"რომ არ მაკოცო მოვკვდები"

თეონა კონტრიძემ „ცეკვავენ ვარსკვლავების“ ბოლო ტურში ყველას გაოცება შეძლო. ჟიურის წევრი ასეთი მშვიდი, გაწონასწორებული ჯერ არავის უნახავს. თითქმის ყველა გამომსვლელს კომპლიმენტით ამკობდა და კონკურსანტებისთვის მაღალ ქულებს არ იშურებდა. სოციალურ ქსელში იხუმრეს კიდეც - თეონა კონტრიძე ყიფშიძის ვნებიანმა კოცნამ მოაჯადოვა და იმდენად გააბრუა შენიშვნების მიცემაც კი დაავიწყაო. კონკურსის გულშემატკივრები გიორგის ურჩევენ მსგავსი რამ შემდეგ ტურშიც გაიმეოროს.

შოუს დასაწყისში გიორგი ყიფშიძე თხოვნით მივარდა კონტრიძეს - რომ არ მაკოცო მოვკვდებიო. სიკვდილს მსახიობი ტუჩებში კოცნამ გადაარჩინა. „აი, ასე მიყვარს ეს ქალი ვგიჟდები, ეს რომ არ მექნა არ შემეძლო“ - განაცხადა მსახიობმა.