სალომე ბაკურაძე: "ჩვენი ქორწილი დიდ და ლამაზ დაბადების დღეს ჰგავდა"
2 176 ნახვა
მომღერალი სალომე ბაკურაძე გათხოვდა. მისი რჩეული ლაშა ბასლანძე გახლავთ. მათი სიყვარულის ისტორია 2 წლის წინ დაიწყო. ერთმანეთი საერთო მეგობრისგან გაიცნეს. სალომე თავის სიყვარულზე არავისთან საუბრობდა, ლაშასთან რომანს საგულდაგულოდ მალავდა.
14 ივნისს კი ლაშამ და სალომემ თბილისში, ფურცელაძის ქუჩაზე მდებარე სამების ეკლესიაში დაიწერეს ჯვარი. ქორწილი ერთ–ერთ რესტორანში გაიმართა, სადაც ახალშეუღლებულების ახლო ნათესავებმა და მეგობრებმა მოიყარეს თავი, მათ შორის – ცნობილმა სახეებმა. ხელისმოწერის ცერემონიალიც რესტორანში შედგა. ქორწილის მეორე დღეს სალომე და ლაშა თაფლობისთვის გასატარებლად ესპანეთში გაემგზავრნენ, რამდენიმე საათით ადრე კი ბედნიერმა პატარძალმა თავისი სიხარული "სარკეს" გაუზიარა.
– სალომე, როდის დაიწყო თქვენი და ლაშას სიყვარულის ამბავი?
– 2 წლის წინ. ერთმანეთი საერთო მეგობრისგან გავიცანით. თავიდან კარგი მეგობრები ვიყავით და დღემდე ასეა, უბრალოდ ახლა უკვე ცოლ–ქმარიც ვართ.
– რამდენი ხანი ემზადებოდით საქორწილო ცერემონიალისთვის?
– ამისთვის ძალიან მცირე დრო გვქონდა, მაგრამ რაღაცნაირად შევძელით, ყველაფრისთვის თავი მოგვება და ქორწილი ლამაზი ყოფილიყო. მგონი, ჩანაფიქრმა გაამართლა, რადგან სტუმრები ემოციებს გვიზიარებდნენ, გვეუბნებოდნენ, რომ ყველაფერი ძალიან მოსწონდათ.
ჩემი მეჯვარეები იყვნენ – ტატა ხვედელიანი, თიკა მახალდიანი და ნინოლა კიკაბიძე, ლაშას მეჯვარეები კი – გიორგი კირკიტაძე და ვახო ნიკოლავა. ქორწილში ძალიან ბევრმა მომღერალმა მოიყარა თავი. მინდა, თამადას, რომელიც ჩვენი ოჯახის ნათესავი გახლდათ, მადლობა გადავუხადო, რადგან ხელი შეგვიწყო გართობაში. ქორწილი ვიწრო წრეში გადავიხადეთ, მხოლოდ ახლო ნათესავები და ჩემი და ლაშიკოს მეგობრები დავპატიჟეთ. ჯერ კიდევ ვერ გამიაზრებია, რა მოხდა ჩვენს ცხოვრებაში... ძალიან კარგი დრო გავატარეთ, ემოციურად ვარ დაღლილი და, რაც მთავარია – უსაზღვროდ ბედნიერი! ქორწილი ჩემი და ლაშიკოს დიდ დაბადების დღეს ჰგავდა.
– საპატარძლო კაბა შეიკერეთ?
– კი, დიზაინერმა აკა ნანიტაშვილმა შემიკერა. მინდა, მადლობა გადავუხადო თაკო დოლაბერიძეს, რომელიც დამეხმარა დარბაზის დიზაინში.
– ტრადიციული ცეკვა შეასრულეთ?
– ცეკვის შესასწავლად სპეციალურად არ გვივლია, ვიცეკვეთ ნელი ვალსი... სამეგობროს სიურპრიზი მოვუმზადეთ, ჩავწერეთ იტალიური სიმღერა და როცა სცენაზე ერთად ავედით, ვიმღერეთ. სტუმრები შოკში ჩავარდნენ, მათთვის ჩვენი დუეტი მოულოდნელი იყო.
– მეტი რამ გვიამბეთ თქვენს ქმარზე, პროფესიით ვინ არის, რას საქმიანობს?
– ლაშა ტელეკომპანია "ჯიდიესში" მუშაობს, სხვადასხვა გადაცემების პროდიუსერი და ლოკაციის მენეჯერია. გაცნობის შემდეგ მალევე გამოვუტყდით ერთმანეთს სიყვარულში.
– თაფლობისთვეს სად გაატარებთ?
– ჩემოდნებს ვალაგებ, რამდენიმე საათში აეროპორტში უნდა ვიყოთ, ესპანეთში, მალიორკაზე გავატარებთ თაფლობისთვის ორ კვირას. იქიდან რომ დავბრუნდებით, პირობას გაძლევთ, ყველაფერს ვრცლად მოგიყვებით.
...
მომღერალი ნათია დუმბაძე და სალომე ბაკურაძე დიდი ხნის მეგობრები არიან. სალომე მისი მეჯვარე და შვილის ნათლიაა. ნათიამ ჩვენი ჟურნალის საშუალებით წყვილს კიდევ ერთხელ მიულოცა გაბედნიერება:
– ვიცი, რომ სალო ძალიან ბედნიერია და ამის გამო მეც ბედნიერი ვარ. როგორც იქნა, დადგა მისთვის ყველაზე ბედნიერი დღე. მე და სალომე ძალიან ახლო მეგობრები ვართ, დავნათესავდით კიდეც, სალომე ჩემი მეჯვარე იყო, მერე ჩემი შვილი მონათლა. სამწუხაროდ, მის საქორწილო სამზადისში ვერ ჩავერთე პროექტ "ერთი ერთში" მონაწილეობის გამო. ულევ სიხარულს და სიყვარულს ვუსურვებ!
მომღერალი ნოდიკო ტატიშვილი მეჯვარეებს შორის ვერ მოხვდა, მაგრამ ამბობს, რომ სალომეს და ლაშას პირველი შვილის ნათლია ის იქნება.
– ამ დღეს დიდხანს ველოდებოდი. არ იცით, რა ბედნიერი ვარ, გამიბედნიერდა ჩემი სალომო! იმდენად კარგ ადამიანს დაუკავშირა თავისი ცხოვრება, რომ ზუსტად ვიცი, სიცოცხლის ბოლომდე ბედნიერები იქნებიან. აღარც მახსოვს, რამდენი ხანია ვიცნობ სალომეს, ლაშა კი ცოტა ხნის წინ გავიცანი და ჩემი დიდი პატივისცემა და სიყვარული დაიმსახურა. სალო, ლაშა, ბედნიერებას და ბევრ შვილს გისურვებთ! მათი პირველი შვილის ნათლია მე ვიქნები! – გვითხრა ნოდიკო ტატიშვილმა.
ლანა კიკნაძე, ჟურნალი სარკე
14 ივნისს კი ლაშამ და სალომემ თბილისში, ფურცელაძის ქუჩაზე მდებარე სამების ეკლესიაში დაიწერეს ჯვარი. ქორწილი ერთ–ერთ რესტორანში გაიმართა, სადაც ახალშეუღლებულების ახლო ნათესავებმა და მეგობრებმა მოიყარეს თავი, მათ შორის – ცნობილმა სახეებმა. ხელისმოწერის ცერემონიალიც რესტორანში შედგა. ქორწილის მეორე დღეს სალომე და ლაშა თაფლობისთვის გასატარებლად ესპანეთში გაემგზავრნენ, რამდენიმე საათით ადრე კი ბედნიერმა პატარძალმა თავისი სიხარული "სარკეს" გაუზიარა.
– სალომე, როდის დაიწყო თქვენი და ლაშას სიყვარულის ამბავი?
– 2 წლის წინ. ერთმანეთი საერთო მეგობრისგან გავიცანით. თავიდან კარგი მეგობრები ვიყავით და დღემდე ასეა, უბრალოდ ახლა უკვე ცოლ–ქმარიც ვართ.
– რამდენი ხანი ემზადებოდით საქორწილო ცერემონიალისთვის?
– ამისთვის ძალიან მცირე დრო გვქონდა, მაგრამ რაღაცნაირად შევძელით, ყველაფრისთვის თავი მოგვება და ქორწილი ლამაზი ყოფილიყო. მგონი, ჩანაფიქრმა გაამართლა, რადგან სტუმრები ემოციებს გვიზიარებდნენ, გვეუბნებოდნენ, რომ ყველაფერი ძალიან მოსწონდათ.
ჩემი მეჯვარეები იყვნენ – ტატა ხვედელიანი, თიკა მახალდიანი და ნინოლა კიკაბიძე, ლაშას მეჯვარეები კი – გიორგი კირკიტაძე და ვახო ნიკოლავა. ქორწილში ძალიან ბევრმა მომღერალმა მოიყარა თავი. მინდა, თამადას, რომელიც ჩვენი ოჯახის ნათესავი გახლდათ, მადლობა გადავუხადო, რადგან ხელი შეგვიწყო გართობაში. ქორწილი ვიწრო წრეში გადავიხადეთ, მხოლოდ ახლო ნათესავები და ჩემი და ლაშიკოს მეგობრები დავპატიჟეთ. ჯერ კიდევ ვერ გამიაზრებია, რა მოხდა ჩვენს ცხოვრებაში... ძალიან კარგი დრო გავატარეთ, ემოციურად ვარ დაღლილი და, რაც მთავარია – უსაზღვროდ ბედნიერი! ქორწილი ჩემი და ლაშიკოს დიდ დაბადების დღეს ჰგავდა.
– საპატარძლო კაბა შეიკერეთ?
– კი, დიზაინერმა აკა ნანიტაშვილმა შემიკერა. მინდა, მადლობა გადავუხადო თაკო დოლაბერიძეს, რომელიც დამეხმარა დარბაზის დიზაინში.
– ტრადიციული ცეკვა შეასრულეთ?
– ცეკვის შესასწავლად სპეციალურად არ გვივლია, ვიცეკვეთ ნელი ვალსი... სამეგობროს სიურპრიზი მოვუმზადეთ, ჩავწერეთ იტალიური სიმღერა და როცა სცენაზე ერთად ავედით, ვიმღერეთ. სტუმრები შოკში ჩავარდნენ, მათთვის ჩვენი დუეტი მოულოდნელი იყო.
– მეტი რამ გვიამბეთ თქვენს ქმარზე, პროფესიით ვინ არის, რას საქმიანობს?
– ლაშა ტელეკომპანია "ჯიდიესში" მუშაობს, სხვადასხვა გადაცემების პროდიუსერი და ლოკაციის მენეჯერია. გაცნობის შემდეგ მალევე გამოვუტყდით ერთმანეთს სიყვარულში.
– თაფლობისთვეს სად გაატარებთ?
– ჩემოდნებს ვალაგებ, რამდენიმე საათში აეროპორტში უნდა ვიყოთ, ესპანეთში, მალიორკაზე გავატარებთ თაფლობისთვის ორ კვირას. იქიდან რომ დავბრუნდებით, პირობას გაძლევთ, ყველაფერს ვრცლად მოგიყვებით.
...
მომღერალი ნათია დუმბაძე და სალომე ბაკურაძე დიდი ხნის მეგობრები არიან. სალომე მისი მეჯვარე და შვილის ნათლიაა. ნათიამ ჩვენი ჟურნალის საშუალებით წყვილს კიდევ ერთხელ მიულოცა გაბედნიერება:
– ვიცი, რომ სალო ძალიან ბედნიერია და ამის გამო მეც ბედნიერი ვარ. როგორც იქნა, დადგა მისთვის ყველაზე ბედნიერი დღე. მე და სალომე ძალიან ახლო მეგობრები ვართ, დავნათესავდით კიდეც, სალომე ჩემი მეჯვარე იყო, მერე ჩემი შვილი მონათლა. სამწუხაროდ, მის საქორწილო სამზადისში ვერ ჩავერთე პროექტ "ერთი ერთში" მონაწილეობის გამო. ულევ სიხარულს და სიყვარულს ვუსურვებ!
მომღერალი ნოდიკო ტატიშვილი მეჯვარეებს შორის ვერ მოხვდა, მაგრამ ამბობს, რომ სალომეს და ლაშას პირველი შვილის ნათლია ის იქნება.
– ამ დღეს დიდხანს ველოდებოდი. არ იცით, რა ბედნიერი ვარ, გამიბედნიერდა ჩემი სალომო! იმდენად კარგ ადამიანს დაუკავშირა თავისი ცხოვრება, რომ ზუსტად ვიცი, სიცოცხლის ბოლომდე ბედნიერები იქნებიან. აღარც მახსოვს, რამდენი ხანია ვიცნობ სალომეს, ლაშა კი ცოტა ხნის წინ გავიცანი და ჩემი დიდი პატივისცემა და სიყვარული დაიმსახურა. სალო, ლაშა, ბედნიერებას და ბევრ შვილს გისურვებთ! მათი პირველი შვილის ნათლია მე ვიქნები! – გვითხრა ნოდიკო ტატიშვილმა.
ლანა კიკნაძე, ჟურნალი სარკე
