ია სუხიტაშვილი: "არც მე ვარ ტიპური ქართველი ცოლი და არც მიშა მესხია ტიპური ქართველი ქმარი"
1 855 ნახვა
მსახიობების წყვილის, ია სუხიტაშვილისა და მიშა მესხის ცხოვრებაში ორი შოუ ერთდროულად გაჩნდა, თანაც კონკურენტ არხებზე. ქმარი პირველად აცეკვდა კონკურსში სცენაზე, ცოლს კი პირველად უწევს პირდაპირ ეთერში გრანდიოზული შოუს წაყვანა. პროექტი "იქს ფაქტორი" იასთვის გამოწვევაა, რომლითაც მან, როგორც განსხვავებულმა წამყვანმა, წარმოაჩინა თავი. აი, მიშას თავს კი რა ხდება, ვერაფრით ამოხსნა. უკვირს, საქართველოში ერთ–ერთი საუკეთესო მსახიობი მამაკაცი აუტსაიდერებს შორის რატომ ხვდება კონკურსში.
– ია, ასეთი დიდი პროექტის წამყვანი პირველად ხართ და ალბათ ამას ახლდა ნერვიულობა. დაძლიეთ ღელვა თუ ისევ განცდებში ხართ?
– აქამდე პირდაპირ ეთერში არაფერი წამიყვანია, ამიტომ, რა თქმა უნდა, ვნერვიულობდი. წამყვანობა ჩემი სტიქია არ არის, უბრალოდ ისე მოხდა, რომ ამ პროექტის წაყვანა მომიწია. როცა ეს შემომთავაზეს, მაშინ აბსოლუტურად სხვა გეგმები მქონდა, დროში ვერ შევთანხმდით, ამიტომ დიდი მადლობა გადავუხადე და დავემშვიდობე. მერე პროექტის დაწყების დრომ ჟიურის წევრების გამოც გადაიწია და ამ წინადადებას დავთანხმდი.
– როგორი მეწყვილეა გეგა ფალავანდიშვილი, მასთან ერთად შოუს წაყვანა ადვილი თუ რთული?
– პარტნიორზე ბევრი რამ არის დამოკიდებული, მასზე დაყრდნობა უნდა შეგეძლოს, გეგას კი პარტნიორობის არაჩვეულებრივი თვისებები აქვს. ყურადღებიანი, თბილი, ძალიან განათლებული, კარგი ადამიანია და კულტურა მას სცენაზეც ეტყობა. ჩვენ ერთმანეთი "იქს ფაქტორში" გავიცანით, მასთან კომფორტულად ვგრძნობ თავს.
ხმამაღლა ვიტყვი და არც მომერიდება, რომ ამ შოუს კონკურენტი არ ჰყავს სხვა არხებზე. "იქს ფაქტორი" ძალიან დახვეწილია. წამყვანების მხარეც დახვეწილია, არ მინდა, საკუთარ თავზე საუბარი გამომივიდეს, მაგრამ წლების განმავლობაში ეს ტინგიცობა და ზედმეტი რაღაცეები მომბეზრდა. შეიძლება ზედმეტად აკადემიური არც მე ვარ და არც გეგა, მაგრამ სცენაზე ამდენი ღლაბუცობის ყურება ყელში ამომივიდა. წამყვანები მანერებით ერთმანეთს ბაძავენ, ამ შოუში კი ყველანი მაგრები არიან და ეს ხარისხზეც აისახება. ხანდახან მიჭირს ხოლმე გავიაზრო, რომ ეს საქართველოში ხდება. ყოჩაღ შემოქმედებით ჯგუფს!
– შოუში თქვენი ფავორიტებიც გეყოლებათ.
– დიახ, მყავს და მათ ძალიან ვგულშემატკივრობ. სიმღერა ჩემი სუსტი წერტილია, კარგად – ვერა, მაგრამ მოყვარულის დონეზე ვმღერი. ჩემი, როგორც მსახიობის, მიუზიკლში დაკავება შეიძლება, მაგრამ სოლისტობაზე თავს ვერ დავდებ, ვერც ისეთ ნოტებს ავიღებ, როგორც ამას პროფესიონალები ახერხებენ. ცხოვრებას თავიდან რომ ვიწყებდე და კარგი ხმა მქონდეს, ალბათ მომღერალი ვიქნებოდი. როცა ადამიანი მაგრად მღერის, აბსოლუტურად უძლური ვარ, ვიხიბლები და არ შემიძლია ეს არ გამოვხატო.
– სცენაზე სულ სხვანაირი ია ხართ, სხვანაირად გაცვიათ, განსხვავებული ვარცხნილობა და მაკიაჟი გაქვთ. მოგწონთ ეს სტილი?
– კი, კვირში ერთი დღეა, როცა ასე მაცვია და მსიამოვნებს, რადგან ქალი ვარ. მინდა, ამ პროექტის დიზაინერებს დიდი მადლობა გადავუხადო, რადგან ჩემი სხეულის თითოეული ნაწილი ძალიან კარგად აღიქვეს, ისინი თითოეულ დეტალზე ფიქრობენ. მოდის ექსპერტი არ ვარ, მიუხედავად იმისა, რომ ვერკვევი და მოდის ჟურნალებს ყოველთვის ვათვალიერებ. სულ სხვა არის, როცა ამ ყველაფერს დიზაინერი უყურებს. მათ რჩევებს ვითვალისწინებ, თუმცა რაღაც ფერები არ მიყვარს და დიზაინერებს ვთხოვე, რომ მათზე აქცენტი არ გაეკეთებინათ.
ეს სტილი მომწონს, მაგრამ ყოველდღიურობაში, როცა გადარბენებზე ხარ, ასეთი კაბებით, მაღალქუსლიანი ფეხსაცმელებით და ვარცხნილობებით რომ ირბინო, ცოტა მეგოიმება. ყოველდღიურად ჯინსები და მაისურები მაცვია, თუმცა, რა თქმა უნდა, ჩემს გარდერობში კოქტეილის კაბებიც არის.
– სცენაზე ჩანს, რომ წონაში მომატებული ხართ.
– კი, ცოტა. ყოველთვის გამხდარი ვიყავი, მაგრამ პროექტში "ცეკვავენ ვარსკვალები" რომ ვიყავი, ძალიან დავიკელი. სხვა მონაწილეების მსგავსად მხოლოდ ერთ საქმეზე კი არ ვიყავი კონცენტრირებული, კვირაში 4 სპექტაკლს ვთამაშობდი, თან ახალ სპექტაკლზეც ვმუშაობდი, პარალელურად ლევან კოღუაშვილის ფილმში მიღებდნენ. დღე–ღამეში 2 საათი მეძინა. მაყურებლის მხრიდან შეურაცხმყოფელი მესიჯები მოდიოდა და ახლა მინდა, იმ ადამიანებს მივმართო: იქნებ, კიბო მჭირდა და იმიტომ გავხდი? მინდა, ყველა დავამშვიდო, კიბო არ მჭირს, მაგრამ მაშინ ძალიან გადავიღალე, ჭამისთვის დრო არ მრჩებოდა. ეს ყველაფერი რომ მორჩა, წონაშიც მოვიმატე.
ისე, ძალიან მაინტერესებს, მსუქანი ია როდის ნახა ვინმემ? ყოველთვის გამხდარი ვიყავი, უწვრილესი ძვლები მაქვს და რატომ შექმნეს ვაი–ვიში, არ ვიცი. იმდენად შეურაცხმყოფელი მესიჯები მოდიოდა, რომ აღშფოთებას ვერ ვმალავდი. არ ვიცოდი, საზოგადოება ასეთი ბოროტი და არაადამიანური თუ იყო.
– გარეგნულ მოწესრიგებას დიდ დროს უთმობთ თუ იმ კატეგორიას მიეკუთვნებით, 5 წუთში რომ მზად არიან?
– თავის მოვლა ძალიან მიყვარს, რასაც მცირე დროშიც ვახერხებ ხოლმე. რაღაც პროცედურები მაქვს, რაც ჩემთვის რიტუალივით უფროა. ზოგიერთებს თავის მოვლა ის ჰგონიათ, ყოველდღე მაკიაჟით, ვარცხნილობით რომ დადიან, მაგრამ მაკიაჟი კანს უფრო აბერებს. გრიმი სპექტაკლებსა თუ კინოებშიც მყოფნის. ასაკით მაინცდამაინც პატარა აღარ ვარ, მაგრამ მიხარია, რომ ჩემს თანატოლებზე ბევრად უმცროსად გამოვიყურები და ამას გენეტიკას უფრო ვაბრალებ, ვიდრე სხვა რამეს. დედაჩემი 65 წლისაა, მაგრამ ძალიან ახალგაზრდულად გამოიყურება.
– თქვენთვის ქალურობა რითი გამოიხატება?
– საქციელში უფრო, ვიდრე ვიზუალში. შეიძლება დახეული ჯინსები და მაისური გეცვას, მაგრამ ქალური იყო. ინდივიდუალურობაც არ უნდა დაკარგო. მერილინ მონროს სექსუალურობა და ქალურობა მხოლოდ მის ფორმებში არ ჩანდა, ეს მისი თვალებიდან მოდიოდა. საერთოდ, ძველბიჭური გოგონები არ მომწონს, პირდაპირ ვიტყვი, მეზიზღება კიდეც. ქალი ქალი უნდა იყოს.
– თქვენი ქმარი, მიშა მესხი, პროექტში "ცეკვავენ ვარსკვლავები" მონაწილეობდა და არაერთხელ მოხვდა აუტსაიდერებს შორის. როგორ რეაგირებდით ამაზე?
– ისეთი უცნაური რამ ხდება, რაც არც ერთ სეზონზე ყოფილა – ვთვლი, რომ მამაკაცი მსახიობებიდან ის ყველაზე პოპულარულია, თუმცა თითებიც არ მეყოფა, რომ ჩამოვთვალო, იმდენჯერ იდგა აუტსაიდერებში.
– თქვენც და მიშაც გარეთ, ხალხის თვალში შოუს ნაწილი ხართ, სახლში როცა მიდიხართ, ჩვეულებრივი ცოლ–ქმარი ხდებით?
– ჩვენ სულ ასეთი რეჟიმი გვაქვს, ტიპური წყვილი არ ვართ, არც მე ვარ ტიპური ქართველი ცოლი და არც მიშაა ტიპური ქართველი ქმარი, დიასახლისი არ გახლავართ.
– თქვენს სცენურ და კინოცხოვრებაში რა სიახლეებია?
– ახლა თეატრში ნაკლებად ვარ. ახლა ის პერიოდია, როცა ჩემთვის კინოში ხდება ყველაფერი. მგონია, რომ ჩემთვის ყველაზე კარგი პერიოდი 28–29 წლის ასაკიდან დაიწყო. გარკვეული ასაკის შემდეგ ხომ ამბობენ, ოქროს ხანა დამთავრდაო, მაგრამ ის არ მთავრდება, უბრალოდ იცვლება, ტრანსფორმაციას განიცდის და მერე ახალი რაღაცეები იწყება. მსახიობის ცხოვრებაში ყველა ასაკი რაღაც ახალს ნიშნავს და ჩემს ცხოვრებაშიც ასეა – ახალ ტალღას ახალი როლები მოსდევს.
ეკა ლემონჯავა, ჟურნალი სარკე
– ია, ასეთი დიდი პროექტის წამყვანი პირველად ხართ და ალბათ ამას ახლდა ნერვიულობა. დაძლიეთ ღელვა თუ ისევ განცდებში ხართ?
– აქამდე პირდაპირ ეთერში არაფერი წამიყვანია, ამიტომ, რა თქმა უნდა, ვნერვიულობდი. წამყვანობა ჩემი სტიქია არ არის, უბრალოდ ისე მოხდა, რომ ამ პროექტის წაყვანა მომიწია. როცა ეს შემომთავაზეს, მაშინ აბსოლუტურად სხვა გეგმები მქონდა, დროში ვერ შევთანხმდით, ამიტომ დიდი მადლობა გადავუხადე და დავემშვიდობე. მერე პროექტის დაწყების დრომ ჟიურის წევრების გამოც გადაიწია და ამ წინადადებას დავთანხმდი.
– როგორი მეწყვილეა გეგა ფალავანდიშვილი, მასთან ერთად შოუს წაყვანა ადვილი თუ რთული?
– პარტნიორზე ბევრი რამ არის დამოკიდებული, მასზე დაყრდნობა უნდა შეგეძლოს, გეგას კი პარტნიორობის არაჩვეულებრივი თვისებები აქვს. ყურადღებიანი, თბილი, ძალიან განათლებული, კარგი ადამიანია და კულტურა მას სცენაზეც ეტყობა. ჩვენ ერთმანეთი "იქს ფაქტორში" გავიცანით, მასთან კომფორტულად ვგრძნობ თავს.
ხმამაღლა ვიტყვი და არც მომერიდება, რომ ამ შოუს კონკურენტი არ ჰყავს სხვა არხებზე. "იქს ფაქტორი" ძალიან დახვეწილია. წამყვანების მხარეც დახვეწილია, არ მინდა, საკუთარ თავზე საუბარი გამომივიდეს, მაგრამ წლების განმავლობაში ეს ტინგიცობა და ზედმეტი რაღაცეები მომბეზრდა. შეიძლება ზედმეტად აკადემიური არც მე ვარ და არც გეგა, მაგრამ სცენაზე ამდენი ღლაბუცობის ყურება ყელში ამომივიდა. წამყვანები მანერებით ერთმანეთს ბაძავენ, ამ შოუში კი ყველანი მაგრები არიან და ეს ხარისხზეც აისახება. ხანდახან მიჭირს ხოლმე გავიაზრო, რომ ეს საქართველოში ხდება. ყოჩაღ შემოქმედებით ჯგუფს!
– შოუში თქვენი ფავორიტებიც გეყოლებათ.
– დიახ, მყავს და მათ ძალიან ვგულშემატკივრობ. სიმღერა ჩემი სუსტი წერტილია, კარგად – ვერა, მაგრამ მოყვარულის დონეზე ვმღერი. ჩემი, როგორც მსახიობის, მიუზიკლში დაკავება შეიძლება, მაგრამ სოლისტობაზე თავს ვერ დავდებ, ვერც ისეთ ნოტებს ავიღებ, როგორც ამას პროფესიონალები ახერხებენ. ცხოვრებას თავიდან რომ ვიწყებდე და კარგი ხმა მქონდეს, ალბათ მომღერალი ვიქნებოდი. როცა ადამიანი მაგრად მღერის, აბსოლუტურად უძლური ვარ, ვიხიბლები და არ შემიძლია ეს არ გამოვხატო.
– სცენაზე სულ სხვანაირი ია ხართ, სხვანაირად გაცვიათ, განსხვავებული ვარცხნილობა და მაკიაჟი გაქვთ. მოგწონთ ეს სტილი?
– კი, კვირში ერთი დღეა, როცა ასე მაცვია და მსიამოვნებს, რადგან ქალი ვარ. მინდა, ამ პროექტის დიზაინერებს დიდი მადლობა გადავუხადო, რადგან ჩემი სხეულის თითოეული ნაწილი ძალიან კარგად აღიქვეს, ისინი თითოეულ დეტალზე ფიქრობენ. მოდის ექსპერტი არ ვარ, მიუხედავად იმისა, რომ ვერკვევი და მოდის ჟურნალებს ყოველთვის ვათვალიერებ. სულ სხვა არის, როცა ამ ყველაფერს დიზაინერი უყურებს. მათ რჩევებს ვითვალისწინებ, თუმცა რაღაც ფერები არ მიყვარს და დიზაინერებს ვთხოვე, რომ მათზე აქცენტი არ გაეკეთებინათ.
ეს სტილი მომწონს, მაგრამ ყოველდღიურობაში, როცა გადარბენებზე ხარ, ასეთი კაბებით, მაღალქუსლიანი ფეხსაცმელებით და ვარცხნილობებით რომ ირბინო, ცოტა მეგოიმება. ყოველდღიურად ჯინსები და მაისურები მაცვია, თუმცა, რა თქმა უნდა, ჩემს გარდერობში კოქტეილის კაბებიც არის.
– სცენაზე ჩანს, რომ წონაში მომატებული ხართ.
– კი, ცოტა. ყოველთვის გამხდარი ვიყავი, მაგრამ პროექტში "ცეკვავენ ვარსკვალები" რომ ვიყავი, ძალიან დავიკელი. სხვა მონაწილეების მსგავსად მხოლოდ ერთ საქმეზე კი არ ვიყავი კონცენტრირებული, კვირაში 4 სპექტაკლს ვთამაშობდი, თან ახალ სპექტაკლზეც ვმუშაობდი, პარალელურად ლევან კოღუაშვილის ფილმში მიღებდნენ. დღე–ღამეში 2 საათი მეძინა. მაყურებლის მხრიდან შეურაცხმყოფელი მესიჯები მოდიოდა და ახლა მინდა, იმ ადამიანებს მივმართო: იქნებ, კიბო მჭირდა და იმიტომ გავხდი? მინდა, ყველა დავამშვიდო, კიბო არ მჭირს, მაგრამ მაშინ ძალიან გადავიღალე, ჭამისთვის დრო არ მრჩებოდა. ეს ყველაფერი რომ მორჩა, წონაშიც მოვიმატე.
ისე, ძალიან მაინტერესებს, მსუქანი ია როდის ნახა ვინმემ? ყოველთვის გამხდარი ვიყავი, უწვრილესი ძვლები მაქვს და რატომ შექმნეს ვაი–ვიში, არ ვიცი. იმდენად შეურაცხმყოფელი მესიჯები მოდიოდა, რომ აღშფოთებას ვერ ვმალავდი. არ ვიცოდი, საზოგადოება ასეთი ბოროტი და არაადამიანური თუ იყო.
– გარეგნულ მოწესრიგებას დიდ დროს უთმობთ თუ იმ კატეგორიას მიეკუთვნებით, 5 წუთში რომ მზად არიან?
– თავის მოვლა ძალიან მიყვარს, რასაც მცირე დროშიც ვახერხებ ხოლმე. რაღაც პროცედურები მაქვს, რაც ჩემთვის რიტუალივით უფროა. ზოგიერთებს თავის მოვლა ის ჰგონიათ, ყოველდღე მაკიაჟით, ვარცხნილობით რომ დადიან, მაგრამ მაკიაჟი კანს უფრო აბერებს. გრიმი სპექტაკლებსა თუ კინოებშიც მყოფნის. ასაკით მაინცდამაინც პატარა აღარ ვარ, მაგრამ მიხარია, რომ ჩემს თანატოლებზე ბევრად უმცროსად გამოვიყურები და ამას გენეტიკას უფრო ვაბრალებ, ვიდრე სხვა რამეს. დედაჩემი 65 წლისაა, მაგრამ ძალიან ახალგაზრდულად გამოიყურება.
– თქვენთვის ქალურობა რითი გამოიხატება?
– საქციელში უფრო, ვიდრე ვიზუალში. შეიძლება დახეული ჯინსები და მაისური გეცვას, მაგრამ ქალური იყო. ინდივიდუალურობაც არ უნდა დაკარგო. მერილინ მონროს სექსუალურობა და ქალურობა მხოლოდ მის ფორმებში არ ჩანდა, ეს მისი თვალებიდან მოდიოდა. საერთოდ, ძველბიჭური გოგონები არ მომწონს, პირდაპირ ვიტყვი, მეზიზღება კიდეც. ქალი ქალი უნდა იყოს.
– თქვენი ქმარი, მიშა მესხი, პროექტში "ცეკვავენ ვარსკვლავები" მონაწილეობდა და არაერთხელ მოხვდა აუტსაიდერებს შორის. როგორ რეაგირებდით ამაზე?
– ისეთი უცნაური რამ ხდება, რაც არც ერთ სეზონზე ყოფილა – ვთვლი, რომ მამაკაცი მსახიობებიდან ის ყველაზე პოპულარულია, თუმცა თითებიც არ მეყოფა, რომ ჩამოვთვალო, იმდენჯერ იდგა აუტსაიდერებში.
– თქვენც და მიშაც გარეთ, ხალხის თვალში შოუს ნაწილი ხართ, სახლში როცა მიდიხართ, ჩვეულებრივი ცოლ–ქმარი ხდებით?
– ჩვენ სულ ასეთი რეჟიმი გვაქვს, ტიპური წყვილი არ ვართ, არც მე ვარ ტიპური ქართველი ცოლი და არც მიშაა ტიპური ქართველი ქმარი, დიასახლისი არ გახლავართ.
– თქვენს სცენურ და კინოცხოვრებაში რა სიახლეებია?
– ახლა თეატრში ნაკლებად ვარ. ახლა ის პერიოდია, როცა ჩემთვის კინოში ხდება ყველაფერი. მგონია, რომ ჩემთვის ყველაზე კარგი პერიოდი 28–29 წლის ასაკიდან დაიწყო. გარკვეული ასაკის შემდეგ ხომ ამბობენ, ოქროს ხანა დამთავრდაო, მაგრამ ის არ მთავრდება, უბრალოდ იცვლება, ტრანსფორმაციას განიცდის და მერე ახალი რაღაცეები იწყება. მსახიობის ცხოვრებაში ყველა ასაკი რაღაც ახალს ნიშნავს და ჩემს ცხოვრებაშიც ასეა – ახალ ტალღას ახალი როლები მოსდევს.
ეკა ლემონჯავა, ჟურნალი სარკე
