ნოე სულაბერიძე: მიშა მესხმა ანერვიულებულზე თქვა და გააკეთა ყველაფერი

გუშინ, 19 ივნისს, "ცეკვავენ ვარსკვლავების" მეოთხე სეზონზე მიშა მესხმა პროექტი შედეგების გამოცხადებამდე დატოვა.

ambebi.ge, გადაცემის გენერალურ პროდიუსერთან, ნოე სულაბერიძესთან ინტერვიუ ჩაწერა.

პროდიუსერის განცხადებით, მიშა მესხმა ეს გადაწყვეტილება ემოციურ ფონზე მიიღო.

"აუტსაიდერებში რომ მოხვდა, რაღაცნაირად იგრძნო, გავარდებოდა, ამაზე აღელდა და გააკეთა ის, რაც გააკეთა. ამაში როლი აღელვებამ ითამაშა და მაგისიც მესმის... მოგეხსენებათ, ოთხი მონაწილე იყო პროექტში დარჩენილი... ხანდახან არის ხოლმე შემთხვევა, როცა ემოციებს ვერ თოკავ და ეს სწორედ ის შემთხვევა იყო. მერე ამ ამბავს რომ რაიმე გაგრძელება მოჰყოლოდა, ასე არ არის. მიშა ძალიან შეგნებული ადამინია, წლებია, ვიცნობ. ყველაფერი ემოციური ფონის ამბავია, რაც ბუნებრივია," - განაცხადა ნოე სულაბერიძემ.

მისივე თქმით მიშა მესხს უსიამოვნება არავისთან, მათ შორის არც გოჩა ჩერტკოევთან არ ჰქონია.


news.ge