ქუთაისელი ანჯელინა "მის პლანეტაზე" გასასვლელად ემზადება

ქუთაისელი მოდელი ეკა ქუთათელაძე, რომელსაც თავისი გარეგნობის წყალობით, ქართველ ანჯელინასაც ეძახიან, „მის პლანეტას“ ტიტულის მოსაპოვებლად ემზადება.

30 წლის მოდელი სამოდელო ბიზნესში 15 წლიდან არის ჩართული. ეკა ქუთათელაძე მოდის სახლ „მანანა გოგლიჩიძის“ სახეა. აღნიშნული მოდის სახლი ქუთაისში, დაახლოებით, ერთი წელია ფუნქციონირებს. მოდის სახლს ფილიალი აქვს მოსკოვშიც. „მის პლანეტა“ ბულგარეთში 20 ივნისს გაიმართება.

ეკა ქუთათელაძის თქმით, მას ამ დრომდე კონკურსებში მონაწილეობის გამოცდილება არ აქვს, თუმცა აღნიშნულ კონკურსზე გამარჯვებული სტატუსის მოპოვებას შეცცდება.

"თავიდან მაკა ჭყონიასთან ვიყავი. ერთი წელია რაც ამ მოდის სახლში ვარ როგორც მოდელი და მენეჯერი. მანანა გოგლიჩიძის მოდის სახლმა შემომთავაზა ამ კონკურსში მონაწილეობის მიღება. გამარჯვების იმედი მაქვს,"- ამბობს ეკა ქუთათელაძე.