მაკო კვიტაშვილი შეყვარებულთან ერთად ამერიკაში მიდის
1 798 ნახვა
ტელეჟურნალისტ ეკა მიშველაძის ქალიშვილი, მომღერალი მაკო კვიტაშვილი, შეყვარებულია და ეს საიდუმლო არავისთვის არის. მისი რჩეული ლუკა იოსელიანია, ბავშვობის ამხანაგი. მათი ურთიერთობა ერთი წლის წინ თავიდან დაიწყო, როცა აღმოაჩინეს, რომ ერთმანეთისთვის საინტერესოები სხვა კუთხით გამხდარიყვნენ. ახლა უკვე ამერიკის შეერთებულ შტატებში ერთად გამგზავრებაზე და ცხოვრების დამოუკიდებლად დაწყებაზე ფიქრობენ.
მაკო 20 წლის არის, ლუკა – 22–ის. ოკეანის გაღმა ამერიკული ოცნების ასასრულებლად მიდიან, მაკოს მსახიობობა სურს, ლუკა კი რეჟისორის პროფესიის შესწავლას აპირებს. ამის შესახებ წყვილმა "სარკეს" უამბო.
– ლუკა, საუბარი თქვენგან დავიწყოთ. გაგვეცანით, რას საქმიანობდით აქამდე.
ლუკა: ორი ფაკულტეტი დავამთავრე – იურიდიული და არქიტექტურული. ამჟამად მამაჩემის სამშენებლო კომპანიაში ვმუშაობ. მას ვეხმარები. მყავს უმცროსი და, 16 წლის ლიზა. დედა ლექტორია, ამერიკულ აკადემიაში ლექციებს კითხულობს. წარმატებული ფილოლოგია.
– თქვენი და მაკოს ურთიერთობა საიდან იღებს სათავეს?
ლუკა: ერთი სამეგობრო გვყავდა და ერთად ხშირად ვიყავით. მაქსიმუმი, 12 წლისები ვიქნებოდით.
მაკო: ჩემმა მეგობრებმა მითხრეს, ლუკა იოსელიანი ძალიან კარგი ბიჭიაო და მეც დავინტერესდი. ჩემ ქვევით უბანში ცხოვრობდა. რადგან პატარა ვიყავი, ეზოს არ ვცილდებოდი, მაგრამ ლუკასთან გადავედი. ასე გავიცანი და დავმეგობრდით.
შემდეგ კი იყო პერიოდები, როცა კონტაქტი აღარ გვქონდა, რადგან ორივე ჩვენ–ჩვენი საქმით დავკავდით. ლუკაც საცხოვრებლად სხვაგან გადავიდა, ამიტომ ერთმანეთი თითქოს დავკარგეთ. თუ სადმე შევხვდებოდით, ერთიმეორეს მოვიკითხავდით ხოლმე.
– როგორ აღმოაჩინეთ ერთმანეთი ხელახლა, როდის დაინახეთ სხვა თვალით?
ლუკა: მაკო ერთი წლის წინ ქუჩაში შემთხვევით შემხვდა. ძალიან შეცვლილი იყო, გაზრდილი და ჩამოყალიბებული. როგორც პიროვნებამ, ჩემში დიდი სიმპათია გამოიწვია. მახსოვდა პატარა ბავშვი და სულ სხვა გოგონა დავინახე. დავთქვით, კიდევ შევხვედროდით ერთმანეთს.
მაკო: ვიფიქრეთ, რატომაც არ უნდა გაგვეგრძელებინა მეგობრობა. შემდეგ გუდაურში წავედით მეგობრებთან ერთად და იქ ჩაისახა ჩვენი გრძნობა. ლუკას სიყვარული არ აუხსნია. მგონი, იმ ასაკიდან გამოვედით, სიტყვებით როცა უხსნიან გრძნობას. ყველაფერი ისედაც ნათელი იყო.
– ლუკა, როცა მაკო პროექტ "ორ ვარსკვლავში" მღეროდა, ჩვენთან ინტერვიუში თქვა, რომ დიდად არ მოგწონდათ მისი იქ მონაწილეობა. რა გქონდათ საწინააღმდეგო?
ლუკა: ის არ მომწონდა, რომ ნაკლებ დროს ვატარებდით ერთად. პროექტში მისი მონაწილეობა კი პირიქით, მახარებდა და ძალიან ვქომაგობდი.
– რჩევებს აძლევდით მაკოს?
ლუკა: მაკო უფრო ხშირად მაძლევს რჩევებს და მე ვითვალისწინებ. ძალიან ჭკვიანი გოგოა, ძლიერი, დამოუკიდებელი და შესაბამისად სანდოა. ეს კი პატივისცემას იმსახურებს. რა თქმა უნდა, კაცს თავისი ადგილი უკავია ურთიერთობაში, მაგრამ როცა მამაკაცი გრძნობს, რომ ქალი მხოლოდ აქსესუარი არ არის და ძლიერია, ეს სასიამოვნოა.
– "აზიატური" შეხედულებები თუ გახასიათებთ, მაგალითად, მის ჩაცმულობასთან დაკავშირებით?
ლუკა: ვიცი, რომ ჩემი შეყვარებული მომღერალია და მისი საქმე სცენაზე დგომაა. არ მგონია, მან ისე ჩაიცვას, რომ არ მომეწონოს. მაკოს ახლა რა იმიჯიც აქვს, მომწონს.
მაკო: ვფიქრობ, რომ ცოტაოდენი სიმკაცრე ქართველ კაცს უნდა ახასიათებდეს. ეს მომწონს კიდეც, რა თქმა უნდა, ზომიერების ფარგლებში. ყოველ შემთხვევაში, ერთმანეთს ანგარიშს ვუწევთ. ხანდახან ხუმრობით მეტყვის, რა მოკლე კაბა გაცვიაო.
– ლუკა, შოუბიზნესში მაკოს ცნობადობა თქვენთვის გამაღიზიანებელი არ არის?
ლუკა: არათუ გამაღიზიანებელი, რაღაც მომენტში სასიამოვნოც არის. ვერ ვიტყვი, რომ მაკოს ცნობადობა რაიმე როლს თამაშობს ჩემთვის. რაც შეეხება იმას, რომ ქუჩაში აკვირდებიან, ეს თუნდაც იმიტომ ხდება, რომ მაკო ძალიან ლამაზია.
მაკო: არამარტო მე, ლუკასაც ხშირად უყურებენ და ამაზე ბევრს ვხუმრობთ.
– ცოტათი ხომ არ ეჭვიანობთ ერთმანეთზე?
მაკო: არ ვიცოდი და თურმე ეჭვიანი ვყოფილვარ, მაგრამ ვცდილობ, ჩემში ჩავკლა ეს გრძნობა. მით უმეტეს, რომ საეჭვიანო არაფერი მაქვს.
– ბევრი საერთო ინტერესი გაქვთ?
ლუკა: კი, ერთნაირი რაღაც მოგვწონს, უმეტეს დროს ერთად ვატარებთ.
მაკო: მიუხედავად ამისა, ხანდახან ვკამათობთ, თან ისეთ თემებზე, არაფრად რომ არ ღირს. ლუკას ყველანაირი თვისება აქვს, რომანტიკულიც არის და პრაგმატულიც. ცოტა ხნის წინ მასთან სახლში მივედი და თავისი ხელით მომზადებული კერძები დამახვედრა. ძალიან მაგარ საჭმელებს აკეთებს.
– ლუკა, რა მოუმზადეთ მაკოს?
ლუკა: მაკოს ყველთან ერთად შემწვარი კარტოფილი დავახვედრე. კერძების მომზადება გამომდის, თან მიყვარს მათი დაგემოვნება. ექსპერიმენტებს ვატარებ. სხვადასხვა ინგრედიენტს ერთმანეთში ვურევ. შეიძლება ვიზუალურად არ ჩანდეს მიმზიდველად, მაგრამ ძალიან გემრიელია.
– ერთმანეთის ოჯახებს ახლოს იცნობთ?
ლუკა: მაკოს დედასთან (ტელეჟურნალისტი და წამყვანი ეკა მიშველაძე. ავტ.) ვმეგობრობ. ძალიან კარგი ადამიანია, არადა შორიდან სხვანაირი მეგონა, უფრო მკაცრი. ახლა სახელით მივმართავ.
მაკო: ლუკას ოჯახის წევრები ჩემი მეგობრები არიან. იქ ყოფნა ხშირად მიწევს. მათ დიდ პატივს ვცემ. ლუკას დედა მეც მკაცრი მეგონა თავიდან. რომ გავიცანი, მივხვდი, აბსოლუტურად სხვანაირი იყო. მასაც ეკა ჰქვია დედაჩემივით.
– მაკო, დედას როგორ გაუმხილეთ, რომ შეყვარებული იყავით?
მაკო: ლუკას სახელის ხსენება ხშირად რომ დავიწყე, მიხვდა, საქმე სხვანაირად იყო. დედას არასდროს არაფერს ვუმალავ პირად ცხოვრებასთან დაკავშირებით.
– წყვილის სასიყვარულო ურთიერთობის ლოგიკური გაგრძელება ოჯახის შექმნა არის ხოლმე. თქვენც უკვე დაიწყეთ ამაზე ფიქრი?
ლუკა: ჯერ ვუყურებთ, როგორ განვითარდება ჩვენი ურთიერთობა. 6 თვეა ერთად ვართ. გვინდა, ფინანსურად მყარად ვიყოთ, ამიტომაც არ ვჩქარობთ. მგონი, ეს კარგიც არის.
მაკო: ჯერ არ მინდა გათხოვება. მომწონს თავისუფლად ყოფნა. რისთვის ვიჩქარო? გვიყვარს ერთმანეთი და კარგად ვართ. ოჯახს მაშინ შევქმნით, როცა ამისთვის მზად ვიქნებით.
ლუკა: მაკოს გარეშე ერთი დღეც კი ვერ წარმომიდგენია. ვერ ვხვდები, მაკომ როგორ შეიძლება დილით არ გამაღვიძოს. ვეუბნები, რომ დილით დამირეკოს და მირეკავს.
მაკო: ხანდახან მებუზღუნება, რატომ მაღვიძებო... მეც ვერ წარმომიდგენია ლუკას გარეშე ცხოვრება. არამარტო შეყვარებული, უახლოესი მეგობარია.
– მაკო, როგორც მახსოვს, თქვენი გეგმები შეერთებულ შტატებში სწავლას უკავშირდებოდა.
მაკო: ორივე ვაპირებთ შტატებში წასვლას მეგობრებთან ერთად. ჩვენი გეგმები ერთმანეთს დაემთხვა.
ლუკა: მაკოს და ჩემ გარდა, ჩვენი ბავშვობის მეგობრებიც მოდიან. აგვისტოში ვაპირებდით ერთად წასვლას, მაგრამ მაკომ გადაწყვიტა, რომ ჯერ აკადემია დაამთავროს და ერთი წლის მერე წავიდეთ.
მაკო: ერთი წელი უცებ გავა, მით უმეტეს, ლუკასთან ერთად. რა თქმა უნდა, ჩვენს საზღვარგარეთ წასვლას მშობლები მხარს უჭერენ. იქ უფრო სწრაფად ყალიბდები და იზრდები, დიდი გამოცდილებაა დამოუკიდებლად ცხოვრება. ჩვენით უნდა ვიშოვოთ ფული, ფაქტობრივად ყველაფერი თავიდან უნდა დავიწყოთ. ეს კი ძალიან საინტერესოა.
ლუკა: მაკო სამსახიობოზე აპირებს ჩაბარებას, მე – სარეჟისოროზე. მივხვდი, რომ იურისტობა და არქიტექტურა არ მაინტერესებს. მინდა, რეჟისორი გავხდე, ამიტომ იქ ამ პროფესიას შევისწავლი.
მანანა ნოდია, ჟურნალი სარკე
მაკო 20 წლის არის, ლუკა – 22–ის. ოკეანის გაღმა ამერიკული ოცნების ასასრულებლად მიდიან, მაკოს მსახიობობა სურს, ლუკა კი რეჟისორის პროფესიის შესწავლას აპირებს. ამის შესახებ წყვილმა "სარკეს" უამბო.
– ლუკა, საუბარი თქვენგან დავიწყოთ. გაგვეცანით, რას საქმიანობდით აქამდე.
ლუკა: ორი ფაკულტეტი დავამთავრე – იურიდიული და არქიტექტურული. ამჟამად მამაჩემის სამშენებლო კომპანიაში ვმუშაობ. მას ვეხმარები. მყავს უმცროსი და, 16 წლის ლიზა. დედა ლექტორია, ამერიკულ აკადემიაში ლექციებს კითხულობს. წარმატებული ფილოლოგია.
– თქვენი და მაკოს ურთიერთობა საიდან იღებს სათავეს?
ლუკა: ერთი სამეგობრო გვყავდა და ერთად ხშირად ვიყავით. მაქსიმუმი, 12 წლისები ვიქნებოდით.
მაკო: ჩემმა მეგობრებმა მითხრეს, ლუკა იოსელიანი ძალიან კარგი ბიჭიაო და მეც დავინტერესდი. ჩემ ქვევით უბანში ცხოვრობდა. რადგან პატარა ვიყავი, ეზოს არ ვცილდებოდი, მაგრამ ლუკასთან გადავედი. ასე გავიცანი და დავმეგობრდით.
შემდეგ კი იყო პერიოდები, როცა კონტაქტი აღარ გვქონდა, რადგან ორივე ჩვენ–ჩვენი საქმით დავკავდით. ლუკაც საცხოვრებლად სხვაგან გადავიდა, ამიტომ ერთმანეთი თითქოს დავკარგეთ. თუ სადმე შევხვდებოდით, ერთიმეორეს მოვიკითხავდით ხოლმე.
– როგორ აღმოაჩინეთ ერთმანეთი ხელახლა, როდის დაინახეთ სხვა თვალით?
ლუკა: მაკო ერთი წლის წინ ქუჩაში შემთხვევით შემხვდა. ძალიან შეცვლილი იყო, გაზრდილი და ჩამოყალიბებული. როგორც პიროვნებამ, ჩემში დიდი სიმპათია გამოიწვია. მახსოვდა პატარა ბავშვი და სულ სხვა გოგონა დავინახე. დავთქვით, კიდევ შევხვედროდით ერთმანეთს.
მაკო: ვიფიქრეთ, რატომაც არ უნდა გაგვეგრძელებინა მეგობრობა. შემდეგ გუდაურში წავედით მეგობრებთან ერთად და იქ ჩაისახა ჩვენი გრძნობა. ლუკას სიყვარული არ აუხსნია. მგონი, იმ ასაკიდან გამოვედით, სიტყვებით როცა უხსნიან გრძნობას. ყველაფერი ისედაც ნათელი იყო.
– ლუკა, როცა მაკო პროექტ "ორ ვარსკვლავში" მღეროდა, ჩვენთან ინტერვიუში თქვა, რომ დიდად არ მოგწონდათ მისი იქ მონაწილეობა. რა გქონდათ საწინააღმდეგო?
ლუკა: ის არ მომწონდა, რომ ნაკლებ დროს ვატარებდით ერთად. პროექტში მისი მონაწილეობა კი პირიქით, მახარებდა და ძალიან ვქომაგობდი.
– რჩევებს აძლევდით მაკოს?
ლუკა: მაკო უფრო ხშირად მაძლევს რჩევებს და მე ვითვალისწინებ. ძალიან ჭკვიანი გოგოა, ძლიერი, დამოუკიდებელი და შესაბამისად სანდოა. ეს კი პატივისცემას იმსახურებს. რა თქმა უნდა, კაცს თავისი ადგილი უკავია ურთიერთობაში, მაგრამ როცა მამაკაცი გრძნობს, რომ ქალი მხოლოდ აქსესუარი არ არის და ძლიერია, ეს სასიამოვნოა.
– "აზიატური" შეხედულებები თუ გახასიათებთ, მაგალითად, მის ჩაცმულობასთან დაკავშირებით?
ლუკა: ვიცი, რომ ჩემი შეყვარებული მომღერალია და მისი საქმე სცენაზე დგომაა. არ მგონია, მან ისე ჩაიცვას, რომ არ მომეწონოს. მაკოს ახლა რა იმიჯიც აქვს, მომწონს.
მაკო: ვფიქრობ, რომ ცოტაოდენი სიმკაცრე ქართველ კაცს უნდა ახასიათებდეს. ეს მომწონს კიდეც, რა თქმა უნდა, ზომიერების ფარგლებში. ყოველ შემთხვევაში, ერთმანეთს ანგარიშს ვუწევთ. ხანდახან ხუმრობით მეტყვის, რა მოკლე კაბა გაცვიაო.
– ლუკა, შოუბიზნესში მაკოს ცნობადობა თქვენთვის გამაღიზიანებელი არ არის?
ლუკა: არათუ გამაღიზიანებელი, რაღაც მომენტში სასიამოვნოც არის. ვერ ვიტყვი, რომ მაკოს ცნობადობა რაიმე როლს თამაშობს ჩემთვის. რაც შეეხება იმას, რომ ქუჩაში აკვირდებიან, ეს თუნდაც იმიტომ ხდება, რომ მაკო ძალიან ლამაზია.
მაკო: არამარტო მე, ლუკასაც ხშირად უყურებენ და ამაზე ბევრს ვხუმრობთ.
– ცოტათი ხომ არ ეჭვიანობთ ერთმანეთზე?
მაკო: არ ვიცოდი და თურმე ეჭვიანი ვყოფილვარ, მაგრამ ვცდილობ, ჩემში ჩავკლა ეს გრძნობა. მით უმეტეს, რომ საეჭვიანო არაფერი მაქვს.
– ბევრი საერთო ინტერესი გაქვთ?
ლუკა: კი, ერთნაირი რაღაც მოგვწონს, უმეტეს დროს ერთად ვატარებთ.
მაკო: მიუხედავად ამისა, ხანდახან ვკამათობთ, თან ისეთ თემებზე, არაფრად რომ არ ღირს. ლუკას ყველანაირი თვისება აქვს, რომანტიკულიც არის და პრაგმატულიც. ცოტა ხნის წინ მასთან სახლში მივედი და თავისი ხელით მომზადებული კერძები დამახვედრა. ძალიან მაგარ საჭმელებს აკეთებს.
– ლუკა, რა მოუმზადეთ მაკოს?
ლუკა: მაკოს ყველთან ერთად შემწვარი კარტოფილი დავახვედრე. კერძების მომზადება გამომდის, თან მიყვარს მათი დაგემოვნება. ექსპერიმენტებს ვატარებ. სხვადასხვა ინგრედიენტს ერთმანეთში ვურევ. შეიძლება ვიზუალურად არ ჩანდეს მიმზიდველად, მაგრამ ძალიან გემრიელია.
– ერთმანეთის ოჯახებს ახლოს იცნობთ?
ლუკა: მაკოს დედასთან (ტელეჟურნალისტი და წამყვანი ეკა მიშველაძე. ავტ.) ვმეგობრობ. ძალიან კარგი ადამიანია, არადა შორიდან სხვანაირი მეგონა, უფრო მკაცრი. ახლა სახელით მივმართავ.
მაკო: ლუკას ოჯახის წევრები ჩემი მეგობრები არიან. იქ ყოფნა ხშირად მიწევს. მათ დიდ პატივს ვცემ. ლუკას დედა მეც მკაცრი მეგონა თავიდან. რომ გავიცანი, მივხვდი, აბსოლუტურად სხვანაირი იყო. მასაც ეკა ჰქვია დედაჩემივით.
– მაკო, დედას როგორ გაუმხილეთ, რომ შეყვარებული იყავით?
მაკო: ლუკას სახელის ხსენება ხშირად რომ დავიწყე, მიხვდა, საქმე სხვანაირად იყო. დედას არასდროს არაფერს ვუმალავ პირად ცხოვრებასთან დაკავშირებით.
– წყვილის სასიყვარულო ურთიერთობის ლოგიკური გაგრძელება ოჯახის შექმნა არის ხოლმე. თქვენც უკვე დაიწყეთ ამაზე ფიქრი?
ლუკა: ჯერ ვუყურებთ, როგორ განვითარდება ჩვენი ურთიერთობა. 6 თვეა ერთად ვართ. გვინდა, ფინანსურად მყარად ვიყოთ, ამიტომაც არ ვჩქარობთ. მგონი, ეს კარგიც არის.
მაკო: ჯერ არ მინდა გათხოვება. მომწონს თავისუფლად ყოფნა. რისთვის ვიჩქარო? გვიყვარს ერთმანეთი და კარგად ვართ. ოჯახს მაშინ შევქმნით, როცა ამისთვის მზად ვიქნებით.
ლუკა: მაკოს გარეშე ერთი დღეც კი ვერ წარმომიდგენია. ვერ ვხვდები, მაკომ როგორ შეიძლება დილით არ გამაღვიძოს. ვეუბნები, რომ დილით დამირეკოს და მირეკავს.
მაკო: ხანდახან მებუზღუნება, რატომ მაღვიძებო... მეც ვერ წარმომიდგენია ლუკას გარეშე ცხოვრება. არამარტო შეყვარებული, უახლოესი მეგობარია.
– მაკო, როგორც მახსოვს, თქვენი გეგმები შეერთებულ შტატებში სწავლას უკავშირდებოდა.
მაკო: ორივე ვაპირებთ შტატებში წასვლას მეგობრებთან ერთად. ჩვენი გეგმები ერთმანეთს დაემთხვა.
ლუკა: მაკოს და ჩემ გარდა, ჩვენი ბავშვობის მეგობრებიც მოდიან. აგვისტოში ვაპირებდით ერთად წასვლას, მაგრამ მაკომ გადაწყვიტა, რომ ჯერ აკადემია დაამთავროს და ერთი წლის მერე წავიდეთ.
მაკო: ერთი წელი უცებ გავა, მით უმეტეს, ლუკასთან ერთად. რა თქმა უნდა, ჩვენს საზღვარგარეთ წასვლას მშობლები მხარს უჭერენ. იქ უფრო სწრაფად ყალიბდები და იზრდები, დიდი გამოცდილებაა დამოუკიდებლად ცხოვრება. ჩვენით უნდა ვიშოვოთ ფული, ფაქტობრივად ყველაფერი თავიდან უნდა დავიწყოთ. ეს კი ძალიან საინტერესოა.
ლუკა: მაკო სამსახიობოზე აპირებს ჩაბარებას, მე – სარეჟისოროზე. მივხვდი, რომ იურისტობა და არქიტექტურა არ მაინტერესებს. მინდა, რეჟისორი გავხდე, ამიტომ იქ ამ პროფესიას შევისწავლი.
მანანა ნოდია, ჟურნალი სარკე
