ნინა წკრიალაშვილი: "ჩემი ცოლის დაქალებში” სულ კუნტრუშით წავედი"
1 949 ნახვა
მომღერალი ნინა წკრიალაშვილი დღეს ისეთი აქტიურია, როგორიც არასდროს. ტელეშოუებში მონაწილეობს, ახალ მუსიკალურ პროექტზე იწყებს მუშაობას, ახლახან კი სერიალ "ჩემი ცოლის დაქალებშიც" გამოჩნდა. მსახიობობა ისე მოეწონა, უნდა, რომ მისი პერსონაჟის ცხოვრება რაც შეიძლება დიდხანს გაგრძელდეს. ნინას ასეთ გააქტიურებას ერთი მიზეზი აქვს – მის გვერდით საყვარელი მამაკაცი არ არის და ამ სიცარიელეს მუშაობით ავსებს. საკმარისია, ვინმე შეუყვარდეს – ამას მოუთმენლად ელოდება – რომ ჩაწყნარდება და თვალთახედვიდან გაქრება.
– ნინა, სერიალში მაყურებლისთვის მოულოდნელად გამოჩნდით. ეს შეთავაზება თქვენთვისაც ასეთივე მოულოდნელი იყო?
– მითხრეს, რომ სერიალის სინჯებზე შემერბინა. ძალიან გამიხარდა და სინჯებზე კუნტრუშით წავედი. გადაღება როდის არის–მეთქი, ვიკითხე და დღესვეო, რომ მითხრეს, კინაღამ უკან გამოვიქეცი. ვინერვიულე, მაგრამ იქ პროფესიონალები მუშაობენ და გადაღებების დროს ყველა მეხმარებოდა, თუმცა ძალიანაც არ მიწვალებია ისინი. ახლახან გავიგე, რომ სხვა სერიებშიც უნდა ვიყო და გამიხარდა.
– რას იტყვით თქვენს გმირ დოდოშკაზე, რა ადამიანია?
– ერთი სულელი გოგოა. უნდა, რომ ცხოვრება გაიხალისოს, ოღონდ ღალატის ხარჯზე. მოსაწყენი ქმარი ჰყავს და მობეზრდა, გართობა უნდა. რა თქმა უნდა, ამას ცხოვრებაში არ მივესალმები, ერთგულება ყველაზე მნიშვნელოვანია, მაგრამ ასეთი როლი შემხვდა და ვეცდები, გავითავისო, ბუნებრივი ვიყო.
– ანუ ამ პერსონაჟში რაღაცას საკუთარსაც ჩადებთ. რითი გგავთ დოდოშკა და რითი – არა?
– ჩემი ცხოვრების პრინციპია, არავის ვუღალატო. თუ ერთი ურთიერთობა მთავრდება, ბუნებრივია, მეორე იწყება, მაგრამ ღალატს არც კაცის მხრიდან მივესალმები და არც ქალის მხრიდან. ეს საკუთარი თავის უპატივცემლობაა. დანარჩენი რაღაცეებით მგავს ჩემი გმირი. იმასაც მდიდარი მამა ჰყავს, მეც მდიდარი მამა მყავდა; დოდოშკას მამაც სიძეს ეხმარება, მამაჩემიც ეხმარებოდა სიძეს; დოდოშკასაც შოპინგი უყვარს, მეც მიყვარს, მაგრამ ის ცოტა დებილია და მე ეგეთი აღარ ვარ, გავიზარდე, ბოლო წლებია გონს მოვეგე. მისი ინტერესის სფერო ძალიან ვიწროა, მე ბავშვობიდან ბევრი რაღაც მაინტერესებდა.
– პირველად ითამაშეთ, თან უცხო პარტნიორისთვის კოცნაც მოგიწიათ...
– როცა როლი გაქვს, შეიძლება კოცნაც მოგიწიოს და ტრუსით სიარულიც.
– თქვენი ოჯახის წევრები, თქვენი შვილი ამ როლს როგორ შეხვდა?
– არც ისე ცუდი იყო, სხვა როლს როგორ შეასრულებდი, არ ვიცი, მაგრამ ეს გამოგივიდაო, დამცინა ჩემმა შვილმა. ჩემს დასაც მოეწონა, მამაჩემი რომ რეკავს, არ ვპასუხობ.
– რატომ?
– რა ვიცი...
– სერიალში თქვენს გამოჩენას კომენტარები მოჰყვა, ნინას ესღა აკლდაო...
– გგონიათ, ვკითხულობ? აღარაფერს ვაქცევ ყურადღებას. რამდენჯერაც ყურადღება მივაქციე, ვინერვიულე და ორი თვე ლოგინში ვიწექი. მოაშორეთ ახლა აქედან, ყველგან ეს ქალიაო, ამბობენ. რა ყველგან ეს ქალი?! უბრალოდ ასე დაემთხვა და ძალიანაც კარგია. ჩემი სამსახურია ეს. ვიღაცას შეიძლება აღიზიანებდეს, ძალიან ბევრი ნიჭიერი მსახიობია და ეს რატომო. მართლა ბევრი ნიჭიერი მსახიობია, მაგრამ ასე გადაწყდა და უარს იმის გამო ვერ ვიტყოდი, რომ ვიღაცას ჩემი იქ დანახვით ნერვები მოეშლებოდა. ყველას რომ ყურადღება მივაქციო, მაშინ თავი უნდა მოვიკლა. ზოგი კი მირჩევს ამას, მაგრამ თავის მოკვლას არ ვაპირებ, პირიქით, ცხოვრებით უნდა დავტკბე.
– პროექტ "ორ ვარსკვლავში" მონაწილეობით და თქვენი რეპერტუარით კმაყოფილი იყავით?
– რეპერტუარი იმის მიხედვით ირჩევა, თუ რა სიმღერას შეძლებს შენი პარტნიორი, თუმცა, ჩემი აზრით, მე და ვახტანგ რჩეულიშვილმა ორი–სამი ძალიან რთული სიმღერა ვიმღერეთ. ბატონ ვახოს რუსული სიმღერების შესრულება უფრო უადვილდებოდა, ამიტომ რეპერტუარს ის არჩევდა. ერთადერთი "პაროლე" მე შევარჩიე და მაინც არ გაამართლა. ამის შემდეგ არჩევანის გაკეთებაში ბოლომდე თავისუფლება მივეცი. რაც შეეხება ვიზუალურ მხარეს, ეს შოუა და არავის აინტერესებს, მხოლოდ გამოხვიდე და იმღერო.
– როგორც ვიცი, კოსტიუმებს ბატონი ვახტანგიც კი გირჩევდათ.
– ერთხელ მოვიდა და მკითხა, რაღაც რომ გითხრა, გეწყინებაო. არა–მეთქი, ვუთხარი. კარნავალის ფორმას ჩაიცვამო? შენი ხათრით, ჩავიცვამ–მეთქი, ვუთხარი და ჩავიცვი კიდეც, აი, ბუმბულებიანი კაბა რომ მეცვა, ის, ჩემი აზრით, შოუს და იმ დღეს ძალიან მოუხდა. ჩვენს გამოსვლას ხალხი ელოდა, თუნდაც იმიტომ, რომ ფიქრობდნენ, აბა, ახლა რას დააშავებენო.
– ამ ბოლო დროს სულ გასართობ შოუებში მონაწილეობით ხართ დაკავებული. არსად მუშაობთ?
– სამსახურში არავინ მიღებს.
– რომელ სფეროში სცადეთ სამსახურის დაწყება და არ მიგიღეს?
– ჩემგან ექიმი არ გამოვა და ოპერაციებს ვერ გავაკეთებ. რამდენჯერაც ვთქვი, რომ არ ვმუშაობ, ახლობლებმა, რომლებიც სხვადასხვა კომპანიებში მუშაობენ, მითხრეს, აბა, ახლა შენ ვინ მიგიღებს სამსახურშიო. რატომ არ მიმიღებენ, არ ვიცი. ჰოდა, ჰყავდეთ სხვები!
– როცა შალვა რამიშვილმა თავის შოუში გკითხათ, გქონდათ თუ არა მიხეილ სააკაშვილთან სექსიო, რა გაიფიქრეთ, შინაგანად რა რეაქცია გქონდათ?
– შალვა რამიშვილმა ძალიან კარგად იცის, ვის ვისთან რა ჰქონდა, უბრალოდ ვითომ რაღაც სკანდალის აგორება უნდოდა. კითხვა რომ დამისვა, ლამის გული წამივიდა. არა, დედას გეფიცებიო, მტკიცებას ხომ არ დავიწყებდი?! ამიტომ მაქსიმალურად ვეცადე, ეს შეკითხვა იუმორში გადამეტანა. მიხეილ სააკაშვილს კი უდიდეს პატივს ვცემ, ვთვლი, რომ ის გენიალური პოლიტიკოსია. მის მიმართ მოწიწებას ვგრძნობ.
– ამ სიტყვების გამო საზოგადოების რაღაც ნაწილისგან შეიძლება ისევ მწარე რეპლიკები მოგხვდეთ.
– რატომ უნდა მომხვდეს?! ვიღაცას სტალინი "ევასება", ვიღაცას – ვაშინგტონი, ვიღაცას – მანდელა. მე ბატონი მიშა მომწონს, როგორც პოლიტიკოსი. მქონდა ბედნიერება და მას კარგად ვიცნობდი.
– იცოდით, რომ წამყვანი ამ კითხვას დაგისვამდათ?
– რაღაცეებს "ღადაობდა", მაგრამ მთლად ასე პირდაპირ თუ მკითხავდა, არ მეგონა. ცოტა შოკში ჩავვარდი.
– არ გაღიზიანებთ, სულ მიხეილ სააკაშვილთან რომ გაკავშირებენ?
– რა კავშირი? რამდენიმე დიდ ღონისძიებაზე რამდენჯერმე მოვხვდი იმ ადამიანის გვერდით. ჩემი აზრით, ყველა მოქალაქისთვის დიდი პატივია იმ ღონისძიებაზე მოხვედრა, სადაც ქვეყნის პრეზიდენტია.
– პრეზიდენტი გიორგი მარგველაშვილი ღონისძიებებზე გეპატიჟებათ ხოლმე?
– არა, არ მწყალობს... (იცინის). თუმცა ვფიქრობ, რომ კარგი კაცი, განათლებული და განვითარებულია. როგორც ადამიანი, ძალიან მომწონს.
– ახალი მთავრობის მოსვლის შემდეგ შოუბიზნესს რა ცვლილებებს ატყობთ?
– უარესობისკენ იცვლება. არსად არაფერი ხდება. ახალ წელს რომ კონცერტი იყო, იმის შემდეგ არაფერი ყოფილა. ახლა ალბათ "ოცნების" საარჩევნო კონცერტები დაიწყება. როგორც ადრე იყო "ნაციონალების", ახლა "ოცნების" იქნება.
– რა ეტაპია ახლა თქვენს ცხოვრებაში?
– შემოქმედებითად დატვირთული ვარ. სანოსთან ერთად ძალიან საინტერესო პროექტის დაწყებას ვაპირებ. ასეთი ამოქოქილი არასდროს ვყოფილვარ.
– ამის მიზეზი პირად ცხოვრებაში რაიმე სიახლე ხომ არ არის?
– არა, მაგრამ მინდა, რომ არანორმალურად შემიყვარდეს ვინმე, სიყვარულზე ვგიჟდები! არასდროს არაფერს ვეძებ. სიყვარული მაშინ მოდის, როცა არ ვგეგმავ. ასეთ დროს ვერაფერს ვაკეთებ, საერთოდ არაფერი მაინტერესებს, გიჟივით ვზივარ და ველოდები... როცა ნახავთ, რომ წყნარად ვარ და არაფერს ვაკეთებ, ესე იგი სიყვარული მეწვია.
ეკა ლემონჯავა, ჟურნალი სარკე
– ნინა, სერიალში მაყურებლისთვის მოულოდნელად გამოჩნდით. ეს შეთავაზება თქვენთვისაც ასეთივე მოულოდნელი იყო?
– მითხრეს, რომ სერიალის სინჯებზე შემერბინა. ძალიან გამიხარდა და სინჯებზე კუნტრუშით წავედი. გადაღება როდის არის–მეთქი, ვიკითხე და დღესვეო, რომ მითხრეს, კინაღამ უკან გამოვიქეცი. ვინერვიულე, მაგრამ იქ პროფესიონალები მუშაობენ და გადაღებების დროს ყველა მეხმარებოდა, თუმცა ძალიანაც არ მიწვალებია ისინი. ახლახან გავიგე, რომ სხვა სერიებშიც უნდა ვიყო და გამიხარდა.
– რას იტყვით თქვენს გმირ დოდოშკაზე, რა ადამიანია?
– ერთი სულელი გოგოა. უნდა, რომ ცხოვრება გაიხალისოს, ოღონდ ღალატის ხარჯზე. მოსაწყენი ქმარი ჰყავს და მობეზრდა, გართობა უნდა. რა თქმა უნდა, ამას ცხოვრებაში არ მივესალმები, ერთგულება ყველაზე მნიშვნელოვანია, მაგრამ ასეთი როლი შემხვდა და ვეცდები, გავითავისო, ბუნებრივი ვიყო.
– ანუ ამ პერსონაჟში რაღაცას საკუთარსაც ჩადებთ. რითი გგავთ დოდოშკა და რითი – არა?
– ჩემი ცხოვრების პრინციპია, არავის ვუღალატო. თუ ერთი ურთიერთობა მთავრდება, ბუნებრივია, მეორე იწყება, მაგრამ ღალატს არც კაცის მხრიდან მივესალმები და არც ქალის მხრიდან. ეს საკუთარი თავის უპატივცემლობაა. დანარჩენი რაღაცეებით მგავს ჩემი გმირი. იმასაც მდიდარი მამა ჰყავს, მეც მდიდარი მამა მყავდა; დოდოშკას მამაც სიძეს ეხმარება, მამაჩემიც ეხმარებოდა სიძეს; დოდოშკასაც შოპინგი უყვარს, მეც მიყვარს, მაგრამ ის ცოტა დებილია და მე ეგეთი აღარ ვარ, გავიზარდე, ბოლო წლებია გონს მოვეგე. მისი ინტერესის სფერო ძალიან ვიწროა, მე ბავშვობიდან ბევრი რაღაც მაინტერესებდა.
– პირველად ითამაშეთ, თან უცხო პარტნიორისთვის კოცნაც მოგიწიათ...
– როცა როლი გაქვს, შეიძლება კოცნაც მოგიწიოს და ტრუსით სიარულიც.
– თქვენი ოჯახის წევრები, თქვენი შვილი ამ როლს როგორ შეხვდა?
– არც ისე ცუდი იყო, სხვა როლს როგორ შეასრულებდი, არ ვიცი, მაგრამ ეს გამოგივიდაო, დამცინა ჩემმა შვილმა. ჩემს დასაც მოეწონა, მამაჩემი რომ რეკავს, არ ვპასუხობ.
– რატომ?
– რა ვიცი...
– სერიალში თქვენს გამოჩენას კომენტარები მოჰყვა, ნინას ესღა აკლდაო...
– გგონიათ, ვკითხულობ? აღარაფერს ვაქცევ ყურადღებას. რამდენჯერაც ყურადღება მივაქციე, ვინერვიულე და ორი თვე ლოგინში ვიწექი. მოაშორეთ ახლა აქედან, ყველგან ეს ქალიაო, ამბობენ. რა ყველგან ეს ქალი?! უბრალოდ ასე დაემთხვა და ძალიანაც კარგია. ჩემი სამსახურია ეს. ვიღაცას შეიძლება აღიზიანებდეს, ძალიან ბევრი ნიჭიერი მსახიობია და ეს რატომო. მართლა ბევრი ნიჭიერი მსახიობია, მაგრამ ასე გადაწყდა და უარს იმის გამო ვერ ვიტყოდი, რომ ვიღაცას ჩემი იქ დანახვით ნერვები მოეშლებოდა. ყველას რომ ყურადღება მივაქციო, მაშინ თავი უნდა მოვიკლა. ზოგი კი მირჩევს ამას, მაგრამ თავის მოკვლას არ ვაპირებ, პირიქით, ცხოვრებით უნდა დავტკბე.
– პროექტ "ორ ვარსკვლავში" მონაწილეობით და თქვენი რეპერტუარით კმაყოფილი იყავით?
– რეპერტუარი იმის მიხედვით ირჩევა, თუ რა სიმღერას შეძლებს შენი პარტნიორი, თუმცა, ჩემი აზრით, მე და ვახტანგ რჩეულიშვილმა ორი–სამი ძალიან რთული სიმღერა ვიმღერეთ. ბატონ ვახოს რუსული სიმღერების შესრულება უფრო უადვილდებოდა, ამიტომ რეპერტუარს ის არჩევდა. ერთადერთი "პაროლე" მე შევარჩიე და მაინც არ გაამართლა. ამის შემდეგ არჩევანის გაკეთებაში ბოლომდე თავისუფლება მივეცი. რაც შეეხება ვიზუალურ მხარეს, ეს შოუა და არავის აინტერესებს, მხოლოდ გამოხვიდე და იმღერო.
– როგორც ვიცი, კოსტიუმებს ბატონი ვახტანგიც კი გირჩევდათ.
– ერთხელ მოვიდა და მკითხა, რაღაც რომ გითხრა, გეწყინებაო. არა–მეთქი, ვუთხარი. კარნავალის ფორმას ჩაიცვამო? შენი ხათრით, ჩავიცვამ–მეთქი, ვუთხარი და ჩავიცვი კიდეც, აი, ბუმბულებიანი კაბა რომ მეცვა, ის, ჩემი აზრით, შოუს და იმ დღეს ძალიან მოუხდა. ჩვენს გამოსვლას ხალხი ელოდა, თუნდაც იმიტომ, რომ ფიქრობდნენ, აბა, ახლა რას დააშავებენო.
– ამ ბოლო დროს სულ გასართობ შოუებში მონაწილეობით ხართ დაკავებული. არსად მუშაობთ?
– სამსახურში არავინ მიღებს.
– რომელ სფეროში სცადეთ სამსახურის დაწყება და არ მიგიღეს?
– ჩემგან ექიმი არ გამოვა და ოპერაციებს ვერ გავაკეთებ. რამდენჯერაც ვთქვი, რომ არ ვმუშაობ, ახლობლებმა, რომლებიც სხვადასხვა კომპანიებში მუშაობენ, მითხრეს, აბა, ახლა შენ ვინ მიგიღებს სამსახურშიო. რატომ არ მიმიღებენ, არ ვიცი. ჰოდა, ჰყავდეთ სხვები!
– როცა შალვა რამიშვილმა თავის შოუში გკითხათ, გქონდათ თუ არა მიხეილ სააკაშვილთან სექსიო, რა გაიფიქრეთ, შინაგანად რა რეაქცია გქონდათ?
– შალვა რამიშვილმა ძალიან კარგად იცის, ვის ვისთან რა ჰქონდა, უბრალოდ ვითომ რაღაც სკანდალის აგორება უნდოდა. კითხვა რომ დამისვა, ლამის გული წამივიდა. არა, დედას გეფიცებიო, მტკიცებას ხომ არ დავიწყებდი?! ამიტომ მაქსიმალურად ვეცადე, ეს შეკითხვა იუმორში გადამეტანა. მიხეილ სააკაშვილს კი უდიდეს პატივს ვცემ, ვთვლი, რომ ის გენიალური პოლიტიკოსია. მის მიმართ მოწიწებას ვგრძნობ.
– ამ სიტყვების გამო საზოგადოების რაღაც ნაწილისგან შეიძლება ისევ მწარე რეპლიკები მოგხვდეთ.
– რატომ უნდა მომხვდეს?! ვიღაცას სტალინი "ევასება", ვიღაცას – ვაშინგტონი, ვიღაცას – მანდელა. მე ბატონი მიშა მომწონს, როგორც პოლიტიკოსი. მქონდა ბედნიერება და მას კარგად ვიცნობდი.
– იცოდით, რომ წამყვანი ამ კითხვას დაგისვამდათ?
– რაღაცეებს "ღადაობდა", მაგრამ მთლად ასე პირდაპირ თუ მკითხავდა, არ მეგონა. ცოტა შოკში ჩავვარდი.
– არ გაღიზიანებთ, სულ მიხეილ სააკაშვილთან რომ გაკავშირებენ?
– რა კავშირი? რამდენიმე დიდ ღონისძიებაზე რამდენჯერმე მოვხვდი იმ ადამიანის გვერდით. ჩემი აზრით, ყველა მოქალაქისთვის დიდი პატივია იმ ღონისძიებაზე მოხვედრა, სადაც ქვეყნის პრეზიდენტია.
– პრეზიდენტი გიორგი მარგველაშვილი ღონისძიებებზე გეპატიჟებათ ხოლმე?
– არა, არ მწყალობს... (იცინის). თუმცა ვფიქრობ, რომ კარგი კაცი, განათლებული და განვითარებულია. როგორც ადამიანი, ძალიან მომწონს.
– ახალი მთავრობის მოსვლის შემდეგ შოუბიზნესს რა ცვლილებებს ატყობთ?
– უარესობისკენ იცვლება. არსად არაფერი ხდება. ახალ წელს რომ კონცერტი იყო, იმის შემდეგ არაფერი ყოფილა. ახლა ალბათ "ოცნების" საარჩევნო კონცერტები დაიწყება. როგორც ადრე იყო "ნაციონალების", ახლა "ოცნების" იქნება.
– რა ეტაპია ახლა თქვენს ცხოვრებაში?
– შემოქმედებითად დატვირთული ვარ. სანოსთან ერთად ძალიან საინტერესო პროექტის დაწყებას ვაპირებ. ასეთი ამოქოქილი არასდროს ვყოფილვარ.
– ამის მიზეზი პირად ცხოვრებაში რაიმე სიახლე ხომ არ არის?
– არა, მაგრამ მინდა, რომ არანორმალურად შემიყვარდეს ვინმე, სიყვარულზე ვგიჟდები! არასდროს არაფერს ვეძებ. სიყვარული მაშინ მოდის, როცა არ ვგეგმავ. ასეთ დროს ვერაფერს ვაკეთებ, საერთოდ არაფერი მაინტერესებს, გიჟივით ვზივარ და ველოდები... როცა ნახავთ, რომ წყნარად ვარ და არაფერს ვაკეთებ, ესე იგი სიყვარული მეწვია.
ეკა ლემონჯავა, ჟურნალი სარკე
