"ქმარმა ჩემს მეგობართან გააბა რომანი"
1 944 ნახვა
ძალიან ბევრი ვიფიქრე, მომეწერა თუ არა. ახლაც არ ვარ დარწმუნებული, რომ სწორად ვიქცევი. ერთადერთს გთხოვთ, რადგან გავბედე და ჩემს ტკივილზე საუბარი დავიწყე, ეგებ გამომიქვეყნოთ, რომ ვინმე გამომეხმაუროს და ნუგეში მომცეს.
34 წლის ქალი ვარ. მთელი ცხოვრება სიკეთის კეთებაში გავატარე, მართლა ასე იყო, არ ვაჭარბებ. ვცდილობდი, ყველას დავხმარებოდი, ცუდი არავისზე მეთქვა. ოჯახი ადრეულ ასაკში შევქმენი და კარგი ქმარიც შემხვდა. ყველაფერი ძალიან კარგად ამეწყო, არანაირი პრობლემა მქონია, არც პირადში და არც ნათესავებთან ურთიერთობაში.
ერთ დღეს გავიგე, რომ ჩემი მეგობარი, რომელიც დიდიხანი არ მენახა, საბერძნეთიდან ჩამოდიოდა. ძალიან პატარა იყო, უცხოეთში რომ წავიდა და მას შემდეგ იქ იყო. საბერძნეთში აიწყო ცხოვრება. რა თქმა უნდა, ვნახე. გათხოვილი არასოდეს ყოფილა და რომ ჩამოვიდა, ყველა დავცინოდით, ამხელა საბერძნეთში ქმარი როგორ ვერ მონახე–თქო. მაჭანკლობა დავიწყეთ, ვეუბნებოდით, იქნებ შენი მოსაწონი ვინმე ვნახოთ–თქო.
არ დაგიმალავთ და, საბერძნეთიდან ძალიან გალამაზებული ჩამოვიდა. საკუთარი თავისთვის მიუხედავს. ისედაც ყოველთვის მიმზიდველი გოგო იყო, მაგრამ კიდევ უფრო ლამაზი გამხდარა. მოკლედ, ასე გადიოდა დღეები და ვერასოდეს ვიფიქრებდი, თავს დიდი განსაცდელი თუ დამატყდებოდა.
მეგობარი ხშირად მოდიოდა ჩემთან სტუმრად. იმ ზაფხულს ჩემი შვილი ბანაკში ჰყავდათ წაყვანილი სკოლიდან. სახლში მხოლოდ ჩემი ქმარი იყო, რომელსაც შვებულება ჰქონდა აღებული. იმ დღეს სახლში გვიან დავბრუნდი და ვნახე, ჩემი მეგობარი და ქმარი ერთად როგორ ისხდნენ და საუბრობდნენ. მაშინ ვერც კი ვიფიქრებდი რამეს, ეს ჩვეულებრივად მივიღე. მერე ასეთი სცენები განმეორდა, სახლში დაბრუნებულს ჩემი მეგობარი მხვდებოდა, თან მიმეორებდა, სულ როგორ გასწრებ მოსვლასო. მიუხედავად ამისა, ცუდს მაინც ვერ ვფიქრობდი, ეჭვი არ გამჩენია, რომ შეიძლებოდა რამე მომხდარიყო.
ერთხელაც დედამთილმა დამირეკა, ჩემს მეზობელს შენი მეგობარი და ქმარი ერთად უნახავს, კი, ვიცი, ერთმანეთთან ახლოს ხართ, მაგრამ ჭორიკანა ხალხთან მაინც ფრთხილად უნდა იყო, თანაც, ხომ იცი, მაგისთანა ქალები ოჯახებს ანგრევენ და ქმარს ყურადღება მიაქციეო. დედამთილის სიტყვებს ყურადღება არ მივაქციე. მეგობარზე ასეთ რამეს როგორ ვიფიქრებდი! თუმცა ის ნათქვამი თანდათან მეხსიერებაში გამიჯდა, თავს მახსენებდა და ყურადღებიანი გავხდი. დავაკვირდი, რომ ქმარი სახლში გვიან მოდიოდა, დაღლილი იყო და ნორმალურად არც მელაპარაკებოდა.
ერთ დღეს ცუდი რამე ჩავიფიქრე, ისეთი, რომ საკუთარი თავისაც მრცხვენოდა, ქმარს როგორ არ ვენდობი–მეთქი. მეუღლეს ვუთხარი, ერთი დღით დედაჩემთან დავრჩები, მაღალი წნევა აქვს–მეთქი. სიხარულით გამომისტუმრა სახლიდან. საღამოს სახლში მოულოდნელად მივედი და კარი საგანგებოდ წამოღებული გასაღებით შევაღე. ჩემი საძინებლიდან სატრფიალო ხმები გამოდიოდა...
მერჩივნა, მიწა გამსკდომოდა! ბოლომდე ვერ დავიჯერე, მაგრამ ფაქტი სახეზე იყო. კარი შევაღე და ჩემი ქმარი და ადამიანი, რომელსაც მეგობრად ვთვლიდი, შიშვლები იყვნენ. თურმე ჩემს ზურგს უკან რომანი ჰქონდათ გაჩაღებული.
სახლიდან უკანმოუხედავად გამოვიქეცი. ქმარი ბოდიშს მიხდიდა, ჩემდა უნებურად მომივიდა, მაპატიეო, მაგრამ ასეთ საქციელს გამართლება არ აქვს. ჩემი ვითომ მეგობარი იმის მერე აღარც გამოჩენილა.
მე შვილთან ერთად დედაჩემთან გადავედი საცხოვრებლად. ახლა ის მაინც ვიცი, რომ მოღალატესთან არ ვცხოვრობ.
ქმრის ღალატი ძალიან რთულად გადავიტანე, მაგრამ ჯობდა, სიმართლე გამეგო, ვიდრე ტყუილში მეცხოვრა. მინდა, ყველა ქალს მივმართო, ნუ აიტანთ ქმრის ღალატს. ამაზე საშინელება არაფერია!
"სარკის" მკითხველი
34 წლის ქალი ვარ. მთელი ცხოვრება სიკეთის კეთებაში გავატარე, მართლა ასე იყო, არ ვაჭარბებ. ვცდილობდი, ყველას დავხმარებოდი, ცუდი არავისზე მეთქვა. ოჯახი ადრეულ ასაკში შევქმენი და კარგი ქმარიც შემხვდა. ყველაფერი ძალიან კარგად ამეწყო, არანაირი პრობლემა მქონია, არც პირადში და არც ნათესავებთან ურთიერთობაში.
ერთ დღეს გავიგე, რომ ჩემი მეგობარი, რომელიც დიდიხანი არ მენახა, საბერძნეთიდან ჩამოდიოდა. ძალიან პატარა იყო, უცხოეთში რომ წავიდა და მას შემდეგ იქ იყო. საბერძნეთში აიწყო ცხოვრება. რა თქმა უნდა, ვნახე. გათხოვილი არასოდეს ყოფილა და რომ ჩამოვიდა, ყველა დავცინოდით, ამხელა საბერძნეთში ქმარი როგორ ვერ მონახე–თქო. მაჭანკლობა დავიწყეთ, ვეუბნებოდით, იქნებ შენი მოსაწონი ვინმე ვნახოთ–თქო.
არ დაგიმალავთ და, საბერძნეთიდან ძალიან გალამაზებული ჩამოვიდა. საკუთარი თავისთვის მიუხედავს. ისედაც ყოველთვის მიმზიდველი გოგო იყო, მაგრამ კიდევ უფრო ლამაზი გამხდარა. მოკლედ, ასე გადიოდა დღეები და ვერასოდეს ვიფიქრებდი, თავს დიდი განსაცდელი თუ დამატყდებოდა.
მეგობარი ხშირად მოდიოდა ჩემთან სტუმრად. იმ ზაფხულს ჩემი შვილი ბანაკში ჰყავდათ წაყვანილი სკოლიდან. სახლში მხოლოდ ჩემი ქმარი იყო, რომელსაც შვებულება ჰქონდა აღებული. იმ დღეს სახლში გვიან დავბრუნდი და ვნახე, ჩემი მეგობარი და ქმარი ერთად როგორ ისხდნენ და საუბრობდნენ. მაშინ ვერც კი ვიფიქრებდი რამეს, ეს ჩვეულებრივად მივიღე. მერე ასეთი სცენები განმეორდა, სახლში დაბრუნებულს ჩემი მეგობარი მხვდებოდა, თან მიმეორებდა, სულ როგორ გასწრებ მოსვლასო. მიუხედავად ამისა, ცუდს მაინც ვერ ვფიქრობდი, ეჭვი არ გამჩენია, რომ შეიძლებოდა რამე მომხდარიყო.
ერთხელაც დედამთილმა დამირეკა, ჩემს მეზობელს შენი მეგობარი და ქმარი ერთად უნახავს, კი, ვიცი, ერთმანეთთან ახლოს ხართ, მაგრამ ჭორიკანა ხალხთან მაინც ფრთხილად უნდა იყო, თანაც, ხომ იცი, მაგისთანა ქალები ოჯახებს ანგრევენ და ქმარს ყურადღება მიაქციეო. დედამთილის სიტყვებს ყურადღება არ მივაქციე. მეგობარზე ასეთ რამეს როგორ ვიფიქრებდი! თუმცა ის ნათქვამი თანდათან მეხსიერებაში გამიჯდა, თავს მახსენებდა და ყურადღებიანი გავხდი. დავაკვირდი, რომ ქმარი სახლში გვიან მოდიოდა, დაღლილი იყო და ნორმალურად არც მელაპარაკებოდა.
ერთ დღეს ცუდი რამე ჩავიფიქრე, ისეთი, რომ საკუთარი თავისაც მრცხვენოდა, ქმარს როგორ არ ვენდობი–მეთქი. მეუღლეს ვუთხარი, ერთი დღით დედაჩემთან დავრჩები, მაღალი წნევა აქვს–მეთქი. სიხარულით გამომისტუმრა სახლიდან. საღამოს სახლში მოულოდნელად მივედი და კარი საგანგებოდ წამოღებული გასაღებით შევაღე. ჩემი საძინებლიდან სატრფიალო ხმები გამოდიოდა...
მერჩივნა, მიწა გამსკდომოდა! ბოლომდე ვერ დავიჯერე, მაგრამ ფაქტი სახეზე იყო. კარი შევაღე და ჩემი ქმარი და ადამიანი, რომელსაც მეგობრად ვთვლიდი, შიშვლები იყვნენ. თურმე ჩემს ზურგს უკან რომანი ჰქონდათ გაჩაღებული.
სახლიდან უკანმოუხედავად გამოვიქეცი. ქმარი ბოდიშს მიხდიდა, ჩემდა უნებურად მომივიდა, მაპატიეო, მაგრამ ასეთ საქციელს გამართლება არ აქვს. ჩემი ვითომ მეგობარი იმის მერე აღარც გამოჩენილა.
მე შვილთან ერთად დედაჩემთან გადავედი საცხოვრებლად. ახლა ის მაინც ვიცი, რომ მოღალატესთან არ ვცხოვრობ.
ქმრის ღალატი ძალიან რთულად გადავიტანე, მაგრამ ჯობდა, სიმართლე გამეგო, ვიდრე ტყუილში მეცხოვრა. მინდა, ყველა ქალს მივმართო, ნუ აიტანთ ქმრის ღალატს. ამაზე საშინელება არაფერია!
"სარკის" მკითხველი
