ჯასტინ ბიბერს ორწლიანი პირობითი სასჯელის მოხდა ემუქრება

კანადელ მუსიკოსს, ჯასტინ ბიბერს ლოს ანჟელესის სასამართლომ განაჩენი გამოუტანა. მომღერალს ორი წლით პირობითი სასჯელის მოხდა მოუწევს. ამას გარდა, მან 81 ათასი დოლარის ოდენობის ჯარიმა უნდა გადაიხადოს, 5 დღე საზოგადოებრივ სამუშაოებში უნდა ჩაერთოს და 12 კვირა მრისხანებასთან ბრძოლის კურსიც უნდა გაიაროს. ბიბერს განაჩენის გასაჩივრება არ უცდია. შეგახსენებთ, რომ ინციდენტი ჯასტინს 2014 წლის იანვარში, ქალაქ კალაბასში შეემთხვა, როდესაც მან მეზობლის სახლს კვერცხები დაუშინა. დაზარალებულმა პოლიციაში საჩივარი დაწერა და ფაქტის დამამტკიცებელი ვიდეოც წარადგინა.