ზებრა - მარტივი, ორიგინალური და ძალიან გემრიელი რეცეპტი

მომზადება:

კარაქი ერთი საათით დატოვეთ ოთახის ტემპერატურაზე. შემდეგ დაუმატეთ შაქარი და მიქსერით კარგად ათქვიფეთ. მიღებულ მასას ჩაახალეთ კვერცხი და აურიეთ. შემდეგ დაუმატეთ არაჟანი და აურიეთ. ბოლოს შეურიეთ ფქვილი, ცომის გამაფხვიერებელი, სოდა და მიქსერით კიდევ ერთხელ ათქვიფეთ.

მიღებული ცომი გაყავით ორ ნაწილად. ერთი ნაწილი მეორეზე შედარებით ნაკლები დატოვეთ. მცირე ნაწილს დაუმატეთ კაკაო და გათქვიფეთ, სანამ ბოლომდე არ შეერევა. სპეციალურ ფორმას წაუსვით კარაქი და მოაყარეთ მცირეოდენი ფქვილი და მონაცვლეობით დაიწყეთ ცომის ჩასხმა.

თავიდან დაიწყეთ თეთრი ფერის ცომით. სამი კოვზის ჩასხმის შემდეგ დაასხით ორი კოვზი კაკაოსფერი ცომი და ასე ბოლომდე, სანამ ფორმა ბოლომდე არ შეივსება.

ფორმა შედგით 180 გრადუსზე გაცხელებულ ღუმელში და გააჩერეთ 30-40 წუთის განმავლობაში. ღუმლიდან გამოღების შემდეგ, სურვილის შემთხვევაში, მოასხით მინანქარი.