''მოდაშია მაღალწელიანი, თავისუფალი, ფართოტოტიანი შარვლები''
5 180 ნახვა
დიზაინერმა დეა დევდარიანმა 2012 წელს სამხატვრო აკადემიაში კოსტიუმისა და ქსოვილის დიზაინის ფაკულტეტი დაამთავრა. სადიპლომო ნამუშევარი შექმნა თემაზე ''მირაჟი'', რომელიც თბილისის მოდის კვირეულზე წარადგინა და პრიზიც მოიპოვა.
- ჩემი კოლექცია კომერციული ხასიათის და ყველასათვის გასაგები გახლავთ, თავისუფალია სიმძიმეებისა და გადატვირთული ჩანაფიქრებისაგან. მინდოდა, ყოფილიყო კომფორტული და აქტუალური. საინტერესოა ქსოვილის თვალსაზრისით, რადგან აბრეშუმი ხელითაა მოხატული, თავშლები კი დამუშავებულია შიბორის ტექნოლოგიით. მოსაცმელები გახლავთ იაპონურ სტილში, განიერი სახელოებით, ასიმეტრიითა და დრაპირებებით. საერთო ჯამში, კოლექცია ფერადი, რომანტიკული და ჰაეროვანია.
- რომელი პერიოდი ახდენს გავლენას წლევანდელი გაზაფხული-ზაფხულის მოდის ტენდენციებსა და სილუეტზე?
- გაზაფხული-ზაფხულის კოლექციებში 60-70-იანი წლების გავლენა იგრძნობა. წელს მოდურია ჰაეროვანი, ელეგანტური სილუეტი, სპორტულისა და რომანტიკულის, ასევე სპორტულისა და კლასიკურის სინთეზი. მოდაშია მაღალწელიანი, თავისუფალი, ფართოტოტიანი შარვლები. მოკლე, თავისუფალი, პრინტიანი მაისურები და ტოპები.
- რომელი ფერებია აქტუალური ამ სეზონზე?
- წელს მოდაშია სიჭრელე. ქალებს შეუძლიათ, თავს უფლება მისცენ, თავისუფლად შეარჩიონ სასურველი ფერი, თუმცა ჟოლოსფერი, ატმისფერი, მწვანე, ვარდისფრის გრადაცია და ზოგადად, ნათელი და ხალისიანი ფერები ამ სეზონის ტენდენციაა.
- როგორი ფაქტურისგან შეკერილი სამოსის მორგებას გვირჩევ?
- ძალიან მოდურია გამჭვირვალე ქსოვილი, კუბოკრული, განსაკუთრებით, შავ-თეთრის კომ-ბინაცია, ყვავილები, მცენარეები და ნაქარგები, ასევე დიდი პრინტები, ზოლები კვლავ ინარჩუნებს აქტუალობას.
- რაც შეეხება კაბის ფორმას, სიგრძეს, ამაზე რას გვეტყვი?
- სასურველია, კაბები იყოს მუხლს ქვემოთ სიგრძის, ფარავდეს წვივის ნაწილს. კარგია, თუ წელი დაფიქსირებული იქნება ქამრით ან რაიმე დეტალით. აქტუალურია როგორც ''კლოში'', ასევე ტანზე მომდგარი, მაღალწელიანი ქვედაბოლოები.
- ფეხსაცმელში რა დეტალებია საგულისხმო?
- მოდაშია მსხვილქუსლიანი ფეხსაცმელი წვეტიანი ცხვირით. Aგარდა ამისა, სპორტული ფეხსაცმელი და ე.წ. ბალეტკები.
- რა შეიძლება ითქვას აქსესუარებზე, რა მასალისგან შექმნილი, როგორი ფორმის, ზომის სამკაულებით შეიძლება სამოსის გამრავალფეროვნება?
- აქსესუარები წელსაც ძალიან მოდაშია, განსაკუთრებით - ფერადი ან მეტალისგან შექმნილი დიდი ზომის ყელსაბამები.
- გარდა პატარა შავი კაბისა, კიდევ რის ქონას გვირჩევ გარდერობში?
- წელს გარდერობში აუცილებლად უნდა გქონდეთ დაბალწელიანი თავისუფალი შარვალი, ჯინსის ქურთუკი ან ჟილეტი, პრინტიანი მაისური, მუხლს ქვედა სიგრძის ქვედაბოლო, მა-მაკაცური სტილის სმოკინგი ან ქურთუკი.
ციცი ომანიძე
ჟურნალი ''რეიტინგი''
- ჩემი კოლექცია კომერციული ხასიათის და ყველასათვის გასაგები გახლავთ, თავისუფალია სიმძიმეებისა და გადატვირთული ჩანაფიქრებისაგან. მინდოდა, ყოფილიყო კომფორტული და აქტუალური. საინტერესოა ქსოვილის თვალსაზრისით, რადგან აბრეშუმი ხელითაა მოხატული, თავშლები კი დამუშავებულია შიბორის ტექნოლოგიით. მოსაცმელები გახლავთ იაპონურ სტილში, განიერი სახელოებით, ასიმეტრიითა და დრაპირებებით. საერთო ჯამში, კოლექცია ფერადი, რომანტიკული და ჰაეროვანია.
- რომელი პერიოდი ახდენს გავლენას წლევანდელი გაზაფხული-ზაფხულის მოდის ტენდენციებსა და სილუეტზე?
- გაზაფხული-ზაფხულის კოლექციებში 60-70-იანი წლების გავლენა იგრძნობა. წელს მოდურია ჰაეროვანი, ელეგანტური სილუეტი, სპორტულისა და რომანტიკულის, ასევე სპორტულისა და კლასიკურის სინთეზი. მოდაშია მაღალწელიანი, თავისუფალი, ფართოტოტიანი შარვლები. მოკლე, თავისუფალი, პრინტიანი მაისურები და ტოპები.
- რომელი ფერებია აქტუალური ამ სეზონზე?
- წელს მოდაშია სიჭრელე. ქალებს შეუძლიათ, თავს უფლება მისცენ, თავისუფლად შეარჩიონ სასურველი ფერი, თუმცა ჟოლოსფერი, ატმისფერი, მწვანე, ვარდისფრის გრადაცია და ზოგადად, ნათელი და ხალისიანი ფერები ამ სეზონის ტენდენციაა.
- როგორი ფაქტურისგან შეკერილი სამოსის მორგებას გვირჩევ?
- ძალიან მოდურია გამჭვირვალე ქსოვილი, კუბოკრული, განსაკუთრებით, შავ-თეთრის კომ-ბინაცია, ყვავილები, მცენარეები და ნაქარგები, ასევე დიდი პრინტები, ზოლები კვლავ ინარჩუნებს აქტუალობას.
- რაც შეეხება კაბის ფორმას, სიგრძეს, ამაზე რას გვეტყვი?
- სასურველია, კაბები იყოს მუხლს ქვემოთ სიგრძის, ფარავდეს წვივის ნაწილს. კარგია, თუ წელი დაფიქსირებული იქნება ქამრით ან რაიმე დეტალით. აქტუალურია როგორც ''კლოში'', ასევე ტანზე მომდგარი, მაღალწელიანი ქვედაბოლოები.
- ფეხსაცმელში რა დეტალებია საგულისხმო?
- მოდაშია მსხვილქუსლიანი ფეხსაცმელი წვეტიანი ცხვირით. Aგარდა ამისა, სპორტული ფეხსაცმელი და ე.წ. ბალეტკები.
- რა შეიძლება ითქვას აქსესუარებზე, რა მასალისგან შექმნილი, როგორი ფორმის, ზომის სამკაულებით შეიძლება სამოსის გამრავალფეროვნება?
- აქსესუარები წელსაც ძალიან მოდაშია, განსაკუთრებით - ფერადი ან მეტალისგან შექმნილი დიდი ზომის ყელსაბამები.
- გარდა პატარა შავი კაბისა, კიდევ რის ქონას გვირჩევ გარდერობში?
- წელს გარდერობში აუცილებლად უნდა გქონდეთ დაბალწელიანი თავისუფალი შარვალი, ჯინსის ქურთუკი ან ჟილეტი, პრინტიანი მაისური, მუხლს ქვედა სიგრძის ქვედაბოლო, მა-მაკაცური სტილის სმოკინგი ან ქურთუკი.
ციცი ომანიძე
ჟურნალი ''რეიტინგი''
