თეა გობეჯიშვილი: "დედამთილობისთვის მზად არ ვარ, ჯერ ნიტა მყავს გასაზრდელი"
2 760 ნახვა
ბოლო დროს ხმა გავრცელდა, ქორეოგრაფი თეა გობეჯიშვილი და წარსულში ცნობილი ტელესახე ნიკა ლომიძე ერთმანეთს დაშორდნენო. თეას ეს ჭორები არ ანერვიულებს, რადგან მათ ცოლქმრულ ურთიერთობაში ყველაფერი კარგადაა, ერთმანეთს პაემნებზე დღემდე ეპატიჟებიან და მათ შორის ისეთივე ძლიერი სიყვარულია, როგორც ადრე, როცა დაქორწინების გადაწყვეტილება მიიღეს. თეა დიდ დროს ატარებს სარეპეტიციო დარბაზში მოცეკვავეებთან. ეს საქმე მისთვის ძალიან ბევრს ნიშნავს, ამიტომაც ვერასოდეს ითმენს, თუ ამ პროფესიას ვინმე უპასუხისმგებლოდ ეკიდება. როცა პროექტის "ცეკვავენ ვარსკვლავები" ჟიურიში იყო, სიმკაცრით გამოირჩეოდა, კონკურსანტებს შეცდომებს ვერ პატიობდა. ამ კონკურსს ახლაც აქტიურად ადევნებს თვალს და მონაწილეების მიმართ შენიშვნებიც აქვს. ინტერვიუ სწორედ ამ თემით დავიწყეთ.
– თეა, პროექტში "ცეკვავენ ვარსკვლავები" ჟიურის წევრი იყავით, მეოთხე სეზონზე კი შოუს მიღმა აღმოჩნდით. რატომ?
– ჟიურის შემადგენლობას ცვლიან და ეს ნორმალურიცაა. ამაზე გული ნამდვილად არ დამწყვეტია, რადგან ჩემთვის ჟიურის წევრობა რთული საქმეა. უფრო მეტი გრჩება განაწყენებული, ვიდრე მადლიერი. რთულია შეაფასო ადამიანი, მით უმეტეს – მაშინ, როცა კარგად იცი, ამ პროფესიის დაუფლება როგორ შრომასთანაა დაკავშირებული. როცა ჟიურიში ვიყავი, გარდა იმ მონაწილეებისა, ვისაც კარგ ქულებს ვუწერდი, მგონი, ყველა გავანაწყენე.
– მოგწონთ მეოთხე სეზონი?
– მგონია, რომ წლევანდელი ნაკრები ყველაზე სუსტი იყო, რაც აქამდე ყოფილა. მეორე სეზონიც კარგი იყო. მესამე სეზონი არ იყო იმდენად ძლიერი, თუმცა თავიდანვე იყვნენ გამორჩეული ლიდერები. როცა მიჩვეული ხარ, რომ ამა თუ იმ პროექტს რაღაც სიმაღლე უჭირავს და უკეთესი შესრულება გაქვს ნანახი, უარესის ნახვა მაინცდამაინც სასიამოვნო არ არის. მე, პირადად, უფრო მასშტაბურ შოუს გავაკეთებდი.
– საკმაოდ დატვირთული ხართ, თქვენი ჯგუფი "ვერნისაჟი" მონაწილეობს კონცერტებსა და ფესტივალებში, სტუდიაშიც ბევრი მოსწავლე გყავთ. ამით ოჯახს თქვენი ყურადღება ხომ არ აკლდება?
– მაქსიმალურად ვცდილობ, რომ დრო სწორად გავანაწილო. ჩემს ცხოვრებაში არსებობს დღეები, რომლებიც მხოლოდ ოჯახს ეთმობა და ვცდილობ, იმ დღეებში საქმეები არ ჩამეჩხიროს, რაც ხან გამომდის და ხან – არა. როცა ნიტას ვაკლებ ყურადღებას, ეს ყოველთვის აისახება მასზე.
– ნიტა უკვე საკმაოდ პოპულარული გოგოა, მონაწილეობს ფილმებში, სპექტაკლებში. ამიტომაც განსაკუთრებული ყურადღება დასჭირდება.
– ნიტა ჯერ ბავშვია, 10 წლის არის და ჩემი გვერდში დგომა სჭირდება. თუ სამსახურში არ ვარ, ნიტას დავდევ. ისეთი დატვირთულია, მისთვის არც დაბადების დღე არსებობს და თამაში რა ცნებაა, ისიც არ იცის. ერთი წუთიც არ აქვს თავისუფალი. ან ვარჯიშობს, არ მეცადინეობს, ან სპექტაკლი აქვს, ან გადაღება. ეს მისი ყოველდღიური რეჟიმია.
– ასეთ გრაფიკს ნიტა არ აპროტესტებს?
– არანაირად. ძალიან პატარა იყო, როცა აქტიურად დაიწყო ვარჯიში. ალბათ თავისუფლების გემო რომ გაეგო, გადატვირთულ გრაფიკს გააპროტესტებდა. ნიტა თავის რეჟიმს ჩვეულებრივად აღიქვამს. ვარჯიში და მეგობრის დაბადების დღე თუ ემთხვევა, იცის, რომ ვარჯიშზე წავა. მეც ასე ვიყავი და დღესაც ასე ვცხოვრობ. სანამ ჩემს საქმეს არ მოვითავებ, ვერც მეგობარს ვნახულობ, ვერსად მივდივარ და ამაში ტრაგედიას ვერ ვხედავ. ნიტა ძალიან ბედნიერია, როდესაც სპექტაკლში თამაშობს.
– ესწრებით ნიტას სპექტაკლებს?
– შეძლებისდაგვარად. მიუხედავად იმისა, რომ გადაღებებზე ძალიან იღლება, უფრო მეტ სიამოვნებას გრძნობს, ვიდრე დაღლას. ამჟამად მუსკომედიის თეატრში სპექტაკლ "ლურჯ ფრინველში" თამაშობს. "ცელქი ბავშვების" მეორე სერიის გადაღებებიც დაიწყო და ნიტა კიდევ უფრო დაიტვირთა. ნიტას თუ შევამჩნიე, რომ ცოტა მოდუნდა, შეიძლება გამოვაფხიზლო. მისგან ვითხოვ, რომ კვება განსაზღვრული ჰქონდეს. შეთანხმებულები ვართ, რომ საღამოს საათებში არ უნდა მიიღოს საკვები. იცის, რომ ნაყინს, ნამცხვარს და ცომეულს ყოველთვის ვერ შეჭამს. ბევრ ხილს იღებს და ხორცეულსაც. ამ ყველაფერში მეთანხმება და წონის გაკონტროლება უკვე თვითონაც დაიწყო, სასწორზე დგება და წონას ამოწმებს. პატარა ქალია, თავისი რეჟიმი და საქმე კარგად იცის. შეუძლია გადაღებებზე დამოუკიდებლად წავიდეს და საგრიმიოროში თავიც მოიწესრიგოს.
– თქვენს უფროს შვილთან, ნიკასთან, როგორი დამოკიდებულება გაქვთ, რამდენად ერევით მის ცხოვრებაში?
– ნიკუშა მალე 22 წლის გახდება. ისე გაიზარდა, მასთან არანაირი პრობლემა არ მქონია, კარგი შვილია. ერთადერთი, რაც არ მომწონს, მისი წონაა. ვოცნებობ, რომ ერთხელ გამხდარი ვნახო. მუდმივად დიეტაზეა, ხან ხდება, მერე ისევ სუქდება და ამ პრობლემას ვერ ვიშორებთ. ნიკუშა ბიზნესის მართვაზე სწავლობს. პარალელურად თამუნა მუსერიძესთან ერთად "პირველი არხის" დილის ეთერის წამყვანი გახლავთ. ჩვენ ვწვებით, ის დგება, ის მოდის, ჩვენ აღარ ვართ სახლში და ისე ხდება, რომ შეიძლება მთელი თვე გავიდეს და მის შესახებ სიახლეები სხვებისგან გავიგო.
– გამოდის, რომ ნიკუშა ჟურნალისტიკამ გაიტაცა.
– კი, ძალიან გაიტაცა. არ ვიცი, ეს ვისი გავლენით მოხდა. ნიკუშას სპორტი უყვარს. წამყვანის სინჯებზე რომ წავიდა, ფიქრობდა, რომ დილის გადაცემაში სპორტის რუბრიკას წაიყვანდა, მაგრამ გადაცემის წამყვანად აირჩიეს. ვინც ტელევიზიაში შედგამს ფეხს, მერე ძალიან ძნელია იქიდან გამოსვლა და მასაც იგივე დაემართა. მას ყოველ დილით გაღვიძებაში ვეხმარებით, 4 საათზე გადის სახლიდან და ჩვენ მერე ვიძინებთ.
– პირად ცხოვრებაზე გიყვებათ?
– ამაზე საუბარი არ უყვარს. ის ვიცი, რომ ამ ეტაპზე შეყვარებული არ ჰყავს. ვერც იმას გეტყვით, რომ სერიოზული გრძნობები ჰქონია ოდესმე, გატაცებები აქვს ხოლმე.
– ანუ ბებიობა ჯერ შორს არის თქვენგან?
– კი, როგორც ჩანს, ასეა. ბებიობისთვის მზად არ ვარ, ჯერ ნიტა მყავს გასაზრდელი. თუ იქნება, იქნება, ცოცხალი მაგალითი გვერდით მყავს, ჩემი ეკა (მსახიობი ეკა ნიჟარაძე. ავტ.) უკვე ბებიაა. ნიკუშა ჯერჯერობით სწავლობს და მაგისტრატურაზეც აპირებს სწავლის გაგრძელებას.
– თქვენი ქმარი ნიკა ლომიძე ამჟამად რას საქმიანობს?
– ნიკას თავისი სარეკლამო კომპანია აქვს. გიჟია, ძალიან უყვარს თავისი საქმე. ორი დღე თუ ისე გავიდა, გადაღება არ აქვს, დეპრესია ეწყება.
– თქვენი ცოლქმრული ურთიერთობა 11 წელმა როგორ შეცვალა?
– არაფერი შეცვლილა. შეიძლება დაუჯერებლად მოგეჩვენოთ, მაგრამ მე და ნიკას კონფლიქტი არ გვქონია. ჩხუბი რა არის, არ ვიცით. რაღაცეები შეიძლება არ მომეწონოს მასში, მაგრამ ვეუბნები, რაც არ მსიამოვნებს და იქ მთავრდება ყველაფერი. ზუსტად ვიცი, რა შეიძლება ნიკას გაუხარდეს ან ეწყინოს.
– რა სწყინს ყველაზე ხშირად?
– უყურადღებობა. შეიძლება ამის გამო მისაყვედუროს კიდეც, რატომ არ დამირეკეო. ბოლო ხანებში ისე ხდება, რომ საღამოობით მთხოვს, სახლიდან არ გავიდეთ. ალბათ დავბერდით ან სამსახური ძალიან გვღლის და სიმშვიდე გვინდა.
– ამბობენ, რომ ერთი პერიოდი დაშორებულებიც იყავით. მართალია?
– ჩვენ დაშორებულები არასოდეს ვყოფილვართ. ამას წინათაც მითხრეს იგივე. 11 წლის განმავლობაში ერთმანეთს 3–4–ჯერ დაგვაშორეს. ასეთი ჭორები ალბათ იმიტომ ვრცელდება, რომ მე და ნიკა საღამოობით ხშირად არსად დავდივართ. დღის განმავლობაში უფრო დავდივართ სადილზე. ნიკა პაემანზე მეპატიჟება ან თავს ვაპატიჟებინებ. სულელებივით მარტოები ვსხედვართ და ერთმანეთს ვეპრანჭებით.
სოფიო ბოჭორიძე, ჟურნალი სარკე
– თეა, პროექტში "ცეკვავენ ვარსკვლავები" ჟიურის წევრი იყავით, მეოთხე სეზონზე კი შოუს მიღმა აღმოჩნდით. რატომ?
– ჟიურის შემადგენლობას ცვლიან და ეს ნორმალურიცაა. ამაზე გული ნამდვილად არ დამწყვეტია, რადგან ჩემთვის ჟიურის წევრობა რთული საქმეა. უფრო მეტი გრჩება განაწყენებული, ვიდრე მადლიერი. რთულია შეაფასო ადამიანი, მით უმეტეს – მაშინ, როცა კარგად იცი, ამ პროფესიის დაუფლება როგორ შრომასთანაა დაკავშირებული. როცა ჟიურიში ვიყავი, გარდა იმ მონაწილეებისა, ვისაც კარგ ქულებს ვუწერდი, მგონი, ყველა გავანაწყენე.
– მოგწონთ მეოთხე სეზონი?
– მგონია, რომ წლევანდელი ნაკრები ყველაზე სუსტი იყო, რაც აქამდე ყოფილა. მეორე სეზონიც კარგი იყო. მესამე სეზონი არ იყო იმდენად ძლიერი, თუმცა თავიდანვე იყვნენ გამორჩეული ლიდერები. როცა მიჩვეული ხარ, რომ ამა თუ იმ პროექტს რაღაც სიმაღლე უჭირავს და უკეთესი შესრულება გაქვს ნანახი, უარესის ნახვა მაინცდამაინც სასიამოვნო არ არის. მე, პირადად, უფრო მასშტაბურ შოუს გავაკეთებდი.
– საკმაოდ დატვირთული ხართ, თქვენი ჯგუფი "ვერნისაჟი" მონაწილეობს კონცერტებსა და ფესტივალებში, სტუდიაშიც ბევრი მოსწავლე გყავთ. ამით ოჯახს თქვენი ყურადღება ხომ არ აკლდება?
– მაქსიმალურად ვცდილობ, რომ დრო სწორად გავანაწილო. ჩემს ცხოვრებაში არსებობს დღეები, რომლებიც მხოლოდ ოჯახს ეთმობა და ვცდილობ, იმ დღეებში საქმეები არ ჩამეჩხიროს, რაც ხან გამომდის და ხან – არა. როცა ნიტას ვაკლებ ყურადღებას, ეს ყოველთვის აისახება მასზე.
– ნიტა უკვე საკმაოდ პოპულარული გოგოა, მონაწილეობს ფილმებში, სპექტაკლებში. ამიტომაც განსაკუთრებული ყურადღება დასჭირდება.
– ნიტა ჯერ ბავშვია, 10 წლის არის და ჩემი გვერდში დგომა სჭირდება. თუ სამსახურში არ ვარ, ნიტას დავდევ. ისეთი დატვირთულია, მისთვის არც დაბადების დღე არსებობს და თამაში რა ცნებაა, ისიც არ იცის. ერთი წუთიც არ აქვს თავისუფალი. ან ვარჯიშობს, არ მეცადინეობს, ან სპექტაკლი აქვს, ან გადაღება. ეს მისი ყოველდღიური რეჟიმია.
– ასეთ გრაფიკს ნიტა არ აპროტესტებს?
– არანაირად. ძალიან პატარა იყო, როცა აქტიურად დაიწყო ვარჯიში. ალბათ თავისუფლების გემო რომ გაეგო, გადატვირთულ გრაფიკს გააპროტესტებდა. ნიტა თავის რეჟიმს ჩვეულებრივად აღიქვამს. ვარჯიში და მეგობრის დაბადების დღე თუ ემთხვევა, იცის, რომ ვარჯიშზე წავა. მეც ასე ვიყავი და დღესაც ასე ვცხოვრობ. სანამ ჩემს საქმეს არ მოვითავებ, ვერც მეგობარს ვნახულობ, ვერსად მივდივარ და ამაში ტრაგედიას ვერ ვხედავ. ნიტა ძალიან ბედნიერია, როდესაც სპექტაკლში თამაშობს.
– ესწრებით ნიტას სპექტაკლებს?
– შეძლებისდაგვარად. მიუხედავად იმისა, რომ გადაღებებზე ძალიან იღლება, უფრო მეტ სიამოვნებას გრძნობს, ვიდრე დაღლას. ამჟამად მუსკომედიის თეატრში სპექტაკლ "ლურჯ ფრინველში" თამაშობს. "ცელქი ბავშვების" მეორე სერიის გადაღებებიც დაიწყო და ნიტა კიდევ უფრო დაიტვირთა. ნიტას თუ შევამჩნიე, რომ ცოტა მოდუნდა, შეიძლება გამოვაფხიზლო. მისგან ვითხოვ, რომ კვება განსაზღვრული ჰქონდეს. შეთანხმებულები ვართ, რომ საღამოს საათებში არ უნდა მიიღოს საკვები. იცის, რომ ნაყინს, ნამცხვარს და ცომეულს ყოველთვის ვერ შეჭამს. ბევრ ხილს იღებს და ხორცეულსაც. ამ ყველაფერში მეთანხმება და წონის გაკონტროლება უკვე თვითონაც დაიწყო, სასწორზე დგება და წონას ამოწმებს. პატარა ქალია, თავისი რეჟიმი და საქმე კარგად იცის. შეუძლია გადაღებებზე დამოუკიდებლად წავიდეს და საგრიმიოროში თავიც მოიწესრიგოს.
– თქვენს უფროს შვილთან, ნიკასთან, როგორი დამოკიდებულება გაქვთ, რამდენად ერევით მის ცხოვრებაში?
– ნიკუშა მალე 22 წლის გახდება. ისე გაიზარდა, მასთან არანაირი პრობლემა არ მქონია, კარგი შვილია. ერთადერთი, რაც არ მომწონს, მისი წონაა. ვოცნებობ, რომ ერთხელ გამხდარი ვნახო. მუდმივად დიეტაზეა, ხან ხდება, მერე ისევ სუქდება და ამ პრობლემას ვერ ვიშორებთ. ნიკუშა ბიზნესის მართვაზე სწავლობს. პარალელურად თამუნა მუსერიძესთან ერთად "პირველი არხის" დილის ეთერის წამყვანი გახლავთ. ჩვენ ვწვებით, ის დგება, ის მოდის, ჩვენ აღარ ვართ სახლში და ისე ხდება, რომ შეიძლება მთელი თვე გავიდეს და მის შესახებ სიახლეები სხვებისგან გავიგო.
– გამოდის, რომ ნიკუშა ჟურნალისტიკამ გაიტაცა.
– კი, ძალიან გაიტაცა. არ ვიცი, ეს ვისი გავლენით მოხდა. ნიკუშას სპორტი უყვარს. წამყვანის სინჯებზე რომ წავიდა, ფიქრობდა, რომ დილის გადაცემაში სპორტის რუბრიკას წაიყვანდა, მაგრამ გადაცემის წამყვანად აირჩიეს. ვინც ტელევიზიაში შედგამს ფეხს, მერე ძალიან ძნელია იქიდან გამოსვლა და მასაც იგივე დაემართა. მას ყოველ დილით გაღვიძებაში ვეხმარებით, 4 საათზე გადის სახლიდან და ჩვენ მერე ვიძინებთ.
– პირად ცხოვრებაზე გიყვებათ?
– ამაზე საუბარი არ უყვარს. ის ვიცი, რომ ამ ეტაპზე შეყვარებული არ ჰყავს. ვერც იმას გეტყვით, რომ სერიოზული გრძნობები ჰქონია ოდესმე, გატაცებები აქვს ხოლმე.
– ანუ ბებიობა ჯერ შორს არის თქვენგან?
– კი, როგორც ჩანს, ასეა. ბებიობისთვის მზად არ ვარ, ჯერ ნიტა მყავს გასაზრდელი. თუ იქნება, იქნება, ცოცხალი მაგალითი გვერდით მყავს, ჩემი ეკა (მსახიობი ეკა ნიჟარაძე. ავტ.) უკვე ბებიაა. ნიკუშა ჯერჯერობით სწავლობს და მაგისტრატურაზეც აპირებს სწავლის გაგრძელებას.
– თქვენი ქმარი ნიკა ლომიძე ამჟამად რას საქმიანობს?
– ნიკას თავისი სარეკლამო კომპანია აქვს. გიჟია, ძალიან უყვარს თავისი საქმე. ორი დღე თუ ისე გავიდა, გადაღება არ აქვს, დეპრესია ეწყება.
– თქვენი ცოლქმრული ურთიერთობა 11 წელმა როგორ შეცვალა?
– არაფერი შეცვლილა. შეიძლება დაუჯერებლად მოგეჩვენოთ, მაგრამ მე და ნიკას კონფლიქტი არ გვქონია. ჩხუბი რა არის, არ ვიცით. რაღაცეები შეიძლება არ მომეწონოს მასში, მაგრამ ვეუბნები, რაც არ მსიამოვნებს და იქ მთავრდება ყველაფერი. ზუსტად ვიცი, რა შეიძლება ნიკას გაუხარდეს ან ეწყინოს.
– რა სწყინს ყველაზე ხშირად?
– უყურადღებობა. შეიძლება ამის გამო მისაყვედუროს კიდეც, რატომ არ დამირეკეო. ბოლო ხანებში ისე ხდება, რომ საღამოობით მთხოვს, სახლიდან არ გავიდეთ. ალბათ დავბერდით ან სამსახური ძალიან გვღლის და სიმშვიდე გვინდა.
– ამბობენ, რომ ერთი პერიოდი დაშორებულებიც იყავით. მართალია?
– ჩვენ დაშორებულები არასოდეს ვყოფილვართ. ამას წინათაც მითხრეს იგივე. 11 წლის განმავლობაში ერთმანეთს 3–4–ჯერ დაგვაშორეს. ასეთი ჭორები ალბათ იმიტომ ვრცელდება, რომ მე და ნიკა საღამოობით ხშირად არსად დავდივართ. დღის განმავლობაში უფრო დავდივართ სადილზე. ნიკა პაემანზე მეპატიჟება ან თავს ვაპატიჟებინებ. სულელებივით მარტოები ვსხედვართ და ერთმანეთს ვეპრანჭებით.
სოფიო ბოჭორიძე, ჟურნალი სარკე
