ირინა ონაშვილი: "არავინ მიჯერებს, რომ კანის მკვებავ საცხსაც არ ვიყენებ"
2 323 ნახვა
"მის საქართველო 2003", 28 წლის ირინა ონაშვილი, შეიძლება ითქვას, მთლიანად იმ გარეგნობაზეა მინდობილი, რომელიც ღმერთმა უბოძა და მასზე ზრუნვით, დამატებითი მოვლით თავს არ იწუხებს. ბუნებრიობა და პრაქტიკულობა ყველაფერს ურჩევნია. დროს ვერ იმეტებს, რომ სარკის წინ დიდხანს დადგეს. მეგობრებისგან ამის გამო საყვედურსაც იღებს, რადგან მათ საგანგებოდ გამოპრანჭული ირინა ძალიან მოსწონთ.
– ირინა, რა დოზით უთმობთ გარეგნობას ყურადღებას?
– სხვათა შორის, გარეგნობაზე ზრუნვით განსაკუთრებულად დაკავებული არასდროს ვარ. ვარცხნილობაც მოკლე და თავისუფალი იმიტომ შევარჩიე, რომ მარტივად დავიყენო. მანამდე ოდნავ გრძელი კარე მქონდა, რომელსაც ყოველდღიურად ვარცხნა და ფორმაში მოყვანა სჭირდებოდა. იმდენად ზარმაცი ვარ, რომ გრძელი თმა და მისი დავარცხნა მომბეზრდა, ამიტომაც შევიჭერი. გრძელი თმა ძალიან კარგია, მაგრამ გასაქანს არ გაძლევს, ან უნდა დაიხვიო, ან გაისწორო. ახლა დაბანის შემდეგ მხოლოდ საშრობით გაშრობა და ცოტა მუსი სჭირდება. ვფიქრობ, ჩემი სტილი ვიპოვე და ეს ბევრმა აღნიშნა.
ზოგადად, არ მიყვარს სარკის წინ დიდხანს დგომა და იმიჯზე ზრუნვა. ამისთვის დროს ვერ ვხარჯავ, თუმცა არ ვიტყვი, რომ ეს მომწონს. კარგი იქნებოდა, ამ მხრივ უფრო მონდომებული ვიყო. როცა სადმე მივდივარ და გამოპრანჭულს მხედავენ, მეგობრები მეუბნებიან, ყოველდღე ასე რატომ არ დადიხარო. მსაყვედურობენ, რომ საკუთარ თავს ნაკლებ დროს ვუთმობ.
– კანს როგორ უვლით?
– არავინ მიჯერებს, მაგრამ კანის მკვებავ საცხსაც კი არ ვიყენებ, არამცთუ რაიმე სხვა პროცედურას, ამიტომ სულ მეჩხუბებიან. მეუბნებიან, რომ დროა, კანისთვის ელემენტარულად საცხი მაინც გამოვიყენო. მე კი მეზარება ეს პროცესი. არადა აქედანვე თუ არ მოვუარე კანს და ნაოჭი გაჩნდა, მერე აზრი აღარ ექნება რაიმე ძალისხმევას. ვიცი, დროა, ამაზე ვიზრუნო, მაგრამ ჯერჯერობით მხოლოდ კოსმეტოლოგთან დავდივარ.
– გამოდის, თქვენი გარეგნობა გაკმაყოფილებთ და საჭიროდ არ თვლით მასზე ზრუნვით თავი ზედმეტად დაიტვირთოთ.
– ეს ყველას სჭირდება. მადლობა უფალს, დილით რომ ვიღვიძებ, საკუთარი თავის არ მეშინია, მაგრამ უკეთესი იქნება, მეტ დროს ვუთმობდე გარეგნობაზე ზრუნვას. არ არსებობს შეუხედავი ქალი, ყველა ქალი მომხიბვლელი იქნება, თუ თავის მოვლას საჭირო დროს დაუთმობენ.
– ალბათ გარეგნობაში ექსპერიმენტების ჩატარებაც არ გიყვართ.
– ნამდვილად ასეა. ამის ცოტა მეშინია კიდეც, ამიტომ რადიკალური ექსპერიმენტისთვის არ მიმიმართავს. უფრო მეტიც, ამაზე არც მიფიქრია. როცა საკუთარი გარეგნობით კმაყოფილი ხარ, ალბათ ძიებას აღარ იწყებ.
– ძიების ასაკი არც გქონიათ?
– სხვათა შორის, არ მქონია. პირიქით, ახლა უფრო ვცდილობ, სხვადასხვა რამ ვცადო. მაგალითად, ცოტა ხნის წინ თმის ბოლოები ოდნავ გავიღიავე. ზოგადად, ბუნებრიობა მომწონს. ჩვენს სამოდელო სააგენტოშიც ბავშვებს ვასწავლით, რომ ბუნებრიობაზე კარგი არაფერია.
– ბუნებრიობისადმი თქვენი სწრაფვა მაკიაჟსაც ხომ არ უგულებელყოფს?
– არა, სწორად გაკეთებული მაკიაჟი საჭიროა. მაკიაჟს თავისი კულტურა აქვს – უნდა იცოდე დღის და საღამოს მაკიაჟს შორის განსხვავება. მაკიაჟის გაკეთება თავადაც შემიძლია, მაგრამ თუ ვიზაჟისტი მეხმარება, უარს არ ვეუბნები. ყოველდღიურად გადატვირთული მაკიაჟი არ მიყვარს. გააჩნია, როგორ ხასიათზე ვარ და იმის მიხედვით ვარჩევ ფერებს. არსებობს ტენდენციები, რომლებიც გასათვალისწინებელია. მაგალითად, ამჟამად მოდურია თვალებზე ნაკლები აქცენტის გაკეთება, რადგან მუქი ფერის ტუჩსაცხი გახდა აქტუალური.
– არსებობს ფერი, რომელსაც არასოდეს იყენებთ?
– არის პერიოდი, როცა რომელიმე ფერს ამოვიჩემებ ხოლმე, რაც ძალიან არ მომწონს. ამჟამად არ მიყვარს ვარდისფერი. თუმცა მკვეთრ, ე.წ. ელექტრიკ ვარდისფერს ვიხდენ.
– როგორ ფიქრობთ, რა ანიჭებს ქალს ელეგანტურობას?
– ძალიან მნიშვნელოვანია მანერები. თუ არ იცი, თუნდაც სკამზე როგორ დაჯდე, მნიშვნელობა აღარ აქვს, როგორი გარეგნობა გექნება. ეს ყველაფერი, პირველ რიგში, ოჯახიდან მოდის. ადამიანი ბავშვობიდან სწავლობს, როგორ უნდა დაჯდეს თუ იაროს.
– დიეტა დაგჭირვებიათ?
– დიეტებით თავი არასოდეს მომიკლავს, არ მჭირდებოდა. ორსულობისას 20 კილო მოვიმატე და ბავშვის გაჩენის შემდეგ თავისით დავიკელი. ახლა ვცდილობ, ღამის საათებში აღარ ვჭამო. დაძაბულ რეჟიმში შეიძლება შეუზღუდავადაც ვიკვებო, მაგრამ მაინც არ ვიმატებ. ირგვლივ მყოფებს სულ ვასწავლი, საკვები სწორად შეარჩიონ, საღამოს 7 საათის მერე არ ჭამონ, ცომეულზე უარი თქვან, ტკბილეული ამოიღონ რაციონიდან, მაგრამ მე კვების სწორ რეჟიმს იშვიათად ვიცავ.
– და არც სპორტს მისდევთ?
– ხანდახან ჩემს ცხოვრებაში ეს ეტაპიც დგება ხოლმე, თუმცა არა – მუდმივად.
– ბებია, დედა, თქვენი უფროსი დები როგორ უვლიან თავს, მათგან რა ისწავლეთ?
– მახსოვს, რომ ბებია მედიკამენტებს არ ცნობდა. ავადმყოფობას მცენარეული საშუალებებით ებრძოდა და, თუ მაინც სჭირდებოდა წამლის მიღება, ამას ძალიან განიცდიდა. ჩემგან განსხვავებით, დედა გარეგნობას ყურადღებას აქცევდა.
– მამაკაცებისგან განსაკუთრებულ კომპლიმენტებს როდის იღებთ?
– ჩემს ქმარს, ლადოს (ვარძელაშვილი. ავტ.), არ უყვარს ყურადღების გამახვილება და არასდროს აღნიშნავს, რაღაც მიხდება თუ არა. ამ მხრივ ნამდვილად არ გამოირჩევა. სხვათა შორის, ქმრისთვის რჩევა მეც არ მიკითხავს, იქით ვაძლევ რჩევებს იმიჯთან დაკავშირებით. სამსახურში წასვლის წინ ტანსაცმელსაც ვურჩევდი.
მამაჩემი უფრო გამოხატავს თავის აზრს. მაგალითად, მას ურჩევნია, გრძელი თმა მქონდეს და არ მოსწონს, როცა ე.წ. ჩოლკას ვიჭრი. ფიქრობს, რომ ქართული სახე მაქვს და გადაწეული თმა უფრო მიხდება.
– თქვენს შვილს, 2 წლის საბასაც ალბათ დიდი სიხარულით ურჩევთ ტანსაცმელს.
– კი და ეს პროცესი ძალიან მიყვარს. მის ტანსაცმელზე მე და ლადო ერთად ვზრუნავთ. ამ დროს საბა ძალიან სასაცილოა. მისთვის ძვირადღირებულ სამოსს არ ვყიდულობთ. ძალიან სწრაფად იზრდება და ამაში ფულის გადაყრა უაზრობა მგონია. ბავშვისთვის ადვილია სამოსის არჩევა. მას ძირითადად სპორტულ სტილს ვურჩევთ.
– სამკაულების და აქსესუარების მიმართ თქვენი დამოკიდებულება როგორია?
– ძალიან არ მიყვარს სამკაულები, საყურეს საერთოდ ვერ ვიტან. თუ სადმე მივდივარ და ვატყობ, რომ სამოსს სამკაული აუცილებლად სჭირდება, იძულებით ვიკეთებ. მით უმეტეს, ჩემზე ვერ ნახავთ დიდ სამკაულებს. მარტო საათს და საქორწინო ბეჭედს ვატარებ, აქსესუარებიდან კი მხოლოდ ჩანთას ვაღიარებ. მაქვს რამდენიმე ისეთი ჩანთა, სამუდამოდ რომ დავიტოვებ, რადგან ძალიან მიყვარს. ბრენდებზე ორიენტირებული კი საერთოდ არ ვარ.
მანანა ნოდია, ჟურნალი სარკე
– ირინა, რა დოზით უთმობთ გარეგნობას ყურადღებას?
– სხვათა შორის, გარეგნობაზე ზრუნვით განსაკუთრებულად დაკავებული არასდროს ვარ. ვარცხნილობაც მოკლე და თავისუფალი იმიტომ შევარჩიე, რომ მარტივად დავიყენო. მანამდე ოდნავ გრძელი კარე მქონდა, რომელსაც ყოველდღიურად ვარცხნა და ფორმაში მოყვანა სჭირდებოდა. იმდენად ზარმაცი ვარ, რომ გრძელი თმა და მისი დავარცხნა მომბეზრდა, ამიტომაც შევიჭერი. გრძელი თმა ძალიან კარგია, მაგრამ გასაქანს არ გაძლევს, ან უნდა დაიხვიო, ან გაისწორო. ახლა დაბანის შემდეგ მხოლოდ საშრობით გაშრობა და ცოტა მუსი სჭირდება. ვფიქრობ, ჩემი სტილი ვიპოვე და ეს ბევრმა აღნიშნა.
ზოგადად, არ მიყვარს სარკის წინ დიდხანს დგომა და იმიჯზე ზრუნვა. ამისთვის დროს ვერ ვხარჯავ, თუმცა არ ვიტყვი, რომ ეს მომწონს. კარგი იქნებოდა, ამ მხრივ უფრო მონდომებული ვიყო. როცა სადმე მივდივარ და გამოპრანჭულს მხედავენ, მეგობრები მეუბნებიან, ყოველდღე ასე რატომ არ დადიხარო. მსაყვედურობენ, რომ საკუთარ თავს ნაკლებ დროს ვუთმობ.
– კანს როგორ უვლით?
– არავინ მიჯერებს, მაგრამ კანის მკვებავ საცხსაც კი არ ვიყენებ, არამცთუ რაიმე სხვა პროცედურას, ამიტომ სულ მეჩხუბებიან. მეუბნებიან, რომ დროა, კანისთვის ელემენტარულად საცხი მაინც გამოვიყენო. მე კი მეზარება ეს პროცესი. არადა აქედანვე თუ არ მოვუარე კანს და ნაოჭი გაჩნდა, მერე აზრი აღარ ექნება რაიმე ძალისხმევას. ვიცი, დროა, ამაზე ვიზრუნო, მაგრამ ჯერჯერობით მხოლოდ კოსმეტოლოგთან დავდივარ.
– გამოდის, თქვენი გარეგნობა გაკმაყოფილებთ და საჭიროდ არ თვლით მასზე ზრუნვით თავი ზედმეტად დაიტვირთოთ.
– ეს ყველას სჭირდება. მადლობა უფალს, დილით რომ ვიღვიძებ, საკუთარი თავის არ მეშინია, მაგრამ უკეთესი იქნება, მეტ დროს ვუთმობდე გარეგნობაზე ზრუნვას. არ არსებობს შეუხედავი ქალი, ყველა ქალი მომხიბვლელი იქნება, თუ თავის მოვლას საჭირო დროს დაუთმობენ.
– ალბათ გარეგნობაში ექსპერიმენტების ჩატარებაც არ გიყვართ.
– ნამდვილად ასეა. ამის ცოტა მეშინია კიდეც, ამიტომ რადიკალური ექსპერიმენტისთვის არ მიმიმართავს. უფრო მეტიც, ამაზე არც მიფიქრია. როცა საკუთარი გარეგნობით კმაყოფილი ხარ, ალბათ ძიებას აღარ იწყებ.
– ძიების ასაკი არც გქონიათ?
– სხვათა შორის, არ მქონია. პირიქით, ახლა უფრო ვცდილობ, სხვადასხვა რამ ვცადო. მაგალითად, ცოტა ხნის წინ თმის ბოლოები ოდნავ გავიღიავე. ზოგადად, ბუნებრიობა მომწონს. ჩვენს სამოდელო სააგენტოშიც ბავშვებს ვასწავლით, რომ ბუნებრიობაზე კარგი არაფერია.
– ბუნებრიობისადმი თქვენი სწრაფვა მაკიაჟსაც ხომ არ უგულებელყოფს?
– არა, სწორად გაკეთებული მაკიაჟი საჭიროა. მაკიაჟს თავისი კულტურა აქვს – უნდა იცოდე დღის და საღამოს მაკიაჟს შორის განსხვავება. მაკიაჟის გაკეთება თავადაც შემიძლია, მაგრამ თუ ვიზაჟისტი მეხმარება, უარს არ ვეუბნები. ყოველდღიურად გადატვირთული მაკიაჟი არ მიყვარს. გააჩნია, როგორ ხასიათზე ვარ და იმის მიხედვით ვარჩევ ფერებს. არსებობს ტენდენციები, რომლებიც გასათვალისწინებელია. მაგალითად, ამჟამად მოდურია თვალებზე ნაკლები აქცენტის გაკეთება, რადგან მუქი ფერის ტუჩსაცხი გახდა აქტუალური.
– არსებობს ფერი, რომელსაც არასოდეს იყენებთ?
– არის პერიოდი, როცა რომელიმე ფერს ამოვიჩემებ ხოლმე, რაც ძალიან არ მომწონს. ამჟამად არ მიყვარს ვარდისფერი. თუმცა მკვეთრ, ე.წ. ელექტრიკ ვარდისფერს ვიხდენ.
– როგორ ფიქრობთ, რა ანიჭებს ქალს ელეგანტურობას?
– ძალიან მნიშვნელოვანია მანერები. თუ არ იცი, თუნდაც სკამზე როგორ დაჯდე, მნიშვნელობა აღარ აქვს, როგორი გარეგნობა გექნება. ეს ყველაფერი, პირველ რიგში, ოჯახიდან მოდის. ადამიანი ბავშვობიდან სწავლობს, როგორ უნდა დაჯდეს თუ იაროს.
– დიეტა დაგჭირვებიათ?
– დიეტებით თავი არასოდეს მომიკლავს, არ მჭირდებოდა. ორსულობისას 20 კილო მოვიმატე და ბავშვის გაჩენის შემდეგ თავისით დავიკელი. ახლა ვცდილობ, ღამის საათებში აღარ ვჭამო. დაძაბულ რეჟიმში შეიძლება შეუზღუდავადაც ვიკვებო, მაგრამ მაინც არ ვიმატებ. ირგვლივ მყოფებს სულ ვასწავლი, საკვები სწორად შეარჩიონ, საღამოს 7 საათის მერე არ ჭამონ, ცომეულზე უარი თქვან, ტკბილეული ამოიღონ რაციონიდან, მაგრამ მე კვების სწორ რეჟიმს იშვიათად ვიცავ.
– და არც სპორტს მისდევთ?
– ხანდახან ჩემს ცხოვრებაში ეს ეტაპიც დგება ხოლმე, თუმცა არა – მუდმივად.
– ბებია, დედა, თქვენი უფროსი დები როგორ უვლიან თავს, მათგან რა ისწავლეთ?
– მახსოვს, რომ ბებია მედიკამენტებს არ ცნობდა. ავადმყოფობას მცენარეული საშუალებებით ებრძოდა და, თუ მაინც სჭირდებოდა წამლის მიღება, ამას ძალიან განიცდიდა. ჩემგან განსხვავებით, დედა გარეგნობას ყურადღებას აქცევდა.
– მამაკაცებისგან განსაკუთრებულ კომპლიმენტებს როდის იღებთ?
– ჩემს ქმარს, ლადოს (ვარძელაშვილი. ავტ.), არ უყვარს ყურადღების გამახვილება და არასდროს აღნიშნავს, რაღაც მიხდება თუ არა. ამ მხრივ ნამდვილად არ გამოირჩევა. სხვათა შორის, ქმრისთვის რჩევა მეც არ მიკითხავს, იქით ვაძლევ რჩევებს იმიჯთან დაკავშირებით. სამსახურში წასვლის წინ ტანსაცმელსაც ვურჩევდი.
მამაჩემი უფრო გამოხატავს თავის აზრს. მაგალითად, მას ურჩევნია, გრძელი თმა მქონდეს და არ მოსწონს, როცა ე.წ. ჩოლკას ვიჭრი. ფიქრობს, რომ ქართული სახე მაქვს და გადაწეული თმა უფრო მიხდება.
– თქვენს შვილს, 2 წლის საბასაც ალბათ დიდი სიხარულით ურჩევთ ტანსაცმელს.
– კი და ეს პროცესი ძალიან მიყვარს. მის ტანსაცმელზე მე და ლადო ერთად ვზრუნავთ. ამ დროს საბა ძალიან სასაცილოა. მისთვის ძვირადღირებულ სამოსს არ ვყიდულობთ. ძალიან სწრაფად იზრდება და ამაში ფულის გადაყრა უაზრობა მგონია. ბავშვისთვის ადვილია სამოსის არჩევა. მას ძირითადად სპორტულ სტილს ვურჩევთ.
– სამკაულების და აქსესუარების მიმართ თქვენი დამოკიდებულება როგორია?
– ძალიან არ მიყვარს სამკაულები, საყურეს საერთოდ ვერ ვიტან. თუ სადმე მივდივარ და ვატყობ, რომ სამოსს სამკაული აუცილებლად სჭირდება, იძულებით ვიკეთებ. მით უმეტეს, ჩემზე ვერ ნახავთ დიდ სამკაულებს. მარტო საათს და საქორწინო ბეჭედს ვატარებ, აქსესუარებიდან კი მხოლოდ ჩანთას ვაღიარებ. მაქვს რამდენიმე ისეთი ჩანთა, სამუდამოდ რომ დავიტოვებ, რადგან ძალიან მიყვარს. ბრენდებზე ორიენტირებული კი საერთოდ არ ვარ.
მანანა ნოდია, ჟურნალი სარკე
