''17 მაისს მეც ვიყავი გასული, ოღონდ ''ნორმალურების'' მხარეს ვიდექი '
1 315 ნახვა
დათო ქაცარავას ტრადიციებსა და სტერეოტიპებზე ვისაუბრეთ. ჩვენი ტრადიციების მიმდევარი რესპონდენტისთვის ყველაზე მიუღებელი გეიაღლუმი ყოფილა და ამბობს, რომ ამას ვერასდროს შეეგუება, თუმცა წინააღმდეგი არ არის, რომ განსხვავებული სექსუალური ორიენტაციის ადამიანები საზოგადოების სრულუფლებიანი წევრები იყვნენ...
- რამდენიმე საყვარელი ტრადიცია მაქვს, განსაკუთრებულად გამოვყოფდი ახალ წელს, ამ დღესასწაულს ყოველთვის ოჯახთან ერთად ვხვდები. თუმცა იმას ვერ ვიტყვი, რომ ახალ წელს სასწაულად ვერთობი, ჩემთვის ეს ღამე და ზოგადად ეს დღესასწაული ოჯახური იდილიისთვისაა განკუთვნილი. შედარებით ნაკლებად მომწონს ქართველი ერისთვის დამახასიათებელი სუფრული ტრადიციები, რომლებიც, ჩემი აზრით, ტრანსფორმირებულია ჩემთვის არასასიამოვნო სახით, ვგულისხმობ ხშირად სმას და სასმლის დიდი რაოდენობით მი-ღებას. ქართველები ძალიან ბევრ დროს ვკარგავთ სუფრასთან, სმასა და ღრეობაში. მიჭირს იმის თქმა, როგორი იყო ეს ტრადიცია წლების წინ, მაგრამ მგონია, რომ დალევას უფრო სიმბოლური დატვირთვა ჰქონდა, დღეს კი ეს ტრადიცია დამახინჯებულია. ზოგადად, ქართული სუფრა ძალიან ლამაზია, მაგრამ, სამწუხაროდ, ქართველებმა ზომა არ ვიცით.
- რაც შეეხება ქორწილის ტრადიციას, თუნდაც მაყრიონის რბოლას, ის შეიძლება, სავალალო შედეგით დასრულდეს.
- ესეც ძალიან ლამაზი ტრადიციაა, მაგრამ ამანაც ტრანსფორმაცია განიცადა და გახშირდა უბედური შემთხვევები, რის გამოც ქორწილი ხანდახან პანაშვიდად იქცევა ხოლმე. თუ ასეთი მაგრები ვართ, ცხენებზე შევსხდეთ და ერთმანეთს ჯირითში შევეჯიბროთ.
- როდესაც ქუჩაში ვხედავთ საყურიან, პირსინგიან, ვიწროშარვლიან ბიჭებს, ზოგი ამას აფასებს, როგორც ქართველი ერის გადაჯიშებას.
- გადაჯიშების საშიშროება აშკარად ჩანს. ამას წინათ ჩემს ''ფეისბუქზე'' ფოტო იდო, მასზე აღბეჭდილნი იყვნენ XIX საუკუნეში მცხოვრები, ჩოხაში გამოწყობილი ტანადი ვაჟკაცები, რომლებისგანაც ძალა და სიძლიერე იგრძნობოდა, მეორე სურათზე კი გამოსახული იყვნენ განაზებული ახალგაზრდები, რომლებსაც საყურეები აქვთ ყურებში გარჭობილი, აცვიათ დახეული ჯინსები და ა.შ. სამწუხაროა, რომ ასეთი ადამიანები ნამდვილი ვაჟკაცების შთაბეჭდილებას ვერ ტოვებენ. მებრძოლი ქართველი კაცის ტრადიცია დავიწყებას მიეცა და რატომღაც მოდა გადადის განაზებულ მამაკაცებზე, რაც მიმაჩნია, რომ ძალიან ცუდია.
შემოვიდა ახალი ტენდენცია, რომელიც ნელ-ნელა იღებს ტრადიციის სახეს.
კლუბებში სხვადასხვა ნარკოტიკული ნივთიერების მიღებას ვგულისხმობ. უკვე ''აუცილებელი'' გახდა, პარასკევი, შაბათი, კვირა წახვიდე კლუბში, მოუსმინო მძიმე მუსიკას, მიიღო ექსტაზი და ამდაგვარი ნარკოტიკი იმისთვის, რომ ''კაი ტიპად'' ჩაითვალო. ეს ჩემთვის საგანგაშოა. მით უმეტეს იმის ფონზე, რომ საუკუნეების განმავლობაში ქართველი მამაკაცი მიიჩნეოდა ერთ-ერთ საუკეთესო მეომრად, ნადირობდნენ ქართველ კაცებზე იმისთვის, რომ თავიანთ ჯარში წაეყვანათ საბრძოლველად, შორს რომ არ წავიდეთ, მამლუქი გავიხსენოთ, მეტი მაგალითის მოყვანა არცაა საჭირო. დღეს კი ვერ დავიკვეხნით, რომ ქართველი მამაკაცები მეომრებს შორის საუკეთესოები ვართ, თუმცა ერთეული შემთხვევების გამოყოფა შეიძლება, მაგალითად ქართველი ბორჯღალოსნები, მოკრივეები, მოჭიდავეები, ზოგადად, სპორტსმენები. ქართველთა შორის ასეთი ვაჟკაცების არსებობა უკვე გამონაკლისის სახეს იღებს, შესაბამისად, ქართველი კაცი გადაგვარება-გადაჯიშების ზღვარზე თუ არა, დიდი საშიშროების წინაშე დგას.
ქართველ ქალებში საქმე უკეთაა, გაცილებით თავისუფალი გახდა ქართველი ქალი, მაგრამ მთლიანობაში ინარჩუნებს თავის ფენომენს. ბევრ გახისტებულ გოგონასა და ქალბატონსაც ვხედავ, ის სინაზე დაკარგულია, მაგრამ ამას მაინც რთულ პერიოდს და მამაკაცებს დავა-ბრალებდი, ქალი გვერდით თუ გრძნობს ძლიერ მამაკაცს, ის აუცილებლად იქნება ნაზი და ეცდება, მიენდოს მას. მაგრამ თუU ქალი მამაკაცისგან გაურკვეველ დამოკიდებულებას გრძნობს, არაა დაცული, მაშინ ირთვება თავდაცვის მექანიზმი და ცდილობს გახდეს ძლიერი. ძლიერი ქალი ნიშნავს იმას, რომ კაცია სუსტი. თუ კაცი ძლიერია, ქალი დიდი სიამოვნებით იქნება სუსტი.
- როგორ ფიქრობთ, ქართულ ტრადიციულ ოჯახში შეიძლება დამყარდეს გენდერული თანასწორობა?
- ფუნქციების გათანასწორება ძალიან ზოგადი საკითხია, ასე ჩამოყალიბებული პასუხი არ მაქვს, ამიტომ ვერ ვიტყვი, მაინცდამაინც მომხრე ვარ თუ წინააღმდეგი. თუმცა ქალის მუშაობაში ცუდს ვერაფერს ვხედავ, უნდა იმუშაოს არა მხოლოდ იმიტომ, რომ თავი ირჩინოს, თუნდაც იმიტომ, რომ საინტერესო გახადოს ცხოვრება. თუ ქალი სახლში დაჯდება, ეს ნიშნავს, რომ ის უნდა დაიჩაგროს ფსიქოლოგიურად, დღეს კი, როდესაც საკმაოდ სწრაფი ტემპით მიდის ცხოვრება, ვფიქრობ, ადამიანის სახლში დასმა სასჯელია. თუმცა სამსახურის გამო არ უნდა დაკარგოს დედისა და მეოჯახის ფუნქცია. ჩემი მეუღლე მუშაობს კიდეც, ბიზნესვუმენია, ყურადღებას არ აკლებს ოჯახს და ამასთანავე კარგი მზარეულია. ქალისთვის დიდი პლუსია, როცა სამზარეულოში თავს კარგად გრძნობს.
- ქალის პატიოსნება მისი სექსუალური ცხოვრებით განისაზღვრება?
- არა. თუმცა, თუ აღვირახსნილ სექსუალურ ცხოვრებას ეწევა, მაშინ გარკვეულწილად განისაზღვრება, მაგრამ პატიოსნებას ბევრი შემადგენელი ნაწილი აქვს.
- წყვილის თანაცხოვრება ქორწინებამდე მისაღებია?
- მიუღებელი ნამდვილად არ არის, მეტიც, ეს შეიძლება, საჭიროც იყოს. ოჯახურ ცხოვრებაში სექსს ძალიან დიდი მნიშვნელობა აქვს, არათავსებადი სექსის შემთხვევაში წყვილს შორის შეიძლება, დიდი პრობლემები შეიქმნას. ამიტომ გარკვეულწილად საჭიროდ მიმაჩნია თა-ნაცხოვრება, თუმცა ძალიან სენსიტიური ზღვარია დასაცველი.
- ღალატი ისევე მტკივნეულია კაცისთვის, როგორც ქალისთვის, მაგრამ კაცის ღალატი მაინც ''მოსულა'', ქალის კი არა, რატომ?
- არ ვამართლებ კაცის ღალატს, ეს ძალიან მძიმე თემაა, მაგრამ კაცი იმპულსურია, კაცის ღალატი ფეთქებადი ნივთიერების ნიშნებს ატარებს, ქალის ღალატი კი ყოველთვის თუ არა, ძირითად შემთხვევებში აწონილ-დაწონილი, გათვლილი და დაგეგმილი უფროა, ქალი ღალატობს გონებითაც და გრძნობითაც, კაცისთვის კი ეს ხშირ შემთხვევაში ფეთქებადი ფენომენია და არ ნიშნავს, რომ შენ ეს დაგეგმე და შეასრულე, თუმცა ორივე შემთხვევაში ძალიან ცუდი ფაქტი და არასასიამოვნო თემაა.
- და ერთჯერადი ღალატის გამო უნდა დაინგრეს ოჯახი?
- ვერ გეტყვით, მიჭირს პასუხის გაცემა. ამაზე ათასჯერ მიფიქრია, შეიძლება ათიათასჯერაც, მაგრამ საბოლოო პასუხი ვერ მიმიღია. მე ალბათ დავანგრევდი, ეს ამბავი ძალიან ცუდად დამთავრდებოდა.
- გამონათქვამს -''რაც მაგრები ვართ, ქართველები ვართ'' -ეთანხმებით?
- არა, სრულიად არ ვეთანხმები. ხან მგონია, რომ ამას ხუმრობიოთ ვამბობთ. ეს ზეამბიციური გამონათქვამია. ჩვენი ძირითადი პრობლემა არის ის, რომ ერთმანეთის გვერდში დგომა არ ვიცით, ერთმანეთს ყოველთვის ვექიშპებით.
- რაც შეეხება ანტიდისკრიმინაციულ კანონს, რომელზეც დიდი მითქმა-მოთქმა იყო ატეხილი, რას ფიქრობთ ამის შესახებ?
- სამწუხაროდ, მთავრობამ საზოგადოებას ვერ აუხსნა ანტიდისკრიმინაციული კანონის შინაარსი. სიმართლე გითხრათ, დეტალებში ეს კანონი არ ვიცი, მაგრამ გავრცელებული ინტერ-პრეტაციით თუ ვიმსჯელებთ, მაშინ გეტყვით, რომ ჩემი დამოკიდებულება უკიდურესად ნეგატიურია. დღეს მილიონი სხვა პრობლემაა, უამრავი სხვა ადამიანის უფლება ირღვევა და არა სექსუალური უმცირესობების, ამიტომ ვფიქრობ, რომ ესაა სპეციალურად შემოგდებული გამა-ღიზიანებელი თემა. მეც საზოგადოების იმ ნაწილის წევრი ვარ, რომლისთვისაც ამ კანონის ამოქმედება მიუღებელია. აქ არ არის გაწერილი სექსუალურ უმცირესობათა ქორწინების დაკანონება, მაგრამ ერთგვარი წინაპირობაა ამისა.
- თუმცა, აგრესია მათ მიმართ ალბათ მიუღებელია და ის, რაც 17 მაისს მოხდა, სწორი არ არის...
- ვერ დაგეთანხმებით. მათ არავინ უვარდება სახლებსა და ოთახებში, აკეთონ რაც უნდათ, აქვთ სამსახური, არიან წარმატებულები და მათ დისკრიმინაციას სექსუალური ორიენტაციის გამო არავინ უწევს, მაგრამ გეიაღლუმის მოწყობა მიუღებელია. მე ვაწუხებ ვინმეს იმით, რომ მიყვარს ქალები? გამოვდივარ დროშებით ამის აღსანიშნავად? ისინი კი გვაღიზიანებენ და პროვოკაციას აწყობენ. მე კი სწორად აღვზრდი ჩემს შვილს, მაგრამ დამერწმუნეთ, პროპაგანდასაც დიდი გავლენა აქვს. ამიტომ, ჯობია, მიხედონ თავიანთ საქმეს, იყვნენ საზოგადოების ჩვეულებრივი წევრები, ოღონდ ნუ გაგვაღიზიანებენ. უამრავ არატრადიციული ორიენტაციის ადამიანს ვიცნობ, მაგრამ ასეთი აგრესია მათ მიმართ არასდროს მქონია. ვერ ავიტან, რომ ''პარადი'' მომიწყონ. 17 მაისს მეც ვიყავი გასული, ოღონდ ''ნორმალურების'' მხარეს ვიდექი. Mმე ყოფით ცხოვრებაში არანაირი პრობლემა მათთან ურთიერთობაში არ მექნება, თუ თავისთვის იქნებიან. ჩემი არსით კი ყოველთვის შევეწინააღმდეგები აღლუმების ჩატარებას.
ციცი ომანიძე
ჟურნალი ''რეიტინგი''
- რამდენიმე საყვარელი ტრადიცია მაქვს, განსაკუთრებულად გამოვყოფდი ახალ წელს, ამ დღესასწაულს ყოველთვის ოჯახთან ერთად ვხვდები. თუმცა იმას ვერ ვიტყვი, რომ ახალ წელს სასწაულად ვერთობი, ჩემთვის ეს ღამე და ზოგადად ეს დღესასწაული ოჯახური იდილიისთვისაა განკუთვნილი. შედარებით ნაკლებად მომწონს ქართველი ერისთვის დამახასიათებელი სუფრული ტრადიციები, რომლებიც, ჩემი აზრით, ტრანსფორმირებულია ჩემთვის არასასიამოვნო სახით, ვგულისხმობ ხშირად სმას და სასმლის დიდი რაოდენობით მი-ღებას. ქართველები ძალიან ბევრ დროს ვკარგავთ სუფრასთან, სმასა და ღრეობაში. მიჭირს იმის თქმა, როგორი იყო ეს ტრადიცია წლების წინ, მაგრამ მგონია, რომ დალევას უფრო სიმბოლური დატვირთვა ჰქონდა, დღეს კი ეს ტრადიცია დამახინჯებულია. ზოგადად, ქართული სუფრა ძალიან ლამაზია, მაგრამ, სამწუხაროდ, ქართველებმა ზომა არ ვიცით.
- რაც შეეხება ქორწილის ტრადიციას, თუნდაც მაყრიონის რბოლას, ის შეიძლება, სავალალო შედეგით დასრულდეს.
- ესეც ძალიან ლამაზი ტრადიციაა, მაგრამ ამანაც ტრანსფორმაცია განიცადა და გახშირდა უბედური შემთხვევები, რის გამოც ქორწილი ხანდახან პანაშვიდად იქცევა ხოლმე. თუ ასეთი მაგრები ვართ, ცხენებზე შევსხდეთ და ერთმანეთს ჯირითში შევეჯიბროთ.
- როდესაც ქუჩაში ვხედავთ საყურიან, პირსინგიან, ვიწროშარვლიან ბიჭებს, ზოგი ამას აფასებს, როგორც ქართველი ერის გადაჯიშებას.
- გადაჯიშების საშიშროება აშკარად ჩანს. ამას წინათ ჩემს ''ფეისბუქზე'' ფოტო იდო, მასზე აღბეჭდილნი იყვნენ XIX საუკუნეში მცხოვრები, ჩოხაში გამოწყობილი ტანადი ვაჟკაცები, რომლებისგანაც ძალა და სიძლიერე იგრძნობოდა, მეორე სურათზე კი გამოსახული იყვნენ განაზებული ახალგაზრდები, რომლებსაც საყურეები აქვთ ყურებში გარჭობილი, აცვიათ დახეული ჯინსები და ა.შ. სამწუხაროა, რომ ასეთი ადამიანები ნამდვილი ვაჟკაცების შთაბეჭდილებას ვერ ტოვებენ. მებრძოლი ქართველი კაცის ტრადიცია დავიწყებას მიეცა და რატომღაც მოდა გადადის განაზებულ მამაკაცებზე, რაც მიმაჩნია, რომ ძალიან ცუდია.
შემოვიდა ახალი ტენდენცია, რომელიც ნელ-ნელა იღებს ტრადიციის სახეს.
კლუბებში სხვადასხვა ნარკოტიკული ნივთიერების მიღებას ვგულისხმობ. უკვე ''აუცილებელი'' გახდა, პარასკევი, შაბათი, კვირა წახვიდე კლუბში, მოუსმინო მძიმე მუსიკას, მიიღო ექსტაზი და ამდაგვარი ნარკოტიკი იმისთვის, რომ ''კაი ტიპად'' ჩაითვალო. ეს ჩემთვის საგანგაშოა. მით უმეტეს იმის ფონზე, რომ საუკუნეების განმავლობაში ქართველი მამაკაცი მიიჩნეოდა ერთ-ერთ საუკეთესო მეომრად, ნადირობდნენ ქართველ კაცებზე იმისთვის, რომ თავიანთ ჯარში წაეყვანათ საბრძოლველად, შორს რომ არ წავიდეთ, მამლუქი გავიხსენოთ, მეტი მაგალითის მოყვანა არცაა საჭირო. დღეს კი ვერ დავიკვეხნით, რომ ქართველი მამაკაცები მეომრებს შორის საუკეთესოები ვართ, თუმცა ერთეული შემთხვევების გამოყოფა შეიძლება, მაგალითად ქართველი ბორჯღალოსნები, მოკრივეები, მოჭიდავეები, ზოგადად, სპორტსმენები. ქართველთა შორის ასეთი ვაჟკაცების არსებობა უკვე გამონაკლისის სახეს იღებს, შესაბამისად, ქართველი კაცი გადაგვარება-გადაჯიშების ზღვარზე თუ არა, დიდი საშიშროების წინაშე დგას.
ქართველ ქალებში საქმე უკეთაა, გაცილებით თავისუფალი გახდა ქართველი ქალი, მაგრამ მთლიანობაში ინარჩუნებს თავის ფენომენს. ბევრ გახისტებულ გოგონასა და ქალბატონსაც ვხედავ, ის სინაზე დაკარგულია, მაგრამ ამას მაინც რთულ პერიოდს და მამაკაცებს დავა-ბრალებდი, ქალი გვერდით თუ გრძნობს ძლიერ მამაკაცს, ის აუცილებლად იქნება ნაზი და ეცდება, მიენდოს მას. მაგრამ თუU ქალი მამაკაცისგან გაურკვეველ დამოკიდებულებას გრძნობს, არაა დაცული, მაშინ ირთვება თავდაცვის მექანიზმი და ცდილობს გახდეს ძლიერი. ძლიერი ქალი ნიშნავს იმას, რომ კაცია სუსტი. თუ კაცი ძლიერია, ქალი დიდი სიამოვნებით იქნება სუსტი.
- როგორ ფიქრობთ, ქართულ ტრადიციულ ოჯახში შეიძლება დამყარდეს გენდერული თანასწორობა?
- ფუნქციების გათანასწორება ძალიან ზოგადი საკითხია, ასე ჩამოყალიბებული პასუხი არ მაქვს, ამიტომ ვერ ვიტყვი, მაინცდამაინც მომხრე ვარ თუ წინააღმდეგი. თუმცა ქალის მუშაობაში ცუდს ვერაფერს ვხედავ, უნდა იმუშაოს არა მხოლოდ იმიტომ, რომ თავი ირჩინოს, თუნდაც იმიტომ, რომ საინტერესო გახადოს ცხოვრება. თუ ქალი სახლში დაჯდება, ეს ნიშნავს, რომ ის უნდა დაიჩაგროს ფსიქოლოგიურად, დღეს კი, როდესაც საკმაოდ სწრაფი ტემპით მიდის ცხოვრება, ვფიქრობ, ადამიანის სახლში დასმა სასჯელია. თუმცა სამსახურის გამო არ უნდა დაკარგოს დედისა და მეოჯახის ფუნქცია. ჩემი მეუღლე მუშაობს კიდეც, ბიზნესვუმენია, ყურადღებას არ აკლებს ოჯახს და ამასთანავე კარგი მზარეულია. ქალისთვის დიდი პლუსია, როცა სამზარეულოში თავს კარგად გრძნობს.
- ქალის პატიოსნება მისი სექსუალური ცხოვრებით განისაზღვრება?
- არა. თუმცა, თუ აღვირახსნილ სექსუალურ ცხოვრებას ეწევა, მაშინ გარკვეულწილად განისაზღვრება, მაგრამ პატიოსნებას ბევრი შემადგენელი ნაწილი აქვს.
- წყვილის თანაცხოვრება ქორწინებამდე მისაღებია?
- მიუღებელი ნამდვილად არ არის, მეტიც, ეს შეიძლება, საჭიროც იყოს. ოჯახურ ცხოვრებაში სექსს ძალიან დიდი მნიშვნელობა აქვს, არათავსებადი სექსის შემთხვევაში წყვილს შორის შეიძლება, დიდი პრობლემები შეიქმნას. ამიტომ გარკვეულწილად საჭიროდ მიმაჩნია თა-ნაცხოვრება, თუმცა ძალიან სენსიტიური ზღვარია დასაცველი.
- ღალატი ისევე მტკივნეულია კაცისთვის, როგორც ქალისთვის, მაგრამ კაცის ღალატი მაინც ''მოსულა'', ქალის კი არა, რატომ?
- არ ვამართლებ კაცის ღალატს, ეს ძალიან მძიმე თემაა, მაგრამ კაცი იმპულსურია, კაცის ღალატი ფეთქებადი ნივთიერების ნიშნებს ატარებს, ქალის ღალატი კი ყოველთვის თუ არა, ძირითად შემთხვევებში აწონილ-დაწონილი, გათვლილი და დაგეგმილი უფროა, ქალი ღალატობს გონებითაც და გრძნობითაც, კაცისთვის კი ეს ხშირ შემთხვევაში ფეთქებადი ფენომენია და არ ნიშნავს, რომ შენ ეს დაგეგმე და შეასრულე, თუმცა ორივე შემთხვევაში ძალიან ცუდი ფაქტი და არასასიამოვნო თემაა.
- და ერთჯერადი ღალატის გამო უნდა დაინგრეს ოჯახი?
- ვერ გეტყვით, მიჭირს პასუხის გაცემა. ამაზე ათასჯერ მიფიქრია, შეიძლება ათიათასჯერაც, მაგრამ საბოლოო პასუხი ვერ მიმიღია. მე ალბათ დავანგრევდი, ეს ამბავი ძალიან ცუდად დამთავრდებოდა.
- გამონათქვამს -''რაც მაგრები ვართ, ქართველები ვართ'' -ეთანხმებით?
- არა, სრულიად არ ვეთანხმები. ხან მგონია, რომ ამას ხუმრობიოთ ვამბობთ. ეს ზეამბიციური გამონათქვამია. ჩვენი ძირითადი პრობლემა არის ის, რომ ერთმანეთის გვერდში დგომა არ ვიცით, ერთმანეთს ყოველთვის ვექიშპებით.
- რაც შეეხება ანტიდისკრიმინაციულ კანონს, რომელზეც დიდი მითქმა-მოთქმა იყო ატეხილი, რას ფიქრობთ ამის შესახებ?
- სამწუხაროდ, მთავრობამ საზოგადოებას ვერ აუხსნა ანტიდისკრიმინაციული კანონის შინაარსი. სიმართლე გითხრათ, დეტალებში ეს კანონი არ ვიცი, მაგრამ გავრცელებული ინტერ-პრეტაციით თუ ვიმსჯელებთ, მაშინ გეტყვით, რომ ჩემი დამოკიდებულება უკიდურესად ნეგატიურია. დღეს მილიონი სხვა პრობლემაა, უამრავი სხვა ადამიანის უფლება ირღვევა და არა სექსუალური უმცირესობების, ამიტომ ვფიქრობ, რომ ესაა სპეციალურად შემოგდებული გამა-ღიზიანებელი თემა. მეც საზოგადოების იმ ნაწილის წევრი ვარ, რომლისთვისაც ამ კანონის ამოქმედება მიუღებელია. აქ არ არის გაწერილი სექსუალურ უმცირესობათა ქორწინების დაკანონება, მაგრამ ერთგვარი წინაპირობაა ამისა.
- თუმცა, აგრესია მათ მიმართ ალბათ მიუღებელია და ის, რაც 17 მაისს მოხდა, სწორი არ არის...
- ვერ დაგეთანხმებით. მათ არავინ უვარდება სახლებსა და ოთახებში, აკეთონ რაც უნდათ, აქვთ სამსახური, არიან წარმატებულები და მათ დისკრიმინაციას სექსუალური ორიენტაციის გამო არავინ უწევს, მაგრამ გეიაღლუმის მოწყობა მიუღებელია. მე ვაწუხებ ვინმეს იმით, რომ მიყვარს ქალები? გამოვდივარ დროშებით ამის აღსანიშნავად? ისინი კი გვაღიზიანებენ და პროვოკაციას აწყობენ. მე კი სწორად აღვზრდი ჩემს შვილს, მაგრამ დამერწმუნეთ, პროპაგანდასაც დიდი გავლენა აქვს. ამიტომ, ჯობია, მიხედონ თავიანთ საქმეს, იყვნენ საზოგადოების ჩვეულებრივი წევრები, ოღონდ ნუ გაგვაღიზიანებენ. უამრავ არატრადიციული ორიენტაციის ადამიანს ვიცნობ, მაგრამ ასეთი აგრესია მათ მიმართ არასდროს მქონია. ვერ ავიტან, რომ ''პარადი'' მომიწყონ. 17 მაისს მეც ვიყავი გასული, ოღონდ ''ნორმალურების'' მხარეს ვიდექი. Mმე ყოფით ცხოვრებაში არანაირი პრობლემა მათთან ურთიერთობაში არ მექნება, თუ თავისთვის იქნებიან. ჩემი არსით კი ყოველთვის შევეწინააღმდეგები აღლუმების ჩატარებას.
ციცი ომანიძე
ჟურნალი ''რეიტინგი''
