუმ?
- მაქსუმუმ უცოდინრობის ამბავია. ასე რომ იყოს, სხვა ევროპული ქვეყნები ასე ლოიალურად არ მიუდგებოდნენ ამ საკითხს. ეს არის აბსურდი, და ასეთ აბსურდულ განცხადებებს პრემიერმინისტრი არ უნდა აკეთებდეს.
ნინო მჭედლიშვილი
