ლილუ ვეგა: "ქართველი მამაკაცები უკრაინელი ქალებისთვის საშიშნი არიან"
1 585 ნახვა
საქართველოში ცოტა ხნის წინ ცნობილი უკრაინელი მომღერალი, ტელე და რადიოწამყვანი ქალი, ლილუ ვეგა იმყოფებოდა საინტერესო მისიით – ქართველი მამაკაცები უნდა შეესწავლა, რათა მათზე უკრაინაში გადაცემა გაეკეთებინა. ლილუ ვეგა მისი ფსევდონიმია, ნამდვილი სახელი და გვარი სვეტლანა ტრეტიაკოვა გახლავთ. უკვე 10 წელია უკრაინული შოუბიზნესის სახეა, ატარებს კონცერტებს, ამზადებს ტელეპროექტებს და უშვებს მუსიკალურ ალბომებს. მიჰყავს ერთ–ერთი ყველაზე რეიტინგული სატელევიზიო გადაცემა "ვარჯიშები ვარსკვლავებთან". შარშან გაზაფხულზე მეგობარი დიზაინერის თხოვნით მონაწილეობა მიიღო უკრაინული მოდის ფესტივალში, რომელიც თბილისში ჩატარდა და იმდენად მოეწონა საქართველო, რომ რეპერ მასტერთან დუეტი ჩაწერა ქართულად. წელს კი გაუჩნდა იდეა, თავის სატელევიზიო პროექტში ქართველი მამაკაცის ფენომენზე ესაუბრა.
როგორ განახორციელა ეს ჩანაფიქრი, ამის შესახებ ლილუ ვეგა "სარკეს" ესაუბრა.
– ლილუ, გვესაუბრეთ თქვენს საქმესა და მიზანზე, რომელმაც საქართველოში ჩამოგიყვანათ.
– ახალ სატელევიზიო პროექტს "მამაკაცები ისეთები, როგორებიც არიან" ერთ–ერთ ნაწილს ვიღებთ და ის ქართველ მამაკაცებს მიეძღვნება. ჩვენმა გადამღებმა ჯგუფმა ერთ კვირაში თითქმის მთელი საქართველო მოიარა. გამოვკითხეთ და ჩავწერეთ სხვადასხვა ასაკის, სოციალური მდგომარეობის და სხვადასხვა კუთხის უამრავი მამაკაცი და ქალი. დანაშაული იქნებოდა, ასეთი მოგზაურობისას ჩემი ახალი კლიპისთვის საქართველოს შესანიშნავი ბუნების კადრები არ გადამეღო და გადავიღეთ კიდეც.
– ამ ზღვა მასალას ალბათ კიევში დაამონტაჟებთ. თქვენი გამოკითხვებიდან გამომდინარე, როგორებად გესახებიან ქართველი მამაკაცები?
– ისეთი შთაბეჭდილება დამრჩა, რომ ქართველ კაცებს უყვართ ლამაზი ცხოვრება, სამაგიეროდ არ უყვართ ბევრი შრომა. მოსწონთ დროსტარება, მჭევრმეტყველები არიან, სუფრასთან ულამაზეს სადღეგრძელოებს წარმოთქვამენ, გულუხვები და სტუმართმოყვარენი არიან. გიჟდებიან ოჯახზე, ამავე დროს "გვერდზე გახედვაზე" უარს არ ამბობენ. უკრაინელი ქალებისთვის ისინი საშიშნი არიან იმით, რომ ბევრ ლამაზ სიტყვას ამბობენ და ისინიც ამ სიტყვებს იჯერებენ.
– საინტერესო იქნებოდა ქართველი ქალების აზრი თავიანთ მამაკაცებზე. რას ამბობდნენ ისინი?
– ისინი აღმერთებენ ქართველ მამაკაცებს. როცა მათ ვკითხე, ყავა თუ მოურთმევიათ საძინებელში–მეთქი, არაო, მიპასუხეს, ერთგულები თუ არიან–მეთქი და არაო... ჰოდა, ქართველი ქალისნაირი სანთლით საძებნელია მთელ მსოფლიოში!
– უკრაინელი მამაკაცები ძალიან განსხვავედბიან ქართველებისგან?
– ჩემი აზრით, ისინი საკმაოდ საიმედონი და კეთილები არიან, თუმცა არც ისეთი არტისტულები, როგორიც ქართველები.
– შარშან ქართველ რეპერ მასტერთან დუეტი ჩაწერეთ. როდის და რატომ გაგჩინდათ ეს სურვილი?
– ამის დიდი სურვილი მქონდა და დიდხანს ვეძებდი ქართველ შემსრულებლებში ისეთს, ვისთანაც დუეტს ჩავწერდი. ძალიან მომეწონა ნიჭიერი ქართველი რეპერის, მასტერის შემოქმედება. ინტერნეტით დავუკავშირდით ერთმანეთს. მან სულ რამდენიმე დღეში ახალი სიმღერა დაწერა, ცალ–ცალკე ჩავწერეთ ჩვენი პარტიები და შემდეგ გავაერთიანეთ. მერე კიევში კლიპიც გადავიღეთ, რომლის პრეზენტაცია კიევსა და თბილისში თითქმის ერთდროულად მოხდა.
– სასიმღერო კარიერას აგრძელებთ თუ მთლიანად ტელევიზიით ხართ დაკავებული?
– წელს ჩემი საიუბილეო წელია, შემოქმედების 10 წლისთავს აღვნიშნავ. აუცილებლად გამოვუშვებ ახალ ალბომს და მუსიკალურ კლიპს. ძალიან ბევრს ვმუშაობ, იმიტომ კი არა, რომ ფული არ მყოფნის, საკმაოდ დიდი შემოსავალი მაქვს. როცა საქმე არ მაქვს, ახლობლებისთვის გაუსაძლისი ვხდები.
– საქმის მიღმა რა ინტერესები, გატაცებები გაქვთ?
– თუ მოვახერხე, წელიწადში ორჯერ ვმოგზაურობ. ნახევარი მსოფლიო მაქვს მოვლილი. მარშრუტს თვითონ ვადგენ. მომწონს დაკვირვება, თუ როგორ ცხოვრობენ სხვა ქვეყნებში, რას ჭამენ, როგორ იქცევიან სხვადასხვა სიტუაციაში. ეს ჩემს მსოფლმხედველობას აფართოებს. კიდევ ერთი გადაცემის მომზადებას ვაპირებ, ამჯერად მოგზაურობაზე. ამ პროექტის შესახებ ჩემმა ძალიან დატვირთულმა შემოქმედებითმა ჯგუფმა ჯერ არ იცის და, როცა გაიგებენ, ალბათ ნახევარს თავის ჩამოხრჩობა მოუნდება.
– თქვენი ოჯახის, პირადი ცხოვრების შესახებ რას უამბობთ ჩვენს მკითხველს?
– იმ ადამიანთა რიცხვს მივეკუთვნები, ვინც პირად ცხოვრებას არ ამზეურებს, თუმცა თქვენ გეტყვით, რომ ამ მხრივ ყველაფერი კარგადაა. გათხოვილი ვარ, ჩემი ვაჟი სკოლის მოსწავლეა.
– დაბოლოს, ინტერვიუს ისე ვერ დავამთავრებთ, თქვენს სამშობლოში განვითარებულ მოვლენებზე რომ არ გკითხოთ აზრი. თქვენი პოზიცია როგორია უკრაინა–რუსეთს შორის არსებული დაპირისპირების შესახებ?
– მე მგონი, რუსეთის გარდა, არც ერთ ქვეყანაში იწვევს ეჭვს ის ფაქტი, რომ უკრაინა თვითმყოფადი ერია თავისი კულტურით, ენით. მას არ სჭირდება მეზობლების ჩარევა და "კეთილი" რჩევები, თუ როგორ უნდა იცხოვროს. დარწმუნებული ვარ, როგორც უნდა განვითარდეს მოვლენები, უკრაინა თავისი ისტორიული ტერიტორიის არც ერთ გოჯს დათმობს. მოვა დრო და, როგორც აფხაზეთი და სამხრეთ ოსეთი დაუბრუნდება საქართველოს, ასევე დაუბრუნდება ყირიმი უკრაინას. იმპერიის აღდგენის მოსურნე ერის მმართველები ამას მალე მიხვდებიან, თუმცა მშვიდობიან განვითარებამდე ბევრი წინააღმდეგობის გადალახვა მოგვიწევს. მე, თვითონ, ყირიმში ვარ დაბადებული და ბავშვობა იქ გავატარე. ჩვენ წაგვართვეს ყირიმი. მე და ჩემს უკრაინელ კოლეგებს იქ ზაფხულში საკონცერტო ტურნე გვქონდა დაგეგმილი. ახლა კონცერტებს მოძმე ქართველებისთვის საქართველოში ჩავატარებთ და ასევე თქვენთან დასასვენებლად ჩამოსული იმ 6 მილიონი უკრაინელისთვის, ზაფხულობით ყირიმში რომ ჩადიოდნენ დასასვენებლად.
კობა ბრეგვაძე, ჟურნალი სარკე
როგორ განახორციელა ეს ჩანაფიქრი, ამის შესახებ ლილუ ვეგა "სარკეს" ესაუბრა.
– ლილუ, გვესაუბრეთ თქვენს საქმესა და მიზანზე, რომელმაც საქართველოში ჩამოგიყვანათ.
– ახალ სატელევიზიო პროექტს "მამაკაცები ისეთები, როგორებიც არიან" ერთ–ერთ ნაწილს ვიღებთ და ის ქართველ მამაკაცებს მიეძღვნება. ჩვენმა გადამღებმა ჯგუფმა ერთ კვირაში თითქმის მთელი საქართველო მოიარა. გამოვკითხეთ და ჩავწერეთ სხვადასხვა ასაკის, სოციალური მდგომარეობის და სხვადასხვა კუთხის უამრავი მამაკაცი და ქალი. დანაშაული იქნებოდა, ასეთი მოგზაურობისას ჩემი ახალი კლიპისთვის საქართველოს შესანიშნავი ბუნების კადრები არ გადამეღო და გადავიღეთ კიდეც.
– ამ ზღვა მასალას ალბათ კიევში დაამონტაჟებთ. თქვენი გამოკითხვებიდან გამომდინარე, როგორებად გესახებიან ქართველი მამაკაცები?
– ისეთი შთაბეჭდილება დამრჩა, რომ ქართველ კაცებს უყვართ ლამაზი ცხოვრება, სამაგიეროდ არ უყვართ ბევრი შრომა. მოსწონთ დროსტარება, მჭევრმეტყველები არიან, სუფრასთან ულამაზეს სადღეგრძელოებს წარმოთქვამენ, გულუხვები და სტუმართმოყვარენი არიან. გიჟდებიან ოჯახზე, ამავე დროს "გვერდზე გახედვაზე" უარს არ ამბობენ. უკრაინელი ქალებისთვის ისინი საშიშნი არიან იმით, რომ ბევრ ლამაზ სიტყვას ამბობენ და ისინიც ამ სიტყვებს იჯერებენ.
– საინტერესო იქნებოდა ქართველი ქალების აზრი თავიანთ მამაკაცებზე. რას ამბობდნენ ისინი?
– ისინი აღმერთებენ ქართველ მამაკაცებს. როცა მათ ვკითხე, ყავა თუ მოურთმევიათ საძინებელში–მეთქი, არაო, მიპასუხეს, ერთგულები თუ არიან–მეთქი და არაო... ჰოდა, ქართველი ქალისნაირი სანთლით საძებნელია მთელ მსოფლიოში!
– უკრაინელი მამაკაცები ძალიან განსხვავედბიან ქართველებისგან?
– ჩემი აზრით, ისინი საკმაოდ საიმედონი და კეთილები არიან, თუმცა არც ისეთი არტისტულები, როგორიც ქართველები.
– შარშან ქართველ რეპერ მასტერთან დუეტი ჩაწერეთ. როდის და რატომ გაგჩინდათ ეს სურვილი?
– ამის დიდი სურვილი მქონდა და დიდხანს ვეძებდი ქართველ შემსრულებლებში ისეთს, ვისთანაც დუეტს ჩავწერდი. ძალიან მომეწონა ნიჭიერი ქართველი რეპერის, მასტერის შემოქმედება. ინტერნეტით დავუკავშირდით ერთმანეთს. მან სულ რამდენიმე დღეში ახალი სიმღერა დაწერა, ცალ–ცალკე ჩავწერეთ ჩვენი პარტიები და შემდეგ გავაერთიანეთ. მერე კიევში კლიპიც გადავიღეთ, რომლის პრეზენტაცია კიევსა და თბილისში თითქმის ერთდროულად მოხდა.
– სასიმღერო კარიერას აგრძელებთ თუ მთლიანად ტელევიზიით ხართ დაკავებული?
– წელს ჩემი საიუბილეო წელია, შემოქმედების 10 წლისთავს აღვნიშნავ. აუცილებლად გამოვუშვებ ახალ ალბომს და მუსიკალურ კლიპს. ძალიან ბევრს ვმუშაობ, იმიტომ კი არა, რომ ფული არ მყოფნის, საკმაოდ დიდი შემოსავალი მაქვს. როცა საქმე არ მაქვს, ახლობლებისთვის გაუსაძლისი ვხდები.
– საქმის მიღმა რა ინტერესები, გატაცებები გაქვთ?
– თუ მოვახერხე, წელიწადში ორჯერ ვმოგზაურობ. ნახევარი მსოფლიო მაქვს მოვლილი. მარშრუტს თვითონ ვადგენ. მომწონს დაკვირვება, თუ როგორ ცხოვრობენ სხვა ქვეყნებში, რას ჭამენ, როგორ იქცევიან სხვადასხვა სიტუაციაში. ეს ჩემს მსოფლმხედველობას აფართოებს. კიდევ ერთი გადაცემის მომზადებას ვაპირებ, ამჯერად მოგზაურობაზე. ამ პროექტის შესახებ ჩემმა ძალიან დატვირთულმა შემოქმედებითმა ჯგუფმა ჯერ არ იცის და, როცა გაიგებენ, ალბათ ნახევარს თავის ჩამოხრჩობა მოუნდება.
– თქვენი ოჯახის, პირადი ცხოვრების შესახებ რას უამბობთ ჩვენს მკითხველს?
– იმ ადამიანთა რიცხვს მივეკუთვნები, ვინც პირად ცხოვრებას არ ამზეურებს, თუმცა თქვენ გეტყვით, რომ ამ მხრივ ყველაფერი კარგადაა. გათხოვილი ვარ, ჩემი ვაჟი სკოლის მოსწავლეა.
– დაბოლოს, ინტერვიუს ისე ვერ დავამთავრებთ, თქვენს სამშობლოში განვითარებულ მოვლენებზე რომ არ გკითხოთ აზრი. თქვენი პოზიცია როგორია უკრაინა–რუსეთს შორის არსებული დაპირისპირების შესახებ?
– მე მგონი, რუსეთის გარდა, არც ერთ ქვეყანაში იწვევს ეჭვს ის ფაქტი, რომ უკრაინა თვითმყოფადი ერია თავისი კულტურით, ენით. მას არ სჭირდება მეზობლების ჩარევა და "კეთილი" რჩევები, თუ როგორ უნდა იცხოვროს. დარწმუნებული ვარ, როგორც უნდა განვითარდეს მოვლენები, უკრაინა თავისი ისტორიული ტერიტორიის არც ერთ გოჯს დათმობს. მოვა დრო და, როგორც აფხაზეთი და სამხრეთ ოსეთი დაუბრუნდება საქართველოს, ასევე დაუბრუნდება ყირიმი უკრაინას. იმპერიის აღდგენის მოსურნე ერის მმართველები ამას მალე მიხვდებიან, თუმცა მშვიდობიან განვითარებამდე ბევრი წინააღმდეგობის გადალახვა მოგვიწევს. მე, თვითონ, ყირიმში ვარ დაბადებული და ბავშვობა იქ გავატარე. ჩვენ წაგვართვეს ყირიმი. მე და ჩემს უკრაინელ კოლეგებს იქ ზაფხულში საკონცერტო ტურნე გვქონდა დაგეგმილი. ახლა კონცერტებს მოძმე ქართველებისთვის საქართველოში ჩავატარებთ და ასევე თქვენთან დასასვენებლად ჩამოსული იმ 6 მილიონი უკრაინელისთვის, ზაფხულობით ყირიმში რომ ჩადიოდნენ დასასვენებლად.
კობა ბრეგვაძე, ჟურნალი სარკე
