რას საქმიანობს ნინო გველესიანი ჩინეთში - ''ნუ ეძებთ საქართველოში იდეალურ ქალს, მე უკვე წავედი''
1 971 ნახვა
16 წლის ნინო გველესიანი სამოდელო ბიზნესში ოთხი წლის წინ აღმოჩნდა. მაშინ ''მის თინეიჯერი'' გახდა და მალევე გაიცნო ქართული მოდის სფერომ. ''მის ქართველის'' ტიტულიც მოიპოვა. შემდეგ, როგორც ხდება ხოლმე, გააცნობიერა, რომ საქართველოში ამ სფეროში ფული არ იშოვება და გახდა თუ არა სრულწლოვანი, სამუშაოდ ჩინეთში გაემგზავრა. ჩვენ მას ინტერ-ნეტით დავუკავშირდით.
- ნინო, როგორც ვიცი, არცთუ დალხენილი ბავშვობა გქონდა. როგორ ცხოვრობდით, რა იყო თქვენი მთავარი შემოსავალი?
- მართლაც ასეა, სოციალურად დაუცველი ოჯახიდან ვარ, გლდანში, ცეკავშირის კომბინატში ვცხოვრობდით, მაგრამ ეს ჩემთვის პრობლემა არასდროს ყოფილა. არ მეთაკილებო-და იმ ბინიდან გამოსვლა, არ მიმაჩნდა, რომ მშობლებმა რამე დამაკლეს. მესმოდა მათი მდგომარეობა და არც პრეტენზია გამომითქვამს არასდროს. ჩემი მშობლები სოხუმიდან არიან, ლტოლვილები ვართ. დედა და მამა ყველანაირად ცდილობდნენ, შვილებს გაჭირვება არ გვეგრძნო და სხვებისგან ამ ფორმით არ ვყოფილიყავით გამორჩეულნი. გამოუვიდათ კიდეც და ამისთვის მადლობა მინდა გადავუხადო მათ.
- კონკრეტულად რა პრობლემები იყო, რისი დაძლევა მოუხდათ მშობლებს?
- ყველა ოჯახშია პრობლემები. ჩემი მშობლები ყველაფერს აკეთებდნენ იმისთვის, რომ ჩვენთვის ეს არ დაენახვებინათ. დღეს უმუშევრები არიან. მე ვეხმარები მათ და დეიდაჩემი. არაფერი აკლიათ და ასე იქნება, სანამ მე სამსახური მექნება.
- ნინო, ''მის თინეიჯერი'' იყავი, როგორ მოხვდი სამოდელო ბიზნესში?
- არასდროს მიზიდავდა მოდელის კარიერა. სპორტით ვიყავი გატაცებული. რაგბისა და კარატეზე დავდიოდი. ჩემმა მშობლებმა მიმიყვანეს ''კატრინში'' და ოთხი წელი ამ სააგენტოს მოდელი ვიყავი. 2011 წელს ''მის თინეიჯერი'' გავხდი. 2013 წელს ''მის ქართველის'' ტიტული ავიღე, თუმცა რიგი პრობლემების გამო ვერ გავემგზავრე მსოფლიო კონკურსზე ''მის ევროპელი''. ამ სააგენტოს დამსახურებაა, დღეს მოდელი რომ ვარ და ამ პროფესიით ვშოულობ ფულს.
- კარატეზე რატომ დადიოდი, გადაწყვიტე, თავი არავის დააჩაგვრინო?
- მე თუ მკითხავთ, ყველა ქალი უნდა დადიოდეს სპორტის რომელიმე სახეობაზე ან ვარჯიშობდეს მაინც. ბოლო დროს მამაკაცისგან ქალის დაჩაგვრის შესახებ ხშირად გვესმის. დიახ, უნდა გქონდეს ძალა, რომ თავი დაიცვა. ახლა ვმუშაობ და ვარჯიშისთვის ცოტა დრო მრჩება, მხოლოდ სირბილს ვახერხებ დილაობით.
- საქართველოდან როდის წახვედი და რატომ?
- თვე-ნახევარია, რაც საქართველოდან წავედი, ჩინეთი თქვენთვის საინტერესოდ არ ჟღერს?
- ჩემთვის ნაკლებად, თუმცა ქართველი მოდელები ბოლო დროს ხშირად მიემგზავრებიან ამ ქვეყანაში. რას საქმიანობ?
- მოდელად ვმუშაობ. ამ ქვეყანაში ყველას უკვირს, უცხოელი რომ ხარ და ძალიან დიდ პატივს გცემენ. ანაზღაურება საკმაოდ მაღალია, რასაც საქართველოში სამ წელიწადში იშოვი, აქ ერთ თვეში გიხდიან. რატომ უნდა დავრჩენილიყავი საქართველოში?! საქართველოში მომუშავე ყველა კარგ მოდელს ვურჩევ, ჩინეთში ჩამოვიდეს და თავისი ფასი ისწავლოს.
- ჩინეთში მომუშავე ქართველ მოდელებზე ბევრს ჭორაობენ, ამბობენ, რომ ისინი სხეულით ვაჭრობენ. შენ თუ შეგინიშნავს მსგავსი ტენდენცია შენ გარშემო?
- მეც მსმენია ეგ ამბები, მაგრამ ჩემ გარშემო მსგავსი არაფერი მინახავს და არც ვიცნობ მასეთ მოდელებს. მე ერთ, ძალიან სანდო ადამიანთან ვმუშაობ, დავით საძაგლიშვილთან. ეს ადამიანი დიდი ხანია ჩინეთში ცხოვრობს და ამ საქმიანობით არის დაკავებული. ჰყავს უამრავი მოდელი, მათ შორის უკრაინელები, რუსები.
- თავი რატომ გადაიპარსე?
- ძალიან მიყვარს ექსპერიმენტები. ასაკიც ხელს მიწყობს. მინდა, ყველანაირი სტილი მოვსინჯო. სხვათა შორის, გუშინ კიდევ ერთი დიდი ტატუ გავიკეთე.
- ტატუ ბევრი გაქვს, როგორც ვიცი, სხეულის რომელ ნაწილებშია და რა დატვირთვა აქვს თითოეულ მათგანს?
- ოთხი ტატუ მაქვს. პირველი 15 წლის ასაკში გავიკეთე, ''მის თინეიჯერი'' რომ გავხდი მაშინ, გვირგვინი დავიხატე. ''მის მსოფლიო თინეიჯერზე'' რომ წავედი, ხელზე დავიწერე ''მსოფლიო ჩემია'', ინგლისურად, რა თქმა უნდა. მესამე კატაა, კატები ძალიან მიყვარს. მეოთხე ტატუს შინაარსს ვერ აგიხსნით, უბრალოდ, მომწონდა ეს ნახატი და გავიკეთე.
- 15 წლის ასაკში მშობლები როგორ შეხვდნენ შენს ტატუებს?
- რა თქმა უნდა, არ მოეწონათ, მაგრამ ძალიან ჯიუტი ვიყავი და ჩემი გავიტანე. რაღას იზამდნენ, შეეგუვნენ.
- ნინო, რა არის შენი მიზანი, ალბათ დაბრუნდები საქართველოში. რისთვის გინდა მოაგროვო ფული?
- საქართველოში დაბრუნებას ვაპირებ მხოლოდ იმიტომ, რომ ჩემი ოჯახი მენატრება. მოვინახულებ და ისევ წავალ რომელიმე ქვეყანაში... ძალიან მომწონს მანქანები და ალბათ, რომ დავბრუნდები, პირველ რიგში, მანქანას ვიყიდი.
- შენი ფეისბუქსტატუსი წავიკითხე, - ნუ ეძებთ საქართველოში იდეალურ ქალს, მე უკვე წავედიო. ეს იუმორი იყო თუ შენი ამბიცია?
- რომ გითხრათ, იუმორი იყო-მეთქი, მოგატყუებთ, რადგან სიმართლე დავწერე (იცინის).D
- შენს პირად ცხოვრებაში რა ხდება, შეყვარებული ხარ?
- არსებობს ერთი ადამიანი, გაგი ბაზაძე, რომელიც ძალიან მომწონს, მაგრამ დიდი მანძილი გვაშორებს ერთმანეთს, ის საფრანგეთში ცხოვრობს, სპორტსმენია, თუმცა ხშირი კონტაქტი გვაქს. ახლო მომავალში ვაპირებ ჩასვლას მასთან საფრანგეთში.
- როგორ ეგუება იმას, ასე შორს რომ ხარ მისგან. ქართველი კაცები მაინც მესაკუთრეები, ცოტა ეჭვიანებიც არიან.
- ვერ ეგუება, მაგრამ რა ქნას, რთული გრაფიკი აქვს, ხშირად ვერ ჩამოდის საქართველოში. ახლა მეც ჩინეთში ვარ და ვეღარ ვნახულობთ ერთმანეთს. ოთხი თვეა არ მინახავს.
- მოდელებზეც მინდა ვისაუბროთ. ვინ არის შენთვის მისაბაძი მოდელი საქართველოში და მის ფარგლებს გარეთ?
- ქართველი მოდელებიდან კრისტი ყიფშიძე შეუდარებელია ჩემთვის და ვფიქრობ, არა მხოლოდ ჩემთვის. უცხოელებს რაც შეეხება, ''ვიქტორია სიკრეტის'' მოდელი მომწონს, ადრიანა ლიმა.
ნინო მჭედლიშვილი
ჟურნალი ''რეიტინგი''
- ნინო, როგორც ვიცი, არცთუ დალხენილი ბავშვობა გქონდა. როგორ ცხოვრობდით, რა იყო თქვენი მთავარი შემოსავალი?
- მართლაც ასეა, სოციალურად დაუცველი ოჯახიდან ვარ, გლდანში, ცეკავშირის კომბინატში ვცხოვრობდით, მაგრამ ეს ჩემთვის პრობლემა არასდროს ყოფილა. არ მეთაკილებო-და იმ ბინიდან გამოსვლა, არ მიმაჩნდა, რომ მშობლებმა რამე დამაკლეს. მესმოდა მათი მდგომარეობა და არც პრეტენზია გამომითქვამს არასდროს. ჩემი მშობლები სოხუმიდან არიან, ლტოლვილები ვართ. დედა და მამა ყველანაირად ცდილობდნენ, შვილებს გაჭირვება არ გვეგრძნო და სხვებისგან ამ ფორმით არ ვყოფილიყავით გამორჩეულნი. გამოუვიდათ კიდეც და ამისთვის მადლობა მინდა გადავუხადო მათ.
- კონკრეტულად რა პრობლემები იყო, რისი დაძლევა მოუხდათ მშობლებს?
- ყველა ოჯახშია პრობლემები. ჩემი მშობლები ყველაფერს აკეთებდნენ იმისთვის, რომ ჩვენთვის ეს არ დაენახვებინათ. დღეს უმუშევრები არიან. მე ვეხმარები მათ და დეიდაჩემი. არაფერი აკლიათ და ასე იქნება, სანამ მე სამსახური მექნება.
- ნინო, ''მის თინეიჯერი'' იყავი, როგორ მოხვდი სამოდელო ბიზნესში?
- არასდროს მიზიდავდა მოდელის კარიერა. სპორტით ვიყავი გატაცებული. რაგბისა და კარატეზე დავდიოდი. ჩემმა მშობლებმა მიმიყვანეს ''კატრინში'' და ოთხი წელი ამ სააგენტოს მოდელი ვიყავი. 2011 წელს ''მის თინეიჯერი'' გავხდი. 2013 წელს ''მის ქართველის'' ტიტული ავიღე, თუმცა რიგი პრობლემების გამო ვერ გავემგზავრე მსოფლიო კონკურსზე ''მის ევროპელი''. ამ სააგენტოს დამსახურებაა, დღეს მოდელი რომ ვარ და ამ პროფესიით ვშოულობ ფულს.
- კარატეზე რატომ დადიოდი, გადაწყვიტე, თავი არავის დააჩაგვრინო?
- მე თუ მკითხავთ, ყველა ქალი უნდა დადიოდეს სპორტის რომელიმე სახეობაზე ან ვარჯიშობდეს მაინც. ბოლო დროს მამაკაცისგან ქალის დაჩაგვრის შესახებ ხშირად გვესმის. დიახ, უნდა გქონდეს ძალა, რომ თავი დაიცვა. ახლა ვმუშაობ და ვარჯიშისთვის ცოტა დრო მრჩება, მხოლოდ სირბილს ვახერხებ დილაობით.
- საქართველოდან როდის წახვედი და რატომ?
- თვე-ნახევარია, რაც საქართველოდან წავედი, ჩინეთი თქვენთვის საინტერესოდ არ ჟღერს?
- ჩემთვის ნაკლებად, თუმცა ქართველი მოდელები ბოლო დროს ხშირად მიემგზავრებიან ამ ქვეყანაში. რას საქმიანობ?
- მოდელად ვმუშაობ. ამ ქვეყანაში ყველას უკვირს, უცხოელი რომ ხარ და ძალიან დიდ პატივს გცემენ. ანაზღაურება საკმაოდ მაღალია, რასაც საქართველოში სამ წელიწადში იშოვი, აქ ერთ თვეში გიხდიან. რატომ უნდა დავრჩენილიყავი საქართველოში?! საქართველოში მომუშავე ყველა კარგ მოდელს ვურჩევ, ჩინეთში ჩამოვიდეს და თავისი ფასი ისწავლოს.
- ჩინეთში მომუშავე ქართველ მოდელებზე ბევრს ჭორაობენ, ამბობენ, რომ ისინი სხეულით ვაჭრობენ. შენ თუ შეგინიშნავს მსგავსი ტენდენცია შენ გარშემო?
- მეც მსმენია ეგ ამბები, მაგრამ ჩემ გარშემო მსგავსი არაფერი მინახავს და არც ვიცნობ მასეთ მოდელებს. მე ერთ, ძალიან სანდო ადამიანთან ვმუშაობ, დავით საძაგლიშვილთან. ეს ადამიანი დიდი ხანია ჩინეთში ცხოვრობს და ამ საქმიანობით არის დაკავებული. ჰყავს უამრავი მოდელი, მათ შორის უკრაინელები, რუსები.
- თავი რატომ გადაიპარსე?
- ძალიან მიყვარს ექსპერიმენტები. ასაკიც ხელს მიწყობს. მინდა, ყველანაირი სტილი მოვსინჯო. სხვათა შორის, გუშინ კიდევ ერთი დიდი ტატუ გავიკეთე.
- ტატუ ბევრი გაქვს, როგორც ვიცი, სხეულის რომელ ნაწილებშია და რა დატვირთვა აქვს თითოეულ მათგანს?
- ოთხი ტატუ მაქვს. პირველი 15 წლის ასაკში გავიკეთე, ''მის თინეიჯერი'' რომ გავხდი მაშინ, გვირგვინი დავიხატე. ''მის მსოფლიო თინეიჯერზე'' რომ წავედი, ხელზე დავიწერე ''მსოფლიო ჩემია'', ინგლისურად, რა თქმა უნდა. მესამე კატაა, კატები ძალიან მიყვარს. მეოთხე ტატუს შინაარსს ვერ აგიხსნით, უბრალოდ, მომწონდა ეს ნახატი და გავიკეთე.
- 15 წლის ასაკში მშობლები როგორ შეხვდნენ შენს ტატუებს?
- რა თქმა უნდა, არ მოეწონათ, მაგრამ ძალიან ჯიუტი ვიყავი და ჩემი გავიტანე. რაღას იზამდნენ, შეეგუვნენ.
- ნინო, რა არის შენი მიზანი, ალბათ დაბრუნდები საქართველოში. რისთვის გინდა მოაგროვო ფული?
- საქართველოში დაბრუნებას ვაპირებ მხოლოდ იმიტომ, რომ ჩემი ოჯახი მენატრება. მოვინახულებ და ისევ წავალ რომელიმე ქვეყანაში... ძალიან მომწონს მანქანები და ალბათ, რომ დავბრუნდები, პირველ რიგში, მანქანას ვიყიდი.
- შენი ფეისბუქსტატუსი წავიკითხე, - ნუ ეძებთ საქართველოში იდეალურ ქალს, მე უკვე წავედიო. ეს იუმორი იყო თუ შენი ამბიცია?
- რომ გითხრათ, იუმორი იყო-მეთქი, მოგატყუებთ, რადგან სიმართლე დავწერე (იცინის).D
- შენს პირად ცხოვრებაში რა ხდება, შეყვარებული ხარ?
- არსებობს ერთი ადამიანი, გაგი ბაზაძე, რომელიც ძალიან მომწონს, მაგრამ დიდი მანძილი გვაშორებს ერთმანეთს, ის საფრანგეთში ცხოვრობს, სპორტსმენია, თუმცა ხშირი კონტაქტი გვაქს. ახლო მომავალში ვაპირებ ჩასვლას მასთან საფრანგეთში.
- როგორ ეგუება იმას, ასე შორს რომ ხარ მისგან. ქართველი კაცები მაინც მესაკუთრეები, ცოტა ეჭვიანებიც არიან.
- ვერ ეგუება, მაგრამ რა ქნას, რთული გრაფიკი აქვს, ხშირად ვერ ჩამოდის საქართველოში. ახლა მეც ჩინეთში ვარ და ვეღარ ვნახულობთ ერთმანეთს. ოთხი თვეა არ მინახავს.
- მოდელებზეც მინდა ვისაუბროთ. ვინ არის შენთვის მისაბაძი მოდელი საქართველოში და მის ფარგლებს გარეთ?
- ქართველი მოდელებიდან კრისტი ყიფშიძე შეუდარებელია ჩემთვის და ვფიქრობ, არა მხოლოდ ჩემთვის. უცხოელებს რაც შეეხება, ''ვიქტორია სიკრეტის'' მოდელი მომწონს, ადრიანა ლიმა.
ნინო მჭედლიშვილი
ჟურნალი ''რეიტინგი''
