როგორ გაიტეხა თამუნა მუსერიძემ კუდუსუნის ძვალი

ბოლო დროს ცნობილი ქართველი სახეები აქტიურად მისდევენ იოგას. მსახიობი ნანკა კალატოზიშვილი უკვე რამდენიმე თვეა, ვარჯიშობს და იოგის მასწავლებლები მისი ''ფეისბუქის'' გვერდზე წერენ, რომ ეს ადამიანი უდავოდ ნიჭიერია. იოგას მიმდევართა რიგებს შეემატა თამუნა მუსერიძე. თამუნას რამდენიმე კითხვით მივმართეთ.

- თამუნა, იოგაში ვარჯიში, როგორც ''ფეისბუქზე'' გამოქვეყნებული ფოტობიდან ჩანს, საერთოდ არ გაგიჭირდა.
- არ გამჭირვებია, რადგან ბავშვობიდან სპორტს მივდევ. მესამე გაკვეთილია, რაც იოგაში ვივარჯიშე და მასწავლებელი ჩემით ძალიან კმაყოფილია. მითხრა, ორ თვეში ისეთ რაღაცებს გააკეთებ, რომ ყველა შენზე ილაპარაკებს და მოუნდებათ, ისევე იმუშაონ თავზე, როგორც შენო.
- რატომ გადაწყვიტე იოგაში ვარჯიში.
- ვვარჯიშობდი სპორტის სახეობაში ბრძოლა წესების გარეშე. ამ ერთ-ერთ ვარჯიშზე კუ-დუსუნის ძვალი გავიტეხე და ვეღარ გავაგრძელე ამ სპორტში ვარჯიში. რამდენიმე თვე ვეცადე, რომ დამესვენა და შემდეგ აქტიურად ვეღარ ჩავები ამ სპორტში.


- შეიძლება ითქვას, შენთან კამათი სახიფათოა.
- არა, რას ამბობ. თავდაცვის ილეთებს ვსწავლობდი, შეტევითი ილეთები არ მისწავლია. იმ შემთხვევაში გამოვიყენებ ჩემს ცოდნას ამ სპორტში, თუ ვინმე თავს დამესხმება. მე არავის არაფერს ვერჩი.
- როგორც ჩანს, ჯანსაღი ცხოვრების წესით გადაწყვიტე ცხოვრება, სიგარეტის მოწევას თავი დაანებე?
- სიგარეტისთვის თავის დანებება არც მიფიქრია. ვარჯიში იმიტომ დავიწყე, რომ მინდა, ჩემი სხეული ისეთი იყოს და ისე გამოვიყურებოდე, როგორც ახლა.

დიჯეი ბუკლე
ჟურნალი ''რეიტინგი''