როგორ იკვებება, რა ასაკიდან უვლის კანს და რა ექსპერიმენტებს ატარებს საკუთარ თმაზე თამთა გოდუაძე
1 980 ნახვა
საბერძნეთის შოუბიზნესის ქართველ ვარსკვლავს, მომღერალ თამთა გოდუაძეს, უყვარს საკუთარ სტილსა და გარეგნობაში თამამი ექსპერიმენტები. ამაში ბუნებრივი მონაცემები, აღნაგობა უწყობს ხელს, რადგან ის, რამაც სხვა შეიძლება ვულგარულად და ზედმეტად გამომწვევად წარმოაჩინოს, თამთაზე სრულიად სხვაგვარად ჩანს. საბერძნეთში და ახლა უკვე საქართველოშიც მომღერლის ყოველი გამოჩენისას ეკრანსა თუ სცენაზე, მისი ორიგინალურ–ექსცენტრული სტილი ყოველთვის განხილვის თემა ხდება. "რაც უნდა ჩავიცვა, ვულგარული არასოდეს ვიქნები. ძალიან თხელი ვარ, ძვლებიც თხელი მაქვს, არ მაქვს დიდი მკერდი, ამიტომ ნებისმიერი კოსტიუმი ჩემზე ლამაზად ზის და არა – ვულგარულად. ძალიან ამოღებულიც რომ ჩავიცვა, არასოდეს იყვირებს ისე, როგორც სხვა ქალის ტანზე. ამიტომაც ალბათ სხვებთან შედარებით უფრო თამამი ვარ", – ამბობდა თამთა აპრილში "სარკისთვის" მიცემულ ექსკლუზიურ ინტერვიუში.
იმავე ინტერვიუში მომღერალი ხაზს უსვამდა, რომ მისი გარეგნობა აბსოლუტურად ნატურალურია, ყოველგვარი პლასტიკური ჩარევის გარეშე: "საერთოდ არაფერი მაქვს გაკეთებული. კარგად შემომხედეთ და მიხვდებით, რომ ცხვირიც კი არ მაქვს გაკეთებული, არადა ცოტა მარჯვნივ იხრება და კარგი იქნებოდა, შემეცვალა. გარეგნობაში არაფრის შეცვლა მინდა. დიდმკერდიანი ქალები ძალიან მომწონს, მაგრამ ჩემს სტილს არ მოუხდება".
თამთას ცხოვრების წესი სწორი კვება და, ყველაზე მთავარი, ვარჯიშია. უკვე 20 წელია ვარჯიშობს და დარწმუნებულია, რომ ეს არამხოლოდ გარეგნულად, შინაგანადაც უკეთესს ხდის ადამიანს.
– თამთა, ყველა კონცერტზე ჟიურიში სულ სხვადასხვაგვარი თამთა გოდუაძე ზის. თქვენს ცვალებად გარეგნულ იმიჯს პროექტის ფორმატი ითხოვს?
– იმიჯი პროექტისთვის ნამდვილად არ შემიქმნია, ასეთი ვარ. ძალიან მიყვარს ცვლილებები. მალე მბეზრდება ერთი და იგივე სტილი. მიმაჩნია, რომ ეს ყველაფერი ჩემს საქმეს უხდება კიდეც. საშუალება როცა მაქვს, ცვლილებების სიყვარულს ყოველთვის ვამჟღავნებ.
– მოდით, თქვენს ვარცხნილობებზე ვისაუბროთ. დარჩა კიდევ რაიმე, რაც ჯერ თქვენს თმას არ გამოუცდია?
– ძალიან ბევრი ექსპერიმენტი მაქვს თმაზე ჩატარებული, მაგრამ ვფიქრობ, რომ კიდევ ბევრი მაქვს დარჩენილი. მაგალითად, ძალიან მინდოდა თმის გადაპარსვა, მაგრამ საბერძნეთში ჩემმა მენეჯერებმა სასტიკად ამიკრძალეს, მითხრეს, ეკრანზე ასეთი სტილი კარგად არ ჩანსო. თმა ძალიან მოკლედ, ბიჭურადაც შემიჭრია, სხვადასხვა ფერად შემიღებავს, მათ შორის – მწვანედ, შავად თუ წითლად. ვარცხნილობებით ძირითადად ვერთობი. სცენაზე პარიკსაც ვიყენებ, რომ ჩემი თმა შეძლებისდაგვარად აღარ დავტანჯო სხვადასხვა ექსპერიმენტით. მსოფლიო ვარსკვლავებიც ძირითად შემთხვევებში პარიკს იყენებენ.
– ფერების მიმართ თქვენი სიყვარული თვალშისაცემია. ფერები თქვენს განწყობას გამოხატავს?
– ხშირად ამბობენ, რომ ხასიათის მიხედვით იცვამენ, მე კი – პირიქით, ვიცვამ ისე, როგორ ხასიათზეც, მინდა, ვიყო. სამოსი მიქმნის განწყობას. არ მიმაჩნია, რომ ფერთა შეხამებაში აკრძალვები უნდა არსებობდეს. მაგალითად, არ ვეთანხმები შეხედულებას, რომ შავს ყავისფერი არ უხდება. გააჩნია, როგორ ჩაიცვამ. შეიძლება ამის უნარი ყველას არ გააჩნდეს.
– როგორ ფიქრობთ, თქვენი კარიერა საბერძნეთში რომ არ განვითარებულიყო, საქართველოში ის სტილი გექნებოდათ, რაც დღეს გაქვთ?
– არ ვიცი, შეიძლება ეს სტილი აქ არ შექმნილიყო, შეიძლება – შექმნილიყო კიდეც. მაინც არ მგონია, აქ თუ დავიწყებდი მომღერლის კარიერას, ისეთივე იმიჯით გავიდოდი სცენაზე, როგორც საბერძნეთში გავდივარ. აქ ძალიან მოკლე კაბა თუ გაცვია, პირდაპირ რაღაც იარლიყს გაკრავენ. ალბათ საქართველოში ყველა ამიტომ ვერ ახერხებს თავისუფლად ჩაცმას.
საბერძნეთში ასე არ ხდება. იქ გიყურებენ, როგორც ხელოვანს. იქ შეიძლება ყველას არ მოსწონდე, მაგრამ ეს არ გზღუდავს. ზოგადად, მასაზე გათვლილი ტანსაცმლის ჩაცმა უფრო ადვილია, ვიდრე მხოლოდ გარკვეულ კატეგორიაზე. რა უნდა ჩაიცვა იმისთვის, რომ ყველას მოეწონო? უბრალო რამ, რაც არავის გააღიზიანებს. მე კი არ შემიძლია არ ჩავიცვა ის, რაც მომწონს, მხოლოდ იმიტომ, რომ ვიღაცამ რაღაც არ თქვას. სამოსით გამოვხატავ ჩემს შინაგან სამყაროს.
– თქვენი ორიგინალური და გამორჩეული სტილი დიდ ფინანსებს მოითხოვს?
– არ გავეკუთვნები იმ კატეგორიას, რომელიც ფიქრობს, რომ აუცილებლად ძვირადღირებული სამოსი უნდა მოირგოს. მე, პირადად, ძვირ მაღაზიებს არ ვეტანები. ეს მხოლოდ მაშინ ხდება, როცა სასცენო სამოსს ეხება საქმე. ტანსაცმელში ძვირს არ ვაძლევ იმიტომ, რომ მაქვს ბედნიერება, საბერძნეთში ყველა დიზაინერთან ვიმუშაო და იქ ფულს არ ვიხდი. ერთადერთი, რაშიც შეიძლება ძვირი გადავიხადო, ეს ფეხსაცმელია. არ მიმაჩნია ძვირადღირებული სამოსის ჩაცმა აუცილებლობად და არც ფასი განსაზღვრავს სამოსს. არც მოდაში შემოსული ყველა სტილის აუცილებლად მორგება მიმაჩნია სწორად. ზოგს არ უხდება ის, რაც მოდაშია კონკრეტულ პერიოდში. უნდა გვეცვას ის, რაც გვიხდება.
– თქვენი თხელი ფიგურა რისი დამსახურებაა – დიეტის თუ გენეტიკის?
– მქონდა ცხოვრებაში ეტაპი, როცა დიეტასაც ვიცავდი. ბოლო 10 წელია დიეტებს არ ვიცავ, უბრალოდ ვცდილობ, რომ ჯანსაღად ვიკვებო. რა თქმა უნდა, ვვარჯიშობ და ეს უკვე 20 წელია გრძელდება.
– რას ნიშნავს თქვენთვის ჯანსაღი კვება?
– სამწუხაროდ, ამჟამად საქართველოში კვების რეჟიმს საერთოდ არ ვაქცევ ყურადღებას, მაგრამ, რადგან სულ ვვარჯიშობ, ამგვარი ამოვარდნები არაფრით მემუქრება.
საერთოდ ჩემთვის ჯანსაღი კვება გულისხმობს: დღეში ხშირ–ხშირად ჭამას. ძირითადად მშრალ საკვებს ვიღებ, რადგან ვვარჯიშობ და ასეთ დროს აუცილებელია ცხიმიან და თუნდაც წვნიან საკვებზე უარის თქმა. ძირითადად ვიღებ ხორცს, თუმცა ეს იმას არ ნიშნავს, რომ მუდმივად ამგვარად ვიკვებები. დროდადრო ჩვეულებრივად ვჭამ, ანუ თავს არ ვიზღუდავ. ეს დიეტა არ არის, მით უმეტეს, რომ დღეში ოთხჯერ ვიკვებები. აუცილებლად ვიღებ ბევრ წყალს.
– ადრე "სარკესთან" აღნიშნეთ, რომ პლასტიკური ქირურგია არასდროს გამოგიყენებიათ. არც ბოტოქსი?
– არა, ჯერ არაფერი გამომიყენებია. ვფიქრობ, რომ არ მჭირდება. არავის ვგმობ, ვინც ამას აკეთებს, რომ უფრო კარგად გამოიყურებოდეს. მე მირჩევნია და მომწონს ბუნებრიობა, მაგრამ ადამიანს თუ რაიმეს გამოსწორება უნდა გარეგნობაში, უნდა გამოისწოროს. ზოგს ამ დროს ზედმეტი მოსდის, მაგრამ მე არ ვარ ის ადამიანი, ვინმე გავაკრიტიკო. არ ვამბობ, რომ ისეთი სრულყოფილი ვარ, არაფრის შეცვლა მჭირდება. ყველა ადამიანს უნდა რაღაც სხვანაირი ჰქონდეს, მაგრამ ამ დეტალების დამალვა და რაც კარგი გაქვს, იმის წარმოჩენა – ადვილია. რაც არ მომწონს, იმას ჩემს ჩაცმულობაში ხაზს არ ვუსვამ.
– კანს როგორ უვლით?
– მიუხედავად იმისა, რომ შოუბიზნესის წევრი ვარ, ეს კი ნიშნავს ძალიან ბევრი მაკიაჟის ხშირად გამოყენებას, კანის საცხებს მხოლოდ 28 წლიდან მივაქციე ყურადღება. როცა შემიძლია, კანს მაკიაჟისგან ვასვენებ, ქუჩაში, ყოველდღიურად მას არასდროს ვიყენებ.
ვერ ვიტყვი, რომ კანის მოვლისთვის სასწაულებს ვაკეთებ. მეც ისე ვუვლი, ალბათ როგორც ყველა ქალმა უნდა მოუაროს გარკვეული ასაკის შემდეგ – მკვებავი საცხებით თუ სხვა საშუალებებით.
– 18 წლის ქალიშვილი გყავთ. მას რა რჩევებს აძლევთ ან შესაძლებელია უკვე მისგან იღებთ რჩევებს თავის მოვლის, სტილისა თუ ვარცხნილობის შესახებ.
– 18 წლის ასაკში თავის მოვლასთან დაკავშირებით რა უნდა ვურჩიო? ჩემი აზრით, ჯანსაღი კვება აუცილებელია. სპორტი კი არამხოლოდ გარეგნულად, შინაგანადაც უკეთესს გვხდის. ამას ვეუბნები ჩემს შვილსაც.
– დაბოლოს, თამთა, ვინ გიყურებთ სარკიდან, როგორ შეაფასებთ საკუთარ ორეულს?
– ცხოვრების სხვადასხვა ეტაპზე სხვანაირად აღიქვამ ორეულს. ძირითად შემთხვევაში ვხედავ ძლიერ ქალს. ვარ კიდეც ძლიერი, მაგრამ ხანდახან სარკეში მეტად ძლიერ, გმირის ამპლუამორგებულ ქალს ვხედავ. ალბათ უფრო ძლიერი ვარ, მაგრამ ამავდროულად – ქალი.
მანანა ნოდია, ჟურნალი სარკე
იმავე ინტერვიუში მომღერალი ხაზს უსვამდა, რომ მისი გარეგნობა აბსოლუტურად ნატურალურია, ყოველგვარი პლასტიკური ჩარევის გარეშე: "საერთოდ არაფერი მაქვს გაკეთებული. კარგად შემომხედეთ და მიხვდებით, რომ ცხვირიც კი არ მაქვს გაკეთებული, არადა ცოტა მარჯვნივ იხრება და კარგი იქნებოდა, შემეცვალა. გარეგნობაში არაფრის შეცვლა მინდა. დიდმკერდიანი ქალები ძალიან მომწონს, მაგრამ ჩემს სტილს არ მოუხდება".
თამთას ცხოვრების წესი სწორი კვება და, ყველაზე მთავარი, ვარჯიშია. უკვე 20 წელია ვარჯიშობს და დარწმუნებულია, რომ ეს არამხოლოდ გარეგნულად, შინაგანადაც უკეთესს ხდის ადამიანს.
– თამთა, ყველა კონცერტზე ჟიურიში სულ სხვადასხვაგვარი თამთა გოდუაძე ზის. თქვენს ცვალებად გარეგნულ იმიჯს პროექტის ფორმატი ითხოვს?
– იმიჯი პროექტისთვის ნამდვილად არ შემიქმნია, ასეთი ვარ. ძალიან მიყვარს ცვლილებები. მალე მბეზრდება ერთი და იგივე სტილი. მიმაჩნია, რომ ეს ყველაფერი ჩემს საქმეს უხდება კიდეც. საშუალება როცა მაქვს, ცვლილებების სიყვარულს ყოველთვის ვამჟღავნებ.
– მოდით, თქვენს ვარცხნილობებზე ვისაუბროთ. დარჩა კიდევ რაიმე, რაც ჯერ თქვენს თმას არ გამოუცდია?
– ძალიან ბევრი ექსპერიმენტი მაქვს თმაზე ჩატარებული, მაგრამ ვფიქრობ, რომ კიდევ ბევრი მაქვს დარჩენილი. მაგალითად, ძალიან მინდოდა თმის გადაპარსვა, მაგრამ საბერძნეთში ჩემმა მენეჯერებმა სასტიკად ამიკრძალეს, მითხრეს, ეკრანზე ასეთი სტილი კარგად არ ჩანსო. თმა ძალიან მოკლედ, ბიჭურადაც შემიჭრია, სხვადასხვა ფერად შემიღებავს, მათ შორის – მწვანედ, შავად თუ წითლად. ვარცხნილობებით ძირითადად ვერთობი. სცენაზე პარიკსაც ვიყენებ, რომ ჩემი თმა შეძლებისდაგვარად აღარ დავტანჯო სხვადასხვა ექსპერიმენტით. მსოფლიო ვარსკვლავებიც ძირითად შემთხვევებში პარიკს იყენებენ.
– ფერების მიმართ თქვენი სიყვარული თვალშისაცემია. ფერები თქვენს განწყობას გამოხატავს?
– ხშირად ამბობენ, რომ ხასიათის მიხედვით იცვამენ, მე კი – პირიქით, ვიცვამ ისე, როგორ ხასიათზეც, მინდა, ვიყო. სამოსი მიქმნის განწყობას. არ მიმაჩნია, რომ ფერთა შეხამებაში აკრძალვები უნდა არსებობდეს. მაგალითად, არ ვეთანხმები შეხედულებას, რომ შავს ყავისფერი არ უხდება. გააჩნია, როგორ ჩაიცვამ. შეიძლება ამის უნარი ყველას არ გააჩნდეს.
– როგორ ფიქრობთ, თქვენი კარიერა საბერძნეთში რომ არ განვითარებულიყო, საქართველოში ის სტილი გექნებოდათ, რაც დღეს გაქვთ?
– არ ვიცი, შეიძლება ეს სტილი აქ არ შექმნილიყო, შეიძლება – შექმნილიყო კიდეც. მაინც არ მგონია, აქ თუ დავიწყებდი მომღერლის კარიერას, ისეთივე იმიჯით გავიდოდი სცენაზე, როგორც საბერძნეთში გავდივარ. აქ ძალიან მოკლე კაბა თუ გაცვია, პირდაპირ რაღაც იარლიყს გაკრავენ. ალბათ საქართველოში ყველა ამიტომ ვერ ახერხებს თავისუფლად ჩაცმას.
საბერძნეთში ასე არ ხდება. იქ გიყურებენ, როგორც ხელოვანს. იქ შეიძლება ყველას არ მოსწონდე, მაგრამ ეს არ გზღუდავს. ზოგადად, მასაზე გათვლილი ტანსაცმლის ჩაცმა უფრო ადვილია, ვიდრე მხოლოდ გარკვეულ კატეგორიაზე. რა უნდა ჩაიცვა იმისთვის, რომ ყველას მოეწონო? უბრალო რამ, რაც არავის გააღიზიანებს. მე კი არ შემიძლია არ ჩავიცვა ის, რაც მომწონს, მხოლოდ იმიტომ, რომ ვიღაცამ რაღაც არ თქვას. სამოსით გამოვხატავ ჩემს შინაგან სამყაროს.
– თქვენი ორიგინალური და გამორჩეული სტილი დიდ ფინანსებს მოითხოვს?
– არ გავეკუთვნები იმ კატეგორიას, რომელიც ფიქრობს, რომ აუცილებლად ძვირადღირებული სამოსი უნდა მოირგოს. მე, პირადად, ძვირ მაღაზიებს არ ვეტანები. ეს მხოლოდ მაშინ ხდება, როცა სასცენო სამოსს ეხება საქმე. ტანსაცმელში ძვირს არ ვაძლევ იმიტომ, რომ მაქვს ბედნიერება, საბერძნეთში ყველა დიზაინერთან ვიმუშაო და იქ ფულს არ ვიხდი. ერთადერთი, რაშიც შეიძლება ძვირი გადავიხადო, ეს ფეხსაცმელია. არ მიმაჩნია ძვირადღირებული სამოსის ჩაცმა აუცილებლობად და არც ფასი განსაზღვრავს სამოსს. არც მოდაში შემოსული ყველა სტილის აუცილებლად მორგება მიმაჩნია სწორად. ზოგს არ უხდება ის, რაც მოდაშია კონკრეტულ პერიოდში. უნდა გვეცვას ის, რაც გვიხდება.
– თქვენი თხელი ფიგურა რისი დამსახურებაა – დიეტის თუ გენეტიკის?
– მქონდა ცხოვრებაში ეტაპი, როცა დიეტასაც ვიცავდი. ბოლო 10 წელია დიეტებს არ ვიცავ, უბრალოდ ვცდილობ, რომ ჯანსაღად ვიკვებო. რა თქმა უნდა, ვვარჯიშობ და ეს უკვე 20 წელია გრძელდება.
– რას ნიშნავს თქვენთვის ჯანსაღი კვება?
– სამწუხაროდ, ამჟამად საქართველოში კვების რეჟიმს საერთოდ არ ვაქცევ ყურადღებას, მაგრამ, რადგან სულ ვვარჯიშობ, ამგვარი ამოვარდნები არაფრით მემუქრება.
საერთოდ ჩემთვის ჯანსაღი კვება გულისხმობს: დღეში ხშირ–ხშირად ჭამას. ძირითადად მშრალ საკვებს ვიღებ, რადგან ვვარჯიშობ და ასეთ დროს აუცილებელია ცხიმიან და თუნდაც წვნიან საკვებზე უარის თქმა. ძირითადად ვიღებ ხორცს, თუმცა ეს იმას არ ნიშნავს, რომ მუდმივად ამგვარად ვიკვებები. დროდადრო ჩვეულებრივად ვჭამ, ანუ თავს არ ვიზღუდავ. ეს დიეტა არ არის, მით უმეტეს, რომ დღეში ოთხჯერ ვიკვებები. აუცილებლად ვიღებ ბევრ წყალს.
– ადრე "სარკესთან" აღნიშნეთ, რომ პლასტიკური ქირურგია არასდროს გამოგიყენებიათ. არც ბოტოქსი?
– არა, ჯერ არაფერი გამომიყენებია. ვფიქრობ, რომ არ მჭირდება. არავის ვგმობ, ვინც ამას აკეთებს, რომ უფრო კარგად გამოიყურებოდეს. მე მირჩევნია და მომწონს ბუნებრიობა, მაგრამ ადამიანს თუ რაიმეს გამოსწორება უნდა გარეგნობაში, უნდა გამოისწოროს. ზოგს ამ დროს ზედმეტი მოსდის, მაგრამ მე არ ვარ ის ადამიანი, ვინმე გავაკრიტიკო. არ ვამბობ, რომ ისეთი სრულყოფილი ვარ, არაფრის შეცვლა მჭირდება. ყველა ადამიანს უნდა რაღაც სხვანაირი ჰქონდეს, მაგრამ ამ დეტალების დამალვა და რაც კარგი გაქვს, იმის წარმოჩენა – ადვილია. რაც არ მომწონს, იმას ჩემს ჩაცმულობაში ხაზს არ ვუსვამ.
– კანს როგორ უვლით?
– მიუხედავად იმისა, რომ შოუბიზნესის წევრი ვარ, ეს კი ნიშნავს ძალიან ბევრი მაკიაჟის ხშირად გამოყენებას, კანის საცხებს მხოლოდ 28 წლიდან მივაქციე ყურადღება. როცა შემიძლია, კანს მაკიაჟისგან ვასვენებ, ქუჩაში, ყოველდღიურად მას არასდროს ვიყენებ.
ვერ ვიტყვი, რომ კანის მოვლისთვის სასწაულებს ვაკეთებ. მეც ისე ვუვლი, ალბათ როგორც ყველა ქალმა უნდა მოუაროს გარკვეული ასაკის შემდეგ – მკვებავი საცხებით თუ სხვა საშუალებებით.
– 18 წლის ქალიშვილი გყავთ. მას რა რჩევებს აძლევთ ან შესაძლებელია უკვე მისგან იღებთ რჩევებს თავის მოვლის, სტილისა თუ ვარცხნილობის შესახებ.
– 18 წლის ასაკში თავის მოვლასთან დაკავშირებით რა უნდა ვურჩიო? ჩემი აზრით, ჯანსაღი კვება აუცილებელია. სპორტი კი არამხოლოდ გარეგნულად, შინაგანადაც უკეთესს გვხდის. ამას ვეუბნები ჩემს შვილსაც.
– დაბოლოს, თამთა, ვინ გიყურებთ სარკიდან, როგორ შეაფასებთ საკუთარ ორეულს?
– ცხოვრების სხვადასხვა ეტაპზე სხვანაირად აღიქვამ ორეულს. ძირითად შემთხვევაში ვხედავ ძლიერ ქალს. ვარ კიდეც ძლიერი, მაგრამ ხანდახან სარკეში მეტად ძლიერ, გმირის ამპლუამორგებულ ქალს ვხედავ. ალბათ უფრო ძლიერი ვარ, მაგრამ ამავდროულად – ქალი.
მანანა ნოდია, ჟურნალი სარკე
