რატომ აკითხავს ცირკში პრეზიდენტის ქალიშვილი ლევან ჩიჩუას

მომღერალ ლევან ჩიჩუას, იგივე თიელს ''ცეკვავენ ვარსკვლავებში'' ბევრი გულშემატკივრობს. როგორც აღმოვაჩინეთ, მათ შორისაა პრეზიდენტ გიორგი მარგველაშვილის ქალიშვილი - ანა. სოციალურ ქსელში ლევანის საგულშემატრკივროდ მისული ანას რამდენიმე ფოტო გავრცელდა. ლევანს ამ თემაზე შევეხმიანეთ და რამდენიმე კითხვა დავუსვით.

- ლევან, ანა მარგველაშვილს დიდი ხანია, იცნობ?
- ანა დიდი ხნის წინ გავიცანი. თუ სწორად მახსოვს, მაშინ ცამეტი წლის იყო, შეიძლება უფრო პატარაც. ერთმანეთი საერთო მეგობრების წრეში გავიცანით. ანა დღემდე ჩემი ახლო მეგობარია. ''ცეკვავენ ვარსკვლავბში'' ჩემი გულშემარტკივარია და ხშირად მოდის საგულშემატკივროდ.
- თავად ანა კარგად ცეკვავს?
- კარგად ცეკვავს. საერთოდ ცეკვა მეტნაკლებად ყველას შეუძლია, მთავარია მოინდომონ.
- ხომ არ იცი, პრეზიდენტი თუ უყურებს ''ცეკვავენ ვარსკვლავებს'' და შენ თუ გგულშემატკივრობს, რადგან მისი შვილის მეგობარი ხარ.
- ასეთი დეტალები არ ვიცი. მეგობრებთან ბევრს ვერ ვსაუბრობ. ბოლო დროს სულ დაკავებული ვარ ცეკვებით და ბევრ მეგობრობთან საერთოდ ვერ ვკონტაქტობ.
- რადგან ანას დიდი ხანის მეგობარი ხარ, ალბათ პრეზიდენტსაც იცნობ?
- არა, ანას ოჯახის წევრებს არ ვიცნობ. საქართველოში რამდენიმე წელი არ ვცხოვრობდი, ამ დროს, ანაც არ იყო საქართველოში. დიდი ხნის მეგობრები ვართ. შეხვედრას კი იშვიათად ვახერხებთ.

სალომე დადიანი