რატომ არ თანხმდება ვახო ჩაჩანიძის გმირს ცოლი სექსზე

'მგონი, დღესაც არ გვექნება სექსი'', ასე ჰქვია, გოგა ოსეფაშვილის მოკლემეტრაჟიან ფილმს, სადაც ანი სანაია და ვახო ჩაჩანიძე ცოლ-ქმრის როლს ასრულებენ. ვახო ჩაჩანიძის გმირს ცოლი სექსზე უარს ეუბნება, რადგან უნდა, მეუღლეს უბრალოდ უყვარდეს. ქმარი გადაწყვეტს, ცოლთან ერთად გაატაროს მომდევნო დღე და მეუღლესთან ერთად საყიდლებზე წავა. ცოლს უარს არაფერზე ეუბნება და ყველაფრის ყიდვაზე თანხმდება...
ფილმში არ ჩანს, საბოლოოდ ერთად რჩებიან თუ არა ცოლ-ქმარი, თუმცა ერთი რამ შეიძლება დანამდვილებით ითქვას, რომ ვახო ჩაჩანიძის გმირს, მეუღლესთან სექსი კიდევ დიდხანს არ ექნება. ფილმთან დაკავშირებით ანი სანაიას ვესაუბრეთ.

- ანი, ''მგონი დღესაც არ გვექნება სექსი'' გოგა ოსეფაშვილის პირველი ნამუშევარია?
- არა, ძალიან ბევრი მოკლემეტრაჟიანი ფილმი აქვს გადაღებული
- დიდი ხანი მიმდინარეობდა გადაღებები?
- მხოლოდ ერთი დღე.
- რთული იყო ვახო ჩაჩანიძესთან ერთად საწოლის სცენების გადაღება?
- არანაირად.
- ვახო ჩაჩანიძე ამ ფილმზე გადაღებებისას გაიცანი?
- არა, დიდი ხანია ვიცნობ და ვმეგობრობთ. მოზარდ მაყურებელის თეატრში ერთად ვთამაშობთ რამდენიმე სპექტაკლში.
- შენს გმირზე რა აზრის ხარ?
- ძალიან მომეწონა სცენარი. რომ წავიკითხე, მაშინვე დავთანხმდი ფილმში მონაწილეობაზე. საინტერესო იყო ამ გმირზე მუშაობა.
- შენს გმირს გავხარ?
- არა.
- საყიდლებზე მეუღლესთან ერთად რომ წახვიდე, ბევრ რამეს არ იყიდი?
- არ ვიცი, არ მყავს მეუღლე.

მერი კობიაშვილი