გოგონას მარიხუანას მოწევის შემდეგ ელექტროგადამცემი ანძა ხიდი ეგონა

გოგონას მარიხუანას მოწევის შემდეგ ჰალუცინაციები დაეწყო და 12 მეტრი სიმაღლის ელექტროგადამცემი ანძა ხიდში აერია.

ინციდენტი ჩეხეთში მოხდა. 21 წლის გოგონა შეშინებულმა ადგილობრივებმა ნახეს და პოლიცია გამოიძახეს.

"ეს ნამდვილი კოშმარი იყო, რადგანაც გოგონა ნარკოტიკების ზეგავლენის ქვეშ იყო. მას სჯეროდა, რომ პილონი ხიდი იყო და ფიქრობდა, რომ მდინარეზე გადადიოდა. საავადმყოფოში გადავიყვანეთ და მკურნალობის კურსს გადის. როგორც ჩანს, ძალიან იღბლიანია, რადგანაც, აქ, ძალიან მაღალი დენის ძაბვაა", - ამბობს პოლიციის წარმომადგენელი იან მაკალიკოვა.

მომზადებულია oddstuffmagazine.com-ის მიხედვით.