ახალი ვარცხნილობა შეყვარებულებისთვის - "უთო თავზე"

54 წლის მეცნიერმა შეყვარებულის მოსახიბლად ვარცხნილობა გამოიყენა. ტაივანის უნივერსიტეტის კლინიკის პროფესორმა, ვუ ლეიმ, რომელსაც ბევრად უმცროსი ქალი შეუყვარდა, რჩეულის ყურადღების მისაპყრობად უკეთესი ვერაფერი მოიფიქრა. მივიდა სალონში და თმა შუბლსა და საფეთქლების მიდამოში შეიჭრა. დანარჩენი თმით კი სტილიტს საოცარი ვარცხნილობა - "უთო თავზე" გააკეთებინა.

ვუ ლეის თავისი საქციელის მიზეზი არ დაუმალავს - ყველას გააგებინა, რომ ეს გაბედული ნაბიჯი 23 წლის ლინგ ლინის გულის მოსაგებად გადადგა. "მინდა ჩემმა შეყვარებულმა ბრბოსგან გამომარჩიოს", - განაცხადა ლეიმ, თუმცა ახალგაზრდა ქალისგან მოსალოდნელი რეაქცია ვერ მიიღო.


ლინგ ლინმა ექსტრავაგანტულ თაყვანიმცემელს საბოლოოდ აქცია ზურგი. მისი თქმით, ისეთი მამაკაცის გვერდით გამოჩენა, რომელიც "ლეგოს" ფიგურას ჰგავს, სამარცხვინოა. ვუმ ვერა და ვერ გაიგო, რით დააფრთხო საოცნებო ქალი. სამაგიეროდ, სიყვარულისგან გაბზარული გულის გადასაყოლებლად ახალი საქმიანობა გამოუჩნდა - დღეში 2 საათი და 2 ქილა გელი სჭირდება თმის წესრიგში მოსაყვანად.

მომზადებულია Daily Mail-ის მიხედვით.