როგორ იგებს პეტრა კვიტოვა

2011. უიმბლდონის ცენტრალურ კორტზე დედოფალმა ახალი დედოფალი დააჯილდოვა. პეტრა კვიტოვა. მაღალი, აგრესიული ჩეხი. და ფინალში მის კვიტოვა უგებს მარია შარაპოვას. მაშა ყველას ფავორიტი იყო და კვიტოვამ შარაპოვას აგრესია დაშალა, გადაფარა.

დღეს, უიმბლდონზე პეტრა გოგონების ბადეში დარჩენილი ერთადერთი ყოფილი ჩემპიონია. ყველამ წააგო. სერენა უილიამსს აწყენინა ფრანგმა ალიზ კორნემ. შარაპოვა გებელსის დაქალთან, ანგელიკ კერბერთან აგებს და ფრაუ კერბერი იმსახურებდა იმ მოგებას. შარაპოვა ისვენებს. ნა ლი უბრალოდ, ცუდ ფორმაშია და ზაჰლავოვა-სტრიკოვასთან წარუმატებლობა ლოგიკური იყო. ვიკა აზარენკა ჯერ ვერ შევიდა ფორმაში და ვიკა მოუმატებს. რჩებიან თინეიჯერები და კვიტოვა.

მეოთხედფინალში პეტრამ ზაჰლავოვა-სტრიკოვას მოუგო. მშვიდად და ბევრი შეცდომით. შარმით და გემოვნებით. კვიტოვას სტილში მოუგო.

6:1, 7:5.

პეტრას აქტიურად მოგებული 29 ქულა დაუგროვდა. მის მოწინააღმდეგეს - მხოლოდ 5.

კვიტოვა აკურატულია - მხოლოდ 1 ორმაგი შეცდომა. მეორე ჩეხს - 6.

პეტრას 14 ბრეიქ პოინტი ჰქონდა და მეორე ჩეხს - 4.

კვიტოვა ბადესთან გასვლით, არითმიით თამაშობს და ამ რეიდების 70 პროცენტს იგებს. ბალახზე თამაშის კლასიკა.

პეტრა გამოცდილებით იგებს. შარშან კვიტოვა მეოთხედფინალში მოულოდნელად აგებს ბელგიელთან, მის კირსტენ ფლიპკენსთან. ზედიზედ მეორე იაღლიში არ განმეორდა. პეტრამ ფავორიტულად ითამაშა.

პირველ წრეში კვიტოვამ ისპარინგა ანდრეა ჰლავაჩკოვასთან. 6:3, 6:0.

მეორე წრეში მოდის კარგი გერმანელი მონა ბარტელი. პეტრამ ბარტელი გააფუჭა, 6:2, 6:0 55 წუთში.

მესამე წრე - ტურნირის ერთ-ერთი საუკეთესო გარჩევა. ვენუს უილიამსთან ჩეხი აგებს პირველ სეტს 5:7. იგებს შემდეგ ორ სეტს (7:6, 7:5) და ისვენებს. მძიმე გარჩევა იყო.

მეოთხე წრეში პეტრა შუაი პენს 61 წუთში დაელაპარაკა. 6:3, 6:2.

ნახევარფინალში მოდის კიდევ ერთი ჩეხი. მის საფარჟოვა.

პეტრა ისევ ფავორიტია.

რაღაცეები არ იცვლება.

news.ge