სოციალურ ქსელში ფეხმძიმე მაკა ძაგანიას პირველი ფოტო გავრცელდა

როგორც ჩვენი მკითხველისთვის ცნობილია, მსახიობი მაკა ძაგანია მსახიობ გია ცერცვაძეზე გათხოვებას და ფეხმძიმობას მალავდა. მაკას გათხოვების ამბავი სერიალ ''ჩემი ცოლის დაქალების'' გადამღები ჯგუფისთვისაც მოულოდნელობა იყო.

სცენარისტი ქეთი დევდარიანი სოციალურ ქსელში წერდა, თუ ვინმეს გათხოვება, ან დაფეხმძიმება გინდათ, ''ჩემი ცოლის დაქალებში'' მოდით, გათამაშებთო.

სოციალურ ქსელში გავრცელებულ ფეხმძიმე მაკა ძაგანიას ფოტოს ბევრი კომენტარი მოჰყვა. მაყურებლის უმრავლესობა სცენარისტს სთხოვს, მაკას გმირი პეტრესგან დაფეხმძიმდეს და თამაში გააგრძელოს. ბევრ მათგანს არ მოსწონს, რომ სერიალში ძველი მსახიობები აღარ თამაშობენ.

შეგახსენებთ, რომ სერიალი კატოს როლის შემსრულებელმა ლელა მებურიშვილმაც დატოვა ფეხმძიმობის გამო.

სერიალის გადამღები ჯგუფი ჯერჯერობით არ აკეთებს კომენტარს იქნება თუ არა მაკა ძაგანია ''ჩემი ცოლის დაქალების'' მომდევნო სეზონში.

სალომე დადიანი