რატომ არ იზრდის მკერდს მაკა შალიკაშვილი
1 705 ნახვა
გადაცემა ''1002 ღამის'' წამყვან მაკა შალიკაშვილს საზაფხულო თემაზე ვესაუბრეთ. მართალია, ჩვენს რესპონდენტს ზღვა არ უყვარს, მაგრამ შვილის – თინანოს, გამო აგვისტოში მაინც ბათუმში აპირებს წასვლას.
- მაკა, თბილისში ხარ, მაგრამ ძალიან კარგი ნამზეური გაქვს და კარგად გამოიყურები...
- თუ კარგად გამოვიყურები, ეს გენეტიკის დამსახურებაა. ვაღიარებ, რომ წელს პირველად შემეშინდა ასაკის და გადავწყვიტე, დავიწყო ვარჯიში. ამ ეტაპზე მზეზე წოლას ვარჩევ, შემდეგში კი ფიზიკურ დატვირთვაზე გადავალ, ვიმედოვნებ, სხეულის მოვლის კულტურა დაინერგება ჩემში. აუზზე დავდივარ, თან ვერთობი და თან ვირუჯები, ისედაც მუქი ფერის კანი მაქვს და ადვილად ვიღებ ნამზეურს, სულ რაღაც 3-4 დღეში შემიძლია, ასეთი ფერი გავხდე.
- გარუჯვის შენეული ხერხები გაქვს?
- არა, არაფერს ვისვამ, კარგად გასარუჯად წყალი და მზეც საკმარისია ჩემთვის. შესაბამისად, არასდროს დავმწვარვარ, პლაჟზე არ დამძინებია და ა.შ. საერთოდ, მზე ძალიან მიყვარს, არ მაწუხებს მზის ქვეშ ყოფნა, მოკლედ, შეიძლება ითქვას, რომ მე და მზეს დიდი სიყვარული გვაქვს.
- კანს თუ უვლი განსაკუთრებულად?
- პრობლემური კანი არ მაქვს, ალბათ ამიტომ კოსმეტოლოგთან არ ვყოფილვარ, ცოტა ხნის წინ მინდოდა მისვლა, მაგრამ მითხრა, ნარუჯი გადაგივაო და ამიტომ თავი შევიკავე. შევამჩნიე, რომ მიმიკური ნაოჭები გამიჩნდა და მირჩევენ, ბოტოქსი გავიკეთო, მაგრამ არ მომწონს ეს ბოტოქსი, მგონია, მერე ვეღარ დავიმორჩილებ საკუთარ ემოციას, შუბლის შეჭმუხნვა რომ დამჭირდება, ვერ შევჭმუხნი და ა.შ. არასდროს მიმიმართავს კანის გაახალგაზრდავების ამ ხერხისთვის და არც ვაპირებ, ტუჩიდანაც გელი უკან ამოვიღე, უკვე ტუჩიც ბუნებრივი მაქვს, ესეც მომწონს. მკერდსაც არ ვიზრდი, რადგან მაკმაყოფილებს ის, რაც მაქვს, მოკლედ, ბუნებრიობას ვანიჭებ უპირატესობას.
- ტუჩიდან გელი მხოლოდ იმიტომ ამოიღე, რომ აღარ გინდოდა, თუ პრობლემა შეგექმნა?
- არა, გელთან დაკავშირებული პრობლემაც იყო და ამოღება ვარჩიე.
- ზაფხულის გატარებას სად აპირებ?
- ივლისის ბოლომდე ვმუშაობ და შემდეგ წავალ ბათუმში ჩემს მეგობარ თამარ პოპიაშვილთან, ჩემს საყვარელ თინანოსთან ერთად. ბავშვს უხარია ზღვაზე ყოფნა, თორემ მე დიდ სიამოვნებას ვერ ვიღებ. ხომ იცი, არიან ტიპები, რომლებიც თუ ზღვაზე არ მიდიან, იმ ზაფხულს ზაფხულად არ მიიჩნევენ, არადა, რეალურად იქ ვერ ისვენებენ. ხან წვიმიანი ამინდებია და მერე იმ დახარჯულ ფულს მისტირიან, მაგრამ მე ასე არ ვარ... რამდენჯერაც მოდას ავყევი და ბათუმში წავედი, კმაყოფილი ვერ დავბრუნდი.
საერთოდ, ზღვა არ მიყვარს, სივრცის მეშინია და ზღვაში ვერ ვცურავ, აუზში კი ამის პრობლემა არ მაქვს. გარდა ამისა, მეშინია მიკრობების და ეს შიში იმდენად ძლიერია, რომ მართლა მემართება რაღაც დაავადებები. იმდენი ფულიც არ მაქვს, რომ წავიდე, სასტუმროში ვიცხოვრო, აუზში ვიცურაო და იმის იქით არ გავიდე. ასე თუ უნდა ვიყო, რა მნიშვნელობა აქვს, სად ვიქნები, თბილისში რომელიმე აუზზე, თუ ბათუმში?! ამ ვითარებაში აქაც მშვენივრად ვგრძნობ თავს.
- განსაკუთრებულად რომელი ზაფხული გახსენდება?
- გამორჩეული იყო თიკო კორძაძესთან, მაია დობორჯგინიძესა და ჩემს უსაყვარლეს ადამიანებთან ერთად გატარებული ზაფხული მაიას აგარაკზე კოტორაანთკარში. დღემდე მახსოვს ის საწოლი, იმ სახლის სუნი, იქ გატარებული ყოველი დღე და გათენებული ღამეები, სულ არ გვინდოდა ზღვაზე წასვლა. იმედია, კიდევ ერთხელ მოვიწყობთ ახალგაზრდობას და ცხოვრება ისევ შეგვაერთებს მე, მაიასა და თიკოს. ცხოვრების წესმა ცოტა დაგვაშორა ერთმანეთს, რადგან სხვადასხვა თეატრში მოვხვდით, შვილები გვყავს და შედარებით ნაკლები დრო გვაქვს.
- შენს გარდერობში სტილის ცვლილება იგრძნობა, თითქოს უფრო ქალური გახდი...
- მოგეხსენება, იგოეთში გავიზარდე, მაგრამ ბავშვობიდან ძალიან განსხვავებულად ვიცვამდი, მამა ფულს რომ მჩუქნიდა, სპეციალურად საყიდლებისთვის ბებიას გორში დავყავდი, მერე კი, როცა დამოუკიდებელი გავხდი, თბილისში მოვდიოდი და იმ პერიოდისთვის საკმაოდ ძვირს ვაძლევდი. დღემდე ქართულ ბაზარზე ვიმოსები, ინტერნეტით გამოწერის ნერვები არ მაქვს, რაღაც რომ მომწონს, ვერ დაველოდები იმის ჩამოსვლას რამდენიმე კვირა, პირდაპირ ვყიდულობ. ძალიან დიდი მადლობა იმ მაღაზიის მეპატრონეებს, რომლებიც მანებივრებენ, მაცდიან თანხის გადახდას, მჩუქნიან და ა.შ.
ზოგადად, ტანსაცმელში ფული არ მენანება, იაფიანი სამოსიც მაქვს. ძალიან მაგრად მიყვარს ჩაცმა, შეიძლება, მშიერი დავრჩე, მაგრამ ტანსაცმელი ვიყიდო. დღეს ხშირად ამბობენ, გოგონები ერთ ყალიბში ჩამოსხმულებს ჰგვანან და ერთნაირად აცვიათო, მაგრამ მე რაც მაცვია, მგონია, რომ ჩემთვის ორგანულია. მძულს ქუსლიანი ფეხსაცმელი, დისკომფორტს განვიცდი და ტვირთად მაწევს, ცხოვრებაში იმდენი ტვირთი მაქვს, ამას ვეღარ მოვაკვლევინებ თავს. მესმის და ვეთანხმები, რომ ქუსლიანი ფეხსაცმელი ქალურობას მატებს, მაგრამ მე არ შემიძლია, ეთერში დამჯდარი ვიცვამ ამ ტიპის ფეხსაცმელს, შემდეგ ვიხდი, გვერდით ვალაგებ და ისე ვდგები, ანუ ამით არ დავდივარ.
- მაკა, პირად ცხოვრებაში არ არის სიახლე?
- არა, ისეთ კაცებთან მაქვს ურთიერთობა, რომლებიც ზედმეტს ვერაფერს მიბედავენ, გარდა ამისა, იმდენად მეგობრული დამოკიდებულება მაქვს მათთან, რომ წესიერად იქცევიან და მეგობრულ ურთიერთობას არ ვაფუჭებთ სისულელეებით. თან ცდილობენ, არ მაფიქრებინონ, რომ ყველა კაცი ერთნაირია, საკუთარ ტყავს უფრთხილდებიან. მოკლედ, ჭკვიან კაცებთან ვურთიერთობ.
- შენმა ყოფილმა მეუღლემ ცოლი მოიყვანა, იცნობ მას?
- არა, არ ვიცნობ. თინანო იცნობს და მას ძალიან უყვარს.
- როცა მუშაობ, ბავშვი დედამთილთან რჩება?
- კი, ასეა, მეხმარებიან.
- ისიც არ იცი, ვინაა რატის მეუღლე, რას საქმიანობს და რამდენი წლისაა?
- მგონი, მსახიობია, ზუსტად არ ვიცი.
ჟურნალი ''რეიტინგი''
ციცი ომანიძე
- მაკა, თბილისში ხარ, მაგრამ ძალიან კარგი ნამზეური გაქვს და კარგად გამოიყურები...
- თუ კარგად გამოვიყურები, ეს გენეტიკის დამსახურებაა. ვაღიარებ, რომ წელს პირველად შემეშინდა ასაკის და გადავწყვიტე, დავიწყო ვარჯიში. ამ ეტაპზე მზეზე წოლას ვარჩევ, შემდეგში კი ფიზიკურ დატვირთვაზე გადავალ, ვიმედოვნებ, სხეულის მოვლის კულტურა დაინერგება ჩემში. აუზზე დავდივარ, თან ვერთობი და თან ვირუჯები, ისედაც მუქი ფერის კანი მაქვს და ადვილად ვიღებ ნამზეურს, სულ რაღაც 3-4 დღეში შემიძლია, ასეთი ფერი გავხდე.
- გარუჯვის შენეული ხერხები გაქვს?
- არა, არაფერს ვისვამ, კარგად გასარუჯად წყალი და მზეც საკმარისია ჩემთვის. შესაბამისად, არასდროს დავმწვარვარ, პლაჟზე არ დამძინებია და ა.შ. საერთოდ, მზე ძალიან მიყვარს, არ მაწუხებს მზის ქვეშ ყოფნა, მოკლედ, შეიძლება ითქვას, რომ მე და მზეს დიდი სიყვარული გვაქვს.
- კანს თუ უვლი განსაკუთრებულად?
- პრობლემური კანი არ მაქვს, ალბათ ამიტომ კოსმეტოლოგთან არ ვყოფილვარ, ცოტა ხნის წინ მინდოდა მისვლა, მაგრამ მითხრა, ნარუჯი გადაგივაო და ამიტომ თავი შევიკავე. შევამჩნიე, რომ მიმიკური ნაოჭები გამიჩნდა და მირჩევენ, ბოტოქსი გავიკეთო, მაგრამ არ მომწონს ეს ბოტოქსი, მგონია, მერე ვეღარ დავიმორჩილებ საკუთარ ემოციას, შუბლის შეჭმუხნვა რომ დამჭირდება, ვერ შევჭმუხნი და ა.შ. არასდროს მიმიმართავს კანის გაახალგაზრდავების ამ ხერხისთვის და არც ვაპირებ, ტუჩიდანაც გელი უკან ამოვიღე, უკვე ტუჩიც ბუნებრივი მაქვს, ესეც მომწონს. მკერდსაც არ ვიზრდი, რადგან მაკმაყოფილებს ის, რაც მაქვს, მოკლედ, ბუნებრიობას ვანიჭებ უპირატესობას.
- ტუჩიდან გელი მხოლოდ იმიტომ ამოიღე, რომ აღარ გინდოდა, თუ პრობლემა შეგექმნა?
- არა, გელთან დაკავშირებული პრობლემაც იყო და ამოღება ვარჩიე.
- ზაფხულის გატარებას სად აპირებ?
- ივლისის ბოლომდე ვმუშაობ და შემდეგ წავალ ბათუმში ჩემს მეგობარ თამარ პოპიაშვილთან, ჩემს საყვარელ თინანოსთან ერთად. ბავშვს უხარია ზღვაზე ყოფნა, თორემ მე დიდ სიამოვნებას ვერ ვიღებ. ხომ იცი, არიან ტიპები, რომლებიც თუ ზღვაზე არ მიდიან, იმ ზაფხულს ზაფხულად არ მიიჩნევენ, არადა, რეალურად იქ ვერ ისვენებენ. ხან წვიმიანი ამინდებია და მერე იმ დახარჯულ ფულს მისტირიან, მაგრამ მე ასე არ ვარ... რამდენჯერაც მოდას ავყევი და ბათუმში წავედი, კმაყოფილი ვერ დავბრუნდი.
საერთოდ, ზღვა არ მიყვარს, სივრცის მეშინია და ზღვაში ვერ ვცურავ, აუზში კი ამის პრობლემა არ მაქვს. გარდა ამისა, მეშინია მიკრობების და ეს შიში იმდენად ძლიერია, რომ მართლა მემართება რაღაც დაავადებები. იმდენი ფულიც არ მაქვს, რომ წავიდე, სასტუმროში ვიცხოვრო, აუზში ვიცურაო და იმის იქით არ გავიდე. ასე თუ უნდა ვიყო, რა მნიშვნელობა აქვს, სად ვიქნები, თბილისში რომელიმე აუზზე, თუ ბათუმში?! ამ ვითარებაში აქაც მშვენივრად ვგრძნობ თავს.
- განსაკუთრებულად რომელი ზაფხული გახსენდება?
- გამორჩეული იყო თიკო კორძაძესთან, მაია დობორჯგინიძესა და ჩემს უსაყვარლეს ადამიანებთან ერთად გატარებული ზაფხული მაიას აგარაკზე კოტორაანთკარში. დღემდე მახსოვს ის საწოლი, იმ სახლის სუნი, იქ გატარებული ყოველი დღე და გათენებული ღამეები, სულ არ გვინდოდა ზღვაზე წასვლა. იმედია, კიდევ ერთხელ მოვიწყობთ ახალგაზრდობას და ცხოვრება ისევ შეგვაერთებს მე, მაიასა და თიკოს. ცხოვრების წესმა ცოტა დაგვაშორა ერთმანეთს, რადგან სხვადასხვა თეატრში მოვხვდით, შვილები გვყავს და შედარებით ნაკლები დრო გვაქვს.
- შენს გარდერობში სტილის ცვლილება იგრძნობა, თითქოს უფრო ქალური გახდი...
- მოგეხსენება, იგოეთში გავიზარდე, მაგრამ ბავშვობიდან ძალიან განსხვავებულად ვიცვამდი, მამა ფულს რომ მჩუქნიდა, სპეციალურად საყიდლებისთვის ბებიას გორში დავყავდი, მერე კი, როცა დამოუკიდებელი გავხდი, თბილისში მოვდიოდი და იმ პერიოდისთვის საკმაოდ ძვირს ვაძლევდი. დღემდე ქართულ ბაზარზე ვიმოსები, ინტერნეტით გამოწერის ნერვები არ მაქვს, რაღაც რომ მომწონს, ვერ დაველოდები იმის ჩამოსვლას რამდენიმე კვირა, პირდაპირ ვყიდულობ. ძალიან დიდი მადლობა იმ მაღაზიის მეპატრონეებს, რომლებიც მანებივრებენ, მაცდიან თანხის გადახდას, მჩუქნიან და ა.შ.
ზოგადად, ტანსაცმელში ფული არ მენანება, იაფიანი სამოსიც მაქვს. ძალიან მაგრად მიყვარს ჩაცმა, შეიძლება, მშიერი დავრჩე, მაგრამ ტანსაცმელი ვიყიდო. დღეს ხშირად ამბობენ, გოგონები ერთ ყალიბში ჩამოსხმულებს ჰგვანან და ერთნაირად აცვიათო, მაგრამ მე რაც მაცვია, მგონია, რომ ჩემთვის ორგანულია. მძულს ქუსლიანი ფეხსაცმელი, დისკომფორტს განვიცდი და ტვირთად მაწევს, ცხოვრებაში იმდენი ტვირთი მაქვს, ამას ვეღარ მოვაკვლევინებ თავს. მესმის და ვეთანხმები, რომ ქუსლიანი ფეხსაცმელი ქალურობას მატებს, მაგრამ მე არ შემიძლია, ეთერში დამჯდარი ვიცვამ ამ ტიპის ფეხსაცმელს, შემდეგ ვიხდი, გვერდით ვალაგებ და ისე ვდგები, ანუ ამით არ დავდივარ.
- მაკა, პირად ცხოვრებაში არ არის სიახლე?
- არა, ისეთ კაცებთან მაქვს ურთიერთობა, რომლებიც ზედმეტს ვერაფერს მიბედავენ, გარდა ამისა, იმდენად მეგობრული დამოკიდებულება მაქვს მათთან, რომ წესიერად იქცევიან და მეგობრულ ურთიერთობას არ ვაფუჭებთ სისულელეებით. თან ცდილობენ, არ მაფიქრებინონ, რომ ყველა კაცი ერთნაირია, საკუთარ ტყავს უფრთხილდებიან. მოკლედ, ჭკვიან კაცებთან ვურთიერთობ.
- შენმა ყოფილმა მეუღლემ ცოლი მოიყვანა, იცნობ მას?
- არა, არ ვიცნობ. თინანო იცნობს და მას ძალიან უყვარს.
- როცა მუშაობ, ბავშვი დედამთილთან რჩება?
- კი, ასეა, მეხმარებიან.
- ისიც არ იცი, ვინაა რატის მეუღლე, რას საქმიანობს და რამდენი წლისაა?
- მგონი, მსახიობია, ზუსტად არ ვიცი.
ჟურნალი ''რეიტინგი''
ციცი ომანიძე
