მამაკაცები, რომელთაც უნდა გავექცეთ

არსებობს მამაკაცთა ტიპები, რომელთაც ვერც ერთი, ყველაზე ჭკვიანი ქალიც კი ვერ გამოასწორებს.
მაშ ასე, როგორ მამაკაცებს უნდა ვერიდოთ და რა ნიშნებით ამოვიცნოთ ისინი?

კოლექციონერი

მჭევრმეტყველია, უყვარს თავის მოვლა, მისი მომხიბვლელობა ზღვარს სცილდება და რაც მთავარია, მას უამრავი ქალი ჰყავდა...

ძალიან ხშირად თავს ვკარგავთ ასეთი დონ ჟუანებისგან და ვიმედოვნებთ, რომ დონა ანას საპატიო ადგილს დავიკავებთ მის ცხოვრებაში: როგორი მოღალატეც არ უნდა იყოს, მას ადრე თუ გვიან ხომ მობეზრდება და ერთზე შეაჩერებს არჩევანს?

კოლექციონერები კარგად ერკვევიან ქალის ფსიქოლოგიაში და შეუძლიათ, ბევრ ფრონტზე ერთდროულად და თავისუფლად იბრძოლონ: ითამაშონ შეცოდებასა და შიშზე, დედობრივ ინსტინქტებზე, კლასიკურ ქალურ მსხვერპლთშეწირვაზე.

მაგრამ! ადამიანები არ იცვლებიან... და თუ მისი სასიყვარულო ბიოგრაფია ათეულობით პარალელური თავგადასავლით არის სავსე, მისი ტელეფონი კი - სასიყვარულო სმს-ებით, დროა, უკანმოუხედავად გაიქცეთ მისგან.

მანიპულატორი

პირველი პაემნის შემდეგ რამდენიმე დღე დაიკარგა და მხოლოდ შემდეგ გამოჩნდა... დაჟინებით და მომნუსხველად გიმზერდათ თვალებში, შემდეგ კი ისე გაიხედა, თითქოს ერთმანეთს არც კი იცნობდით. იკარგება და ისევ ჩნდება, თამაშობს ცხელ და ცივ საყვარელს, გაკრიტიკებთ და შემდეგ კომპლიმენტებით გავსებთ...

მონადირისა და ნანადირევის თამაში იშვიათად მთავრდება რომანის დასაწყისით: ეს თვისებები არსად წავა როგორც ადამიანისგან, ასევე ურთიერთობებისგან.

ტირანი

ეს ძლიერი პიროვნებაა. შეუძლია საკუთარ თავზე მთელი პასუხისმგებლობის აღება, გადაწყვეტილების მიღება და დაცვა! მაგრამ რა ხდება შემდეგ? გიყენებთ ულტიმატუმს, რომ თავი დაანებოთ სამსახურს (”მე მშვენიერი შემოსავალი მაქვს, ორივეს გვეყოფა!”), გიმოწმებთ ფოსტას, ტელეფონს (”ჩვენ ხომ ერთმანეთს ვენდობით!”) და ცდილობს, ჩამოგაშოროთ მეგობრები (”შენ ხომ მე გყავარ, რად გინდა ზედმეტი ხალხი?”)

უიღბლო

ხშირად ვიქმნით ილუზიებს, რომ შეუმდგარი, უმუშევარი ზრდასრული მამაკაცი - ეს შენიღბული რომან აბრამოვიჩია. მაგრამ რაც უნდა მწარე იყოს სიმართლე, 30 წლის უმუშევარი 31 წლისა მილიონერად ვერ იქცევა.

მაგრამ უიღბლო - ეს შემოსავლის რაოდენობით კი არ განისაზღვრება, არამედ ხასიათის გარკვეული ტიპია. უიღბლო თავის უსაქმურობას უცნაური იდეოლოგიით ამართლებს, მაგალითად ასე: ”ყველა მდიდარი ქურდია... პატიოსანი შრომით ბევრ ფულს ვერ იშოვი”. და სჯერა ზღაპრების, რომ ის, ყველაფრის მიუხედავად, ეყვარებათ.

რა თქმა უნდა, ყველა არ ხარბდება თავბრუდამხვევ კარიერასა და შთამბეჭდავ ანგარიშს ბანკში, მაგრამ უიღბლოსთან იმიტომაც არ ღირს ურთიერთობა, რომ მას სხვისი წარმატების შურს და ყველა შემდგარი ადამიანი სძულს; არ სწამს საკუთარი შესაძლებლობების და უბრალოდ, არ შეუძლია ფულის შოვნა.

პრობლემური

ერთს იმიტომ დაშორდა, რომ ის შტატებში გაემგზავრა სამუშაოდ; მეორეს - იმიტომ, რომ მისმა მშობლებმა ვერ გაუგეს; აი, მესამე კი იმის გამო გაუშვა, რომ ღალატობდა. ის უკვე კარგად გრძნობს თავს ”იმის გამო” (ან ”იმის ქვეშ”), მის უკან კი - არცერთი წარმატებული რომანი არ ჩანს. უიღბლო სიყვარულით გამართლებული მისი უცნაური ქცევა ამყარებს მოსაზრებას: მასთან ერთად შორს ვერ გაფრინდებით.