ჯანეტ ქერდიყოშვილი უკრაინაში პრინცის ძებნაზე უარს ამბობს
1 537 ნახვა
"მის საქართველო 2011", ჯანეტ ქერდიყოშვილი, უცხოეთის კლინიკებში რამდენიმეთვიანი მკურნალობის შემდეგ საქართველოში ბრუნდება. პიელონეფრიტის გამო ჯანეტს ხანგრძლივი მკურნალობა დასჭირდა, ახლა კი სრულიად ჯანმრთელია და ოცნებების ასრულებას მალე თავიდან შეუდგება. სანამ ავად გახდებოდა, მის ცხოვრებაში წარმატებული პერიოდი იყო, ერთ–ერთი გადაცემის წამყვანი გახდა, "მის სამყარო 2013"–ში მონაწილეობისთვის ემზადებოდა, მაგრამ ყველა გეგმა ჩაეშალა.
მის ცხოვრებაში ახლაც არის სიახლეები, რაზეც თავად გვიამბობს. "სარკე" ჯანეტს პეტერბურგში დაუკავშირდა, სადაც მშობლებთან ერთად იმყოფება.
– ჯანეტ, მკურნალობა გაგიგრძელდათ, ახლა როგორ გრძნობთ თავს?
– ახლა კარგად ვარ. ჯანმრთელობის მდგომარეობის გაუარესების გამო ჯერ უკრაინაში ვიყავი, შემდეგ ევროპაში წავედი. ჩეხეთში, კარლოვი ვარიში სამკურნალო წყალს ვსვამდი, რომ ორგანიზმი გაწმენდილიყო. მოკლედ, მკურნალობის სრული კურსი ჩავიტარე. ამის შემდეგ უკვე საქართველოში დაბრუნებაც შემეძლო, მაგრამ პეტერბურგში, მამაჩემთან ჩამოვედი და მე და დედა მას ველოდებით, რომ საქართველოში ყველა ერთად დავბრუნდეთ. ერთი სული მაქვს, მანდ როდის ჩამოვალ. დაახლოებით ერთ თვეში უკვე თბილისში ვიქნებით.
ფიზიკურადაც კარგად ვარ და ფსიქოლოგიურადაც. ამაში კი ჩემი მეგობრები, ახლობლები და ვირტუალური მეგობრებიც ძალიან დამეხმარნენ. ინტერნეტის საშუალებით თბილ წერილებს ვიღებდი, რაც ძალიან მამხნევებდა. ჩემთვის საქართველოსთან მოწყვეტა ძალიან რთული აღმოჩნდა. ბევრი სიახლე მქონდა, კონკურსისთვის ვეზადებოდი, "იმედის" არხზე წამყვანი ვიყავი, ცხოვრების აქტიურ რეჟიმს ვიყავი მიჩვეული და მოულოდნელად აქ აღმოვჩნდი. თბილისური სითბო, კომფორტი მომაკლდა. აქ წუწუნა ბავშვივით ვიქცეოდი, მაგრამ ჩემს ახირებებს დედაც და მამაც მოთმინებით იტანდნენ. სირთულეები ჩემი მშობლების სიყვარულმა და ხალხის სითბომ გადამატანინა.
– მშობლები თქვენ გამო არიან პეტერბურგში?
– მე პეტერბურგში დავიბადე, მამაჩემს აქ ბიზნესი აქვს. დედა კი მე ჩამომყვა. ჩემი ძმა თბილისში მარტოა.
– დრო როგორ გაგყავთ, რითი ხართ დაკავებული?
– თითქმის ყველა ჩემი ახლობელი – დეიდები, ბიძები აქ ცხოვრობენ, ამიტომ აქ ყოფნა არ მიჭირს, მათთან სტუმრად დავდივარ. ნელ–ნელა ფორმაშიც ვდგები, აქამდე ფიზიკური დატვირთვა არ შეიძლებოდა. ისეთ წამლებს ვსვამდი, რომლებსაც ძლიერი კვება სჭირდებოდა, ამიტომ ვარჯიში არ შეიძლებოდა. ახლა ფიზიკურადაც ვიტვირთები, სწორად ვიკვებები, ველოსიპედით, გორგოლაჭებით დავდივარ, ხშირად ქალაქგარეთაც გავდივარ, რაღაცეებს ვკითხულობ, რაც მაინტერესებს და რისთვისაც ადრე დრო არ მქონდა. მოკლედ, ვისვენებ და თბილისისთვის ძალებს ვიკრებ.
– თბილისში ჩამოსვლის შემდეგ რა გეგმების განხორციელებას შეუდგებით, რას აპირებთ?
– თავს შევიკავებ და აღარ ვიტყვი. აქამდეც ყველაფერი დაგეგმილი მქონდა, კონკურსზეც მივდიოდი და უეცრად ასეთი რაღაც დამატყდა თავს. ამიტომაც ჯობს, ჯერ მოხდეს რაღაც და მერე ვილაპარაკო.
– ერთ–ერთმა უცხოურმა ვებგვერდმა მსოფლიოს ყველაზე ლამაზი ქალების სიაში ჩაგწერათ. მართალია, ეს 2013 წლის რეიტინგია, მაგრამ ამის შესახებ ახლა გახდა ცნობილი. თქვენ იცოდით?
– არა, მეც ახლახან გავიგე და ამ ფაქტით, ცოტა არ იყოს, შოკირებული დავრჩი. ამ რეიტინგის შესახებ არც ვიცოდი და არც ველოდი, უფრო მეტიც, არც მეგონა, რომ ქართველს იქ მოხვედრა შეეძლო. რაც უნდა კარგი გოგო იყო, პატარა ქვეყნებს დიდად არც აკვირდებიან და არც სწყალობენ. ამ ამბავმა ძალიან გამახარა, ვამაყობ, რომ ეს შევძელი.
– როგორ გაიგეთ ამის შესახებ?
– მეგობრებმა მითხრეს, ერთ–ერთ საიტზე დევს ეს ინფორმაციაო და იქ ვნახე. სხვათა შორის, ცოტა ხნის წინ საინტერესო შემოთავაზება მივიღე, რომელსაც პირველად "სარკეს" გავუმხელ – უკრაინული არხის, "ესტებე"–ს კასტინგის მენეჯერი დამიკავშირდა, რომელმაც მითხრა, რომ ახალ პროექტში "იშუ პრინცა" ("ვეძებ პრინცს") მიმეღო მონაწილეობა. ეს ცნობილი პროექტის "ხოლოსტიაკის" ("უცოლო") მსგავსია, სადაც ცნობილი ბიჭი თავისთვის საცოლეს ეძებს. მოკლედ, ამ პროექტის ავტორები ახალ გადაცემას "ვეძებ პრინცს" აკეთებენ. მთავარ როლში გოგონა იქნება და მათი სურვილია, რომ ის გოგონა მე ვიყო. 24 სიმპათიურ ბიჭს, თუ არ ვცდები, რუსეთსა და უკრაინაში აარჩევენ. გადაღებები უცხოეთში იქნება.
– დათანხმდით?
– გადაწყვეტილება არ მიმიღია. საინტერესო შემოთავაზებაა, მაგრამ მაინც დასაფიქრებელია. წინასწარ ვხვდები, რასაც მივწერ, თუმცა მაინც ვფიქრობ...
– უარს იტყვით?
– ალბათ უფრო უარს ვიტყვი. პირველ რიგში, ამ ყველაფერს დრო უნდა, გადაღებები ზაფხულში დაიწყება და შემოდგომაზე ეთერში გავა. თან არ ვიცი, ჩემი ოჯახის წევრები ამ ახალ შემოთავაზებას როგორ მიიღებენ. პრინცს თბილისშიც მოვძებნით, არა? რაღა უკრაინაში ვეძებოთ?!
ეკა ლემონჯავა, ჟურნალი სარკე
მის ცხოვრებაში ახლაც არის სიახლეები, რაზეც თავად გვიამბობს. "სარკე" ჯანეტს პეტერბურგში დაუკავშირდა, სადაც მშობლებთან ერთად იმყოფება.
– ჯანეტ, მკურნალობა გაგიგრძელდათ, ახლა როგორ გრძნობთ თავს?
– ახლა კარგად ვარ. ჯანმრთელობის მდგომარეობის გაუარესების გამო ჯერ უკრაინაში ვიყავი, შემდეგ ევროპაში წავედი. ჩეხეთში, კარლოვი ვარიში სამკურნალო წყალს ვსვამდი, რომ ორგანიზმი გაწმენდილიყო. მოკლედ, მკურნალობის სრული კურსი ჩავიტარე. ამის შემდეგ უკვე საქართველოში დაბრუნებაც შემეძლო, მაგრამ პეტერბურგში, მამაჩემთან ჩამოვედი და მე და დედა მას ველოდებით, რომ საქართველოში ყველა ერთად დავბრუნდეთ. ერთი სული მაქვს, მანდ როდის ჩამოვალ. დაახლოებით ერთ თვეში უკვე თბილისში ვიქნებით.
ფიზიკურადაც კარგად ვარ და ფსიქოლოგიურადაც. ამაში კი ჩემი მეგობრები, ახლობლები და ვირტუალური მეგობრებიც ძალიან დამეხმარნენ. ინტერნეტის საშუალებით თბილ წერილებს ვიღებდი, რაც ძალიან მამხნევებდა. ჩემთვის საქართველოსთან მოწყვეტა ძალიან რთული აღმოჩნდა. ბევრი სიახლე მქონდა, კონკურსისთვის ვეზადებოდი, "იმედის" არხზე წამყვანი ვიყავი, ცხოვრების აქტიურ რეჟიმს ვიყავი მიჩვეული და მოულოდნელად აქ აღმოვჩნდი. თბილისური სითბო, კომფორტი მომაკლდა. აქ წუწუნა ბავშვივით ვიქცეოდი, მაგრამ ჩემს ახირებებს დედაც და მამაც მოთმინებით იტანდნენ. სირთულეები ჩემი მშობლების სიყვარულმა და ხალხის სითბომ გადამატანინა.
– მშობლები თქვენ გამო არიან პეტერბურგში?
– მე პეტერბურგში დავიბადე, მამაჩემს აქ ბიზნესი აქვს. დედა კი მე ჩამომყვა. ჩემი ძმა თბილისში მარტოა.
– დრო როგორ გაგყავთ, რითი ხართ დაკავებული?
– თითქმის ყველა ჩემი ახლობელი – დეიდები, ბიძები აქ ცხოვრობენ, ამიტომ აქ ყოფნა არ მიჭირს, მათთან სტუმრად დავდივარ. ნელ–ნელა ფორმაშიც ვდგები, აქამდე ფიზიკური დატვირთვა არ შეიძლებოდა. ისეთ წამლებს ვსვამდი, რომლებსაც ძლიერი კვება სჭირდებოდა, ამიტომ ვარჯიში არ შეიძლებოდა. ახლა ფიზიკურადაც ვიტვირთები, სწორად ვიკვებები, ველოსიპედით, გორგოლაჭებით დავდივარ, ხშირად ქალაქგარეთაც გავდივარ, რაღაცეებს ვკითხულობ, რაც მაინტერესებს და რისთვისაც ადრე დრო არ მქონდა. მოკლედ, ვისვენებ და თბილისისთვის ძალებს ვიკრებ.
– თბილისში ჩამოსვლის შემდეგ რა გეგმების განხორციელებას შეუდგებით, რას აპირებთ?
– თავს შევიკავებ და აღარ ვიტყვი. აქამდეც ყველაფერი დაგეგმილი მქონდა, კონკურსზეც მივდიოდი და უეცრად ასეთი რაღაც დამატყდა თავს. ამიტომაც ჯობს, ჯერ მოხდეს რაღაც და მერე ვილაპარაკო.
– ერთ–ერთმა უცხოურმა ვებგვერდმა მსოფლიოს ყველაზე ლამაზი ქალების სიაში ჩაგწერათ. მართალია, ეს 2013 წლის რეიტინგია, მაგრამ ამის შესახებ ახლა გახდა ცნობილი. თქვენ იცოდით?
– არა, მეც ახლახან გავიგე და ამ ფაქტით, ცოტა არ იყოს, შოკირებული დავრჩი. ამ რეიტინგის შესახებ არც ვიცოდი და არც ველოდი, უფრო მეტიც, არც მეგონა, რომ ქართველს იქ მოხვედრა შეეძლო. რაც უნდა კარგი გოგო იყო, პატარა ქვეყნებს დიდად არც აკვირდებიან და არც სწყალობენ. ამ ამბავმა ძალიან გამახარა, ვამაყობ, რომ ეს შევძელი.
– როგორ გაიგეთ ამის შესახებ?
– მეგობრებმა მითხრეს, ერთ–ერთ საიტზე დევს ეს ინფორმაციაო და იქ ვნახე. სხვათა შორის, ცოტა ხნის წინ საინტერესო შემოთავაზება მივიღე, რომელსაც პირველად "სარკეს" გავუმხელ – უკრაინული არხის, "ესტებე"–ს კასტინგის მენეჯერი დამიკავშირდა, რომელმაც მითხრა, რომ ახალ პროექტში "იშუ პრინცა" ("ვეძებ პრინცს") მიმეღო მონაწილეობა. ეს ცნობილი პროექტის "ხოლოსტიაკის" ("უცოლო") მსგავსია, სადაც ცნობილი ბიჭი თავისთვის საცოლეს ეძებს. მოკლედ, ამ პროექტის ავტორები ახალ გადაცემას "ვეძებ პრინცს" აკეთებენ. მთავარ როლში გოგონა იქნება და მათი სურვილია, რომ ის გოგონა მე ვიყო. 24 სიმპათიურ ბიჭს, თუ არ ვცდები, რუსეთსა და უკრაინაში აარჩევენ. გადაღებები უცხოეთში იქნება.
– დათანხმდით?
– გადაწყვეტილება არ მიმიღია. საინტერესო შემოთავაზებაა, მაგრამ მაინც დასაფიქრებელია. წინასწარ ვხვდები, რასაც მივწერ, თუმცა მაინც ვფიქრობ...
– უარს იტყვით?
– ალბათ უფრო უარს ვიტყვი. პირველ რიგში, ამ ყველაფერს დრო უნდა, გადაღებები ზაფხულში დაიწყება და შემოდგომაზე ეთერში გავა. თან არ ვიცი, ჩემი ოჯახის წევრები ამ ახალ შემოთავაზებას როგორ მიიღებენ. პრინცს თბილისშიც მოვძებნით, არა? რაღა უკრაინაში ვეძებოთ?!
ეკა ლემონჯავა, ჟურნალი სარკე
