სად იმღერებს ნუცა ბუზალაძე სოფო ხალვაშთან ერთად
1 994 ნახვა
'ახალ ტალღაზე'' ქართველი მომღერლები ბოლო დროს ყოველთვის კარგ შეფასებებს იღებენ. წელს საქართველოს ნუცა ბუზალაძე წარადგენს. ეროვნულ ტურში ნუცას სოფო ხალვაში დაეხმარება. მომღერალს საგულშემატკივროდ იურმალაზე მისი პროდიუსერი მამულიჩა და ლელა წურწუმია გაჰყვნენ. იურმალაში ასევე იქნება პროდიუსერი მაია ყიფიანი. ვოკალში კი ჩვენი რესპონდენტი ნუცა ჯანელიძემ მოამზადა. გასულ კვირას ნუცა უკვე გაემგზავრა იურმალაში. გამგზავრებამდე მას სოფოსთან ერთად შეხვდით.
- სოფო, მეუღლესთან ერთად ბათუმში გადახვედი და ოჯახური ბიზნესი დაიწყეთ. შენი ''ახალ ტალღაში'' მონაწილეობაზე დათანხმება გაუჭირდათ?
- ბიზნესი ჩემმა მეუღლემ წამოიწყო, ბათუმში სასტუმროს აშენებს. მე გავაკეთე საბავშვო სტუდია. ბათუმში ბავშვებს ასეთი სტუდია ნამდვილად სჭირდებოდათ და გაამართლა.
რაც შეეხება იურმალაში წასვლაზე დათანხმებას, ჩემთვის რთული არასდროს არაა, რადგან ეს კონკურსი და ქალაქი ძალიან მიყვარს. მიყვარს ის ადამიანები, რომლებიც ამ კონკურსს აკეთებენ. რასაკვირველია, ძალიან მიყვარს ნუცა, ნიჭიერი ადამიანია. მას დიდ წარმატებას ვუსურვებ.
ნუცა:
- ქართული სიმღერის შესარჩევად მართლა ბევრი ვიმუშავეთ. პირველად გვითხრეს, რომ დამტკიცებული იყო ნინო ქათამაძის ''თოლიები''. ფონოგრამა თითქმის მზად იყო, როდესაც სიმღერა შეგვიცვალეს და მათი მოთხოვნით ''ყვავილების ქვეყანა'' აირჩა. ჩვენ არ შეგვირჩევია, მაგრამ ვფიქრობ, მაინც კარგი გამოდის. ჩემი და სოფოს ხმები ერთმანეთს ძალიან უხდება.
სოფო:
- ქართველი მსმენელი ყოველთვის კრიტიკულად უყურებს, როგორ სრულდება ზემოხსენებულ კონკურსზე ქართული სიმღერა. ყველას მინდა ვთხოვო, რომ არ იყვნენ კრიტიკულები, რადგან ეს არის საკონკურსოდ გაკეთებული სიმღერა. ამ შემთხვევაში აუცილებლად უნდა გამოჩნდეს კონკურსანტის შესაძლებლობები. მეც მგონია, რომ ქართულ სიმღერას არ უხდება ბევრი მელიზმი, მაგრამ კონკურსებზე შუალედი ყოველთვის უნდა დავიცვათ. ჩემს შემთხვევაშიც ასე იყო. როდესაც ''თბილისოს'' შესრულება დავაპირე, მაშინაც ''ახალ ტალღაში'' მიკეთებდნენ ფონოგრამას და ეს ძალიან რთული იყო, მაგრამ საბოლოოდ კარგი გამოვიდა და დიდი იმედი მაქვს, რომ ახლაც კარგად მიიღებენ ''ყვავილების ქვეყნის'' ახალ ვარიანტს ამჯერადაც დადებითად გამოეხმაურებიან.
- ყველაზე მეტად სალომე ქათამაძისა და დუეტ ''ჯორჯიას'' სიმღერა გააკრიტიკეს და ამბობდნენ, სხვა სიმღერის შემთხვევაში სალომეს უფრო კარგად შეაფასებდნენო.
- შორიდან ლაპარაკი ყოველთვის ადვილია. არ შეიძლება ამდენი კრიტიკა. ადამიანები უნდა მიხვდნენ, რომ ეს კონკურსია და სიმღერებიც საკონკურსოდ მზადდება.
- ერთმანეთს დიდი ხანია, იცნობთ?
ნუცა:
- ერთმანეთი რამდენიმე წლის წინ გავიცანით. მაშინ 13 წლის ვიყავი. კონკურსისთვის რუსა მორჩილაძესთან ვემზადებოდი. რუსამ დაურეკა სოფოს და შესთავაზა, რომ დუეტი ჩაგვეწერა. ვიმღერეთ - ''მრუდე თუ გაქვს ხელი'' ვერის უბნის მელოდიებიდან და ძალიან კარგი გამოვიდა. მაშინაც და ახლაც სოფო ძალიან მეხმარებოდა და დიდი მადლობა ამ ყველაფრისთვის.
- ვის სამოსზე შეაჩერებთ არჩევანს?
- ''ახალ ტალღაზე'' თავად იზრუნებენ ჩვენს ჩაცმულობაზე. ფოტოები გადავიღეთ, ჩვენი ზომები გავუგზავნეთ და იქ უნდა შეგვმოსონ.
- ნუცა, კონკურსზე შესასრულებელ სიმღერებს დიდხანს არჩევდით. კმაყოფილი ხარ შენი რეპერტუარით?
- ყველა სიმღერაში თავს კარგად ვერ ვგრძნობდი და ძალიან მიხარია, რომ ის სიმღერები შეარჩიეს, რომლებიც ძალიან მომწონდა. პირველ ტურში ჯესი ჯეის სიმღერას ვასრულებ. პირველი სიმღერა ისეთი უნდა ყოფილიყო, რომელშიც გამოვლინდება მომღერლის არტისტიზმი და ვოკალი. მორიდებული და მოკრძალებული პირველ ტურში არ ვიქნები. ყველა სიმღერაში სხვადასხვანაირი ნუცა გამოვჩნდები.
სოფო:
- პირველ ტურში ნუცა იქნება ძალიან გიჟური და ენერგიული. ვოკალი ჩანს ფანტასტიკურად. მეორე სიმღერა არის ''ყვავილების ქვეყანა'', რომელშიც განსხვავებულია. მესამე ტურში უკვე ყველაფერი გადაწყვეტილია, მაგრამ უნდა გაამართლო ჟიურის გადაწყვეტილება, არ უნდა ჩამოქვეითდეს მათი შეფასებები.
- სოფო, რა პროგნოზს გააკეთებ?
- წინასწარ რაიმე პროგნოზის გაკეთება ძალიან ძნელია. მთავარი ისაა, ღირსეულად წარდგე და ქვეყანაც საუკეთესოდ წარადგინო. იურმალა არის კონკურსი, სადაც შეიძლება, ცოტა დაგაკლონ, მაგრამ თვალში საცემად არასდროს დაგჩაგრავენ. აქედან გამომდინარე, შემართებით მივდივარ და ვნახოთ, რა იქნება, მთავარია, ღირსეულად წარვდგეთ.
- ნუცა, კონკურსის წინ თუ ნერვიულობ?
- რა თქმა უნდა, მაგრამ ისე ძალიან არა, რომ რამეში ხელი შემიშალოს. ცოტა ნერვიულობა საჭიროცაა. ასეთ დროს სულ სხვანაირად აზროვნებ. როცა ვხედავ, რომ ვინმე ჩემზე მაგარია, უფრო დიდი სტიმული მეძლევა და მეტის გაკეთება მსურს. ყველა მეუბნება, რომ ფსიქოლოგიურად მზად უნდა ვიყო. თუკი ჩემზე უარყოფით რამეს იტყვიან, ჩემს ხასიათზე უარყოფითად არ მოქმედებს, ყოველთვის მყარად ვდგავარ, ამიტომ მგონია, ამ კონკურსზე ნერვიულობა სიმღერაში ხელს არ შემიშლის.
- როგორც ვიცი, სკოლაში სწავლობ. როგორ ახერხებდი სწავლას და პარალელურად კონკურსისთვის მომზადებას?
- სკოლა არ დამიმთავრებია. მეთორმეტე კლასში გადავედი. ოთხი გამოცდა ჩავაბარე. მეცადინეობას წლის განმავლობაში კარგად ვერ ვახერხებდი. ბევრი რამ არ ვიცოდი და გამოცდის წინა დღეებში ღამის ოთხ საათამდე ვაკეთებდი ტესტებს. კიდევ კარგი, ოთხი გამოცდა მქონდა.
- სწავლას ამ სფეროში გააგრძელებ?
- რასაკვირველია. სიმღერა ჩემთვის ყველაფერია. არასდროს ვიღლები ჩემი საქმით. მინდა მივაღწიო მიზანს, რაც ბავშვობიდან დავისახე.
- ამბობენ, წარმატება ბერა ივანიშვილთან ნაცნობობამ მოგიტანა.
- ბერა საქართველოში არაა და ''ერთი ერთშის'' მერე ჩვენ კონტაქტი არც გვქონია. არც ვიცი, იცის თუ არა, იურმალაში რომ მივდივარ და არც ის ვიცი, ვინ შექმნა ილუზია, რომ იურმალაში ბერას ნაცნობობის გამო მივდივარ.
სოფო:
- კასტინგზე ვიყავი და შემიძლია გითხრათ, რომ ყველა მონაწილის ნამღერი გადააგზავნეს საშა რევზინსა და იგორ კრუტიოსთან. მონაწილე მათ შეარჩიეს. მიყვარს ეს კონკურსი, რადგან არასდროს არაფერს აკეთებენ იმის გამო, რომ ვინმე რამეს ეტყვის და ჩაწყობას შეეცდება. პირიქით გააკეთებენ, ზუსტად ვიცი. ასეთი დეტალები ძალიან აინტერესებთ.
- სოფო, აპირებ ამ კონკურსის მერე აქტიურად დაუბრუნდე შოუბიზნესს?
- საქართველოში არც ერთი მომღერალი არაფერს აკეთებს და მე რა უნდა გავაკეთო? ზაფხულში კონცერტს აუცილებლად გავმართავ. მყავს ჩემი ბენდი და მათთან ერთად ვმუშაობ. ვამზადებ ალბომს. მინდა, ზაფხულში კლიპი გადავიღო და ვფიქრობ, მოვასწრებ. ახლა საქართველოში ყველაზე რეიტინგული კონკურსებია, მე კი კონკურსი არაფერს მომცემს. აღარც მომწონს.
რაც შეეხება გასვლით კონკურსებს, სადაც საქართველო მონაწილეობს, ყოველთვის სიხარულით მივიღებ მონაწილეობას და დავეხმარები ჩვენს მონაწილეებს.
- ნუცა, რომ არ იყო კონკურსანტი, ვის უგულშემატკივრებდი ''ახალ ტალღაზე''?
- ძალიან მომწონს ნოდარ რევია, რომელიც რუსეთის სახელით გამოდის. მგონია, მას გამარჯვების დიდი შანსი ექნება. ნოდარი ძალიან კარგი შემსრულებელია.
სოფო:
- თბილისში კასტინგზე ვალერი მელაძე სიხარულით ამბობდა, რომ რუსეთის სახელით ქართველი გამოვა. ძმები მელაძეები ქართველი მომღერლებისადმი ყოველთვის დადებითად არიან განწყობილი.
- რასაც ვერ ვიტყვით ლეონიდ აგუტინზე. ქართველ მომღერლებს ყოველთვის დაბალ ქულებს უწერს. მახსოვს, შენ მაღალი ქულები იმიტომ არ დაგიწერა, რომ მის მეუღლეს ჰგავხარ და არ უნდოდა მას ეეჭვიანა. თავად ასე თქვა...
- ანჟელიკა ვარუმს ყველა ძალიან მამსგავსებდა. კონკურსში მონაწილეობის მერე დავაკვირდი და მსგავსება ჩვენ შორის მეც დავინახე. გარეგნობითა და ჟესტიკულაციით მართლა ვგავართ ერთმანეთს.
ჟიურის წევრებიდან რომელიმე აუცილებლად აბალანსებს, რომ კარგმა კონკურსანტმა შედარებით მაღალი ქულები მიიღოს. აგუტინია ამ ყველაფრის დამბალანსებელი. ის ქართველების მიმართ ცუდად განწყობილი ნამდვილად არ არის. ვიცი მისი დამოკიდებულება ჩვენ მიმართ. საქართველოში რომ იყო მეუღლესთან ერთად ჩამოსული, ვნახე და ქართველებზე თბილად ლაპარაკობდა.
მერი კობიაშვილი
ჟურნალი ''რეიტინგი''
- სოფო, მეუღლესთან ერთად ბათუმში გადახვედი და ოჯახური ბიზნესი დაიწყეთ. შენი ''ახალ ტალღაში'' მონაწილეობაზე დათანხმება გაუჭირდათ?
- ბიზნესი ჩემმა მეუღლემ წამოიწყო, ბათუმში სასტუმროს აშენებს. მე გავაკეთე საბავშვო სტუდია. ბათუმში ბავშვებს ასეთი სტუდია ნამდვილად სჭირდებოდათ და გაამართლა.
რაც შეეხება იურმალაში წასვლაზე დათანხმებას, ჩემთვის რთული არასდროს არაა, რადგან ეს კონკურსი და ქალაქი ძალიან მიყვარს. მიყვარს ის ადამიანები, რომლებიც ამ კონკურსს აკეთებენ. რასაკვირველია, ძალიან მიყვარს ნუცა, ნიჭიერი ადამიანია. მას დიდ წარმატებას ვუსურვებ.
ნუცა:
- ქართული სიმღერის შესარჩევად მართლა ბევრი ვიმუშავეთ. პირველად გვითხრეს, რომ დამტკიცებული იყო ნინო ქათამაძის ''თოლიები''. ფონოგრამა თითქმის მზად იყო, როდესაც სიმღერა შეგვიცვალეს და მათი მოთხოვნით ''ყვავილების ქვეყანა'' აირჩა. ჩვენ არ შეგვირჩევია, მაგრამ ვფიქრობ, მაინც კარგი გამოდის. ჩემი და სოფოს ხმები ერთმანეთს ძალიან უხდება.
სოფო:
- ქართველი მსმენელი ყოველთვის კრიტიკულად უყურებს, როგორ სრულდება ზემოხსენებულ კონკურსზე ქართული სიმღერა. ყველას მინდა ვთხოვო, რომ არ იყვნენ კრიტიკულები, რადგან ეს არის საკონკურსოდ გაკეთებული სიმღერა. ამ შემთხვევაში აუცილებლად უნდა გამოჩნდეს კონკურსანტის შესაძლებლობები. მეც მგონია, რომ ქართულ სიმღერას არ უხდება ბევრი მელიზმი, მაგრამ კონკურსებზე შუალედი ყოველთვის უნდა დავიცვათ. ჩემს შემთხვევაშიც ასე იყო. როდესაც ''თბილისოს'' შესრულება დავაპირე, მაშინაც ''ახალ ტალღაში'' მიკეთებდნენ ფონოგრამას და ეს ძალიან რთული იყო, მაგრამ საბოლოოდ კარგი გამოვიდა და დიდი იმედი მაქვს, რომ ახლაც კარგად მიიღებენ ''ყვავილების ქვეყნის'' ახალ ვარიანტს ამჯერადაც დადებითად გამოეხმაურებიან.
- ყველაზე მეტად სალომე ქათამაძისა და დუეტ ''ჯორჯიას'' სიმღერა გააკრიტიკეს და ამბობდნენ, სხვა სიმღერის შემთხვევაში სალომეს უფრო კარგად შეაფასებდნენო.
- შორიდან ლაპარაკი ყოველთვის ადვილია. არ შეიძლება ამდენი კრიტიკა. ადამიანები უნდა მიხვდნენ, რომ ეს კონკურსია და სიმღერებიც საკონკურსოდ მზადდება.
- ერთმანეთს დიდი ხანია, იცნობთ?
ნუცა:
- ერთმანეთი რამდენიმე წლის წინ გავიცანით. მაშინ 13 წლის ვიყავი. კონკურსისთვის რუსა მორჩილაძესთან ვემზადებოდი. რუსამ დაურეკა სოფოს და შესთავაზა, რომ დუეტი ჩაგვეწერა. ვიმღერეთ - ''მრუდე თუ გაქვს ხელი'' ვერის უბნის მელოდიებიდან და ძალიან კარგი გამოვიდა. მაშინაც და ახლაც სოფო ძალიან მეხმარებოდა და დიდი მადლობა ამ ყველაფრისთვის.
- ვის სამოსზე შეაჩერებთ არჩევანს?
- ''ახალ ტალღაზე'' თავად იზრუნებენ ჩვენს ჩაცმულობაზე. ფოტოები გადავიღეთ, ჩვენი ზომები გავუგზავნეთ და იქ უნდა შეგვმოსონ.
- ნუცა, კონკურსზე შესასრულებელ სიმღერებს დიდხანს არჩევდით. კმაყოფილი ხარ შენი რეპერტუარით?
- ყველა სიმღერაში თავს კარგად ვერ ვგრძნობდი და ძალიან მიხარია, რომ ის სიმღერები შეარჩიეს, რომლებიც ძალიან მომწონდა. პირველ ტურში ჯესი ჯეის სიმღერას ვასრულებ. პირველი სიმღერა ისეთი უნდა ყოფილიყო, რომელშიც გამოვლინდება მომღერლის არტისტიზმი და ვოკალი. მორიდებული და მოკრძალებული პირველ ტურში არ ვიქნები. ყველა სიმღერაში სხვადასხვანაირი ნუცა გამოვჩნდები.
სოფო:
- პირველ ტურში ნუცა იქნება ძალიან გიჟური და ენერგიული. ვოკალი ჩანს ფანტასტიკურად. მეორე სიმღერა არის ''ყვავილების ქვეყანა'', რომელშიც განსხვავებულია. მესამე ტურში უკვე ყველაფერი გადაწყვეტილია, მაგრამ უნდა გაამართლო ჟიურის გადაწყვეტილება, არ უნდა ჩამოქვეითდეს მათი შეფასებები.
- სოფო, რა პროგნოზს გააკეთებ?
- წინასწარ რაიმე პროგნოზის გაკეთება ძალიან ძნელია. მთავარი ისაა, ღირსეულად წარდგე და ქვეყანაც საუკეთესოდ წარადგინო. იურმალა არის კონკურსი, სადაც შეიძლება, ცოტა დაგაკლონ, მაგრამ თვალში საცემად არასდროს დაგჩაგრავენ. აქედან გამომდინარე, შემართებით მივდივარ და ვნახოთ, რა იქნება, მთავარია, ღირსეულად წარვდგეთ.
- ნუცა, კონკურსის წინ თუ ნერვიულობ?
- რა თქმა უნდა, მაგრამ ისე ძალიან არა, რომ რამეში ხელი შემიშალოს. ცოტა ნერვიულობა საჭიროცაა. ასეთ დროს სულ სხვანაირად აზროვნებ. როცა ვხედავ, რომ ვინმე ჩემზე მაგარია, უფრო დიდი სტიმული მეძლევა და მეტის გაკეთება მსურს. ყველა მეუბნება, რომ ფსიქოლოგიურად მზად უნდა ვიყო. თუკი ჩემზე უარყოფით რამეს იტყვიან, ჩემს ხასიათზე უარყოფითად არ მოქმედებს, ყოველთვის მყარად ვდგავარ, ამიტომ მგონია, ამ კონკურსზე ნერვიულობა სიმღერაში ხელს არ შემიშლის.
- როგორც ვიცი, სკოლაში სწავლობ. როგორ ახერხებდი სწავლას და პარალელურად კონკურსისთვის მომზადებას?
- სკოლა არ დამიმთავრებია. მეთორმეტე კლასში გადავედი. ოთხი გამოცდა ჩავაბარე. მეცადინეობას წლის განმავლობაში კარგად ვერ ვახერხებდი. ბევრი რამ არ ვიცოდი და გამოცდის წინა დღეებში ღამის ოთხ საათამდე ვაკეთებდი ტესტებს. კიდევ კარგი, ოთხი გამოცდა მქონდა.
- სწავლას ამ სფეროში გააგრძელებ?
- რასაკვირველია. სიმღერა ჩემთვის ყველაფერია. არასდროს ვიღლები ჩემი საქმით. მინდა მივაღწიო მიზანს, რაც ბავშვობიდან დავისახე.
- ამბობენ, წარმატება ბერა ივანიშვილთან ნაცნობობამ მოგიტანა.
- ბერა საქართველოში არაა და ''ერთი ერთშის'' მერე ჩვენ კონტაქტი არც გვქონია. არც ვიცი, იცის თუ არა, იურმალაში რომ მივდივარ და არც ის ვიცი, ვინ შექმნა ილუზია, რომ იურმალაში ბერას ნაცნობობის გამო მივდივარ.
სოფო:
- კასტინგზე ვიყავი და შემიძლია გითხრათ, რომ ყველა მონაწილის ნამღერი გადააგზავნეს საშა რევზინსა და იგორ კრუტიოსთან. მონაწილე მათ შეარჩიეს. მიყვარს ეს კონკურსი, რადგან არასდროს არაფერს აკეთებენ იმის გამო, რომ ვინმე რამეს ეტყვის და ჩაწყობას შეეცდება. პირიქით გააკეთებენ, ზუსტად ვიცი. ასეთი დეტალები ძალიან აინტერესებთ.
- სოფო, აპირებ ამ კონკურსის მერე აქტიურად დაუბრუნდე შოუბიზნესს?
- საქართველოში არც ერთი მომღერალი არაფერს აკეთებს და მე რა უნდა გავაკეთო? ზაფხულში კონცერტს აუცილებლად გავმართავ. მყავს ჩემი ბენდი და მათთან ერთად ვმუშაობ. ვამზადებ ალბომს. მინდა, ზაფხულში კლიპი გადავიღო და ვფიქრობ, მოვასწრებ. ახლა საქართველოში ყველაზე რეიტინგული კონკურსებია, მე კი კონკურსი არაფერს მომცემს. აღარც მომწონს.
რაც შეეხება გასვლით კონკურსებს, სადაც საქართველო მონაწილეობს, ყოველთვის სიხარულით მივიღებ მონაწილეობას და დავეხმარები ჩვენს მონაწილეებს.
- ნუცა, რომ არ იყო კონკურსანტი, ვის უგულშემატკივრებდი ''ახალ ტალღაზე''?
- ძალიან მომწონს ნოდარ რევია, რომელიც რუსეთის სახელით გამოდის. მგონია, მას გამარჯვების დიდი შანსი ექნება. ნოდარი ძალიან კარგი შემსრულებელია.
სოფო:
- თბილისში კასტინგზე ვალერი მელაძე სიხარულით ამბობდა, რომ რუსეთის სახელით ქართველი გამოვა. ძმები მელაძეები ქართველი მომღერლებისადმი ყოველთვის დადებითად არიან განწყობილი.
- რასაც ვერ ვიტყვით ლეონიდ აგუტინზე. ქართველ მომღერლებს ყოველთვის დაბალ ქულებს უწერს. მახსოვს, შენ მაღალი ქულები იმიტომ არ დაგიწერა, რომ მის მეუღლეს ჰგავხარ და არ უნდოდა მას ეეჭვიანა. თავად ასე თქვა...
- ანჟელიკა ვარუმს ყველა ძალიან მამსგავსებდა. კონკურსში მონაწილეობის მერე დავაკვირდი და მსგავსება ჩვენ შორის მეც დავინახე. გარეგნობითა და ჟესტიკულაციით მართლა ვგავართ ერთმანეთს.
ჟიურის წევრებიდან რომელიმე აუცილებლად აბალანსებს, რომ კარგმა კონკურსანტმა შედარებით მაღალი ქულები მიიღოს. აგუტინია ამ ყველაფრის დამბალანსებელი. ის ქართველების მიმართ ცუდად განწყობილი ნამდვილად არ არის. ვიცი მისი დამოკიდებულება ჩვენ მიმართ. საქართველოში რომ იყო მეუღლესთან ერთად ჩამოსული, ვნახე და ქართველებზე თბილად ლაპარაკობდა.
მერი კობიაშვილი
ჟურნალი ''რეიტინგი''
