Facebook-ის თამაშის გამო მოზარდი დაიღუპა

საფრანგეთის პროვინციაში, ბრეტანში, 19 წლის მოზარდი სოციალურ ქსელში Facebook ახალი პოპულარული თამაშის L’eau ou au resto ("წყალი ან რესტორანი") გამო დაიღუპა, იტყობინება Fox News.

თამაშის არსი მდგომარეობს შემდეგში, მონაწილე უნდა ჩახტეს ცივ წყალში, მდინარეში ან ზღვაში. შემდეგ, ამ მომენტის ამსახველი კადრები უნდა განათავსოს Facebook-ზე და მიუთითოს მეგობებზე, რომლებმაც უნდა გააგრძელონ თამაში და ჩახტნენ ცივ წყალში. თუ ახალი მონაწილე 48 საათის განმავლობაში არ გააკეთებს მსგავს ნახტომს, მაშინ იძულებულია რესტორანში, ვახშამზე მეგობრები დაპატიჟოს.

ბრეტანის პოლიციის ინფორმაციით, მოზარდმა ფეხზე ველოსიპედი მიიბა და ისე გადახტა მდინარეში, ნაპირზე კი მეგობარი მომხდარს კამერით იღებდა.

"მდინარე ღრმა იყო და მან ვერ შეძლო წყლიდან ამოსვლა," - განაცხადა პოლიციის ოფიცერმა.



news.ge