მზია ორველაშვილი: "ლევან ჩიჩუა ჩემს სიურპრიზს "სარკიდან" გაიგებს!"
2 361 ნახვა
მოცეკვავე მზია ორველაშვილს პროექტმა "ცეკვავენ ვარსკვლავები" ჯერ ქმარი აპოვნინა, მერე კი მანქანა. ეს უკანასკნელი ბოლო სეზონზე თავისი მეწყვილისგან, მუსიკოს ლევან ჩიჩუასგან, იგივე თიელისგან, საჩუქრად მიიღო, როცა მათი წყვილი მეორე ადგილზე გავიდა. მზიასთვის ეს ჟესტი იმდენად მოულოდნელი იყო, რომ მაყურებელი ტელეეკრანზე მის შოკირებულ სახეს კარგახანს ხედავდა.
პროექტი დასრულდა და მზია ორველაშვილმა საკონკურსო თუ პირად ცხოვრებაზე სასაუბროდ "სარკის" მკითხველისთვის მოიცალა. მოცეკვავემ სწორედ ჩვენს ჟურნალს გაუმხილა, რომ თავის მეწყვილეს ისიც უმზადებს სიურპრიზს.
– მზია, პირველ რიგში, გილოცავთ მანქანას! ელოდით, რომ თქვენი მეწყვილე, ლევან ჩიჩუა, რაიმე სიურპრიზს გაგიკეთებდათ?
– არა, ჩემთვის ეს ძალიან მოულოდნელი იყო. დღემდე არ მჯერა, რომ ლევანმა ასეთი სიურპრიზი გამიკეთა.
– წინასწარ არაფერი უკითხავს, მაგალითად, გინდოდათ თუ არა, რომ მანქანა გყოლოდათ?
– საერთოდ არაფერი უთქვამს. ერთადერთხელ მკითხა, მანქანის ტარება თუ იციო. ხშირად ვსაუბრობდით სხვადასხვა თემებზე, მათ შორის – ავტომობილებზეც, რადგან ორივეს ძალიან გვიყვარს. საერთოდ ვერ მივხვდი, ასეთ საჩუქარს თუ გამიკეთებდა.
– მართლაცდა, იცით მანქანის მართვა?
– ავტომობილის მართვა ვიცოდი, მაგრამ მართვის მოწმობა არასოდეს მქონია. ჯერჯერობით ჩემი მანქანით არ დავდივარ. რამდენიმეჯერ მოსკოვის გამზირზე ჩავედი, ძალიან პატარა ტერიტორიაზე. ამ თვეში ჩავაბარებ გამოცდებს და კანონიერი მძღოლი გავხდები. აქამდე სულ მეზარებოდა, მაგრამ ახლა მინდა, რაც შეიძლება სწრაფად ავიღო.
– პროექტის ამ სეზონზე განსაკუთრებულად გაგიმართლათ, არა? ფინალში გახვედით და ასეთი საჩუქარიც მიიღეთ .
– კი, ასეა. თავიდანვე ვამბობდი, რომ პროექტით კმაყოფილი ვიყავი. კარგი ხალხი მონაწილეობდა, ყველაფერი კარგად იყო ორგანიზებული.
– თუ კიდევ შემოგთავაზებენ მონაწილეობას, დათანხმდებით?
– კი. რაც მთავარია, ჩემი ქმარი იმუშავებს პროექტზე, მე კი მის გარეშე ვერ ვძლებ (უკრაინელი ქორეოგრაფი საშა ოხრიმენკო მზიამ პროექტში მონაწილეობისას გაიცნო და ცოლად გაჰყვა. ავტ.), რეპეტიციებზე მაინც ვნახულობ ხოლმე.
– თქვენ და თიელს რამდენიმე თვე ყოველდღე ერთად გიწევდათ ყოფნა, პროექტის შემდეგაც აგრძელებთ ურთიერთობას?
– ძალიან დავუახლოვდით ერთმანეთს, და–ძმასავით ვართ. ის ჩემი ოჯახის წევრივით მივიღე. მასთან დაკავშირებით რაღაც–რაღაცეებსაც ვგეგმავ. მინდა, მისი დანათესავება, რომ ჩემი შვილის ნათლია გახდეს. ლევანმა ეს ჯერ არ იცის და "სარკიდან" გაიგებს.
იმდენად კარგი ადამიანია, რომ ძმასავით შემიყვარდა. მინდა, მის მშობლებს დიდი მადლობა ვუთხრა, რომ ასეთი კარგი შვილი გაზარდეს. ლევანმა ჩემი საიდუმლოებები იცის. პრინციპში, ერთადერთი ადამიანია, ვისთანაც ასე ვმეგობრობ. ბავშვობაში, ასე 14 წლამდე, ერთი საუკეთესო მეგობარი მყავდა, შემდეგ რაღაც მიზეზების გამო მას ვეჩხუბე და დავშორდით. ახლა კი ერთადერთი ლევანია, ვისაც დავუმეგობრდი.
– პროექტში პროფესიონალი მოცეკვავეების შრომა ნაკლებად ფასდებოდა, თითქოსდა იჩაგრებოდნენ, პრიზების გარეშე რჩებოდნენ. ამჯერად თქვენ იყავით გამონაკლისი, თუმცა მეწყვილემ გაგიკეთათ საჩუქარი. თქვენი კოლეგები გულდაწყვეტილები ხომ არ არიან?
– მოცეკვავეებს ხელფასები გვაქვს, ისე არავინ გვამუშავებს, მაგრამ ყველა ვარსკვლავს შეუძლია მეწყვილეს თუნდაც რაღაც პატარა საჩუქარი გაუკეთოს და ისე გაახაროს, როგორც ჩემმა მეწყვილემ გამახარა. ყველაფერი ფინანსებთანაა დაკავშირებული, შეიძლება ორგანიზატორები ამდენს ვერ სწვდებიან. მე რომ ვყოფილიყავი ორგანიზატორი, შეიძლებოდა მეც ვერ დამეხარჯა ამდენი ფული. არ ვიცი, როგორ უნდა მოხდეს ამ ყველაფრის გადანაწილება, რომ გული არავის დასწყდეს. ბევრი საჩუქარი უკეთესია, მაგრამ... ზოგი ძალიან ბევრს შრომობს, მაგრამ საბოლოოდ ყველაფრის გარეშე რჩება.
– თქვენი ქმარი, საშა ოხრიმენკო, კმაყოფილია სამუშაო პირობებით, "ვარსკვლავებისგან" პრეტენზიების მოსმენა არ უწევს?
– ჩემი მეუღლე ისეთი ადამიანია, რომ შეუძლია ნებისმიერ პირობებში იმუშაოს. თავისი სამსახურით კმაყოფილია. ყველა ვარსკვლავთან, ვისთანაც კი უმუშავია, ძალიან კარგი ურთიერთობა აქვს. მე არც მეუბნება, შიგნით რა ხდება. როგორც ამბობს, მოსწონს აქ მუშაობა და, თუ კიდევ შესთავაზებენ, დათანხმდება.
– ცოლისგან უფრო მეტს მოითხოვს, ვიდრე სხვებისგან თუ პირიქით, ნაკლებს?
– ვერ ვიტყვი, რომ ვინმეს ზედმეტ ყურადღებას აქცევდა ან ნაკლებს. ერთხელ ვუსაყვედურე, მე ისე არ მაქცევ ყურადღებას, როგორც სხვებს–მეთქი, მაგრამ იმასაც ვხვდებოდი, ჩემთვის რომ ზედმეტად დაეთმო დრო, დანარჩენები დაიჩაგრებოდნენ და ეს არასწორი იქნებოდა. შეიძლება გულში კი უნდოდა, რომ მე ძალიან კარგად მეცეკვა, მაგრამ ვერ ვიტყვი, რომ ამისთვის განსაკუთრებულად მეხმარებოდა.
– პროექტის შემდეგ როგორია თქვენი გეგმები?
– ახლა ბათუმში ვისვენებთ, მერე უკრაინაში მივდივართ და შემდეგ კიდევ გვინდა სადმე წასვლა, ოღონდ ჯერ ვერ გადავწყვიტეთ, სად გავემგზავრებით. ამ ზაფხულს ხელი უნდა მოვაწეროთ და ჯერ ზუსტად არ ვიცით, რა და როგორ იქნება.
– საქორწინო ცერემონიალს საქართველოში გეგმავთ?
– ხელისმოწერას აგვისტოში ვგეგმავთ უკრაინაში, ჯვრისწერა კი საქართველოში გვექნება.
– პროექტის დასრულების შემდეგ ცოლ–ქმარს ალბათ უფრო მეტი დრო გაქვთ ერთმანეთისთვის.
– მე და საშა ერთმანეთს ვეღარ ვშორდებით. ისე ვართ ჩახუტებულები, დედაჩემი გვეუბნება, კარგი, გეყოფათ, რა იყოო. პროექტში ერთმა გოგომ მითხრა, გავიგე, რომ შენი მომავალი ქმარია, მაგრამ ერთმანეთთან ერთხელაც არ მისულხართ, ნუთუ ერთიმეორე არ გენატრებათო. ვუთხარი, კი, მენატრება, მაგრამ მუშაობაში ხელს ვერ შევუშლი–მეთქი. ახლა ერთმანეთისთვის მეტი დრო გვაქვს.
ქეთი დინოშვილი, ჟურნალი სარკე
პროექტი დასრულდა და მზია ორველაშვილმა საკონკურსო თუ პირად ცხოვრებაზე სასაუბროდ "სარკის" მკითხველისთვის მოიცალა. მოცეკვავემ სწორედ ჩვენს ჟურნალს გაუმხილა, რომ თავის მეწყვილეს ისიც უმზადებს სიურპრიზს.
– მზია, პირველ რიგში, გილოცავთ მანქანას! ელოდით, რომ თქვენი მეწყვილე, ლევან ჩიჩუა, რაიმე სიურპრიზს გაგიკეთებდათ?
– არა, ჩემთვის ეს ძალიან მოულოდნელი იყო. დღემდე არ მჯერა, რომ ლევანმა ასეთი სიურპრიზი გამიკეთა.
– წინასწარ არაფერი უკითხავს, მაგალითად, გინდოდათ თუ არა, რომ მანქანა გყოლოდათ?
– საერთოდ არაფერი უთქვამს. ერთადერთხელ მკითხა, მანქანის ტარება თუ იციო. ხშირად ვსაუბრობდით სხვადასხვა თემებზე, მათ შორის – ავტომობილებზეც, რადგან ორივეს ძალიან გვიყვარს. საერთოდ ვერ მივხვდი, ასეთ საჩუქარს თუ გამიკეთებდა.
– მართლაცდა, იცით მანქანის მართვა?
– ავტომობილის მართვა ვიცოდი, მაგრამ მართვის მოწმობა არასოდეს მქონია. ჯერჯერობით ჩემი მანქანით არ დავდივარ. რამდენიმეჯერ მოსკოვის გამზირზე ჩავედი, ძალიან პატარა ტერიტორიაზე. ამ თვეში ჩავაბარებ გამოცდებს და კანონიერი მძღოლი გავხდები. აქამდე სულ მეზარებოდა, მაგრამ ახლა მინდა, რაც შეიძლება სწრაფად ავიღო.
– პროექტის ამ სეზონზე განსაკუთრებულად გაგიმართლათ, არა? ფინალში გახვედით და ასეთი საჩუქარიც მიიღეთ .
– კი, ასეა. თავიდანვე ვამბობდი, რომ პროექტით კმაყოფილი ვიყავი. კარგი ხალხი მონაწილეობდა, ყველაფერი კარგად იყო ორგანიზებული.
– თუ კიდევ შემოგთავაზებენ მონაწილეობას, დათანხმდებით?
– კი. რაც მთავარია, ჩემი ქმარი იმუშავებს პროექტზე, მე კი მის გარეშე ვერ ვძლებ (უკრაინელი ქორეოგრაფი საშა ოხრიმენკო მზიამ პროექტში მონაწილეობისას გაიცნო და ცოლად გაჰყვა. ავტ.), რეპეტიციებზე მაინც ვნახულობ ხოლმე.
– თქვენ და თიელს რამდენიმე თვე ყოველდღე ერთად გიწევდათ ყოფნა, პროექტის შემდეგაც აგრძელებთ ურთიერთობას?
– ძალიან დავუახლოვდით ერთმანეთს, და–ძმასავით ვართ. ის ჩემი ოჯახის წევრივით მივიღე. მასთან დაკავშირებით რაღაც–რაღაცეებსაც ვგეგმავ. მინდა, მისი დანათესავება, რომ ჩემი შვილის ნათლია გახდეს. ლევანმა ეს ჯერ არ იცის და "სარკიდან" გაიგებს.
იმდენად კარგი ადამიანია, რომ ძმასავით შემიყვარდა. მინდა, მის მშობლებს დიდი მადლობა ვუთხრა, რომ ასეთი კარგი შვილი გაზარდეს. ლევანმა ჩემი საიდუმლოებები იცის. პრინციპში, ერთადერთი ადამიანია, ვისთანაც ასე ვმეგობრობ. ბავშვობაში, ასე 14 წლამდე, ერთი საუკეთესო მეგობარი მყავდა, შემდეგ რაღაც მიზეზების გამო მას ვეჩხუბე და დავშორდით. ახლა კი ერთადერთი ლევანია, ვისაც დავუმეგობრდი.
– პროექტში პროფესიონალი მოცეკვავეების შრომა ნაკლებად ფასდებოდა, თითქოსდა იჩაგრებოდნენ, პრიზების გარეშე რჩებოდნენ. ამჯერად თქვენ იყავით გამონაკლისი, თუმცა მეწყვილემ გაგიკეთათ საჩუქარი. თქვენი კოლეგები გულდაწყვეტილები ხომ არ არიან?
– მოცეკვავეებს ხელფასები გვაქვს, ისე არავინ გვამუშავებს, მაგრამ ყველა ვარსკვლავს შეუძლია მეწყვილეს თუნდაც რაღაც პატარა საჩუქარი გაუკეთოს და ისე გაახაროს, როგორც ჩემმა მეწყვილემ გამახარა. ყველაფერი ფინანსებთანაა დაკავშირებული, შეიძლება ორგანიზატორები ამდენს ვერ სწვდებიან. მე რომ ვყოფილიყავი ორგანიზატორი, შეიძლებოდა მეც ვერ დამეხარჯა ამდენი ფული. არ ვიცი, როგორ უნდა მოხდეს ამ ყველაფრის გადანაწილება, რომ გული არავის დასწყდეს. ბევრი საჩუქარი უკეთესია, მაგრამ... ზოგი ძალიან ბევრს შრომობს, მაგრამ საბოლოოდ ყველაფრის გარეშე რჩება.
– თქვენი ქმარი, საშა ოხრიმენკო, კმაყოფილია სამუშაო პირობებით, "ვარსკვლავებისგან" პრეტენზიების მოსმენა არ უწევს?
– ჩემი მეუღლე ისეთი ადამიანია, რომ შეუძლია ნებისმიერ პირობებში იმუშაოს. თავისი სამსახურით კმაყოფილია. ყველა ვარსკვლავთან, ვისთანაც კი უმუშავია, ძალიან კარგი ურთიერთობა აქვს. მე არც მეუბნება, შიგნით რა ხდება. როგორც ამბობს, მოსწონს აქ მუშაობა და, თუ კიდევ შესთავაზებენ, დათანხმდება.
– ცოლისგან უფრო მეტს მოითხოვს, ვიდრე სხვებისგან თუ პირიქით, ნაკლებს?
– ვერ ვიტყვი, რომ ვინმეს ზედმეტ ყურადღებას აქცევდა ან ნაკლებს. ერთხელ ვუსაყვედურე, მე ისე არ მაქცევ ყურადღებას, როგორც სხვებს–მეთქი, მაგრამ იმასაც ვხვდებოდი, ჩემთვის რომ ზედმეტად დაეთმო დრო, დანარჩენები დაიჩაგრებოდნენ და ეს არასწორი იქნებოდა. შეიძლება გულში კი უნდოდა, რომ მე ძალიან კარგად მეცეკვა, მაგრამ ვერ ვიტყვი, რომ ამისთვის განსაკუთრებულად მეხმარებოდა.
– პროექტის შემდეგ როგორია თქვენი გეგმები?
– ახლა ბათუმში ვისვენებთ, მერე უკრაინაში მივდივართ და შემდეგ კიდევ გვინდა სადმე წასვლა, ოღონდ ჯერ ვერ გადავწყვიტეთ, სად გავემგზავრებით. ამ ზაფხულს ხელი უნდა მოვაწეროთ და ჯერ ზუსტად არ ვიცით, რა და როგორ იქნება.
– საქორწინო ცერემონიალს საქართველოში გეგმავთ?
– ხელისმოწერას აგვისტოში ვგეგმავთ უკრაინაში, ჯვრისწერა კი საქართველოში გვექნება.
– პროექტის დასრულების შემდეგ ცოლ–ქმარს ალბათ უფრო მეტი დრო გაქვთ ერთმანეთისთვის.
– მე და საშა ერთმანეთს ვეღარ ვშორდებით. ისე ვართ ჩახუტებულები, დედაჩემი გვეუბნება, კარგი, გეყოფათ, რა იყოო. პროექტში ერთმა გოგომ მითხრა, გავიგე, რომ შენი მომავალი ქმარია, მაგრამ ერთმანეთთან ერთხელაც არ მისულხართ, ნუთუ ერთიმეორე არ გენატრებათო. ვუთხარი, კი, მენატრება, მაგრამ მუშაობაში ხელს ვერ შევუშლი–მეთქი. ახლა ერთმანეთისთვის მეტი დრო გვაქვს.
ქეთი დინოშვილი, ჟურნალი სარკე
