პირველი შეხვედრის (პაემნის) შეცდომები

1. დაგვიანება
თუ გოგონა იგვიანებს, ეს გასაგებიც არიც, ვინაიდან მანამდე, ვიდრე ის თქვენთან შესახვედრად მოდიოდა, სამჯერ დაათვალიერა გარდერობი, შეარჩია 5 სხვადასხვა ვარიანტი, რომელიც სკაიპქოლით მის სულ მცირე 2 დაქალთან განიხილა, გაიკეთა მაკიაჟი, მანიკური და ასე შემდეგ... მაგრამ მამაკაცისთვის პირველ პაემანზე დაგვიანება უპატიებელი შეცდომაა.

2. გეგმის არ ქონა
არაფერია იმაზე უარესი, როდესაც ქალს ხვდები და სვამ კითხვას, "რა ვქნათ, სად წავიდეთ?". ქალი თავად ელის შენგან ამ კითხვაზე პასუხს. იდეალური იქნებით, თუ წინასწარ გექნებათ შესწავლილი მისი ინტერესები და ამ ინტერესების შესაბამისად სულ მცირე 2 ვარიანტს შესთავაზებთ გოგონას. ამით ხაზს გაუსვამთ, რომ ეს შეხვედრა თქვენთვის მნიშვნელოვანი იყო და ნაფიქრი გაქვთ, თუ როგორ შეგექმნათ მისთვის სასიამოვნო გარემო პირველი შეხვედრისთვის, ეს კი მის თვალში აუცილებლად აგამაღლებთ.

3. ხინკალი, მწვადი, ნეკნები და სხვა "დაუდევარი" საკვები
განსაკუთრებული სიფრთხილით შეარჩიეთ შეკვეთა. უმჯობესია საკვები არ იყოს მსუყე.

ასევე იხილეთ: რაზე ვესაუბროთ გოგონას შეხვედრისას

4. საუბარი მხოლოდ საკუთარ თავზე
გასაგებია, რომ პირველი შეხვედრისას გსურთ გოგონაზე შთაბეჭდილების მოხდენა, მაგრამ გახსოვდეთ, რომ მხოლოდ საკუთარ თავზე საუბრით, რაც უნდა "საგმირო საქმეებით" იწონებდეთ თავს, დაღლით თანამოსაუბრეს და უარყოფითად განაწყობთ.

5. ყოფილი შეყვარებული
არც ერთ შემთხვევაში არ ისაუბროთ იმაზე, რომ ახლახანს დაშორდით გოგოს, რომელიც...
არც ერთ გოგოს, რომელიც ეს-ესაა იწყებს ურთიერთობას ბიჭთან, არ სიამოვნებს მის ყოფილ პარტნიორზე საუბარი.

6. წუწუნი
სენტიმენტალური ამბები თქვენი წარსულიდან, როგორიცაა "მამამ მიგვატოვა, როცა ხუთის ვიყავი", ან სხვა მსგავსი ისტორიების მოყოლა პირველივე შეხვედრაზე, შეიძლება ითქვას, რომ უპატიებელი ცოდვაა. თქვენი მიზანი გოგონაზე პოზიტიური ემოციებით შთაბეჭდილების მოხდენა უნდა იყოს და არა პირიქით...

ასევე იხილეთ: როგორ "შევაბათ" ქალები?

7. პასუხი sms-ზე
შეეცადეთ პირველი პაემნის დროს არ უპასუხოთ მოკლე ტექტურ შეტყობინებებსა და ზარებს, რომელიც არ არის უმნიშნველოვანესი. ეს ორივეს, თქვენც და გოგონასაც, კონცენტრირებას დაგაკარგვინებთ.

8. შედარება
"პროფილში ლინდსი ლოჰანს გავხარ!", "ზუსტად ისე თქვი, როგორც დედაჩემი ამბობს ხოლმე" - ასეთი შედარებები, რომლითაც, შესაძლოა თქვენ კომპლიმენტს ამბობთ, სახიფათოა, რადგან გოგონების უმეტესობას სულაც არ მოსწონს, როდესაც სხვებს ადარებენ.

9. კრიტიკა
შესაძლოა პირველ შეხვედრაზე არ გქონდეთ ბევრი სასაუბრო თემა, მაგრამ უხერხული სიჩუმის გასაფანტად ნუ ჩამოაგდებთ საუბარს ისეთ თემებზე, როგორიცაა პოლიციის რეფორმის გაკრიტიკება, თუ სხვა "რას გვიშვრება ეს მთავრობა" თემები...

10. სპირტიანი სასმელები
პირველი შეხვედრა ქალებისთვის ბევრად მნიშვნელოვანია, ვიდრე მამაკაცებისთვის. შესაძლოა თქვენ სპირტიანმა სასმელმა მეტი გამბედაობა მოგცეთ და უკეთაც შეძლოთ პირველ პაემანზე საინტერესოდ საუბარი, მაგრამ გირჩევთ არ დაამახსოვროთ თქვენს სასურველ გოგონას თავი თქვენი ალკოჰოლისადმი სიყვარულით.