უფრთხილდით დედისერთებს - მათ ჯერ კიდევ არ იცნობთ

დედისერთა ბავშვი ეს იგივეა, რაც მეფე ტახტზე. დედის, მამის, ბებია-პაპისა და ახლობლების ყურადღებით განებივრებული დარწმუნებულია, რომ ცხოვრება მუდამ ასეთი ხელგაშლილი იქნება მის მიმართ.

როგორი ხასიათი აქვს დედისერთა ბავშვს
• როგორც წესი, თავისივე სქესის მშობლის ხასიათი დაჰყვება. თუმცა მხოლოდ იმ დრომდე, სანამ ცხოვრებისეული გამოცდილება მას ხასიათის საკუთარ შტრიხებს ჩამოუყალიბებს.
• ეს ბავშვები დედ-მამაზე არიან მიჯაჭვულნი და დამოუკიდებელი ცხოვრების აწყობა უჭირთ. მომავალ მეუღლეებში დედისა და მამის ხასიათს ეძებენ.
• დედისერთა ბავშვი, როგორც წესი, მარტოობისას კომფორტულად გრძნობს თავს, საკუთარი თავის მიმართ ნაკლები მოთხოვნა და მაღალი თვითშეფასება აქვს, მოსწონს სხვების კონტროლი.
• საჭიროების დროს ადვილად იღებს დახმარებას.
• "პატარა პროფესორი" ან "დიდი ბავშვია".
• რაკი სხვა ბავშვებთან ურთიერთობის დეფიციტი აქვს, ვერც ხვდება, როდის დგება დამოუკიდებელი ცხოვრების დრო. ხშირად აქვს პრობლემები ინტიმურ სფეროში.
• რადგან მშობლების ყველა იმედი მას უკავშირდება, ავადმყოფურად განიცდის, თუ სათანადო წარმატებას ვერ მიაღწია.

დედისერთა ვაჟი
დედისერთა ბიჭს უკეთ მისდის ცხოვრება, ვიდრე დედისერთა გოგოს. ის ოჯახის მემკვიდრეა, ოჯახის იმედი, ყველა აღფრთოვანებულია მისით და ცოლის მოყვანის შემდეგაც ასე გრძელდება. სამაგიეროდ, მისგან იგივე აღფრთოვანებას და დაფასებას ნუ მოელით. ასეთ მამაკაცს მეგობრების გარემოცვაში ყოფნას განმარტოება ურჩევნია. ოჯახის დანგრევის შემთხვევაში კი ხელმეორედ იშვიათად ქორწინდება.

დედისერთა ბიჭის ცოლი
თანაბარუფლებიანი ურთიერთობისთვის ეს ყმაწვილი მზად არ არის, რადგან გადამეტებულ ზრუნვას, უპირატეს მდგომარეობას და მოთხოვნების სწრაფად დაკმაყოფილებას არის მიჩვეული. მომავალი ცოლი მოახლედ უფრო ესახება, ვიდრე ცხოვრების მეგზურად, რომელიც კომფორტულ პირობებს შეუქმნის და სამაგიეროდ არაფერს მოითხოვს. მის ცოლს ასი პროცენტით საკუთარ თავზე მოუწევს ბავშვების აღზრდის აღება.
ასეთი მამაკაცის ცოლი ოჯახში შუათანა ბავშვი უნდა იყოს, წინააღმდეგ შემთხვევაში კატასტროფა გარდაუვალია.
თუ ისეთი ცოლი შეხვდა, რომელიც მშობლების ოჯახში ძმების უფროსი და იყო, ისიც დედასავით გამოადგება.

დედისერთა ქალიშვილი
თავის განსაკუთრებულობაში ღრმად არის დარწმუნებული. სხვებისგანაც აღტაცებასა და განებივრებას მოელის და ძალიან ბრაზდება, თუ ამაზე უარს ეუბნებიან. იგივეს მოითხოვს მომავალში მეგობრებისგან, მეუღლისგან და მეუღლის ოჯახის წევრებისგან.

დედისერთა გოგოს ქმარი
ის ქმარს საკუთარი კრიტერიუმით არჩევს. მისი შეფასებით, მამაკაცი ტაქტიანი, ალერსიანი და ხელგაშლილი უნდა იყოს. მზად უნდა იყოს ცოლის ყველა სურვილის დასაკმაყოფილებლად და ყოველ წუთს სიყვარულს უმტკიცებდეს.
ცოლს მაქსიმალური კომფორტი უნდა შეუქმნას და ცხოვრება გაუადვილოს, სამაგიეროდ კი არაფერი მოითხოვოს.
დიდ სირთულეებს წააწყდებიან, თუ ორივე დედისერთა იქნება. არც ერთმა არ იცის დაბალანსებული ურთიერთობები და ორივეს უნდა, რომ მეუღლემ მშობლის როლი შეითავსოს. ამ ოჯახის ხსნა ერთ რამეს შეუძლია - ცოლ-ქმარს საერთო პროფესია, ჰობი ან მისწრაფებები უნდა ჰქონდეს.
დედისერთა გოგოს ძალიან გაუმართლებს თუ მისი რჩეული დების უფროსი ძმა იქნება