შიშველი იოგა - ახალი მოდა

შიშველი სხეულებით ვეღარავის გააკვირვებ - ნუდისტური პლაჟები, დისკობარები შიშველი ოფიციანტებით, ავტოსამრეცხაოები, რომლებშიც შიშველი მრეცხავები მუშაობენ, სილამაზის სალონებიც კი, სადაც შიშველი პარიკმახერები გემსახურებიან.

მსოფლიოში კიდევ ერთი ახალი მოდა ინერგება -შიშველი იოგა.ერთ-ერთი პირველი, ვის სახელსაც ამ თემის გააქტუალურება უკავშირდება, კიმ კარდაშიანი იყო. სწორედ ამ თემამ შეიწირა მისი ახალშექმნილი ოჯახი -ერთ მშვენიერ დღეს შინ დაბრუნებულმა ქმარმა აღმოაჩინა, რომ მისი ცოლი და ცოლისდები შიშვლები იწვნენ ხალიჩაზე, ასევე შიშველ "იოგის მწვრთნელს" შეჰყურებდნენ... და პოზებს იმეორებდნენ. უფრო სწორად - ასანებს, ასე ჰქვია ვარჯიშებს იოგაში.

როგორც აღმოჩნდა, იოგის ეს ფორმა უკვე რუსეთშიც იხვეჭს პოპულარობას, ჰოლივუდში კი რა ხანია, აპრობირებულია.

არსებობს სპეციალური "სკოლა" - Naked Yoga School (შიშველი იოგის სკოლა), რომელიც თავის საიტზე მიმდევრებს სრულ კურსს სთავაზობს და თან ამშვიდებს, რომ შიშველ იოგას არაფერი აქვს საერთო სექსსა და ეროტიკასთან.

თითქოსდა პირველად იოგებმა ტანსაცმელი ჯერ კიდევ ჩვენს ერამდე VIII საუკუნეში მოიცილეს უძველეს სკოლაში "naga sadhu" (ინდურიდან თარგმანში "ნაგა" -"შიშველი", "სადჰუ" -"ის, ვინც სამყაროს მთლიანად განუდგა") და იმავდროულად, ყოველივე მატერიალურზე უარი თქვეს.

უფრო მეტიც, სადჰუს მიმდევრები სექსზეც უარს ამბობდნენ და უბიწობის აღთქმას დებდნენ.

როგორც აღმოჩნდა, სპორტის ახალმოდური სახეობით გატაცებულია აშშ-ის, ჰოლანდიის, საფრანგეთის, ინგლისის, უკრაინის, რუსეთის ათასობით მცხოვრები.

"ჩვენ ყველანი შიშვლად ვიბადებით, რა არის ამაში სამარცხვინო? ჩვენ არაფერს ვმალავთ. მოდით, "შიშველი" იოგით დავკავდეთ და არ შეგვრცხვეს!" - მოუწოდებენ სკოლის შემქმნელები.

ირწმუნებიან, რომ ასე ადამიანი მთლიანად დუნდება, ეშვება, კონცენტრირებას ახდენს ვარჯიშზე, ბოლომდე ერთვება მედიტაციაში. ამ უჩვეულო სასწავლო დაწესებულების მოსწავლეობა უფასოა, ვიდეოგაკვეთილების მიღება კი - ფასიანი.

სამწუთიანი გაცნობითი რგოლი 4 დოლარი ღირს, უფრო ხანგრძლივი, მეტი რაოდენობის შიშველი სხეულებით კადრში - დაახლოებით 15 დოლარი.

ამერიკაში "შიშველი" იოგის პრაქტიკა 1960-იანი წლებიდან იძენდა პოპულარობას და მდიდარი და გავლენიანი ადამიანების გატაცებად მალე იქცა. თუმცა დიდხანს საზოგადოებრივი წესრიგის დარღვევად მიიჩნეოდა და მოგვიანებით სან-ფრანცისკოს სასამართლომ გამოაცხადა, რომ ეს არ არის დანაშაული, არამედ ნუდიზმის ერთ-ერთი გამოვლინებაა.

ყველაზე პოპულარული იოგის ეს სახეობა ცოლ-ქმრის -ნიკოლ დედოუნისა და რობერტ კენდელის დამსახურებით გახდა.

არაშიშველი იოგა კი რა ხანია პოპულარულია და განსაკუთრებით მოდურია ვარსკვლავებს შორის. მათი დიდი ნაწილი იოგით ახერხებს ნერვების დამშვიდებას და სულიერი წონასწორობის დაცვას, მცირე ნაწილი კი ამ ყველაფერს შიშვლად ამჯობინებს.