ლივ ტაილერი: ''ეს არ იყო იოლი პერიოდი...''
1 598 ნახვა
მას მერე, რაც ქმარს - მუსიკოს როისტონ ლენგდონს დაშორდა, ლივ ტაილერმა კინოში დაბრუნებაც გადაწყვიტა. ეკრანებზე გამოვიდა სერიალი ''მიტოვებულები'' მისი მონაწილეობით, წელს კიდევ ორი ახალი ფილმი გამოვა. სერიალი ''დაკარგულების'' რეჟისორს ეკუთვნის, საკმაოდ მძაფრსიუჟეტიანია და უკვე დიდი პოპულარობითაც სარგებლობს.
''აეროსმიტის'' ლიდერის, სტივენ ტაილერის, ქალიშვილი, 38 წლის ლივ ტაილერი ახალ ფილმსა და პირად ცხოვრებაზე საუბრობს.
ცნობისათვის, ლივის დედა მომღერალი და ყოფილი მოდელი ბიბი ბიუელია, რომელსაც სტივ ტაილერისგან უკანონოდ გაუჩნდა შვილი. ლივმა მხოლოდ 11 წლის ასაკში შეიტყო ნამდვილი მამის ვინაობა და ურთიერთობაც გააბა მასთან.
სწორედ მამამ შეუწყო ხელი კარიერაში - ჯგუფ ''აეროსმიტის'' კლიპში გამოჩენილმა მშვენიერმა გოგონამ უცებ მიიპყრო პროდიუსერების ყურადღება. მერე იყო ბერტოლუჩის ''წარმავალი სილამაზე'', ''არმაგედონი'', ''ბეჭდების მბრძანებელი'' და მოულოდნელი გაქრობა. ეკრანებზე კარგა ხანს არ ჩანდა - გათხოვდა, შვილი გააჩინა. მერე კი ოჯახი დაენგრა და დეპრესიას ებრძოდა. ახლა ისევ სავსეა ენერგიით.
- ''ჟივანშისთან'' მქონდა ათწლიანი კონტრაქტი და ამის გამო თუ გამოვდიოდი სახლიდან, თავი-სუფალ დროს პატარ-პატარა ფილმებშიც ვთამაშობდი. განქორწინება ემოციურად დიდ გავლენას ახდენს ქალზე. როცა მე და როი დავშორდით, მინდოდა, მთელი დრო ვაჟთან გამეტარებინა, მაილოსთვის სტაბილურობისა და ოჯახური სიმყუდროვის გარემო შემექმნა. ეს არ იყო იოლი პერიოდი...
- თქვენი გმირი მეგი ახალ სერიალში რელიგიური კულტის, სექტის მსხვერპლია... რამდენად იოლი იყო ასეთ ხანგრძლივ სერიალში თამაში?
- სერიალში თამაში კინოსგან განსხვავდება. კინოში არის სცენარი დასაწყისით, კულმინაციითა და კვანძის გახსნით. იცი, სიუჟეტის მიხედვით რა დაემართება შენსგმირს. სერიალი სულ სხვაა, ამოუცნობი გარემოა და არც ის იცი, როდის დამთავრდება.
- პირადს რომ დავუბრუნდეთ, მაინც რა მოგწონთ მეტად, დედობა თუ პოპულარული მსახიობის ამპლუა?
- ძალიან მინდა, რომ ყველაფერი შევათავსო. რა თქმა უნდა, შვილი და ახლობლები გაცილებით ძვირფასია, მაგრამ მე მათზე ჩემი სამუშაოს მეშვეობითაც ხომ ვზრუნავ. არტისტების გარემოში გავიზარდე, მხატვრების, მუსიკოსების, ჩემ გარშემო ყოველთვის ხელოვნება იყო. თუმცა ამ არტისტებს ყოველთვის არ ჰქონდა ფუფუნება, მხოლოდ თავიანთი საქმით ეშოვათ ფული და სხვა საქმის კეთებაც უწევდათ. ბედნიერი ვარ, რომ შემიძლია, ფული ვიშოვო იმ საქმით, რაც მომწონს.
- მომავალში რა გეგმები გაქვთ?
- შვებულება. სერიალს 5 თვე ვიღებდით და ძალიან დავიღალე. ასე რომ, ახლა რამდენიმე თვე ჩემი სიამოვნებისთვის ვიცხოვრებ, ჩემს შვილთან ერთად. იმის იმედიც მაქვს, რომ სერიალის მეორე სეზონი იქნება და ახალი საქმეც მექნება.
ჟურნალი ''რეიტინგი
''აეროსმიტის'' ლიდერის, სტივენ ტაილერის, ქალიშვილი, 38 წლის ლივ ტაილერი ახალ ფილმსა და პირად ცხოვრებაზე საუბრობს.
ცნობისათვის, ლივის დედა მომღერალი და ყოფილი მოდელი ბიბი ბიუელია, რომელსაც სტივ ტაილერისგან უკანონოდ გაუჩნდა შვილი. ლივმა მხოლოდ 11 წლის ასაკში შეიტყო ნამდვილი მამის ვინაობა და ურთიერთობაც გააბა მასთან.
სწორედ მამამ შეუწყო ხელი კარიერაში - ჯგუფ ''აეროსმიტის'' კლიპში გამოჩენილმა მშვენიერმა გოგონამ უცებ მიიპყრო პროდიუსერების ყურადღება. მერე იყო ბერტოლუჩის ''წარმავალი სილამაზე'', ''არმაგედონი'', ''ბეჭდების მბრძანებელი'' და მოულოდნელი გაქრობა. ეკრანებზე კარგა ხანს არ ჩანდა - გათხოვდა, შვილი გააჩინა. მერე კი ოჯახი დაენგრა და დეპრესიას ებრძოდა. ახლა ისევ სავსეა ენერგიით.
- ''ჟივანშისთან'' მქონდა ათწლიანი კონტრაქტი და ამის გამო თუ გამოვდიოდი სახლიდან, თავი-სუფალ დროს პატარ-პატარა ფილმებშიც ვთამაშობდი. განქორწინება ემოციურად დიდ გავლენას ახდენს ქალზე. როცა მე და როი დავშორდით, მინდოდა, მთელი დრო ვაჟთან გამეტარებინა, მაილოსთვის სტაბილურობისა და ოჯახური სიმყუდროვის გარემო შემექმნა. ეს არ იყო იოლი პერიოდი...
- თქვენი გმირი მეგი ახალ სერიალში რელიგიური კულტის, სექტის მსხვერპლია... რამდენად იოლი იყო ასეთ ხანგრძლივ სერიალში თამაში?
- სერიალში თამაში კინოსგან განსხვავდება. კინოში არის სცენარი დასაწყისით, კულმინაციითა და კვანძის გახსნით. იცი, სიუჟეტის მიხედვით რა დაემართება შენსგმირს. სერიალი სულ სხვაა, ამოუცნობი გარემოა და არც ის იცი, როდის დამთავრდება.
- პირადს რომ დავუბრუნდეთ, მაინც რა მოგწონთ მეტად, დედობა თუ პოპულარული მსახიობის ამპლუა?
- ძალიან მინდა, რომ ყველაფერი შევათავსო. რა თქმა უნდა, შვილი და ახლობლები გაცილებით ძვირფასია, მაგრამ მე მათზე ჩემი სამუშაოს მეშვეობითაც ხომ ვზრუნავ. არტისტების გარემოში გავიზარდე, მხატვრების, მუსიკოსების, ჩემ გარშემო ყოველთვის ხელოვნება იყო. თუმცა ამ არტისტებს ყოველთვის არ ჰქონდა ფუფუნება, მხოლოდ თავიანთი საქმით ეშოვათ ფული და სხვა საქმის კეთებაც უწევდათ. ბედნიერი ვარ, რომ შემიძლია, ფული ვიშოვო იმ საქმით, რაც მომწონს.
- მომავალში რა გეგმები გაქვთ?
- შვებულება. სერიალს 5 თვე ვიღებდით და ძალიან დავიღალე. ასე რომ, ახლა რამდენიმე თვე ჩემი სიამოვნებისთვის ვიცხოვრებ, ჩემს შვილთან ერთად. იმის იმედიც მაქვს, რომ სერიალის მეორე სეზონი იქნება და ახალი საქმეც მექნება.
ჟურნალი ''რეიტინგი
