რატომ ტირის ქუჩაში ნინუცა მაყაშვილი

პროფესია და საქმიანობა:
სამსახიობო მაქვს დამთავრებული, ვარ კიდეც მსახიობი, თუმცა იმავდროულად სხვა სფეროშიც მიმუშავია, მაგალითად, ტელევიზიაში, ამ ეტაპზე კი შეიძლება ითქვას, რომ რადიოწამყვანი ვარ.
საყვარელი ფილმი და მსახიობი:
ბევრი ფილმი მიყვარს, მაგრამ ყველაზე მეტად მომწონს Bიგ Fისჰ, ასევე ფილმები ჯიმ კერის მონაწილეობით, რაც იმას ნიშნავს, რომ ჩემს საყვარელ მსახიობებში გამორჩეული ადგილი სწო-რედ ამ მსახიობს უკავია.
რისი გეშინია?
- საყვარელი ადამიანების დაკარგვის.
საყვარელი წიგნი:
ასე კონკრეტულად არ მახსენდება, მაგრამ ბოლოს სალვადორ დალის ცხოვრება წავიკითხე და ძალიან მომეწონა, ახლა კი ვკითხულობ ჯონ ფაულზის ''კოლექციონერს''და ესეც მომწონს.
ვისთან ერთად გაემგზავრებოდი უკაცრიელ კუნძულზე...
- სულ არ მინდა უკაცრიელ კუნძულზე გამგზავრება (იცინის), მაგრამ თუ წავიდოდი, მეგზურად შევარჩევდი ჩემს მეგობარ ნიკას, რომელთან ერთადაც უკაცრიელ კუნძულზე კი არა, ქვეყნის დასალიერში ან დედამიწის გარეთ რომ აღმოვჩნდე, დარწმუნებული ვარ, კარგად ვიქნები.
დაასახელე რამდენიმე ნივთი, რომელსაც უკაცრიელ კუნძულზე მყოფი ინატრებდი:
- მაცივარი გამოტენილი საჭმლით, სანთებელა, რომელიც არასდროს არ ''ჯდება''და სათვალე.
სამი სურვილი, რომლის ასრულებასაც ოქროს თევზს სთხოვდი...
1. ჩემს საყვარელ ადამიანებს ყველაფერი ჰქონდეთ კარგად. 2. ჩავუთქვამდი, რომ ამ ქვეყანაში მეტი ყურადღება ექცეოდეს გაჭირვებულ და კეთილ ადამიანებს. 3. მაპატიეთ, რომ ასეთი მიკერძოებული ვარ, მაგრამ მინდა ჩემი სახლი დიდი ვერანდითა და კარგი ხედით.
საოცნებო ვახშამი მსოფლიო დონის ადამიანთან:
ჰოლივუდში წითელ ხალიჩაზე დიდი სიამოვნებით ვივახშმებდი ჯიმ კერისთან ერთად.
რისი გრცხვენია?
ბავშვობისდროინდელი საქციელების, რომელმაც მერე ჩემს ცხოვრებაზე გავლენა იქონია.
რა გაკომპლექსებს?
ხანდახან საკუთარი თავი მაკომპლექსებს, რადგან მგონია, ვერ შევძლებ, ვერ გავაკეთებ და ვერ გავუმკლავდები საქმეს.
დღე, რომელსაც გაიმეორებდი:
დღეს არა, მაგრამ შეგრძნებას გეტყვი, რომელსაც გავიმეორებდი. ესაა ის წუთი, პირველად რომ შევხედე ჩემს შვილს.
რას გამოჰყავხარ მდგომარეობიდან
ძალიან ემოციური ვარ და ბევრ რამეზე მეშლება ნერვები. ვბრაზდები დაუნახავ ადამიანებზე, არაადამიანურ დამოკიდებულებაზე.
რამ შეიძლება აგატიროს?
- ძალიან გულჩვილი ვარ, შემიძლია მუსიკაზე, ფილმზე ვიტირო... ქუჩაში გაჭირვებული მოხუცებული ან ბავშვიანი რომ დგას მოწყალების სათხოვნელად, მაგაზე არაერთხელ მიტირია. ხანდახან ძალიან სენტიმენტალური ვარ და ეს ჩემმა მეგობრებმაც კი არ იციან, რადგან ძირითადად აქტიური და მხიარული გახლავართ, თუმცა გუშინაც ვიტირე. ჩემმა მეგობარმა რაღაც მითხრა და ავტირდი, ოღონდ ეს სიხარულის ცრემლები იყო.
კითხვა, რომელსაც ბიძინა ივანიშვილს დაუსვამდი?
- მილიონი არ გაქვს, ხვალამდე რომ მასესხო (იცინის)?

ჟურნალი ''რეიტინგი''
ციცი ომანიძე