ნუცა ბუზალაძე: "იურმალის დიზაინერები კაბებს უკვე მიკერავენ"
2 281 ნახვა
თინეიჯერი მომღერალი, 17 წლის ნუცა ბუზალაძე, თვენახევარში იურმალას კონკურსზე უნდა გავიდეს საქართველოს სახელით. დაახლოებით უკვე წარმოდგენილი აქვს, რას ჩაიცვამს, მაგრამ საბოლოო არჩევანი მაინც იმაზეა დამოკიდებული, რა რეპერტუარი ექნება. ყოველდღიურ ცხოვრებაში კი, თანატოლების მსგავსად, ნუცასაც უყვარს შორტები, ფერად–ფერადი მაისურები, თუმცა ცდილობს, ინდივიდუალობა შეინარჩუნოს და გარშემომყოფთაგან განსხვავებული დეტალებით, ნიუანსებით იყოს გამორჩეული.
– ნუცა, ჯერ ადრეა თქვენს სტილზე ლაპარაკი, რადგან წინ ბევრი ექსპერიმენტი გაქვთ. ამჟამად რა მოგწონთ განსაკუთრებით და ვის გემოვნებას ენდობით?
– დედის და დეიდის გემოვნებას. სამოსს დეიდა ყიდულობს ჩემთვის, ამიტომ შემიძლია ვთქვა, რომ ჩემი სტილი მან ჩამოაყალიბა. ძალიან მიყვარს, როცა განსხვავებულად მაცვია და რაიმე განსხვავებული აქსესუარი მიკეთია. ვგიჟდები ქუდებზე, გაწეწილი თმით სიარულზე. შორტები ისე მიყვარს, ზაფხულს ამის გამო ველოდები. თბილისელი გოგოები ბენსიმონებით დადიან, მე კი ბენსიმონებს ვერ ვიტან. შეიძლება ისეთი საათი მეკეთოს ან ისეთი მაისური მეცვას, რაც სხვასაც აქვს, მაგრამ გააჩნია, როგორ ჩაიცვამ და ერთმანეთთან როგორ შეახამებ. ძალიან დიდ მნიშვნელობას ვანიჭებ ფერებსაც. მიყვარს ხალისიანი ფერები.
ტანსაცმელს თბილისში არ ვყიდულობ, დეიდა სტამბულში იძენს ჩემთვის. როცა მასთან ჩავდივარ, მეც დავდივარ მაღაზიებში. იქ ისეთ რაღაცეებს ვყიდულობ, რაც თბილისში დიდად მოდური არაა.
– საერთოდ ჩაცმულობა თქვენს განწყობაზე მოქმედებს?
– ზოგჯერ ღამე იმის გამო ვერ ვიძინებ, რომ დაუსრულებლად ვფიქრობ, დილით რა ჩავიცვა. სანამ არ გათენდება და არ მოვირგებ იმას, რაზეც ვფიქრობდი, ვერ ვისვენებ. თუ ისეთ ტანსაცმელს ვიცვამ, რომელიც დედას მოსწონს, მაგრამ მე – არა, განწყობა საშინლად მიფუჭდება.
ვიდრე გამოვეწყობი და სახლიდან გავალ, უამრავი დეტალია გასათვალისწინებელი – ვარცხნილობა, მაკიაჟი, რომელსაც ამხელა მნიშვნელობა აქვს, ფრჩხილები... ბევრი რამ არის საჭირო იმისთვის, რომ შეუდარებლად გამოიყურებოდე. ვფიქრობ, მომღერლისთვის თავის მოვლა უმნიშვნელოვანესია, რადგან ხალხი ამითაც გაფასებს და ვიღაცეებისთვის მისაბაძი ხდები.
– სცენისთვის როგორ სტილს ანიჭებთ უპირატესობას?
– გააჩნია სიმღერას. აკადემიური სიმღერის დროს სცენაზე შორტებით და კედებით გასვლა არ გამოვა. ჩემი სასცენო იმიჯი ძალიან განსხვავებულია, ვცდილობ, მაყურებელს ამითაც დავამახსოვრო თავი. ერთ კონცერტზე ძალიან დიდი ბაფთა მეკეთა. მიყვარს ბრჭყვიალა ფეხსაცმელები. ტყავის სამოსიც მომწონს, რომელსაც თავისი შესაფერისი ვარცხნილობა, მაკიაჟი სჭირდება.
სცენაზე სულ ახლახან დავიწყე მაღალქუსლიანი ფეხსაცმლით გამოსვლა. არც კი ვიცოდი, თუ ქუსლიან ფეხსაცმელზე სიარული შემეძლო, მაგრამ აღმოჩნდა, რომ გამომდის. მხოლოდ ერთი წყვილი მაღალქუსლიანი ფეხსაცმელი მაქვს. ვფიქრობ, უკვე ისეთ ასაკში ვარ, რომ ასეთი ფეხსაცმელებიც უნდა შევმატო გარდერობს. საშუალო სიმაღლის ვარ, ამიტომ ტელევიზიაში დაბალი რომ არ გამოვჩნდე, ჯობს, ქუსლებიანი ფეხსაცმელები გამოვიყენო. თან ამ დროს გოგო ხომ ძალიან თავდაჯერებული ხდება.
– გარეგნობისთვის სრულყოფილი ძილი და კვებაც მნიშვნელოვანია, რასაც თქვენი ასაკის გოგონები დიდ ყურადღებას არ აქცევენ.
– ჩემთვის ყველაზე მთავარი სწორი კვებაა. ერთი კვირის განმავლობაში ჩვეულებრივად რომ ვჭამო, 3 კილოს მაინც ვიმატებ. როცა ცომეულს და ტკბილეულს არ ვჭამ, არც ვიმატებ და არც ძალიან ვხდები.
– იურმალასთვის როგორ ემზადებით?
– ვვარჯიშობ, მხოლოდ ხილს და ბოსტნეულს ვჭამ, ცილებს და ნახშირწყლებს ვიღებ, რომ იურმალასთვის კარგ ფორმაში ვიყო. მინდა, კონკურსისთვის 7 კილო დავიკლო, რადგან 3 კილოს დაკლება შესამჩნევი არ იქნება და ეკრანზე ეფექტს ვერავინ დაინახავს. ახლა ცურვაც უნდა დავიწყო, რაც ყველაზე მეტად მშველის.
– იურმალას კონკურსზე როგორი კოსტიუმები გეცმევათ?
– აქედანაც მიგვაქვს ტანსაცმელი, მაგრამ იქაც მიკერავენ. ჩემს კოსტიუმებს რომელი დიზაინერი ქმნის, არ ვიცი, მაგრამ იქ პროფესიონალები ჰყავთ. თუ ჩვენი ჩატანილი კოსტიუმები არ მოეწონებათ, მაშინ ისინი ჩამაცმევენ. დაახლოებით უკვე ვიცი, როგორ სტილში მინდა სცენაზე გამოვიდე. შეიძლება შარვალიც ჩავიცვა. მაყურებლის წინაშე ყველა ტურზე აუცილებლად განსხვავებულად წარვდგები. ვნახოთ, რა სიმღერებს დაგვიმტკიცებენ და მერე შევარჩევთ ტანისამოსს.
– აქსესუარებიდან რა გიყვართ გამორჩეულად, რასაც ყველაზე ხშირად ხმარობთ?
– მიყვარს დიდი საყურეები, ოღონდ არა "ლუსტრები". უფრო თინეიჯერული, მაგალითად, ვარსკვლავები. ასევე ძალიან მომწონს ბეჭდები და საათები. ყელსაბამებს ვერ ვეგუები. საერთოდ, არ მიყვარს, როცა აქსესუარებით გადატვირთულები არიან.
– ბავშვობიდან ასეთი პრანჭია ხართ?
– პატარა რომ ვიყავი, ზამთარში ზაფხულის სამოსს ვიცვამდი და თან დღეში 7–ჯერ ვიცვლიდი, ზაფხულში კი თბილი სამოსი მეცვა. პატარა ჩანთა და პომადა არასოდეს მავიწყდებოდა. გასულ ზაფხულს აუზშიც პომადით ჩავდიოდი, არავინ მიყურებდა, მაგრამ ვიყავი ასე გამოპრანჭული.
ქეთი დინოშვილი, ჟურნალი სარკე
– ნუცა, ჯერ ადრეა თქვენს სტილზე ლაპარაკი, რადგან წინ ბევრი ექსპერიმენტი გაქვთ. ამჟამად რა მოგწონთ განსაკუთრებით და ვის გემოვნებას ენდობით?
– დედის და დეიდის გემოვნებას. სამოსს დეიდა ყიდულობს ჩემთვის, ამიტომ შემიძლია ვთქვა, რომ ჩემი სტილი მან ჩამოაყალიბა. ძალიან მიყვარს, როცა განსხვავებულად მაცვია და რაიმე განსხვავებული აქსესუარი მიკეთია. ვგიჟდები ქუდებზე, გაწეწილი თმით სიარულზე. შორტები ისე მიყვარს, ზაფხულს ამის გამო ველოდები. თბილისელი გოგოები ბენსიმონებით დადიან, მე კი ბენსიმონებს ვერ ვიტან. შეიძლება ისეთი საათი მეკეთოს ან ისეთი მაისური მეცვას, რაც სხვასაც აქვს, მაგრამ გააჩნია, როგორ ჩაიცვამ და ერთმანეთთან როგორ შეახამებ. ძალიან დიდ მნიშვნელობას ვანიჭებ ფერებსაც. მიყვარს ხალისიანი ფერები.
ტანსაცმელს თბილისში არ ვყიდულობ, დეიდა სტამბულში იძენს ჩემთვის. როცა მასთან ჩავდივარ, მეც დავდივარ მაღაზიებში. იქ ისეთ რაღაცეებს ვყიდულობ, რაც თბილისში დიდად მოდური არაა.
– საერთოდ ჩაცმულობა თქვენს განწყობაზე მოქმედებს?
– ზოგჯერ ღამე იმის გამო ვერ ვიძინებ, რომ დაუსრულებლად ვფიქრობ, დილით რა ჩავიცვა. სანამ არ გათენდება და არ მოვირგებ იმას, რაზეც ვფიქრობდი, ვერ ვისვენებ. თუ ისეთ ტანსაცმელს ვიცვამ, რომელიც დედას მოსწონს, მაგრამ მე – არა, განწყობა საშინლად მიფუჭდება.
ვიდრე გამოვეწყობი და სახლიდან გავალ, უამრავი დეტალია გასათვალისწინებელი – ვარცხნილობა, მაკიაჟი, რომელსაც ამხელა მნიშვნელობა აქვს, ფრჩხილები... ბევრი რამ არის საჭირო იმისთვის, რომ შეუდარებლად გამოიყურებოდე. ვფიქრობ, მომღერლისთვის თავის მოვლა უმნიშვნელოვანესია, რადგან ხალხი ამითაც გაფასებს და ვიღაცეებისთვის მისაბაძი ხდები.
– სცენისთვის როგორ სტილს ანიჭებთ უპირატესობას?
– გააჩნია სიმღერას. აკადემიური სიმღერის დროს სცენაზე შორტებით და კედებით გასვლა არ გამოვა. ჩემი სასცენო იმიჯი ძალიან განსხვავებულია, ვცდილობ, მაყურებელს ამითაც დავამახსოვრო თავი. ერთ კონცერტზე ძალიან დიდი ბაფთა მეკეთა. მიყვარს ბრჭყვიალა ფეხსაცმელები. ტყავის სამოსიც მომწონს, რომელსაც თავისი შესაფერისი ვარცხნილობა, მაკიაჟი სჭირდება.
სცენაზე სულ ახლახან დავიწყე მაღალქუსლიანი ფეხსაცმლით გამოსვლა. არც კი ვიცოდი, თუ ქუსლიან ფეხსაცმელზე სიარული შემეძლო, მაგრამ აღმოჩნდა, რომ გამომდის. მხოლოდ ერთი წყვილი მაღალქუსლიანი ფეხსაცმელი მაქვს. ვფიქრობ, უკვე ისეთ ასაკში ვარ, რომ ასეთი ფეხსაცმელებიც უნდა შევმატო გარდერობს. საშუალო სიმაღლის ვარ, ამიტომ ტელევიზიაში დაბალი რომ არ გამოვჩნდე, ჯობს, ქუსლებიანი ფეხსაცმელები გამოვიყენო. თან ამ დროს გოგო ხომ ძალიან თავდაჯერებული ხდება.
– გარეგნობისთვის სრულყოფილი ძილი და კვებაც მნიშვნელოვანია, რასაც თქვენი ასაკის გოგონები დიდ ყურადღებას არ აქცევენ.
– ჩემთვის ყველაზე მთავარი სწორი კვებაა. ერთი კვირის განმავლობაში ჩვეულებრივად რომ ვჭამო, 3 კილოს მაინც ვიმატებ. როცა ცომეულს და ტკბილეულს არ ვჭამ, არც ვიმატებ და არც ძალიან ვხდები.
– იურმალასთვის როგორ ემზადებით?
– ვვარჯიშობ, მხოლოდ ხილს და ბოსტნეულს ვჭამ, ცილებს და ნახშირწყლებს ვიღებ, რომ იურმალასთვის კარგ ფორმაში ვიყო. მინდა, კონკურსისთვის 7 კილო დავიკლო, რადგან 3 კილოს დაკლება შესამჩნევი არ იქნება და ეკრანზე ეფექტს ვერავინ დაინახავს. ახლა ცურვაც უნდა დავიწყო, რაც ყველაზე მეტად მშველის.
– იურმალას კონკურსზე როგორი კოსტიუმები გეცმევათ?
– აქედანაც მიგვაქვს ტანსაცმელი, მაგრამ იქაც მიკერავენ. ჩემს კოსტიუმებს რომელი დიზაინერი ქმნის, არ ვიცი, მაგრამ იქ პროფესიონალები ჰყავთ. თუ ჩვენი ჩატანილი კოსტიუმები არ მოეწონებათ, მაშინ ისინი ჩამაცმევენ. დაახლოებით უკვე ვიცი, როგორ სტილში მინდა სცენაზე გამოვიდე. შეიძლება შარვალიც ჩავიცვა. მაყურებლის წინაშე ყველა ტურზე აუცილებლად განსხვავებულად წარვდგები. ვნახოთ, რა სიმღერებს დაგვიმტკიცებენ და მერე შევარჩევთ ტანისამოსს.
– აქსესუარებიდან რა გიყვართ გამორჩეულად, რასაც ყველაზე ხშირად ხმარობთ?
– მიყვარს დიდი საყურეები, ოღონდ არა "ლუსტრები". უფრო თინეიჯერული, მაგალითად, ვარსკვლავები. ასევე ძალიან მომწონს ბეჭდები და საათები. ყელსაბამებს ვერ ვეგუები. საერთოდ, არ მიყვარს, როცა აქსესუარებით გადატვირთულები არიან.
– ბავშვობიდან ასეთი პრანჭია ხართ?
– პატარა რომ ვიყავი, ზამთარში ზაფხულის სამოსს ვიცვამდი და თან დღეში 7–ჯერ ვიცვლიდი, ზაფხულში კი თბილი სამოსი მეცვა. პატარა ჩანთა და პომადა არასოდეს მავიწყდებოდა. გასულ ზაფხულს აუზშიც პომადით ჩავდიოდი, არავინ მიყურებდა, მაგრამ ვიყავი ასე გამოპრანჭული.
ქეთი დინოშვილი, ჟურნალი სარკე
