დათუნა მგელაძე: ''ქართველი ბიჭები უფრო ელოდებიან ხოლმე ჩემს კონცერტებს''...
1 553 ნახვა
ყოფილი ''ჯეოსტარელი'', მომღერალი დათუნა მგელაძე, წელიწადზე მეტია, რუსეთში, კერძოდ, მოსკოვში ცხოვრობს. კორპორატიულ საღამოებზე მღერის და როგორც მასთან ინტერვიუდან გავიგეთ, იქ მცირე ბიზნესიც ააწყო. როგორც ჩანს, ახალგაზრდა მომღერალმა რუსეთის დედაქალაქში ფეხი მოიკიდა და საქართველოში დაბრუნებას ჯერჯერობით არ აპირებს.
ზაფხულის ბოლოს ჩამოვა, მაგრამ სექტემბრისთვის ისევ უკან დაბრუნდება. იმ მოკლე პერიოდში, როცა საქართველოში იქნება, საკუთარი თაყვანისმცემლებისთვის რამდენიმე კონცერტის გამართვას გეგმავს. რასაკვირველია, დროს ოჯახთან ერთად გაატარებს და მონატრებულ მეგობრებსაც მოინახულებს.
დათუნა ჩვენთან ადრინდელ ინტერვიუში ამბობდა, რომ რუსულ ''ვოისში'' აპირებდა მონაწილეობას, თუმცა წინა წელს გადაიფიქრა და ახლაც, როცა ვკითხეთ, ჯერჯერობით არ აქვს გადაწყვეტილი, გავა თუ არა რუსულ მუსიკალურ კონკურსზე...
- ვცხოვრობ მარტო მოსკოვის ცენტრში, ჩემთვის წყნარად, მშვიდად და კარგად. ქართველებს კი ვხვდები, მაგრამ ადრე უფრო ხშირად გვქონდა თავშეყრები, ახლა იმდენად აღარ. ძირითადად, კორპორატიულ საღამოებზე ვმღერი, ასევე მაქვს ჩემი მცირე ბიზნესი, ორი მაღაზია. ცხოვრებაში ვერ ვიფიქრებდი, ბიზნესთან რაიმე შეხება თუ მექნებოდა (იცინის). ვერთობი და ვმუშაობ კიდევაც. აგვისტოში ვაპირებ თბილისში ჩამოსვლას, მაგრამ მცირე ხნით. სექტემბერში უკან დავბრუნდები. ამ მცირე პერიოდში მინდა, რამდენიმე კონცერტი გავმართო. სხვათა შორის, ვმუშაობ ახალ სიმღერაზე, რომელიც პეკე ბეგაშვილმა დამიწერა, ტექსტი რუსულ ენაზე მანანა გურგენიძემ შექმნა.
- კონცერტების დროს მსმენელი როგორ გხვდება?
- ძალიან კარგად მხვდებიან, ყოველი კონცერტის შემდეგ უბედნიერესი ვარ და სადაც მქონია კონცერტი, არსად არ ყოფილა დარბაზი ცარიელი. კონცერტებზე ვასრულებ ძირითადად ჩემს რეპერტუარს, კორპორატიულ საღამოებზე კი - ცნობილი სიმღერების ქავერებს, თუმცა რამდენიმე სიმღერას ჩემი რეპერტუარიდანაც ვურევ ხოლმე.
- ალბათ, ქალებს შორის ბევრი თაყვანისმცემელი გამოგიჩნდებოდა.
- (იცინის) ქართველი ბიჭები უფრო ელოდებიან ხოლმე ჩემს კონცერტებს, რადგან დამსწრეთა 90% მდედრობითი სქესია და უხარიათ.
- პირადული ვერც მანდ აიწყვე?
- პირადზე რა გითხრა... ვერც რუსეთმა მიშველა. რა თქმა უნდა, აქაური გოგონები მომწონს. როგორ არ უნდა მოგწონდეს, საოცრებები არიან, თუმცა ალბათ მე მაინც ქართველს შევაბერდები (იღიმის). მიფიქრია ამაზე და ამიტომაც ვამბობ.
- როგორია შენი საოცნებო გოგონა?
- სახე ქართული უნდა ჰქონდეს, ტანი-ფეხი - რუსული.
- რუსულ სახეს რას უწუნებ?
- არაფერს, მომწონს ძალიან, უბრალოდ, ქართული სილამაზე უფრო მხიბლავს ამ ბოლო დროს და აი, ასეთი ''ტანდემი'' უფრო მომეწონებოდა. რა თქმა უნდა, ნახევრად ხუმრობით ვამბობ. მთავარია, შემიყვარდეს, უკვე მართლა ძალიან მინდა.
- მეგაპოლისში ცხოვრებასთან შეგუება არ გაგიჭირდა?
- რასაკვირველია, გამიჭირდა. დიდი დრო უნდა, რომ გაერკვე, რა ხდება ამ ქალაქში. ვერ გეტყვი, რომ უკვე ბოლომდე გავერკვიე, ამისთვის ერთი წელი ძალიან ცოტაა, თუმცა არ ვუჩივი. ამხელა მეგაპოლისში რთულია რაღაცის გაკეთება, მაგრამ მოსკოვს ახასიათებს ის, რაც ბევრ სხვა ქალაქს არ აქვს. თუ რამე გინდა და მართლა შრომობ, რაღაც უეჭველად გამოგივა.
- ქართულ შოუბიზნესში შენს მეგობრებს ისევ ეხმიანები?
- ყველას ვეხმიანები, ვისთანაც ვმეგობრობდი. ახლა ნინი ჩამოვიდა, ქარსელაძე...
- რუსული კარგად იცი?
- ახლა კიდევ ნორმალურად ვლაპარაკობ, მაგრამ თავიდან ცოტა სასაცილო იყო. რომ ჩამოვედი, საერთოდ მივიწყებული მქონდა ეს ენა. ხშირად ძალიან ბევრ სისულელეს ვამბობდი. ახლაც, პრინციპში, ვამბობ ხოლმე სისულელეებს, მაგრამ უკეთესობა არის (იღიმის).
ნინო მურღულია
ჟურნალი ''რეიტინგი''
ზაფხულის ბოლოს ჩამოვა, მაგრამ სექტემბრისთვის ისევ უკან დაბრუნდება. იმ მოკლე პერიოდში, როცა საქართველოში იქნება, საკუთარი თაყვანისმცემლებისთვის რამდენიმე კონცერტის გამართვას გეგმავს. რასაკვირველია, დროს ოჯახთან ერთად გაატარებს და მონატრებულ მეგობრებსაც მოინახულებს.
დათუნა ჩვენთან ადრინდელ ინტერვიუში ამბობდა, რომ რუსულ ''ვოისში'' აპირებდა მონაწილეობას, თუმცა წინა წელს გადაიფიქრა და ახლაც, როცა ვკითხეთ, ჯერჯერობით არ აქვს გადაწყვეტილი, გავა თუ არა რუსულ მუსიკალურ კონკურსზე...
- ვცხოვრობ მარტო მოსკოვის ცენტრში, ჩემთვის წყნარად, მშვიდად და კარგად. ქართველებს კი ვხვდები, მაგრამ ადრე უფრო ხშირად გვქონდა თავშეყრები, ახლა იმდენად აღარ. ძირითადად, კორპორატიულ საღამოებზე ვმღერი, ასევე მაქვს ჩემი მცირე ბიზნესი, ორი მაღაზია. ცხოვრებაში ვერ ვიფიქრებდი, ბიზნესთან რაიმე შეხება თუ მექნებოდა (იცინის). ვერთობი და ვმუშაობ კიდევაც. აგვისტოში ვაპირებ თბილისში ჩამოსვლას, მაგრამ მცირე ხნით. სექტემბერში უკან დავბრუნდები. ამ მცირე პერიოდში მინდა, რამდენიმე კონცერტი გავმართო. სხვათა შორის, ვმუშაობ ახალ სიმღერაზე, რომელიც პეკე ბეგაშვილმა დამიწერა, ტექსტი რუსულ ენაზე მანანა გურგენიძემ შექმნა.
- კონცერტების დროს მსმენელი როგორ გხვდება?
- ძალიან კარგად მხვდებიან, ყოველი კონცერტის შემდეგ უბედნიერესი ვარ და სადაც მქონია კონცერტი, არსად არ ყოფილა დარბაზი ცარიელი. კონცერტებზე ვასრულებ ძირითადად ჩემს რეპერტუარს, კორპორატიულ საღამოებზე კი - ცნობილი სიმღერების ქავერებს, თუმცა რამდენიმე სიმღერას ჩემი რეპერტუარიდანაც ვურევ ხოლმე.
- ალბათ, ქალებს შორის ბევრი თაყვანისმცემელი გამოგიჩნდებოდა.
- (იცინის) ქართველი ბიჭები უფრო ელოდებიან ხოლმე ჩემს კონცერტებს, რადგან დამსწრეთა 90% მდედრობითი სქესია და უხარიათ.
- პირადული ვერც მანდ აიწყვე?
- პირადზე რა გითხრა... ვერც რუსეთმა მიშველა. რა თქმა უნდა, აქაური გოგონები მომწონს. როგორ არ უნდა მოგწონდეს, საოცრებები არიან, თუმცა ალბათ მე მაინც ქართველს შევაბერდები (იღიმის). მიფიქრია ამაზე და ამიტომაც ვამბობ.
- როგორია შენი საოცნებო გოგონა?
- სახე ქართული უნდა ჰქონდეს, ტანი-ფეხი - რუსული.
- რუსულ სახეს რას უწუნებ?
- არაფერს, მომწონს ძალიან, უბრალოდ, ქართული სილამაზე უფრო მხიბლავს ამ ბოლო დროს და აი, ასეთი ''ტანდემი'' უფრო მომეწონებოდა. რა თქმა უნდა, ნახევრად ხუმრობით ვამბობ. მთავარია, შემიყვარდეს, უკვე მართლა ძალიან მინდა.
- მეგაპოლისში ცხოვრებასთან შეგუება არ გაგიჭირდა?
- რასაკვირველია, გამიჭირდა. დიდი დრო უნდა, რომ გაერკვე, რა ხდება ამ ქალაქში. ვერ გეტყვი, რომ უკვე ბოლომდე გავერკვიე, ამისთვის ერთი წელი ძალიან ცოტაა, თუმცა არ ვუჩივი. ამხელა მეგაპოლისში რთულია რაღაცის გაკეთება, მაგრამ მოსკოვს ახასიათებს ის, რაც ბევრ სხვა ქალაქს არ აქვს. თუ რამე გინდა და მართლა შრომობ, რაღაც უეჭველად გამოგივა.
- ქართულ შოუბიზნესში შენს მეგობრებს ისევ ეხმიანები?
- ყველას ვეხმიანები, ვისთანაც ვმეგობრობდი. ახლა ნინი ჩამოვიდა, ქარსელაძე...
- რუსული კარგად იცი?
- ახლა კიდევ ნორმალურად ვლაპარაკობ, მაგრამ თავიდან ცოტა სასაცილო იყო. რომ ჩამოვედი, საერთოდ მივიწყებული მქონდა ეს ენა. ხშირად ძალიან ბევრ სისულელეს ვამბობდი. ახლაც, პრინციპში, ვამბობ ხოლმე სისულელეებს, მაგრამ უკეთესობა არის (იღიმის).
ნინო მურღულია
ჟურნალი ''რეიტინგი''
