სიკვდილით დასჯის სულიშემძვრელი ისტორია
1 478 ნახვა
ერთხელ ტეხასის შტატში ვინმე რონი ბლეკვილმა უმძიმესი დანაშაული ჩაიდინა. მან სახლის პატრონი დაახრჩო, რომლისგანაც ოთახს ქირაობდა, შემდეგ თავი მოაჭრა და მუცელი გაუფატრა, მაგრამ ესეც არ იკმარა. თავისი მსხვერპლის თოთხმეტი წლი გოგონა გააუპატიურა და შემდეგ დაახრჩო.
ბლეკვილის ბრალეულობა სრულად დადასტურდა და ნაფიც მსაჯულთა სასამართლომ მას ერთხმად მიუსაჯა სასჯელის უმაღლესი ზომა.
რონიმ თავისი უფლებით ისარგებლა, რაც სასჯელის აღსრულებაზე ხუთი ადამიანის მიწვევის საშუალებას აძლევდა და ინტერნეტით აუქციონი გამოაცხადა, - ვინ უფრო მეტს გადაიხდიდა ''უდანაშაულოს'' ეგზეკუციაზე დასასწრებად. სასტარტო ფასი 100 დოლარს შეადგენდა. ''მოსაწვევი ბილეთების'' ღირებულებამ საბოლოოდ 1500 დოლარამდე აიწია. თანხა რონის მარტოხელა დედისთვის იყო განკუთვნილი. თავად იგი უმამოდ იზრდებოდა და ციხეში მოხვედრამდე სამშენებლო ფირმაში მებათქაშედ მუშაობდა.
''შევიწყალოთ!''
განაჩენის გამოტანის შემდეგ შტატის გუბერნატორის მეუღლე - სიუზანი, რომელსაც საზოგადოებრივი ორგანიზაციებიც უჭერდნენ მხარს, ყოველმხრივ ცდილობდა, სასიკვდილო განაჩენი სამუდამო პატიმრობით შეცვლილიყო. კანონის თანახმად, ასეთი გადაწყვეტილების მიღება მხოლოდ თავად გუბერნატორს - რიკ პერის შეეძლო.
- როგორ არ გესმის, - არწმუნებდა სიუზანი მეუღლეს, - საბრალო ბიჭი სულ ოცდაერთი წლისაა. დიახ, მან საშინელი დანაშაული ჩაიდინა, მაგრამ ჩვენ გულმოწყალენი უნდა ვიყოთ.
გუბერნატორი უარზე იდგა: რონის დასჯა კარგი გაკვეთილი იქნება იმ ყმაწვილებისთვის, რომლებსაც ადამიანის სიცოცხლე არაფრად მიაჩნიათ. სიუზანი მღვდლის ქალიშვილი გახლდათ და მაინც გამუდმებით ევედრებოდა მეუღლეს, რათა მას ქრისტიანული თანაგრძნობა გამოეჩინა.
- თუკი დასჯა 3 მილიონ 200 ათასი ღირს, იმ ბრალდებულის შენახვა, რომელსაც სამუდამო პატიმრობა აქვს მისჯილი, გადასახადების გადამხდელებს ორი მილიონით უფრო ძვირი უჯდებათ, - ამბობდა რიკ პერი.
- როგორ შეგიძლია, ადამიანის სიცოცხლე ფულით შეაფასო! - ბრაზობდა სიუზანი. - შენი წინამორბედი ჯორჯ ბუშისგან ნუ იღებ სამარცხვინო მაგალითს. მართალია, პრეზიდენტი გახდა, მაგრამ მისი გზა ოლიმპისკენ გვამებით იყო მოფენილი!
მართლაც, როგორც სტატისტიკა მოწმობს, როდესაც ჯორჯ ბუში-უმცროსი ტეხასის გუბერნატორი იყო, რამდენიმე წლის განმავლობაში მის შტატზე მთელი ქვეყნის სასიკვდილო ეგზეკუციათა მესამედი მოდიოდა, ხოლო 2000 წელს მომავალმა პრეზიდენტმა ყველა რეკორდი მოხსნა - აშშ-ში ჩატარებული 85 სიკვდილით დასჯის შემთხვევიდან 41 ტეხასზე მოდის.
ეს ეგზეკუციათა ყველაზე დიდი რაოდენობაა, რაც საუკუნის დასაწყისიდან მხოლოდ ერთ შტატში მთელი წლის განმავლობაში ჩატარდა. ჯორჯ ბუშმა, რომელსაც მთელი თავისი მმართველობის პერიოდში არც ერთი ბრალდებული არ შეუწყალებია, 17 სასიკვდილო ეგზეკუციას პირადი დასწრებით ''დასდო პატივი''. ამასთან, სრულიად არ აღელვებდა ის ფაქტი, რომ ეროვნულმა კვლევითმა ცენტრმა დნმ-ის ანალიზთა გამოყენებით გამოიკვლია ქვეყნის ყველა სასამართლო პროცესი და მივიდა დასკვნამდე, რომ შემთხვევათა 4,5%-ში ამერიკულ თემიდას სასიკვდილო განაჩენი უდანაშაულო ადამიანებისთვის გამოაქვს.
მაგრამ, ამ გამოქვეყნებული მონაცემების მიუხედავად, აშშ-ის საშუალო სტატისტიკურ მოქალაქეს სწამს, რომ სიკვდილით დასჯა სამართლიანი მეთოდია. გარდა ამისა, რიგით ამერიკელთა უმრავლესობას არ სურს, გადაიხადოს გადასახადები იმ მსჯავრდებულთა შესანახად, რომლებსაც სამუდამო პატიმრობა აქვთ მისჯილი. მეუღლესთან კამათში სწორედ ამას ეყრდნობოდა, პირველ რიგში, რიკ პერი.
მარცხიანი დღე
სიკვდილით დასჯის დღეც დადგა. თითქოს განგებ, იგი გუბერნატორის მეუღლის დაბადების დღეს დაემთხვა. იმ დილას იგი ექვს საათზე ადგა და ქმარს კატეგორიული ტონით განუცხადა, რომ ფლორიდაში მიემგზავრებოდა მშობლებთან, რათა იქ აღენიშნა თავისი იუბილე, იმიტომ, რომ არ სურდა იმ ადგილზე დარჩენა, სადაც ადამიანებს სიკვდილით სჯიან. რაც შეეხება საჩუქრებს, მას არაფერი სჭირდებოდა, გარდა ერთისა: შეეწყალებინათ გზააბნეული ბიჭი. ამასთან, ''ფორტსტარის'' ციხეში რონის დასჯამდე ორი საათი რჩებოდა.
ასეთი შანტაჟის წინაშე პერი იძულებული გახდა, ფარ-ხმალი დაეყარა. გუბერნატორმა თავის თანაშემწეს - გოტფრიდს მოუხმო და უბრძანა, გადაეცა ციხის უფროსისთვის, რომ რონი ბლეკვილი შეწყალებულია. რაც შეეხება დოკუმენტებს, პერიმ განკარგულება გასცა, დაუყოვნებლივ გაემზადებინათ ისინი ხელმოსაწერად. სიუზანს სიხარულისგან ცრემლები წასკდა.
მაგრამ იმ დილით ფორტუნა აშკარად არ იყო რონი ბლეკვილის მხარეს. რამდენიმე ხნის შემდეგ გუბერნატორის თანაშემწე არასასიამოვნო ამბით დაბრუნდა: წინა დღის ტორნადოს შემდეგ სატელეფონო კავშირი მთელ ოლქში იყო შეწყვეტილი და მას, საუკეთესო შემთხვევაში, მეორე დილის 9 საათისთვის აღადგენდნენ. გარდა ამისა, გაწყვეტილი იყო ელექტროგადამცემი ხაზი და ციხეში ელექტრონულ შეტყობინებას ვერ გაგზავნიდნენ. რაც შეეხება მობილურ კავშირს, ციხის უფროსის ფიჭური რატომღაც არ პასუხობდა. როგორც მოგვიანებით გაირკვა, ის დაცლილი იყო. გუბერნატორმა პირქუშად მოისმინა ეს სიახლეები და გოტფრიდს უბრძანა, მანქანა აეყვანა და სასწრაფოდ მისულიყო ციხეში.
დაახლოებით 6 საათსა და 40 წუთზე ოთახში გუბერნატორის კიდევ ერთი თანაშემწე შემოვიდა მოხსენებით: ძლიერი ნისლის გამო გოტფრიდი ხეს შეასკდა და დაიმტვრა. იგი შინ უგონო მდგომარეობაში მიიყვანეს და უკვე ექიმიც გამოიძახეს ფიჭური კავშირით. მაშინ ციხეში გუბერნატორის მეორე თანაშემწე გაემართა. პრინციპში, მას უნდა მიესწრო - ნისლიან ამინდშიც კი 30 მილი ავტოსტრადით სპორტული მანქანისთვის არაფერს წარმოადგენს. მაგრამ იმ ფაციფუცში არავის შეუმოწმებია, რამდენი ბენზინი იყო ავზში, საწვავი კი, თითქოს განზრახ, არასაკმარისი აღმოჩნდა. ასე რომ, დასჯამდე ათი წუთით ადრე მანქანა უმწეოდ შეჩერდა უკაცრიელ გზაზე. სიტუაცია კრიტიკული იყო. ამ დროს ''ფორტსტარის'' ციხეში ბრალდებულს უკვე მღვდელი ესაუბრებოდა.
მაშინ გუბერნატორის თანაშემწე ციხისკენ ფეხით გაექანა. განაჩენის აღსრულებამდე სამი წუთით ადრე იგი უკვე შესასვლელთან იდგა.
- სასწრაფო საქმე მაქვს! წერილია გუბერნატორისგან, - შესძახა მან გუშაგს, მაგრამ იგი, თითქოს, მთელი საათი ეჯაჯგურებოდა საკეტს. ამასობაში სიკვდილმისჯილი უკვე საწოლს მიაბეს რეზინის ლახტებით.
თანაშემწემ დასჯამდე ლამის ერთი წუთით ადრე მაინც მოასწრო ციხის უფროსის კაბინეტში შეღწევა. მან ყურადღებით მოუსმინა სტუმარს და შეწყალების ბარათის გამოსართმევად ხელი გაუწოდა, მაგრამ… იგი მას არ აღმოაჩნდა - წერილი დაშავებულ გოტფრიდთან დარჩენილიყო. მაშინ მთავარმა ''მეციხოვნემ'' ასე განსაჯა: რადგან ამ ადამიანს წერილი არ გააჩნია, როგორც ჩანს, მას განაჩენის აღსრულების გადადების უფლება არა აქვს, სხვაგვარად თვითონ გახდება დამნაშავე, რადგანაც შტატის სასამართლოს გადაწყვეტილებას დაარღვევს. გარდა ამისა, ციხის უფროსმა კარგად იცოდა, რომ ახალი გუბერნატორი სიკვდილით დასჯის შესახებ იმავე აზრს იზიარებდა, რასაც მისი წინამორბედი ჯორჯ ბუში.
ფინიტა ლა კომედია
ერთი წუთის შემდეგ, ზუსტად რვა საათზე, როგორც ოქმი ითხოვდა, ექიმმა რონის ვენაში ინიექცია გაუკეთა...
ექიმის მიერ სასიკვდილო დოზის გაკეთებიდან ორიოდე წუთში ციხესთან გუბერნატორის კიდევ ერთი მანქანა გაჩნდა. შტატის მეთაურის მრჩეველმა დავიწყებული წერილი მოიტანა, მაგრამ …უკვე ძალიან გვიან იყო. ყოველგვარი მცდელობის მიუხედავად, გუბერნატორმა რიკ პერიმ ვერაფრით მოახერხა დამნაშავისთვის სიცოცხლის შენარჩუნება. თითქოს რაღაც უზენაესი ძალა იყო იმის წინააღმდეგი, რომ რონი ბლეკვილს გარდაუვალი სიკვდილისთვის დაეღწია თავი. ალბათ, ასეთი იყო უფლის განგება, რაც მიუწვდომელია უბრალო მოკვდავთათვის.
პაატა გეგელაშვილი
ბლეკვილის ბრალეულობა სრულად დადასტურდა და ნაფიც მსაჯულთა სასამართლომ მას ერთხმად მიუსაჯა სასჯელის უმაღლესი ზომა.
რონიმ თავისი უფლებით ისარგებლა, რაც სასჯელის აღსრულებაზე ხუთი ადამიანის მიწვევის საშუალებას აძლევდა და ინტერნეტით აუქციონი გამოაცხადა, - ვინ უფრო მეტს გადაიხდიდა ''უდანაშაულოს'' ეგზეკუციაზე დასასწრებად. სასტარტო ფასი 100 დოლარს შეადგენდა. ''მოსაწვევი ბილეთების'' ღირებულებამ საბოლოოდ 1500 დოლარამდე აიწია. თანხა რონის მარტოხელა დედისთვის იყო განკუთვნილი. თავად იგი უმამოდ იზრდებოდა და ციხეში მოხვედრამდე სამშენებლო ფირმაში მებათქაშედ მუშაობდა.
''შევიწყალოთ!''
განაჩენის გამოტანის შემდეგ შტატის გუბერნატორის მეუღლე - სიუზანი, რომელსაც საზოგადოებრივი ორგანიზაციებიც უჭერდნენ მხარს, ყოველმხრივ ცდილობდა, სასიკვდილო განაჩენი სამუდამო პატიმრობით შეცვლილიყო. კანონის თანახმად, ასეთი გადაწყვეტილების მიღება მხოლოდ თავად გუბერნატორს - რიკ პერის შეეძლო.
- როგორ არ გესმის, - არწმუნებდა სიუზანი მეუღლეს, - საბრალო ბიჭი სულ ოცდაერთი წლისაა. დიახ, მან საშინელი დანაშაული ჩაიდინა, მაგრამ ჩვენ გულმოწყალენი უნდა ვიყოთ.
გუბერნატორი უარზე იდგა: რონის დასჯა კარგი გაკვეთილი იქნება იმ ყმაწვილებისთვის, რომლებსაც ადამიანის სიცოცხლე არაფრად მიაჩნიათ. სიუზანი მღვდლის ქალიშვილი გახლდათ და მაინც გამუდმებით ევედრებოდა მეუღლეს, რათა მას ქრისტიანული თანაგრძნობა გამოეჩინა.
- თუკი დასჯა 3 მილიონ 200 ათასი ღირს, იმ ბრალდებულის შენახვა, რომელსაც სამუდამო პატიმრობა აქვს მისჯილი, გადასახადების გადამხდელებს ორი მილიონით უფრო ძვირი უჯდებათ, - ამბობდა რიკ პერი.
- როგორ შეგიძლია, ადამიანის სიცოცხლე ფულით შეაფასო! - ბრაზობდა სიუზანი. - შენი წინამორბედი ჯორჯ ბუშისგან ნუ იღებ სამარცხვინო მაგალითს. მართალია, პრეზიდენტი გახდა, მაგრამ მისი გზა ოლიმპისკენ გვამებით იყო მოფენილი!
მართლაც, როგორც სტატისტიკა მოწმობს, როდესაც ჯორჯ ბუში-უმცროსი ტეხასის გუბერნატორი იყო, რამდენიმე წლის განმავლობაში მის შტატზე მთელი ქვეყნის სასიკვდილო ეგზეკუციათა მესამედი მოდიოდა, ხოლო 2000 წელს მომავალმა პრეზიდენტმა ყველა რეკორდი მოხსნა - აშშ-ში ჩატარებული 85 სიკვდილით დასჯის შემთხვევიდან 41 ტეხასზე მოდის.
ეს ეგზეკუციათა ყველაზე დიდი რაოდენობაა, რაც საუკუნის დასაწყისიდან მხოლოდ ერთ შტატში მთელი წლის განმავლობაში ჩატარდა. ჯორჯ ბუშმა, რომელსაც მთელი თავისი მმართველობის პერიოდში არც ერთი ბრალდებული არ შეუწყალებია, 17 სასიკვდილო ეგზეკუციას პირადი დასწრებით ''დასდო პატივი''. ამასთან, სრულიად არ აღელვებდა ის ფაქტი, რომ ეროვნულმა კვლევითმა ცენტრმა დნმ-ის ანალიზთა გამოყენებით გამოიკვლია ქვეყნის ყველა სასამართლო პროცესი და მივიდა დასკვნამდე, რომ შემთხვევათა 4,5%-ში ამერიკულ თემიდას სასიკვდილო განაჩენი უდანაშაულო ადამიანებისთვის გამოაქვს.
მაგრამ, ამ გამოქვეყნებული მონაცემების მიუხედავად, აშშ-ის საშუალო სტატისტიკურ მოქალაქეს სწამს, რომ სიკვდილით დასჯა სამართლიანი მეთოდია. გარდა ამისა, რიგით ამერიკელთა უმრავლესობას არ სურს, გადაიხადოს გადასახადები იმ მსჯავრდებულთა შესანახად, რომლებსაც სამუდამო პატიმრობა აქვთ მისჯილი. მეუღლესთან კამათში სწორედ ამას ეყრდნობოდა, პირველ რიგში, რიკ პერი.
მარცხიანი დღე
სიკვდილით დასჯის დღეც დადგა. თითქოს განგებ, იგი გუბერნატორის მეუღლის დაბადების დღეს დაემთხვა. იმ დილას იგი ექვს საათზე ადგა და ქმარს კატეგორიული ტონით განუცხადა, რომ ფლორიდაში მიემგზავრებოდა მშობლებთან, რათა იქ აღენიშნა თავისი იუბილე, იმიტომ, რომ არ სურდა იმ ადგილზე დარჩენა, სადაც ადამიანებს სიკვდილით სჯიან. რაც შეეხება საჩუქრებს, მას არაფერი სჭირდებოდა, გარდა ერთისა: შეეწყალებინათ გზააბნეული ბიჭი. ამასთან, ''ფორტსტარის'' ციხეში რონის დასჯამდე ორი საათი რჩებოდა.
ასეთი შანტაჟის წინაშე პერი იძულებული გახდა, ფარ-ხმალი დაეყარა. გუბერნატორმა თავის თანაშემწეს - გოტფრიდს მოუხმო და უბრძანა, გადაეცა ციხის უფროსისთვის, რომ რონი ბლეკვილი შეწყალებულია. რაც შეეხება დოკუმენტებს, პერიმ განკარგულება გასცა, დაუყოვნებლივ გაემზადებინათ ისინი ხელმოსაწერად. სიუზანს სიხარულისგან ცრემლები წასკდა.
მაგრამ იმ დილით ფორტუნა აშკარად არ იყო რონი ბლეკვილის მხარეს. რამდენიმე ხნის შემდეგ გუბერნატორის თანაშემწე არასასიამოვნო ამბით დაბრუნდა: წინა დღის ტორნადოს შემდეგ სატელეფონო კავშირი მთელ ოლქში იყო შეწყვეტილი და მას, საუკეთესო შემთხვევაში, მეორე დილის 9 საათისთვის აღადგენდნენ. გარდა ამისა, გაწყვეტილი იყო ელექტროგადამცემი ხაზი და ციხეში ელექტრონულ შეტყობინებას ვერ გაგზავნიდნენ. რაც შეეხება მობილურ კავშირს, ციხის უფროსის ფიჭური რატომღაც არ პასუხობდა. როგორც მოგვიანებით გაირკვა, ის დაცლილი იყო. გუბერნატორმა პირქუშად მოისმინა ეს სიახლეები და გოტფრიდს უბრძანა, მანქანა აეყვანა და სასწრაფოდ მისულიყო ციხეში.
დაახლოებით 6 საათსა და 40 წუთზე ოთახში გუბერნატორის კიდევ ერთი თანაშემწე შემოვიდა მოხსენებით: ძლიერი ნისლის გამო გოტფრიდი ხეს შეასკდა და დაიმტვრა. იგი შინ უგონო მდგომარეობაში მიიყვანეს და უკვე ექიმიც გამოიძახეს ფიჭური კავშირით. მაშინ ციხეში გუბერნატორის მეორე თანაშემწე გაემართა. პრინციპში, მას უნდა მიესწრო - ნისლიან ამინდშიც კი 30 მილი ავტოსტრადით სპორტული მანქანისთვის არაფერს წარმოადგენს. მაგრამ იმ ფაციფუცში არავის შეუმოწმებია, რამდენი ბენზინი იყო ავზში, საწვავი კი, თითქოს განზრახ, არასაკმარისი აღმოჩნდა. ასე რომ, დასჯამდე ათი წუთით ადრე მანქანა უმწეოდ შეჩერდა უკაცრიელ გზაზე. სიტუაცია კრიტიკული იყო. ამ დროს ''ფორტსტარის'' ციხეში ბრალდებულს უკვე მღვდელი ესაუბრებოდა.
მაშინ გუბერნატორის თანაშემწე ციხისკენ ფეხით გაექანა. განაჩენის აღსრულებამდე სამი წუთით ადრე იგი უკვე შესასვლელთან იდგა.
- სასწრაფო საქმე მაქვს! წერილია გუბერნატორისგან, - შესძახა მან გუშაგს, მაგრამ იგი, თითქოს, მთელი საათი ეჯაჯგურებოდა საკეტს. ამასობაში სიკვდილმისჯილი უკვე საწოლს მიაბეს რეზინის ლახტებით.
თანაშემწემ დასჯამდე ლამის ერთი წუთით ადრე მაინც მოასწრო ციხის უფროსის კაბინეტში შეღწევა. მან ყურადღებით მოუსმინა სტუმარს და შეწყალების ბარათის გამოსართმევად ხელი გაუწოდა, მაგრამ… იგი მას არ აღმოაჩნდა - წერილი დაშავებულ გოტფრიდთან დარჩენილიყო. მაშინ მთავარმა ''მეციხოვნემ'' ასე განსაჯა: რადგან ამ ადამიანს წერილი არ გააჩნია, როგორც ჩანს, მას განაჩენის აღსრულების გადადების უფლება არა აქვს, სხვაგვარად თვითონ გახდება დამნაშავე, რადგანაც შტატის სასამართლოს გადაწყვეტილებას დაარღვევს. გარდა ამისა, ციხის უფროსმა კარგად იცოდა, რომ ახალი გუბერნატორი სიკვდილით დასჯის შესახებ იმავე აზრს იზიარებდა, რასაც მისი წინამორბედი ჯორჯ ბუში.
ფინიტა ლა კომედია
ერთი წუთის შემდეგ, ზუსტად რვა საათზე, როგორც ოქმი ითხოვდა, ექიმმა რონის ვენაში ინიექცია გაუკეთა...
ექიმის მიერ სასიკვდილო დოზის გაკეთებიდან ორიოდე წუთში ციხესთან გუბერნატორის კიდევ ერთი მანქანა გაჩნდა. შტატის მეთაურის მრჩეველმა დავიწყებული წერილი მოიტანა, მაგრამ …უკვე ძალიან გვიან იყო. ყოველგვარი მცდელობის მიუხედავად, გუბერნატორმა რიკ პერიმ ვერაფრით მოახერხა დამნაშავისთვის სიცოცხლის შენარჩუნება. თითქოს რაღაც უზენაესი ძალა იყო იმის წინააღმდეგი, რომ რონი ბლეკვილს გარდაუვალი სიკვდილისთვის დაეღწია თავი. ალბათ, ასეთი იყო უფლის განგება, რაც მიუწვდომელია უბრალო მოკვდავთათვის.
პაატა გეგელაშვილი
