მარიამ ვაშაძემ მუსიკალური ოცნება ვენაში აიხდინა
1 573 ნახვა
'პირველი არხის'' საინფორმაციოს წამყვანი მარიამ ვაშაძე საკმაოდ გამოცდილი მოგზაურია, სამეგობროც თავისნაირი ჰყავს და შესაბამისად, უკვე არაერთი ქალაქის მოვლა მოასწრო, თუმცა წინ პარიზია, სადაც ამ ზაფხულს აპირებს გამგზავრებას, და ბრაზილია, ამ ქვეყანაში წასვლა წელს უნდოდა, მაგრამ ამ ვოიაჟის დაგეგმვა ვერ მოახერხა.
მისი აზრით, ფილმში ნახვა და წაკითხვა სხვაა, მაგრამ როცა რომელიმე ქალაქში ჩადიხარ, ეხები კულტურას, ჩვეულებრივ ყოფას, აგემოვნებ კერძებს, ათვალიერებ იმას, რაც ნანახი და წაკითხული გაქვს, ძალიან გამორჩეული შეგრძნებაა. მარიამის მოსაზრებით, მოგზაურობა გამოცდილების შეძენის საუკეთესო საშუალებაა.
- ბავშვობაში ბევრად ხშირად ვმოგზაურობდი, ვიდრე ახლა, ვინაიდან ფრენის შიში მაქვს, რაც პატარაობისას არ მაწუხებდა. ამის მიუხედავად, მაინც ვახერხებ საზღვრებს გარეთ გასვლას, თუმცა ფრენის შიში რომ არ მქონდეს, სულ უცხოეთში ვიქნებოდი. სულ მეშინია, რომ თვითმფრინავი ჩამოვარდება, ასეთი ფობია ბევრს აწუხებს. რამდენიმე მეგობარი მყავს, რომელთათვისაც ეს დიდი სიამოვნებაა, რაც ძალიან მაკვირვებს. სტიუარდესებს ვაკვირდები, როგორი სახით დადიან, სულ ფანჯრიდან ვიყურები, ერთხელ ტურბულენტურ ზონაში მოვხვდით და მასულიერებდნენ. ამბობენ, რომ თვითმფრინავი ყველაზე უსაფრთხო საშუალებაა გადასაადგილებლად, მაგრამ ეს შიში მაინც ვერ დავძლიე.
ბავშვობაში ანსამბლში ვცეკვავდი და უამრავ ქვეყანაში ვარ ნამყოფი გასტროლებზე, პირველად ან თურქეთში ვიყავით, ან კვიპროსზე, ზუსტად არ მახსოვს. ცეკვიდან ასევე ვარ ნამყოფი სამხრეთ ამერიკაში. ძალიან დიდი შთაბეჭდილებები მივიღე, მიუხედავად იმისა, რომ პატარა ასაკის ვიყავი. სიამოვნებით წავიდოდი კვლავ. თითქმის ყველა ესპანურად ლაპარაკობდა და მაშინ ამ ენის ცოტათი ათვისებაც კი მოვახერხე. დავათვალიერეთ ღირსშესანიშნაობები. ამ მოგზაურობებიდან დამამახსოვრდა ჰონდურასი, სადაც სასტუმროს შესანიშნავი ბაღები ჰქონდა, მათ შორის, ლიანები. ერთ დღეს გადავწყვიტე, ტარზანი ვყოფილიყავი, გავექანე, ჩამოვეკიდე ლიანას და ძირს ჩამოვვარდი. ასე დასრულდა ჩემი ტარზანობა (იცინის).
უფრო მოზრდილ ასაკში აქცენტს ღირსშესანიშნაობების გაცნობაზე ვაკეთებ. ცოტა დატვირთული გრაფიკი მაქვს, მაგრამ როგორც კი დრო გამომიჩნდება ხოლმე, მოგზაურობას ვგეგმავ. ახლაც, აგ-ვისტოში საზღვარგარეთ წასვლას ვაპირებ. მეგობრები არ მაძლევენ სახლში ჯდომის საშუალებას.
- ბოლოს სად იყავი?
- ერთი თვის წინ ვენაში ვიყავი, ეს ქალაქი ძალიან მიყვარს და არაერთხელ ვარ ნამყოფი. წყნარი, მშვიდი და ძალიან მოწესრიგებული ქალაქია, ევროპის სხვა ქალაქებს თუ შევადარებთ, ყველაზე წკრიალაა. ხალხიც ძალიან მოწესრიგებულია, თუმცა ცოტა მოსაწყენია ახალგაზრდებისთვის, განსაკუთრებით ზამთარში. იქ ჩემი ბავშვობის მეგობარი ცხოვრობს და ამიტომაც ხშირად ჩავდივარ. ბოლოს მას სიურპრიზი გავუკეთე, დაბადების დღეზე ისე ჩავედი, რომ არ იცოდა. თანაც, დაემთხვა და იმ დროს ჯასტინ ტიმბერლეიკის კონცერტი იმართებოდა. შევიძინეთ ბილეთები და მეგობრებთან ერთად მის კონცერტს დავესწარი (იღიმის). ძალიან მომწონს, როგორც ბიჭი, მომღერალი და თან ძალიან მაგარ შოუებს აკეთებს. დღემდე მომყვება ეს ემოცია, კონცერტი 4 ივნისს იყო. კარგ ადგილას მოვხვდი, ახლოდან ვუყურებდი, დიდი კონცერტ-ჰოლი აქვთ, დახურული, რომელიც უამრავ ადამიანს იტევს. ცოტა ხანს აზრზე ვერ მოვდიოდი, მიუხედავად იმისა, რომ კარგ კონცერტს ველოდი. ბო-ლომდე დაიხარჯა, სასწაულად ცეკვავს, ცოცხლად შესანიშნავად მღერის.
- ევროპის სხვა ქვეყნებზეც მოგვიყევი, სადაც ყოფილხარ.
- ყველგან არ ვარ ნამყოფი და სანახავი კიდევ ბევრი ქვეყანა მაქვს, თუმცა განსაკუთრებულად მაინც იტალია მიყვარს. რომზე რომ ვისაუბროთ, ისტორიაში დადიხარ. კოლიზეუმში რომ შევედი და გავაცნობიერე, რომ საუკუნეების წინ ''გადავინაცვლე'', სადაც გლადიატორები იბრძოდნენ, უცნაური გრძნობა დამეუფლა.
- ქალებს უფრო პარიზი მოსწონთ.
- პარიზში არ ვყოფილვარ, წელს ვაპირებ. იტალიაში სხვა ქალაქებშიც ვყოფილვარ, მაგრამ თითქოს რომი ყველაზე მეტად მომეწონა. თუნდაც ვენა და რომი რომ შევადაროთ, რომში უფრო მეტი სიცოცხლე ჩქეფს. ქუჩაში რომ გადიხარ, რაღაცებს მოგაძახებენ, კომპლიმენტს, კონტაქტში შემოდიან, ხალისიანები არიან.
- თაყვანისმცემლებიც გაგიჩენია ალბათ მოგზაურობისას.
- ყოფილა კომპლიმენტების დონეზე.
- რა ეროვნების ადამიანს გამსგავსებენ?
- გარეგნობის გამო ყველას რუსი ვგონივარ. მაგალითად, პრაღაში ეგრევე რუსულად მიწყებდნენ ლაპარაკს. რუსი არავინ მყავს გვარში, დიდი ბებია მყავდა ბერძენი. ადრე ვიწყებდი იმის ახსნას, ქართველი ვარ-მეთქი, ვუხსნიდი, სად მდებარეობდა ჩვენი ქვეყანა და დიდხანს ვესაუბრებოდი, თუ დრო მაქვს, ახლაც განვუმარტავ ხოლმე, თუ მეჩქარება, რუსულად ვპასუხობ და გზას ვაგრძელებ.
პრაღა ვახსენე და მინდა აღვნიშნო, რომ ეს ქალაქიც ძალიან მომეწონა. ზოგადად, ყველა ქალაქს თავისი ხიბლი აქვს. არქიტექტურით მოვიხიბლე და დიდი სილამაზე დავინახე, სიძველე მომეწონა.
- საოცნებო ადგილი თუ გაქვს?
- ძალიან მინდა ბრაზილიაში გამგზავრება, რიოში, კარნავალზე. ახლაც მინდოდა ფეხბურთის ჩემპიონატზე გამგზავრება, მაგრამ თავი ვერ მოვაბი. თანაც, საკმაოდ დიდი გზაა გასავლელი და ფრენის შიშიც თავის როლს თამაშობს. ნიუ-იორკში წასვლაც ჯერჯერობით ვერ გადავწყვიტე, ისევ და ისევ ხანგრძლივი ფრენის გამო. ვერც ვიძინებ. ზოგჯერ მარტო ფრენაც მიწევს და ამ დროს გამორჩეულად ფხიზლად ვარ ხოლმე (იღიმის). 2016 წელს ბრაზილიაში ოლიმპიადა იმართება და შე-საძლოა, დავამთხვიო იქ ჩასვლა. მირჩევნია, რაიმე ღონისძიება იყოს და ისე ჩავიდე. აი, როგორც ვენაში იყო, როცა ტიმბერლეიკის კონცერტი დაემთხვა.
- როგორც ვხვდები, ჯასტინ ტიმბერლეიკის მსგავსი მამაკაცები მოგწონს.
- ამასთან დაკავშირებით ვერ ჩამოვყალიბდი, ხან როგორი ბიჭი მომწონს, ხან - როგორი და როგორც წესი, ერთმანეთს არ ჰგვანან (იცინის), შეიძლება იყოს ქერა ან შავგვრემანი, რაც მთავარია, სიმპათიური უნდა იყოს (იღიმის).
- ისევ მოგზაურობას რომ დავუბრუნდეთ, სხვადასხვა ქვეყნის სამზარეულოს თუ სინჯავ?
- რა თქმა უნდა, თუ ძალიან ეგზოტიკური არ არის, არ მაქვს გასინჯვის პრობლემა. ზოგადად, ჭამა ძალიან მიყვარს, გამორჩეულად იტალიური სამზარეულოს, პასტების, პიცების მოყვარული ვარ.
- არ სუქდები?
- ძალიან მსუქანი არავის ვახსოვარ, მაგრამ ორ კილოსაც რომ ვიმატებ, ვხვდები და ვცდილობ, ღამე არ ვჭამო.
ასევე მიყვარს აზიური სამზარეულოც, ცხარე, მჟავე საჭმელი. გამისინჯავს რვაფეხა, ვერ ვიტყვი, რომ გადავირიე, თუმცა ზღვის პროდუქტები მიყვარს. ზოგი ისეთ რაღაცებს მიირთმევს, რომელთაც მე ვერასდროს გავსინჯავ, თუ არ მომატყუეს. ამბობენ, რომ ძალიან გემრიელია გველის ხორცი.
- შოპინგი და მოგზაურობა...
- შოპინგი არის ჩემი და ჩემი მეგობრების ''ტკივილი'' (იცინის). მყავს რამდენიმე ჩემნაირი მეგობარი, გვყავს კიდევ ერთი, რომელსაც არ შეუძლია ამდენი სიარული და ჩემი შოპინგი მისთვის ტრაგედიაა. ბოლოს მივხვდით, რომ გვირჩვენია, მარტო ვიაროთ და მერე შევიკრიბოთ ხოლმე.
- ყველაზე კარგად სად გიშოპინგია?
- ყველა ევროპულ ქვეყანაშია ამის კარგი შესაძლებლობა, ამბობენ, რომ ესპანეთია ძალიან იაფი ამ მხრივ, მაგრამ თუ ფასდაკლებები დაგემთხვა, შეგიძლია, იტალიაშიც იყიდო ბევრი რამ და ისეთი, რაშიც თბილისში ხუთმაგ ფასს გამოგართმევენ.
- ბრენდები ალბათ გიყვარს.
- რასაკვირველია, ბრენდი კარგია, მაგრამ თუ მომეწონა, ბრენდს ყურადღებას არ მივაქცევ, მთავარია, კარგი ხარისხის იყოს.
- უფულოდ თუ დარჩენილხარ შოპინგის ნიადაგზე?
- არა, ამის კონტროლი ყოველთვის შემიძლია. ახლა ისეთი დროა, რომ იმ დღესვე შეძლებენ ფულის გამოგზავნას, მაგრამ ბოლო ფულს არასდროს დავხარჯავ.
- თბილისის გარდა, სად იცხოვრებდი სიამოვნებით?
- სამუდამოდ ვერსად ვიცხოვრებდი თბილისის გარდა. თუ, ვთქვათ, საქართველოში ხშირად ჩამოსვლის საშუალება მექნებოდა, იტალიაში ვიცხოვრებდი. ასე ყველგან იცხოვრებ, ევროპულ ქვეყანაში, სადაც კომფორტული პირობებია.
- მოგზაურობიდან სუვენირები ჩამოგაქვს?
- ჩემს მეგობრებს ჩემი ეს გატაცება უკვე სასაცილოდ არ ჰყოფნით. მაცივარზე გასაკრავი სუვენირები, ღირსშესანიშნაობების პატარ-პატარა ქანდაკებები, თეფშები და სხვა მრავალი ნივთი, რომლებიც არა მაქვს დათვლილი. ისე ვიტანჯები ამ ყველაფრით, რომ ყოველი წასვლის წინ ვამბობ, აღარ ვიყიდი-მეთქი. ამ ნივთების შეფუთვაში უამრავ ენერგიას ვხარჯავ, რომ არ გამიტყდეს. იცი, როგორ ვტენი ხოლმე ბარგში (იღიმის)?..
ჟუნალი ''რეიტინგი''
ნინო მურღულია
მისი აზრით, ფილმში ნახვა და წაკითხვა სხვაა, მაგრამ როცა რომელიმე ქალაქში ჩადიხარ, ეხები კულტურას, ჩვეულებრივ ყოფას, აგემოვნებ კერძებს, ათვალიერებ იმას, რაც ნანახი და წაკითხული გაქვს, ძალიან გამორჩეული შეგრძნებაა. მარიამის მოსაზრებით, მოგზაურობა გამოცდილების შეძენის საუკეთესო საშუალებაა.
- ბავშვობაში ბევრად ხშირად ვმოგზაურობდი, ვიდრე ახლა, ვინაიდან ფრენის შიში მაქვს, რაც პატარაობისას არ მაწუხებდა. ამის მიუხედავად, მაინც ვახერხებ საზღვრებს გარეთ გასვლას, თუმცა ფრენის შიში რომ არ მქონდეს, სულ უცხოეთში ვიქნებოდი. სულ მეშინია, რომ თვითმფრინავი ჩამოვარდება, ასეთი ფობია ბევრს აწუხებს. რამდენიმე მეგობარი მყავს, რომელთათვისაც ეს დიდი სიამოვნებაა, რაც ძალიან მაკვირვებს. სტიუარდესებს ვაკვირდები, როგორი სახით დადიან, სულ ფანჯრიდან ვიყურები, ერთხელ ტურბულენტურ ზონაში მოვხვდით და მასულიერებდნენ. ამბობენ, რომ თვითმფრინავი ყველაზე უსაფრთხო საშუალებაა გადასაადგილებლად, მაგრამ ეს შიში მაინც ვერ დავძლიე.
ბავშვობაში ანსამბლში ვცეკვავდი და უამრავ ქვეყანაში ვარ ნამყოფი გასტროლებზე, პირველად ან თურქეთში ვიყავით, ან კვიპროსზე, ზუსტად არ მახსოვს. ცეკვიდან ასევე ვარ ნამყოფი სამხრეთ ამერიკაში. ძალიან დიდი შთაბეჭდილებები მივიღე, მიუხედავად იმისა, რომ პატარა ასაკის ვიყავი. სიამოვნებით წავიდოდი კვლავ. თითქმის ყველა ესპანურად ლაპარაკობდა და მაშინ ამ ენის ცოტათი ათვისებაც კი მოვახერხე. დავათვალიერეთ ღირსშესანიშნაობები. ამ მოგზაურობებიდან დამამახსოვრდა ჰონდურასი, სადაც სასტუმროს შესანიშნავი ბაღები ჰქონდა, მათ შორის, ლიანები. ერთ დღეს გადავწყვიტე, ტარზანი ვყოფილიყავი, გავექანე, ჩამოვეკიდე ლიანას და ძირს ჩამოვვარდი. ასე დასრულდა ჩემი ტარზანობა (იცინის).
უფრო მოზრდილ ასაკში აქცენტს ღირსშესანიშნაობების გაცნობაზე ვაკეთებ. ცოტა დატვირთული გრაფიკი მაქვს, მაგრამ როგორც კი დრო გამომიჩნდება ხოლმე, მოგზაურობას ვგეგმავ. ახლაც, აგ-ვისტოში საზღვარგარეთ წასვლას ვაპირებ. მეგობრები არ მაძლევენ სახლში ჯდომის საშუალებას.
- ბოლოს სად იყავი?
- ერთი თვის წინ ვენაში ვიყავი, ეს ქალაქი ძალიან მიყვარს და არაერთხელ ვარ ნამყოფი. წყნარი, მშვიდი და ძალიან მოწესრიგებული ქალაქია, ევროპის სხვა ქალაქებს თუ შევადარებთ, ყველაზე წკრიალაა. ხალხიც ძალიან მოწესრიგებულია, თუმცა ცოტა მოსაწყენია ახალგაზრდებისთვის, განსაკუთრებით ზამთარში. იქ ჩემი ბავშვობის მეგობარი ცხოვრობს და ამიტომაც ხშირად ჩავდივარ. ბოლოს მას სიურპრიზი გავუკეთე, დაბადების დღეზე ისე ჩავედი, რომ არ იცოდა. თანაც, დაემთხვა და იმ დროს ჯასტინ ტიმბერლეიკის კონცერტი იმართებოდა. შევიძინეთ ბილეთები და მეგობრებთან ერთად მის კონცერტს დავესწარი (იღიმის). ძალიან მომწონს, როგორც ბიჭი, მომღერალი და თან ძალიან მაგარ შოუებს აკეთებს. დღემდე მომყვება ეს ემოცია, კონცერტი 4 ივნისს იყო. კარგ ადგილას მოვხვდი, ახლოდან ვუყურებდი, დიდი კონცერტ-ჰოლი აქვთ, დახურული, რომელიც უამრავ ადამიანს იტევს. ცოტა ხანს აზრზე ვერ მოვდიოდი, მიუხედავად იმისა, რომ კარგ კონცერტს ველოდი. ბო-ლომდე დაიხარჯა, სასწაულად ცეკვავს, ცოცხლად შესანიშნავად მღერის.
- ევროპის სხვა ქვეყნებზეც მოგვიყევი, სადაც ყოფილხარ.
- ყველგან არ ვარ ნამყოფი და სანახავი კიდევ ბევრი ქვეყანა მაქვს, თუმცა განსაკუთრებულად მაინც იტალია მიყვარს. რომზე რომ ვისაუბროთ, ისტორიაში დადიხარ. კოლიზეუმში რომ შევედი და გავაცნობიერე, რომ საუკუნეების წინ ''გადავინაცვლე'', სადაც გლადიატორები იბრძოდნენ, უცნაური გრძნობა დამეუფლა.
- ქალებს უფრო პარიზი მოსწონთ.
- პარიზში არ ვყოფილვარ, წელს ვაპირებ. იტალიაში სხვა ქალაქებშიც ვყოფილვარ, მაგრამ თითქოს რომი ყველაზე მეტად მომეწონა. თუნდაც ვენა და რომი რომ შევადაროთ, რომში უფრო მეტი სიცოცხლე ჩქეფს. ქუჩაში რომ გადიხარ, რაღაცებს მოგაძახებენ, კომპლიმენტს, კონტაქტში შემოდიან, ხალისიანები არიან.
- თაყვანისმცემლებიც გაგიჩენია ალბათ მოგზაურობისას.
- ყოფილა კომპლიმენტების დონეზე.
- რა ეროვნების ადამიანს გამსგავსებენ?
- გარეგნობის გამო ყველას რუსი ვგონივარ. მაგალითად, პრაღაში ეგრევე რუსულად მიწყებდნენ ლაპარაკს. რუსი არავინ მყავს გვარში, დიდი ბებია მყავდა ბერძენი. ადრე ვიწყებდი იმის ახსნას, ქართველი ვარ-მეთქი, ვუხსნიდი, სად მდებარეობდა ჩვენი ქვეყანა და დიდხანს ვესაუბრებოდი, თუ დრო მაქვს, ახლაც განვუმარტავ ხოლმე, თუ მეჩქარება, რუსულად ვპასუხობ და გზას ვაგრძელებ.
პრაღა ვახსენე და მინდა აღვნიშნო, რომ ეს ქალაქიც ძალიან მომეწონა. ზოგადად, ყველა ქალაქს თავისი ხიბლი აქვს. არქიტექტურით მოვიხიბლე და დიდი სილამაზე დავინახე, სიძველე მომეწონა.
- საოცნებო ადგილი თუ გაქვს?
- ძალიან მინდა ბრაზილიაში გამგზავრება, რიოში, კარნავალზე. ახლაც მინდოდა ფეხბურთის ჩემპიონატზე გამგზავრება, მაგრამ თავი ვერ მოვაბი. თანაც, საკმაოდ დიდი გზაა გასავლელი და ფრენის შიშიც თავის როლს თამაშობს. ნიუ-იორკში წასვლაც ჯერჯერობით ვერ გადავწყვიტე, ისევ და ისევ ხანგრძლივი ფრენის გამო. ვერც ვიძინებ. ზოგჯერ მარტო ფრენაც მიწევს და ამ დროს გამორჩეულად ფხიზლად ვარ ხოლმე (იღიმის). 2016 წელს ბრაზილიაში ოლიმპიადა იმართება და შე-საძლოა, დავამთხვიო იქ ჩასვლა. მირჩევნია, რაიმე ღონისძიება იყოს და ისე ჩავიდე. აი, როგორც ვენაში იყო, როცა ტიმბერლეიკის კონცერტი დაემთხვა.
- როგორც ვხვდები, ჯასტინ ტიმბერლეიკის მსგავსი მამაკაცები მოგწონს.
- ამასთან დაკავშირებით ვერ ჩამოვყალიბდი, ხან როგორი ბიჭი მომწონს, ხან - როგორი და როგორც წესი, ერთმანეთს არ ჰგვანან (იცინის), შეიძლება იყოს ქერა ან შავგვრემანი, რაც მთავარია, სიმპათიური უნდა იყოს (იღიმის).
- ისევ მოგზაურობას რომ დავუბრუნდეთ, სხვადასხვა ქვეყნის სამზარეულოს თუ სინჯავ?
- რა თქმა უნდა, თუ ძალიან ეგზოტიკური არ არის, არ მაქვს გასინჯვის პრობლემა. ზოგადად, ჭამა ძალიან მიყვარს, გამორჩეულად იტალიური სამზარეულოს, პასტების, პიცების მოყვარული ვარ.
- არ სუქდები?
- ძალიან მსუქანი არავის ვახსოვარ, მაგრამ ორ კილოსაც რომ ვიმატებ, ვხვდები და ვცდილობ, ღამე არ ვჭამო.
ასევე მიყვარს აზიური სამზარეულოც, ცხარე, მჟავე საჭმელი. გამისინჯავს რვაფეხა, ვერ ვიტყვი, რომ გადავირიე, თუმცა ზღვის პროდუქტები მიყვარს. ზოგი ისეთ რაღაცებს მიირთმევს, რომელთაც მე ვერასდროს გავსინჯავ, თუ არ მომატყუეს. ამბობენ, რომ ძალიან გემრიელია გველის ხორცი.
- შოპინგი და მოგზაურობა...
- შოპინგი არის ჩემი და ჩემი მეგობრების ''ტკივილი'' (იცინის). მყავს რამდენიმე ჩემნაირი მეგობარი, გვყავს კიდევ ერთი, რომელსაც არ შეუძლია ამდენი სიარული და ჩემი შოპინგი მისთვის ტრაგედიაა. ბოლოს მივხვდით, რომ გვირჩვენია, მარტო ვიაროთ და მერე შევიკრიბოთ ხოლმე.
- ყველაზე კარგად სად გიშოპინგია?
- ყველა ევროპულ ქვეყანაშია ამის კარგი შესაძლებლობა, ამბობენ, რომ ესპანეთია ძალიან იაფი ამ მხრივ, მაგრამ თუ ფასდაკლებები დაგემთხვა, შეგიძლია, იტალიაშიც იყიდო ბევრი რამ და ისეთი, რაშიც თბილისში ხუთმაგ ფასს გამოგართმევენ.
- ბრენდები ალბათ გიყვარს.
- რასაკვირველია, ბრენდი კარგია, მაგრამ თუ მომეწონა, ბრენდს ყურადღებას არ მივაქცევ, მთავარია, კარგი ხარისხის იყოს.
- უფულოდ თუ დარჩენილხარ შოპინგის ნიადაგზე?
- არა, ამის კონტროლი ყოველთვის შემიძლია. ახლა ისეთი დროა, რომ იმ დღესვე შეძლებენ ფულის გამოგზავნას, მაგრამ ბოლო ფულს არასდროს დავხარჯავ.
- თბილისის გარდა, სად იცხოვრებდი სიამოვნებით?
- სამუდამოდ ვერსად ვიცხოვრებდი თბილისის გარდა. თუ, ვთქვათ, საქართველოში ხშირად ჩამოსვლის საშუალება მექნებოდა, იტალიაში ვიცხოვრებდი. ასე ყველგან იცხოვრებ, ევროპულ ქვეყანაში, სადაც კომფორტული პირობებია.
- მოგზაურობიდან სუვენირები ჩამოგაქვს?
- ჩემს მეგობრებს ჩემი ეს გატაცება უკვე სასაცილოდ არ ჰყოფნით. მაცივარზე გასაკრავი სუვენირები, ღირსშესანიშნაობების პატარ-პატარა ქანდაკებები, თეფშები და სხვა მრავალი ნივთი, რომლებიც არა მაქვს დათვლილი. ისე ვიტანჯები ამ ყველაფრით, რომ ყოველი წასვლის წინ ვამბობ, აღარ ვიყიდი-მეთქი. ამ ნივთების შეფუთვაში უამრავ ენერგიას ვხარჯავ, რომ არ გამიტყდეს. იცი, როგორ ვტენი ხოლმე ბარგში (იღიმის)?..
ჟუნალი ''რეიტინგი''
ნინო მურღულია
