გიგა ტაბიძეს სიყვარული "ფეისბუქით" ეწვია
2 445 ნახვა
"კომედი გრუპის" მსახიობი, გიგა ტაბიძე, ყურებამდეა შეყვარებული. თავისუფალ დროს მოიხელთებს თუ არა, საყვარელი ქალისკენ გარბის. სიყვარულმა შეცვალა, ადამიანებთან ურთიერთობაში უფრო თბილი და ყურადღებიანი გახდა, მაგრამ საკუთარ თავში ერთი უარყოფითი თვისებაც აღმოაჩინა – თურმე ეჭვიანი ყოფილა!
მისი სიყვარულის ამბავი კი ასეთია: სოციალურ ქსელში ერთმა გოგომ მხიარული წერილი მისწერა, მან უპასუხა, ინტერნეტით დაწყებული მეგობრობა კი სიყვარულში გადაიზარდა. 24 წლის იუმორისტი დაქორწინებაზე არ ფიქრობს. უნდა, ჯერ თავისი გეგმები განახორციელოს და მნიშვნელოვანი ნაბიჯის გადადგმაზე მერე იფიქროს.
– გიგა, რა ხდება თქვენს საქმესა და ცხოვრებაში საინტერესო და ახალი?
– "კომედი არხი" კომედიური ჟანრის ფილმს იღებს, სადაც მეც ვმონაწილეობ. ერთ–ერთ რეკლამაშიც გადამიღეს, რომელიც ყველას ფილმი ეგონა და ბოლოს ახალი ლუდის რეკლამა აღმოჩნდა. ამ რეკლამაში მონაწილეობა რომ მივიღე, კარგი ანაზღაურებაც მომცეს, მაგრამ მეტის გადახდაც შეიძლებოდა.
– თქვენს ასაკში და თან საკმაოდ მალე გარკვეულ პოპულარობას მიაღწიეთ, შემდგომი წარმატებისთვის რა ნაბიჯების გადადგმას აპირებთ?
– ჩემი აზრით, ჯერ არ ვარ წარმატებული. პოპულარული ბევრი ყოფილა და დღეს ისინი აღარავის ახსოვს. წარმატებული ხარ მაშინ, როცა გეგმების ნაწილი მაინც გაქვს განხორციელებული, მე კი საკუთარი თავით კმაყოფილი არასოდეს ვარ. ვფიქრობ, როცა ადამიანი საკუთარი თავით კმაყოფილია, ახალს აღარაფერს ეძებს. ვთვლი, რომ ჩემს მონაცემებს და მაქსიმუმს ჯერჯერობით ვერ ვამჟღავნებ.
– რა გიშლით ხელს?
– სხვადასხვა რაღაც და ალბათ უფრო სიზარმაცე. რაღაც მომენტებში საკუთარ თავს ვატყობ, რომ ვზარმაცობ. ეს თვისება ადამიანში ყველაზე მეტად არ მომწონს. როცა ვხვდები, რომ ვზარმაცობ, დისკომფორტს განვიცდი და მინდა, ყველაფერი შევცვალო.
– რას მიიჩნევთ სიზარმაცედ?
– ცხოვრების დინებას მივყვები, სხვაგან გადახვევა მეზარება და ამას ვგულისხმობ. "მეტი შეგიძლია" – ეს ფრაზა ყოველთვის მესმის და ესე იგი ზარმაცი ვარ.
– თქვენი გაზარმაცება იმის ბრალი ხომ არ არის, რომ შეყვარებული ხართ?
– არა, რატომ? პირიქით, შეყვარებული ადამიანი უფრო "მოქოქილია", მაგრამ მე ალბათ სხვანაირად, "მოუქოქავად", ჩემებურად მიყვარს. მანდილოსნის მიმართ დამოკიდებულება შემეცვალა, ეჭვიანი გავხდი. ვინმეზე რომ გავიგებდი, შეყვარებულზე ეჭვიანობსო, მეცინებოდა, მაგრამ აღმოჩნდა, რომ გამონაკლისი არც მე ვარ. რაც სხვაში მაღიზიანებდა, ჩემშიც ყოფილა. ეჭვიანი რომ გავხდი, ეს თვისება ჩემში საშინლად არ მომწონს, მაგრამ იმასაც ვფიქრობ, რომ სიყვარულს ყოველთვის ახლავს თან ეჭვიანობა. მთავარია, დოზა იცოდე და მე ვიცი კიდეც.
– თქვენს რჩეულს რა რეაქცია აქვს, როცა ეჭვიანობთ?
– მეუბნება, რა გაქვს საეჭვიანოო, მაგრამ თვითონაც ეჭვიანია, სულ მსაყვედურობს, ესა თუ ის კომენტარი ვინ დაგიწერაო.
– კომენტარებში იმასაც წერენ, რომ თურქი მსახიობის, მურატ ილდირიმის გმირს, სავაშს ჰგავხართ...
– ქართველ ქალებს სავაში ძალიან მოსწონთ და რადგან მას მადარებენ, ესე იგი მეც მოვწონვარ.
– გაგვაცანით თქვენი რჩეული.
– კარგი გოგოა. ერთი წელია, რაც ერთად ვართ. მისი ვინაობის დასახელებისგან თავს შევიკავებ, რადგან თვითონ არ აქვს გამოჩენის სურვილი. ერთს კი გეტყვით, რომ ცნობადი სახე არ არის.
– რითი მოგხიბლათ?
– ყველაზე მეტად მასში ის მომწონს, რომ ძალიან ვუყვარვარ. ინიციატივა პირველად მისგან წამოვიდა. მიყვარხარო, რომც არ ეთქვა, მისი თითოეული მოქმედებიდან მაინც მივხვდებოდი. ჩემ მიმართ თავიდანვე ძალიან ყურადღებიანი და თბილი იყო და დღემდე ასე გრძელდება, რაც ჩვენს გრძნობებს კიდევ უფრო აძლიერებს.
– ამბობენ, როცა ურთიერთობის ინიციატორი გოგოა, მამაკაცების უმრავლესობა ასეთი ქალის მიმართ ინტერესს კარგავსო. თქვენ კი, როგორც ჩანს, გამონაკლისი ხართ.
– ამაზე არც კი მიფიქრია. ეს გოგო იმდენად მომეწონა, რომ სხვა რაღაცეებზე დაფიქრების საშუალება არ მომცა. ამ ყველაფერს კი მისი მხრიდან სიყვარული დაემატა, ამიტომ აღარაფრის ძიება დამიწყია. შეიძლება ითქვას, რომ ბედნიერება თავისი ფეხით მოვიდა ჩემთან. ერთ დღეს "ფეისბუქზე" მომწერა და იქიდან დაიწყო ყველაფერი. რამდენიმე ხანი ერთმანეთისთვის მხოლოდ "ფეისბუქის" მეგობრები ვიყავით, ერთ დღეს კი ორივე მივხვდით, რომ ასეთი ურთიერთობა მოგვბეზრდა და ერთმანეთს შევხვდით.
– ძალიან ბევრი გოგონა გწერთ და ის რითი გამოარჩიეთ?
– სასაცილო ტექსტი მომწერა – გინდა თუ არა, დამამატე მეგობრებშიო თუ რაღაც მსგავსი. პირველივე დღიდან საინტერესო ადამიანია ჩემთვის. ძალიან მგავს, ოღონდ ვიზუალურად – არა. ჩემსავით დამოუკიდებელი და შრომისმოყვარეა. ნებისმიერ პრობლემას შეიძლება ისე აღუდგეს წინ, რომ კაცსაც შეშურდეს. ჩვენს ურთიერთობაში გადამწყვეტი აღმოჩნდა მისი ცხოვრებისადმი დამოკიდებულება და ამასთანავე ის ძალიან ლამაზიცაა.
– გარდა იმისა, რომ სიყვარულმა ეჭვიანი გაგხადათ, სხვა რა ცვლილებებს ატყობთ საკუთარ თავს?
– ადამიანების მიმართ ძალიან თბილი გავხდი, რადგან მასთან ვარ ასეთი და ეს მუხტი ყველასთან ურთიერთობაში დადებითად მოქმედებს.
– ერთხელ ჩვენთან ინტერვიუში თქვით, რომანტიკული ვარო. ალბათ ახლა რომანტიზმი გაორმაგდა თქვენში.
– კი, ასეა. ძალიან რომანტიკული ვარ, ოღონდ შექსპირისეული სიყვარული არ მახასიათებს და არც ლექსების წერა დამიწყია, მიუხედავად იმისა, რომ ასე არავინ მყვარებია. მიყვარს, როცა ჩემს რჩეულს საჩუქრებით ვანებივრებ. ყოველთვის ვცდილობ, დასამახსოვრებელი რაღაც ვაჩუქო. თავისუფალი დრო ჩემი გოგოს ნახვასთან ასოცირდება.
– მოსწონს თქვენი როლები სკეტჩებში?
– ალბათ მოსწონს, რადგან მან ჯერ ეკრანზე მიხილა და მერე მომწერა. აღმოჩნდა, რომ დიდი ხნის განმავლობაში მეტრფოდა. თათია სულუაშვილი რომ მირტყამდა, თურმე ჯერ ძალიან ვეცოდებოდი და თან ვიზუალურადაც არ მოვწონდი. საბოლოო ჯამში, ძალიან მოსწონს ის, რასაც დღეს ვაკეთებ. საახალწლო კონცერტებზე კულისებში მყავდა.
– თვითონ რა დოზით აქვს იუმორის გრძნობა?
– სხვათა შორის, კარგი იუმორის გრძნობა აქვს. რაც ურთიერთობა დავიწყეთ, ჩემთან "მასტერკლასებს" გადის და ხანდახან ისეთ რაღაცას იტყვის ხოლმე, რომ მისი გამოყენება სკეტჩებშიც შეიძლება.
– გოგო, რომელიც გიყვართ, ის არის, ვისაც მომავალში შეიძლება ცხოვრება დაუკავშიროთ?
– შეიძლება ასეც არის, მაგრამ ამ ეტაპზე ოჯახის შექმნაზე არ ვფიქრობ. ვთვლი, რომ ჯერ კიდევ ბევრი ნაბიჯი მაქვს გადასადგმელი. დედაჩემს რამდენჯერაც ვნახავ, იმდენჯერ მეუბნება, ცოლი მოიყვანეო. ჩემი დაოჯახება კი არა, შვილიშვილი უნდა, მაგრამ დაქორწინებაზე ჯერ არ ვფიქრობ.
სოფიო ბოჭორიძე, ჟურნალი სარკე
მისი სიყვარულის ამბავი კი ასეთია: სოციალურ ქსელში ერთმა გოგომ მხიარული წერილი მისწერა, მან უპასუხა, ინტერნეტით დაწყებული მეგობრობა კი სიყვარულში გადაიზარდა. 24 წლის იუმორისტი დაქორწინებაზე არ ფიქრობს. უნდა, ჯერ თავისი გეგმები განახორციელოს და მნიშვნელოვანი ნაბიჯის გადადგმაზე მერე იფიქროს.
– გიგა, რა ხდება თქვენს საქმესა და ცხოვრებაში საინტერესო და ახალი?
– "კომედი არხი" კომედიური ჟანრის ფილმს იღებს, სადაც მეც ვმონაწილეობ. ერთ–ერთ რეკლამაშიც გადამიღეს, რომელიც ყველას ფილმი ეგონა და ბოლოს ახალი ლუდის რეკლამა აღმოჩნდა. ამ რეკლამაში მონაწილეობა რომ მივიღე, კარგი ანაზღაურებაც მომცეს, მაგრამ მეტის გადახდაც შეიძლებოდა.
– თქვენს ასაკში და თან საკმაოდ მალე გარკვეულ პოპულარობას მიაღწიეთ, შემდგომი წარმატებისთვის რა ნაბიჯების გადადგმას აპირებთ?
– ჩემი აზრით, ჯერ არ ვარ წარმატებული. პოპულარული ბევრი ყოფილა და დღეს ისინი აღარავის ახსოვს. წარმატებული ხარ მაშინ, როცა გეგმების ნაწილი მაინც გაქვს განხორციელებული, მე კი საკუთარი თავით კმაყოფილი არასოდეს ვარ. ვფიქრობ, როცა ადამიანი საკუთარი თავით კმაყოფილია, ახალს აღარაფერს ეძებს. ვთვლი, რომ ჩემს მონაცემებს და მაქსიმუმს ჯერჯერობით ვერ ვამჟღავნებ.
– რა გიშლით ხელს?
– სხვადასხვა რაღაც და ალბათ უფრო სიზარმაცე. რაღაც მომენტებში საკუთარ თავს ვატყობ, რომ ვზარმაცობ. ეს თვისება ადამიანში ყველაზე მეტად არ მომწონს. როცა ვხვდები, რომ ვზარმაცობ, დისკომფორტს განვიცდი და მინდა, ყველაფერი შევცვალო.
– რას მიიჩნევთ სიზარმაცედ?
– ცხოვრების დინებას მივყვები, სხვაგან გადახვევა მეზარება და ამას ვგულისხმობ. "მეტი შეგიძლია" – ეს ფრაზა ყოველთვის მესმის და ესე იგი ზარმაცი ვარ.
– თქვენი გაზარმაცება იმის ბრალი ხომ არ არის, რომ შეყვარებული ხართ?
– არა, რატომ? პირიქით, შეყვარებული ადამიანი უფრო "მოქოქილია", მაგრამ მე ალბათ სხვანაირად, "მოუქოქავად", ჩემებურად მიყვარს. მანდილოსნის მიმართ დამოკიდებულება შემეცვალა, ეჭვიანი გავხდი. ვინმეზე რომ გავიგებდი, შეყვარებულზე ეჭვიანობსო, მეცინებოდა, მაგრამ აღმოჩნდა, რომ გამონაკლისი არც მე ვარ. რაც სხვაში მაღიზიანებდა, ჩემშიც ყოფილა. ეჭვიანი რომ გავხდი, ეს თვისება ჩემში საშინლად არ მომწონს, მაგრამ იმასაც ვფიქრობ, რომ სიყვარულს ყოველთვის ახლავს თან ეჭვიანობა. მთავარია, დოზა იცოდე და მე ვიცი კიდეც.
– თქვენს რჩეულს რა რეაქცია აქვს, როცა ეჭვიანობთ?
– მეუბნება, რა გაქვს საეჭვიანოო, მაგრამ თვითონაც ეჭვიანია, სულ მსაყვედურობს, ესა თუ ის კომენტარი ვინ დაგიწერაო.
– კომენტარებში იმასაც წერენ, რომ თურქი მსახიობის, მურატ ილდირიმის გმირს, სავაშს ჰგავხართ...
– ქართველ ქალებს სავაში ძალიან მოსწონთ და რადგან მას მადარებენ, ესე იგი მეც მოვწონვარ.
– გაგვაცანით თქვენი რჩეული.
– კარგი გოგოა. ერთი წელია, რაც ერთად ვართ. მისი ვინაობის დასახელებისგან თავს შევიკავებ, რადგან თვითონ არ აქვს გამოჩენის სურვილი. ერთს კი გეტყვით, რომ ცნობადი სახე არ არის.
– რითი მოგხიბლათ?
– ყველაზე მეტად მასში ის მომწონს, რომ ძალიან ვუყვარვარ. ინიციატივა პირველად მისგან წამოვიდა. მიყვარხარო, რომც არ ეთქვა, მისი თითოეული მოქმედებიდან მაინც მივხვდებოდი. ჩემ მიმართ თავიდანვე ძალიან ყურადღებიანი და თბილი იყო და დღემდე ასე გრძელდება, რაც ჩვენს გრძნობებს კიდევ უფრო აძლიერებს.
– ამბობენ, როცა ურთიერთობის ინიციატორი გოგოა, მამაკაცების უმრავლესობა ასეთი ქალის მიმართ ინტერესს კარგავსო. თქვენ კი, როგორც ჩანს, გამონაკლისი ხართ.
– ამაზე არც კი მიფიქრია. ეს გოგო იმდენად მომეწონა, რომ სხვა რაღაცეებზე დაფიქრების საშუალება არ მომცა. ამ ყველაფერს კი მისი მხრიდან სიყვარული დაემატა, ამიტომ აღარაფრის ძიება დამიწყია. შეიძლება ითქვას, რომ ბედნიერება თავისი ფეხით მოვიდა ჩემთან. ერთ დღეს "ფეისბუქზე" მომწერა და იქიდან დაიწყო ყველაფერი. რამდენიმე ხანი ერთმანეთისთვის მხოლოდ "ფეისბუქის" მეგობრები ვიყავით, ერთ დღეს კი ორივე მივხვდით, რომ ასეთი ურთიერთობა მოგვბეზრდა და ერთმანეთს შევხვდით.
– ძალიან ბევრი გოგონა გწერთ და ის რითი გამოარჩიეთ?
– სასაცილო ტექსტი მომწერა – გინდა თუ არა, დამამატე მეგობრებშიო თუ რაღაც მსგავსი. პირველივე დღიდან საინტერესო ადამიანია ჩემთვის. ძალიან მგავს, ოღონდ ვიზუალურად – არა. ჩემსავით დამოუკიდებელი და შრომისმოყვარეა. ნებისმიერ პრობლემას შეიძლება ისე აღუდგეს წინ, რომ კაცსაც შეშურდეს. ჩვენს ურთიერთობაში გადამწყვეტი აღმოჩნდა მისი ცხოვრებისადმი დამოკიდებულება და ამასთანავე ის ძალიან ლამაზიცაა.
– გარდა იმისა, რომ სიყვარულმა ეჭვიანი გაგხადათ, სხვა რა ცვლილებებს ატყობთ საკუთარ თავს?
– ადამიანების მიმართ ძალიან თბილი გავხდი, რადგან მასთან ვარ ასეთი და ეს მუხტი ყველასთან ურთიერთობაში დადებითად მოქმედებს.
– ერთხელ ჩვენთან ინტერვიუში თქვით, რომანტიკული ვარო. ალბათ ახლა რომანტიზმი გაორმაგდა თქვენში.
– კი, ასეა. ძალიან რომანტიკული ვარ, ოღონდ შექსპირისეული სიყვარული არ მახასიათებს და არც ლექსების წერა დამიწყია, მიუხედავად იმისა, რომ ასე არავინ მყვარებია. მიყვარს, როცა ჩემს რჩეულს საჩუქრებით ვანებივრებ. ყოველთვის ვცდილობ, დასამახსოვრებელი რაღაც ვაჩუქო. თავისუფალი დრო ჩემი გოგოს ნახვასთან ასოცირდება.
– მოსწონს თქვენი როლები სკეტჩებში?
– ალბათ მოსწონს, რადგან მან ჯერ ეკრანზე მიხილა და მერე მომწერა. აღმოჩნდა, რომ დიდი ხნის განმავლობაში მეტრფოდა. თათია სულუაშვილი რომ მირტყამდა, თურმე ჯერ ძალიან ვეცოდებოდი და თან ვიზუალურადაც არ მოვწონდი. საბოლოო ჯამში, ძალიან მოსწონს ის, რასაც დღეს ვაკეთებ. საახალწლო კონცერტებზე კულისებში მყავდა.
– თვითონ რა დოზით აქვს იუმორის გრძნობა?
– სხვათა შორის, კარგი იუმორის გრძნობა აქვს. რაც ურთიერთობა დავიწყეთ, ჩემთან "მასტერკლასებს" გადის და ხანდახან ისეთ რაღაცას იტყვის ხოლმე, რომ მისი გამოყენება სკეტჩებშიც შეიძლება.
– გოგო, რომელიც გიყვართ, ის არის, ვისაც მომავალში შეიძლება ცხოვრება დაუკავშიროთ?
– შეიძლება ასეც არის, მაგრამ ამ ეტაპზე ოჯახის შექმნაზე არ ვფიქრობ. ვთვლი, რომ ჯერ კიდევ ბევრი ნაბიჯი მაქვს გადასადგმელი. დედაჩემს რამდენჯერაც ვნახავ, იმდენჯერ მეუბნება, ცოლი მოიყვანეო. ჩემი დაოჯახება კი არა, შვილიშვილი უნდა, მაგრამ დაქორწინებაზე ჯერ არ ვფიქრობ.
სოფიო ბოჭორიძე, ჟურნალი სარკე
