ქრისტინე ძიძიგურს ხუან ბაგრატიონმა ხელი მთაწმინდაზე სთხოვა
2 688 ნახვა
ქართველი მოდელი ქრისტინე ძიძიგური ცხოვრებაში ნამდვილ პრინცს შეხვდა. პარიზში წარმატებული მოდელი ერეკლე მეორის შთამომავლის, პრინც ხუან (იოანე) ბაგრატიონის მეუღლე გახდა. მათ 10 მაისს ვიწრო წრეში მოაწერეს ხელი ესპანეთის ქალაქ რანდაში. მოკრძალებულ ცერემონიაზე პატარძალს კრისტიან დიორის თეთრი სადა კაბა ეცვა, ნეფეს კი ასევე თეთრი არმანის სამეული. ქრისტინეს ხუანის დედის ნაჩუქარი ძვირფასი ბეჭედი უმშვენებდა ხელს, რომელიც ბაგრატიონების საგვარეულო სამკაულია. პატარძალს ხელისმომკიდედ მისი ახლო მეგობარი, ფრანგი სენდი ტრებუილი ჰყავდა, ხუანს კი ბავშვობის მეგობარი გონფალო სალგადო ასენსიო. ხელისმოწერის შემდეგ ახალდაქორწინებულები თაფლობისთვის გასატარებლად მონაკოში გაემგზავრნენ, შემოდგომაზე კი საქართველოში აპირებენ ქორწილის გადახდას.
მათი სიყვარულის ამბავი, რომელიც მზეთუნახავისა და უფლისწულის ზღაპარს ჰგავს, სრულიად ჩვეულებრივად დაიწყო, ისე, როგორც თანამედროვე სამყაროში ხდება. ერთმანეთი საერთო მეგობრის დახმარებით გაიცნეს. პრინცმა ქრისტინეს სურათები ინტერნეტის საშუალებით ნახა და მაშინვე მოეწონა. ჯერ დამეგობრდნენ, შემდეგ კი ორმხრივი სიყვარული დაიბადა. ხუანმა ქრისტინეს სიყვარული თბილისში, ფუნიკულიორზე აუხსნა.
25 წლის ქრისტინე ძიძიგური უკვე რამდენიმე წელია საფრანგეთში ცხოვრობს და მოდელად მუშაობს. ის კრისტიან დიორის პარფიუმის ერთ–ერთი სახეა. კარიერა საქართველოში დაიწყო. ცოტა ხანი ანსამბლ "ერისიონში" ცეკვავდა, 12 წლის ასაკში კი მოდელი გახდა. 2008 წელს "ვიცე მის საქართველოს" ტიტული მოიპოვა და მალაიზიაში გამართულ საერთაშორისო კონკურსზე "მის პერსონა" გახდა. 2010 წელს თბილისში მოდის კვირეულზე სტუმრად მიწვეული ქრისტინე ფრანგმა მოდის აგენტებმა შენიშნეს და ერთწლიანი კონტრაქტით პარიზში მიიწვიეს. პარიზის პრესტიჟულ სამოდელო სააგენტო "ელისეს" ინტუიციამ არ უღალატა და ქართველმა მოდელმა ცნობილი ბრენდების მიერ გამოცხადებული კასტინგები წარმატებით გაიარა.
36 წლის ხუანის (იოანე) ძარღვებში როგორც ქართველი, ისე ევროპელი მონარქების სისხლი ჩქეფს. მამის მხრიდან ესპანეთში მცხოვრები მუხრანელი ბაგრატიონების შთამომავალია, ირაკლი ბაგრატიონის შვილიშვილია. ხუანის მამამ, ბაგრატ ბაგრატიონმა, ესპანეთის სამეფო დინასტიის წარმომადგენელ მარია დელ კარმენ დელ ულუა სუელვესზე იქორწინა, რითაც ესპანეთის მეფის, ხუან კარლოსის ახლო ნათესავი გახდა. ხუანის ბებია დედის მხრიდან, მარია მერსედეს ბავიერა, ესპანეთისა და გერმანიის სამეფო შტოების წარმომადგენელია. ესპანეთის მეფე ალფონსო მე–13 მისი დიდი პაპაა მამის მხრიდან.
ხუანმა ბავშვობა მადრიდში გაატარა. გარკვეული პერიოდი ესპანეთში და ბრიტანეთში ცხოვრობდა, შემდეგ პარიზში გადავიდა. მიზეზი ქრისტინე ძიძიგური იყო. რამდენიმე წლის წინ მართლმადიდებლად მოინათლა. პრინცი ერთხელ უკვე იყო დაქორწინებული, მაგრამ ეს ქორწინება 6 წლის წინ დასრულდა.
საქართველოში მონარქიის აღდგენაზე პრინცის აზრი ასეთია: "საქართველოსთვის მხოლოდ კარგი მსურს. ეკლესიამ, ხალხმა, მთავრობამ, მოსამართლეებმა უნდა გადაწყვიტონ ეს საკითხი".
პრინცი ხუანი თავისი ცხოვრების პრინცესასთან შეხვედრას "რუსთავი 2"–სთვის მიცემულ ტელეინტერვიუში ასე იხსენებს: "ეს ძალიან ლამაზი ისტორიაა, რომელიც შეიძლება ცხოვრებაში ერთხელ მოხდეს. ჩვენმა საერთო მეგობარმა მითხრა ქრისტინეს შესახებ, რომ პარიზში ცხოვრობს და ევროპული მენტალიტეტი მისთვის უცხო არ არის. პირველად ტელეფონით ვისაუბრეთ და მოვიხიბლე. ინტერნეტში რომ ვნახე ქრისტინეს ფოტოები, მაშინვე ვთქვი, რომ ეს ყველაზე ლამაზი ქალია, ვინც კი მინახავს. ვიფიქრე, ხომ შეიძლება ჩვენ ერთად ვიყოთ? ჩვენი საერთო ნაცნობები მეუბნებოდნენ, რომ ქრისტინე კარგ მეგობრობას გამიწევდა, საქართველოსა და ქართველებს უკეთ გამაცნობდა, მაგრამ როცა ის ვნახე, მეგობრობა აღარ მინდოდა, გაცილებით მეტი მომინდა".
პრინცის გრძნობები უპასუხოდ არ დარჩენილა. ქართველმა ლამაზმანმა ხუანი დიდხანს არ აწვალა.
– ხელი მთაწმინდაზე მთხოვა. ეს სრულიად მოულოდნელად მოხდა. უცებ დაიხარა და მკითხა: "ცოლად გამომყვები?". დავიბენი. მერე ძალიან მტკიცედ ვუპასუხე: "რასაკვირველია". ძალიან სწრაფად მოხდა ყველაფერი. ამას ცხოვრებაში ვერ წარმოვიდგენდი. ჩემთვის სიყვარული შანსია. როცა ადამიანს შანსი აქვს, ვინმე უყვარდეს, ეს დიდი ბედნიერებაა. ჩვენს შემთხვევაში ყველაფერი ისე ჰარმონიულად მოხდა, რომ ბევრის ახსნა არ დაგვჭირვებია. ხუანი ევროპელია ქართული ფესვებით, – ამბობს ქრისტინე იმავე ტელეინტერვიუში.
წარმატებული მოდელისა და სამეფო გვარის პრინცის ქორწინების შესახებ, ქართველ საზოგადოებას, რა თქმა უნდა, ყველაფერი აინტერესებს. ქრისტინე ძიძიგურის უახლოესი ნათესავი, დეიდა რუსუდან ვაშაკიძე (რუსთავი 2"–ის პოლიტიკური ტოქ შოუების პროდიუსერი), გულისხმიერად დათანხმდა "სარკის" თხოვნას, მოეთხრო მათი ისტორია.
რუსუდან ვაშაკიძე:
– ქრისტინემ და ხუანმა ერთ–ერთ მეგობართან გაიცნეს ერთმანეთი, შემდეგ მათი თბილისში ჩამოსვლაც დაემთხვა და აქაც რამდენჯერმე შეხვდნენ ერთმანეთს. ჩვენც გავიცანით ხუანი საქართველოში მისი ბოლო ვიზიტის დროს. ევროპელი ბიზნესმენების დელეგაციას ხელმძღვანელობდა და ქრისტინესაც შესთავაზა, ამ დელეგაციის ვიზიტის წარმატებით განხორციელებაში დახმარებოდა. მათი საქმიანი და სასიყვარულო ისტორია ფაქტობრივად პარალელურად წარიმართა. როდესაც საპატრიარქოში ევროპელი ბიზნესმენების შეხვედრა გაიმართა, ხუანმა პატრიარქს ქრისტინე წარუდგინა, როგორც თავისი საცოლე. სიყვარული თბილისში ყოფნის დროს აუხსნა, ხელი კი ფუნიკულიორზე სთხოვა რესტორანში და ბეჭედიც იქ გაუკეთა.
– ხუანის პიროვნული თვისებები როგორია?
– ხუანი ძალიან ინიციატივიანი პიროვნებაა. როგორც ქრისტინე მიყვება, ხშირად ურეკავდა, ხშირად ნახულობდა, საინტერესო იდეებს სთავაზობდა. ძალიან საინტერესო პიროვნებაა ინტელექტუალური თვალსაზრისითაც, კარგი განათლება აქვს მიღებული. შვეიცარიის ერთ–ერთ პრესტიჟულ კოლეჯში სწავლობდა, რომელიც ევროპის საუკეთესო ხუთეულში შედის და სამეფო კოლეჯსაც უწოდებენ. ასევე სწავლობდა მადრიდის ამერიკულ უნივერსიტეტში ბიზნესის მიმართულებით. ხუანს ძალიან უყვარს მუსიკა, ლიტერატურა, სპორტი და ძალიან კარგად თამაშობს გოლფს. ასევე ბაიკერია. ძალიან მეგობრულია, ბევრი მეგობარი ჰყავს სხვადასხვა ქვეყანაში. ნებისმიერი ადამიანი უყვარს, ვინც მის გვერდით დგას. უშუალო და ძალიან მოტივირებულია. ბევრი გეგმა და ძალიან საინტერესო იდეები აქვს. ძალიან უყვარს ქველმოქმედება, მაგრამ ამის აფიშირებას არ აკეთებს. საინტერესო პიროვნებაა ზოგადად და სასიამოვნოა მასთან ურთიერთობა, ამიტომაც არ მიკვირს, რომ ქრისტი მოხიბლა.
– ქრისტინე რას გიყვებოდათ მის შესახებ?
– ქრისტინე ყოველდღე ახალი ამბებით ბრუნდებოდა სახლში. მათი ურთიერთობა ყოველდღიურად ახალ იმპულსებს იძენდა. ერთ მშვენიერ დღეს დაგვირეკა და გვითხრა, რომ ხუანმა ბეჭედი აჩუქა და ცოლობა შესთავაზა. მეორე დღეს გვითხრა, რომ ხუანი პარიზში გადასვლას და იქ ოფისის გახსნას გეგმავს, რომ ქრისტინეს ხელი არ შეუშალოს საქმიანობაში და მის გვერდით იყოს. ძალიან ლამაზად და მალე დაგეგმეს ერთად ცხოვრება.
– ოჯახებმა როგორ გაიცანით ერთმანეთი?
– ქრისტიმ ხუანის მშობლები ესპანეთში გაიცნო. თავიდანვე ძალიან მოიხიბლა ხუანის დედ–მამით. ჩვენც ახლა გავიცანით ორივენი, არაჩვეულებრივი ხალხია. ხუანის დედამ ქრისტის ირაკლი ბაგრატიონის, ანუ ხუანის პაპის, ნაჩუქარი ულამაზესი ბეჭედი გადასცა, რომელიც ოჯახური რელიკვიაა. ბეჭედს შუაში აქვს ძვირფასი მწვანე ქვა, რომელიც ირაკლი ბაგრატიონმა სპეციალურად ჩამოატანინა ინდოეთიდან. ქვას გარშემო 20 ბრილიანტის თვალი აქვს. ხუანის მამა, ბაგრატ ბაგრატიონი, თბილი და საყვარელი პიროვნებაა, ძალიან ბევრი გვესაუბრა საქართველოზე. უყვარს ქართული მუსიკა და ქრისტის ძმას, რომელიც მომღერალია, რამდენჯერმე შეასრულებინა ქართული სიმღერა. ეზოში საქართველოდან წაღებული ვაზის ნერგები გვაჩვენა და მოგვიყვა, თუ როგორ უყვარს ვაზი, როგორი რუდუნებით უვლის. ქორწილისთვის საქართველოში ჩამოსვლას აპირებენ.
– როდის იქნება ჯვრისწერა და ქორწილი?
– როგორც ხუანი ამბობს, შემოდგომაზე. დეტალები ჯერ არ ვიცი. მალე ჩამოვლენ თბილისში და უფრო კონკრეტულად გვეტყვიან.
– ხელისმოწერის ცერემონია როგორი იყო?
– ხელისმოწერა გაიმართა რონდაში და მხოლოდ ოჯახის წევრები და უახლოესი მეგობრები ესწრებოდნენ. როდესაც ხუანს ვკითხე, რატომ აირჩია ეს ქალაქი ხელისმოწერის ცერემონიისთვის, მიპასუხა, რომ რონდა ისტორიული ქალაქია და იქ ცხოვრობს მისი დიდი მეგობარი, ცნობილი ესპანელი მატადორი გაეტანო რივერა. პატარძალს კრისტიან დიორის ძალიან ლამაზი, სადა თეთრი კაბა ეცვა, თმაში ორქიდეას რამდენიმე ყვავილი ეკეთა, ხოლო სიძეს არმანის სამეული ეცვა. ძალიან ლამაზები იყვნენ. მომწონს მათი სისადავე და ის, რომ არ უყვართ პომპეზურობა.
– ამჟამად სად იმყოფებიან ახალდაქორწინებულები?
– მადრიდში გაემგზავრნენ ხუანის ბიძაშვილის ქორწილში, მადრიდიდან კი მონაკოში წავლენ.
– როგორია წყვილის გეგმები, სად იცხოვრებენ?
– ძირითადად პარიზში იცხოვრებენ, მაგრამ ბევრი მოგზაურობა მოუწევთ. ქრისტინეს ამ ეტაპზე პროფესიული შემოთავაზება მილანიდან აქვს.
– პრინცზე გათხოვების შემდეგაც გააგრძელებს ქრისტინე მოდელობას?
– ქრისტინე განაგრძობს თავის კარიერას პარიზში. ის ასევე სორბონაში სწავლობს. ახლა ესპანური ენის შესწავლა უნდა, ხუანი კი პირობას აძლევს, რომ ქართულ ენას დაეუფლება ძალიან მალე.
– როგორც წესი, სამეფო ოჯახში მნიშვნელოვანია ახალი წევრის გვარი და წარმომავლობა. ეს საკითხი არ დამდგარა მათი ურთიერთობის დასაწყისში?
– არა მგონია. 21–ე საუკუნეა, თან ევროპელი ბაგრატიონები არიან. მთავარია ურთიერთდამოკიდებულება და რამდენად ესმით ადამიანებს ერთმანეთის. თუ მთავარ პრინციპებზე თანხვედრა გაქვს და მენტალურად ბევრ საერთოს პოულობ, გვარს და წარმომავლობას რა მნიშვნელობა აქვს? თუ ვინმე ამ კითხვას დასვამს, ხუანს მოსწრებული პასუხი ექნება, ქრისტისთვის ერთხელ უთქვამს, ნამდვილი სამეფო გული გაქვსო.
– თქვენ, ქრისტინეს ოჯახის წევრს, რა ემოცია გქონდათ, როცა ეს ისტორია გაიგეთ?
– თავიდან ცოტას ვნერვიულობდი, ძალიან სწრაფად ვითარდებოდა მოვლენები და ცოტას ვღელავდით ყველანი. სხვათა შორის, სწორედ ეს მომეწონა ხუანში, რომ ძალიან უკომპლექსო ადამიანია და თავისი სიყვარულის შესახებ თავისუფლად, საჯაროდ და ღიად ყვება. ეს მამაკაცში ძალიან მაგარი თვისებაა.
– ქრისტინეს ოდესმე, თუნდაც ბავშვობაში, პრინცზე უოცნებია?
– სხვათა შორის, ქრისტინეს ოცნებებში პრინცი არ ფიგურირებდა. ყველაზე მეტს მე მიყვებოდა ხოლმე თავის პირად ცხოვრებაზე. უამრავი თაყვანისმცემელი ჰყავდა. აქტიური და საინტერესო ადამიანები მოსწონდა. ოჯახის წევრებს მის გვერდით ზუსტად ისეთი ადამიანი წარმოგვედგინა, როგორიც ხუანია – ძალიან აქტიური, მოტივირებული, საინტერესო და ძლიერი.
მანანა ნოდია, ჟურნალი სარკე
მათი სიყვარულის ამბავი, რომელიც მზეთუნახავისა და უფლისწულის ზღაპარს ჰგავს, სრულიად ჩვეულებრივად დაიწყო, ისე, როგორც თანამედროვე სამყაროში ხდება. ერთმანეთი საერთო მეგობრის დახმარებით გაიცნეს. პრინცმა ქრისტინეს სურათები ინტერნეტის საშუალებით ნახა და მაშინვე მოეწონა. ჯერ დამეგობრდნენ, შემდეგ კი ორმხრივი სიყვარული დაიბადა. ხუანმა ქრისტინეს სიყვარული თბილისში, ფუნიკულიორზე აუხსნა.
25 წლის ქრისტინე ძიძიგური უკვე რამდენიმე წელია საფრანგეთში ცხოვრობს და მოდელად მუშაობს. ის კრისტიან დიორის პარფიუმის ერთ–ერთი სახეა. კარიერა საქართველოში დაიწყო. ცოტა ხანი ანსამბლ "ერისიონში" ცეკვავდა, 12 წლის ასაკში კი მოდელი გახდა. 2008 წელს "ვიცე მის საქართველოს" ტიტული მოიპოვა და მალაიზიაში გამართულ საერთაშორისო კონკურსზე "მის პერსონა" გახდა. 2010 წელს თბილისში მოდის კვირეულზე სტუმრად მიწვეული ქრისტინე ფრანგმა მოდის აგენტებმა შენიშნეს და ერთწლიანი კონტრაქტით პარიზში მიიწვიეს. პარიზის პრესტიჟულ სამოდელო სააგენტო "ელისეს" ინტუიციამ არ უღალატა და ქართველმა მოდელმა ცნობილი ბრენდების მიერ გამოცხადებული კასტინგები წარმატებით გაიარა.
36 წლის ხუანის (იოანე) ძარღვებში როგორც ქართველი, ისე ევროპელი მონარქების სისხლი ჩქეფს. მამის მხრიდან ესპანეთში მცხოვრები მუხრანელი ბაგრატიონების შთამომავალია, ირაკლი ბაგრატიონის შვილიშვილია. ხუანის მამამ, ბაგრატ ბაგრატიონმა, ესპანეთის სამეფო დინასტიის წარმომადგენელ მარია დელ კარმენ დელ ულუა სუელვესზე იქორწინა, რითაც ესპანეთის მეფის, ხუან კარლოსის ახლო ნათესავი გახდა. ხუანის ბებია დედის მხრიდან, მარია მერსედეს ბავიერა, ესპანეთისა და გერმანიის სამეფო შტოების წარმომადგენელია. ესპანეთის მეფე ალფონსო მე–13 მისი დიდი პაპაა მამის მხრიდან.
ხუანმა ბავშვობა მადრიდში გაატარა. გარკვეული პერიოდი ესპანეთში და ბრიტანეთში ცხოვრობდა, შემდეგ პარიზში გადავიდა. მიზეზი ქრისტინე ძიძიგური იყო. რამდენიმე წლის წინ მართლმადიდებლად მოინათლა. პრინცი ერთხელ უკვე იყო დაქორწინებული, მაგრამ ეს ქორწინება 6 წლის წინ დასრულდა.
საქართველოში მონარქიის აღდგენაზე პრინცის აზრი ასეთია: "საქართველოსთვის მხოლოდ კარგი მსურს. ეკლესიამ, ხალხმა, მთავრობამ, მოსამართლეებმა უნდა გადაწყვიტონ ეს საკითხი".
პრინცი ხუანი თავისი ცხოვრების პრინცესასთან შეხვედრას "რუსთავი 2"–სთვის მიცემულ ტელეინტერვიუში ასე იხსენებს: "ეს ძალიან ლამაზი ისტორიაა, რომელიც შეიძლება ცხოვრებაში ერთხელ მოხდეს. ჩვენმა საერთო მეგობარმა მითხრა ქრისტინეს შესახებ, რომ პარიზში ცხოვრობს და ევროპული მენტალიტეტი მისთვის უცხო არ არის. პირველად ტელეფონით ვისაუბრეთ და მოვიხიბლე. ინტერნეტში რომ ვნახე ქრისტინეს ფოტოები, მაშინვე ვთქვი, რომ ეს ყველაზე ლამაზი ქალია, ვინც კი მინახავს. ვიფიქრე, ხომ შეიძლება ჩვენ ერთად ვიყოთ? ჩვენი საერთო ნაცნობები მეუბნებოდნენ, რომ ქრისტინე კარგ მეგობრობას გამიწევდა, საქართველოსა და ქართველებს უკეთ გამაცნობდა, მაგრამ როცა ის ვნახე, მეგობრობა აღარ მინდოდა, გაცილებით მეტი მომინდა".
პრინცის გრძნობები უპასუხოდ არ დარჩენილა. ქართველმა ლამაზმანმა ხუანი დიდხანს არ აწვალა.
– ხელი მთაწმინდაზე მთხოვა. ეს სრულიად მოულოდნელად მოხდა. უცებ დაიხარა და მკითხა: "ცოლად გამომყვები?". დავიბენი. მერე ძალიან მტკიცედ ვუპასუხე: "რასაკვირველია". ძალიან სწრაფად მოხდა ყველაფერი. ამას ცხოვრებაში ვერ წარმოვიდგენდი. ჩემთვის სიყვარული შანსია. როცა ადამიანს შანსი აქვს, ვინმე უყვარდეს, ეს დიდი ბედნიერებაა. ჩვენს შემთხვევაში ყველაფერი ისე ჰარმონიულად მოხდა, რომ ბევრის ახსნა არ დაგვჭირვებია. ხუანი ევროპელია ქართული ფესვებით, – ამბობს ქრისტინე იმავე ტელეინტერვიუში.
წარმატებული მოდელისა და სამეფო გვარის პრინცის ქორწინების შესახებ, ქართველ საზოგადოებას, რა თქმა უნდა, ყველაფერი აინტერესებს. ქრისტინე ძიძიგურის უახლოესი ნათესავი, დეიდა რუსუდან ვაშაკიძე (რუსთავი 2"–ის პოლიტიკური ტოქ შოუების პროდიუსერი), გულისხმიერად დათანხმდა "სარკის" თხოვნას, მოეთხრო მათი ისტორია.
რუსუდან ვაშაკიძე:
– ქრისტინემ და ხუანმა ერთ–ერთ მეგობართან გაიცნეს ერთმანეთი, შემდეგ მათი თბილისში ჩამოსვლაც დაემთხვა და აქაც რამდენჯერმე შეხვდნენ ერთმანეთს. ჩვენც გავიცანით ხუანი საქართველოში მისი ბოლო ვიზიტის დროს. ევროპელი ბიზნესმენების დელეგაციას ხელმძღვანელობდა და ქრისტინესაც შესთავაზა, ამ დელეგაციის ვიზიტის წარმატებით განხორციელებაში დახმარებოდა. მათი საქმიანი და სასიყვარულო ისტორია ფაქტობრივად პარალელურად წარიმართა. როდესაც საპატრიარქოში ევროპელი ბიზნესმენების შეხვედრა გაიმართა, ხუანმა პატრიარქს ქრისტინე წარუდგინა, როგორც თავისი საცოლე. სიყვარული თბილისში ყოფნის დროს აუხსნა, ხელი კი ფუნიკულიორზე სთხოვა რესტორანში და ბეჭედიც იქ გაუკეთა.
– ხუანის პიროვნული თვისებები როგორია?
– ხუანი ძალიან ინიციატივიანი პიროვნებაა. როგორც ქრისტინე მიყვება, ხშირად ურეკავდა, ხშირად ნახულობდა, საინტერესო იდეებს სთავაზობდა. ძალიან საინტერესო პიროვნებაა ინტელექტუალური თვალსაზრისითაც, კარგი განათლება აქვს მიღებული. შვეიცარიის ერთ–ერთ პრესტიჟულ კოლეჯში სწავლობდა, რომელიც ევროპის საუკეთესო ხუთეულში შედის და სამეფო კოლეჯსაც უწოდებენ. ასევე სწავლობდა მადრიდის ამერიკულ უნივერსიტეტში ბიზნესის მიმართულებით. ხუანს ძალიან უყვარს მუსიკა, ლიტერატურა, სპორტი და ძალიან კარგად თამაშობს გოლფს. ასევე ბაიკერია. ძალიან მეგობრულია, ბევრი მეგობარი ჰყავს სხვადასხვა ქვეყანაში. ნებისმიერი ადამიანი უყვარს, ვინც მის გვერდით დგას. უშუალო და ძალიან მოტივირებულია. ბევრი გეგმა და ძალიან საინტერესო იდეები აქვს. ძალიან უყვარს ქველმოქმედება, მაგრამ ამის აფიშირებას არ აკეთებს. საინტერესო პიროვნებაა ზოგადად და სასიამოვნოა მასთან ურთიერთობა, ამიტომაც არ მიკვირს, რომ ქრისტი მოხიბლა.
– ქრისტინე რას გიყვებოდათ მის შესახებ?
– ქრისტინე ყოველდღე ახალი ამბებით ბრუნდებოდა სახლში. მათი ურთიერთობა ყოველდღიურად ახალ იმპულსებს იძენდა. ერთ მშვენიერ დღეს დაგვირეკა და გვითხრა, რომ ხუანმა ბეჭედი აჩუქა და ცოლობა შესთავაზა. მეორე დღეს გვითხრა, რომ ხუანი პარიზში გადასვლას და იქ ოფისის გახსნას გეგმავს, რომ ქრისტინეს ხელი არ შეუშალოს საქმიანობაში და მის გვერდით იყოს. ძალიან ლამაზად და მალე დაგეგმეს ერთად ცხოვრება.
– ოჯახებმა როგორ გაიცანით ერთმანეთი?
– ქრისტიმ ხუანის მშობლები ესპანეთში გაიცნო. თავიდანვე ძალიან მოიხიბლა ხუანის დედ–მამით. ჩვენც ახლა გავიცანით ორივენი, არაჩვეულებრივი ხალხია. ხუანის დედამ ქრისტის ირაკლი ბაგრატიონის, ანუ ხუანის პაპის, ნაჩუქარი ულამაზესი ბეჭედი გადასცა, რომელიც ოჯახური რელიკვიაა. ბეჭედს შუაში აქვს ძვირფასი მწვანე ქვა, რომელიც ირაკლი ბაგრატიონმა სპეციალურად ჩამოატანინა ინდოეთიდან. ქვას გარშემო 20 ბრილიანტის თვალი აქვს. ხუანის მამა, ბაგრატ ბაგრატიონი, თბილი და საყვარელი პიროვნებაა, ძალიან ბევრი გვესაუბრა საქართველოზე. უყვარს ქართული მუსიკა და ქრისტის ძმას, რომელიც მომღერალია, რამდენჯერმე შეასრულებინა ქართული სიმღერა. ეზოში საქართველოდან წაღებული ვაზის ნერგები გვაჩვენა და მოგვიყვა, თუ როგორ უყვარს ვაზი, როგორი რუდუნებით უვლის. ქორწილისთვის საქართველოში ჩამოსვლას აპირებენ.
– როდის იქნება ჯვრისწერა და ქორწილი?
– როგორც ხუანი ამბობს, შემოდგომაზე. დეტალები ჯერ არ ვიცი. მალე ჩამოვლენ თბილისში და უფრო კონკრეტულად გვეტყვიან.
– ხელისმოწერის ცერემონია როგორი იყო?
– ხელისმოწერა გაიმართა რონდაში და მხოლოდ ოჯახის წევრები და უახლოესი მეგობრები ესწრებოდნენ. როდესაც ხუანს ვკითხე, რატომ აირჩია ეს ქალაქი ხელისმოწერის ცერემონიისთვის, მიპასუხა, რომ რონდა ისტორიული ქალაქია და იქ ცხოვრობს მისი დიდი მეგობარი, ცნობილი ესპანელი მატადორი გაეტანო რივერა. პატარძალს კრისტიან დიორის ძალიან ლამაზი, სადა თეთრი კაბა ეცვა, თმაში ორქიდეას რამდენიმე ყვავილი ეკეთა, ხოლო სიძეს არმანის სამეული ეცვა. ძალიან ლამაზები იყვნენ. მომწონს მათი სისადავე და ის, რომ არ უყვართ პომპეზურობა.
– ამჟამად სად იმყოფებიან ახალდაქორწინებულები?
– მადრიდში გაემგზავრნენ ხუანის ბიძაშვილის ქორწილში, მადრიდიდან კი მონაკოში წავლენ.
– როგორია წყვილის გეგმები, სად იცხოვრებენ?
– ძირითადად პარიზში იცხოვრებენ, მაგრამ ბევრი მოგზაურობა მოუწევთ. ქრისტინეს ამ ეტაპზე პროფესიული შემოთავაზება მილანიდან აქვს.
– პრინცზე გათხოვების შემდეგაც გააგრძელებს ქრისტინე მოდელობას?
– ქრისტინე განაგრძობს თავის კარიერას პარიზში. ის ასევე სორბონაში სწავლობს. ახლა ესპანური ენის შესწავლა უნდა, ხუანი კი პირობას აძლევს, რომ ქართულ ენას დაეუფლება ძალიან მალე.
– როგორც წესი, სამეფო ოჯახში მნიშვნელოვანია ახალი წევრის გვარი და წარმომავლობა. ეს საკითხი არ დამდგარა მათი ურთიერთობის დასაწყისში?
– არა მგონია. 21–ე საუკუნეა, თან ევროპელი ბაგრატიონები არიან. მთავარია ურთიერთდამოკიდებულება და რამდენად ესმით ადამიანებს ერთმანეთის. თუ მთავარ პრინციპებზე თანხვედრა გაქვს და მენტალურად ბევრ საერთოს პოულობ, გვარს და წარმომავლობას რა მნიშვნელობა აქვს? თუ ვინმე ამ კითხვას დასვამს, ხუანს მოსწრებული პასუხი ექნება, ქრისტისთვის ერთხელ უთქვამს, ნამდვილი სამეფო გული გაქვსო.
– თქვენ, ქრისტინეს ოჯახის წევრს, რა ემოცია გქონდათ, როცა ეს ისტორია გაიგეთ?
– თავიდან ცოტას ვნერვიულობდი, ძალიან სწრაფად ვითარდებოდა მოვლენები და ცოტას ვღელავდით ყველანი. სხვათა შორის, სწორედ ეს მომეწონა ხუანში, რომ ძალიან უკომპლექსო ადამიანია და თავისი სიყვარულის შესახებ თავისუფლად, საჯაროდ და ღიად ყვება. ეს მამაკაცში ძალიან მაგარი თვისებაა.
– ქრისტინეს ოდესმე, თუნდაც ბავშვობაში, პრინცზე უოცნებია?
– სხვათა შორის, ქრისტინეს ოცნებებში პრინცი არ ფიგურირებდა. ყველაზე მეტს მე მიყვებოდა ხოლმე თავის პირად ცხოვრებაზე. უამრავი თაყვანისმცემელი ჰყავდა. აქტიური და საინტერესო ადამიანები მოსწონდა. ოჯახის წევრებს მის გვერდით ზუსტად ისეთი ადამიანი წარმოგვედგინა, როგორიც ხუანია – ძალიან აქტიური, მოტივირებული, საინტერესო და ძლიერი.
მანანა ნოდია, ჟურნალი სარკე
